§21Ἐπίκουρος
οὐ μακρά, ὦ ἄνδρες δικασταί, πρὸς ὑμᾶς ἐρῶ·
에피쿠로스 재판관 여러분, 저는 여러분께 길게 말하지 않겠습니다.
δεῖ γὰρ οὐδὲ πολλῶν μοι τῶν λόγων.
제게는 많은 말이 필요 없기 때문입니다.
ἀλλʼ εἰ μὲν ἐπῳδαῖς τισιν ἢ φαρμάκοις ὅν φησιν ἐραστὴν ἑαυτῆς ἡ Στοὰ τὸν Διονύσιον κατηνάγκασεν ταύτης μὲν ἀπέχεσθαι, πρὸς ἑαυτὴν δὲ ἀποβλέπειν ἡ Ἡδονή, φαρμακὶς ἂν εἰκότως ἔδοξεν καὶ ἀδικεῖν ἐκέκριτο ἐπὶ τοὺς ἀλλοτρίους ἐραστὰς μαγγανεύουσα.
하지만 만약 ‘쾌락’이 어떤 주문이나 약물로 스토아가 자신의 애인이라 주장하는 디오뉘시오스를 강제하여 그녀를 멀리하고 자신을 바라보게 만들었다면, 그녀는 당연히 마녀로 여겨졌을 