§57καταθέμενος δὲ ἡμᾶς ἐν Αἰγιαλοῖς, ὧν καὶ ὁ καλὸς Ὅμηρος μέμνηται, ὀπίσω ἀπήλαυνον.
그가 우리를 고운 호메로스도 언급한 아이기알로이에 내려준 뒤, 그들은 뱃머리를 돌려 돌아갔다.
ἔνθα ἐγὼ παραπλέοντας εὑρὼν Βοσποριανούς τινας, πρέσβεις παρʼ Εὐπάτορος τοῦ βασιλέως εἰς τὴν Βιθυνίαν ἀπιόντας ἐπὶ κομιδῇ τῆς ἐπετείου συντάξεως, καὶ διηγησάμενος αὐτοῖς τὸν περιστάντα ἡμᾶς κίνδυνον, καὶ δεξιῶν αὐτῶν τυχών, ἀναληφθεὶς ἐπὶ τὸ πλοῖον διασώζομαι εἰς τὴν Ἄμαστριν, παρὰ τοσοῦτον ἐλθὼν ἀποθανεῖν.
거기서 나는 에우파토르 왕이 보낸 사절로서 연례 공납금을 거두기 위해 비티니아로 가던 중 그곳을 지나던 보스포로스인들을 만나, 우리에게 닥쳤던 위험을 그들에게 설명하고 그들의 호의를 얻어 배에 태워짐으로써, 거의 죽을 뻔한 고비를 넘기고 아마스트리스로 무사히 대피했다.
τοὐντεῦθεν καὶ αὐτὸς ἐπεκορυσσόμην αὐτῷ καὶ πάντα κάλων ἐκίνουν ἀμύνασθαι βουλόμενος, καὶ πρὸ τῆς ἐπιβουλῆς ἤδη μισῶν αὐτὸν καὶ ἔχθιστον ἡγούμενος διὰ τὴν τοῦ τρόπου μιαρίαν, καὶ πρὸς τὴν κατηγορίαν ὡρμήμην πολλοὺς συναγωνιστὰς ἔχων καὶ μάλιστα τοὺς ἀπὸ Τιμοκράτους τοῦ Ἡρακλεώτου φιλοσόφου·
그때부터 나 역시 그에게 맞서 만반의 준비를 갖추고 복수하고자 모든 수단을 동원했다. 그리고 그 음모 이전부터 이미 그의 비열한 성품 때문에 그를 미워하고 철천지원수로 여기고 있었기에, 많은 동지들, 특히 헤라클레아의 철학자 티모크라테스 일파의 사람들을 거느리고 고발에 나서고자 했다.
ἀλλʼ ὁ τότε ἡγούμενος Βιθυνίας καὶ τοῦ Πόντου Αὔειτος ἐπέσχε, μονονουχὶ ἱκετεύων καὶ ἀντιβολῶν παύσασθαι·
그러나 당시 비티니아와 폰토스의 총독이었던 아비투스가 내게 그만두라고 거의 간청하고 애원하다시피 하며 나를 말렸다.
διὰ γὰρ τὴν πρὸς Ῥουτιλιανὸν εὔνοιαν μὴ ἂν δύνασθαι, καὶ εἰ φανερῶς λάβοι ἀδικοῦντα, κολάσαι αὐτόν.
왜냐하면 루틸리아누스에 대한 호의 때문에, 설령 명백히 아렉산드로스가 부정을 저지르는 것을 잡는다 하더라도 그를 처벌할 수 없을 것이라 말했기 때문이다.
οὕτω μὲν ἀνεκόπην τῆς ὁρμῆς καὶ ἐπαυσάμην οὐκ ἐν δέοντι θρασυνόμενος ἐφʼ οὕτω δικαστοῦ διακειμένου.
그리하여 내 기세는 꺾였고, 재판관이 그러한 태도를 취하고 있는 상황에서 불필요하게 기세를 올리는 것을 그만두었다.
§58ἐκεῖνο δὲ πῶς οὐ μέγα ἐν τοῖς ἄλλοις τὸ τόλμημα τοῦ Ἀλεξάνδρου, τὸ αἰτῆσαι παρὰ τοῦ αὐτοκράτορος μετονομασθῆναι τὸ τοῦ Ἀβώνου τεῖχος καὶ Ἰωνόπολιν κληθῆναι, καὶ νόμισμα καινὸν κόψαι ἐγκεχαραγμένον τῇ μὲν τοῦ Γλύκωνος, κατὰ θάτερα δὲ Ἀλεξάνδρου, στέμματά τε τοῦ πάππου Ἀσκληπιοῦ καὶ τὴν ἅρπην ἐκείνην τοῦ πατρομήτορος Περσέως ἔχοντος;
그리고 아렉산드로스의 다른 대담한 행위들 중에서도, 황제에게 아보노스 테이코스의 이름을 바꾸어 이오노폴리스라 부르게 해달라고 청하고, 한편에는 글뤼콘의 형상을, 다른 편에는 조부 아스크레피오스의 왕관들과 외가 쪽 선조 페르세우스의 저 곡도를 든 아렉산드로스의 형상을 새긴 새 주화를 주조하게 한 일은 어찌 참으로 대담무쌍한 일이 아니겠는가?
§59προειπὼν δὲ διὰ χρησμοῦ περὶ αὑτοῦ ὅτι ζῆσαι εἵμαρται αὐτῷ ἔτη πεντήκοντα καὶ ἑκατόν, εἶτα κεραυνῷ βληθέντα ἀποθανεῖν, οἰκτίστῳ τέλει οὐδὲ ἑβδομήκοντα ἔτη γεγονὼς ἀπέθανεν, ὡς Ποδαλειρίου υἱὸς διασαπεὶς τὸν πόδα μέχρι τοῦ βουβῶνος καὶ σκωλήκων ζέσας·
그는 신탁을 통해 자신에 대해 백오십 세를 살 운명이며, 그 뒤에 벼락에 맞아 죽을 것이라고 예언했었음에도 불구하고, 포달레이리오스의 아들이라면서 발이 사타구니까지 썩어 들어가고 구더기가 끓는 가장 비참한 최후를 맞이하며 일흔 세도 되지 않아 죽었다.
ὅτεπερ καὶ ἐφωράθη φαλακρὸς ὤν, παρέχων τοῖς ἰατροῖς ἐπιβρέχειν αὐτοῦ τὴν κεφαλὴν διὰ τὴν ὀδύνην, ὃ οὐκ ἂν ποιῆσαι ἐδύναντο μὴ οὐχὶ τῆς φενάκης ἀφῃρημένης.
바로 그때 그가 대머리라는 사실이 들통났는데, 통증 때문에 의사들에게 자기 머리를 적시도록 허락했기 때문이며, 이는 가발이 벗겨지지 않았다면 의사들이 할 수 없었을 일이었다.
§60τοιοῦτο τέλος τῆς Ἀλεξάνδρου τραγῳδίας καὶ αὕτη τοῦ παντὸς δράματος ἡ καταστροφὴ ἐγένετο, ὡς εἰκάζειν προνοίας τινὸς τὸ τοιοῦτον, εἰ καὶ κατὰ τύχην συνέβη.
이것이 아렉산드로스 비극의 종말이었고 이 전체 연극의 대단원이었다. 비록 우연히 일어난 일이라 할지라도 그것은 어떤 섭리에 의한 것이라고 짐작할 수 있을 정도였다.
ἔδει δὲ καὶ τὸν ἐπιτάφιον αὐτοῦ ἄξιον γενέσθαι τοῦ βίου, καὶ ἀγῶνά τινα συστήσασθαι ὑπὲρ τοῦ χρηστηρίου, τῶν συνωμοτῶν ἐκείνων καὶ γοήτων, ὅσοι κορυφαῖοι ἦσαν, ἀνελθόντων ἐπὶ διαιτητὴν τὸν Ῥουτιλιανόν, τίνα χρὴ προκριθῆναι αὐτῶν καὶ διαδέξασθαι τὸ μαντεῖον καὶ στεφανωθῆναι τῷ ἱεροφαντικῷ καὶ προφητικῷ στέμματι.
또한 그의 추모사 역시 그의 삶에 걸맞은 것이어야 했고, 신탁소를 둘러싸고 일종의 쟁탈전이 벌어져야 했으니, 공모자들과 사기꾼들 중 우두머리였던 자들이 모두 중재인인 루틸리아누스에게 나아가, 자신들 중 누가 우선적으로 선택되어 신탁소를 계승하고 비의 전수자 및 예언자의 왕관을 써야 할지를 결정해 달라고 했다.
ἦν δὲ ἐν αὐτοῖς καὶ Παῖτος, ἰατρὸς τὴν τέχνην, πολιός τις, οὔτε ἰατρῷ πρέποντα οὔτε πολιῷ ἀνδρὶ ταῦτα ποιῶν.
그들 중에는 직업이 의사이고 백발이 성성한 파이토스라는 자도 있었는데, 의사에게도 백발의 노인에게도 어울리지 않는 짓을 하고 있었다.
ἀλλʼ ὁ ἀγωνοθέτης Ῥουτιλιανὸς ἀστεφανώτους αὐτοὺς ἀπέπεμψεν αὐτῷ τὴν προφητείαν φυλάττων μετὰ τὴν ἐντεῦθεν ἀπαλλαγήν.
그러나 경기 주관자인 루틸리아누스는 이승을 떠난 아렉산드로스를 위해 예언자 직위를 보존해 두겠다며 그들을 면류관도 씌우지 않은 채 돌려보냈다.
§61ταῦτα, ὦ φιλότης, ὀλίγα ἐκ πολλῶν δείγματος ἕνεκα γράψαι ἠξίωσα, καὶ σοὶ μὲν χαριζόμενος, ἀνδρὶ ἑταίρῳ καὶ φίλῳ καὶ ὃν ἐγὼ πάντων μάλιστα θαυμάσας ἔχω ἐπί τε σοφίᾳ καὶ τῷ πρὸς ἀλήθειαν ἔρωτι καὶ τρόπου πραότητι καὶ ἐπιεικείᾳ καὶ γαλήνῃ βίου καὶ δεξιότητι πρὸς τοὺς συνόντας, τὸ πλέον δέ, — ὅπερ καὶ σοὶ ἥδιον, — Ἐπικούρῳ τιμωρῶν, ἀνδρὶ ὡς ἀληθῶς ἱερῷ καὶ θεσπεσίῳ τὴν φύσιν καὶ μόνῳ μετʼ ἀληθείας τὰ καλὰ ἐγνωκότι καὶ παραδεδωκότι καὶ ἐλευθερωτῇ τῶν ὁμιλησάντων αὐτῷ γενομένῳ.
벗이여, 많은 일들 중에서 맛보기로 이 몇 가지만을 써 보내는 바이다. 한편으로는 그대, 곧 내가 지혜와 진리에 대한 사랑, 성품의 온화함과 관대함, 삶의 평온함, 그리고 함께하는 이들에 대한 다정함에 있어 모든 사람 중에서 가장 감탄해 마지않는 동료이자 친구를 기쁘게 하기 위함이다. 그러나 더 큰 이유는 ――그대에게도 이것이 더 기쁜 일이겠지만―― 진실로 그 본성이 신성하고도 신령한 사람으로서 오직 진리를 통해 선한 것을 깨닫고 전수했으며, 자신과 교제한 이들의 해방자가 되어 준 에피쿠로스를 옹호하기 위함이다.
οἶμαι δὲ ὅτι καὶ τοῖς ἐντυχοῦσι χρήσιμόν τι ἔχειν δόξει ἡ γραφή, τὰ μὲν διεξελέγχουσα, τὰ δὲ ἐν ταῖς τῶν εὖ φρονούντων γνώμαις βεβαιοῦσα.
그리고 이 글이 읽는 이들에게도, 한편으로는 폭로하고 다른 한편으로는 현명한 이들의 소신을 굳건히 해줌으로써 유익한 점을 지니고 있다고 생각되리라 믿는다.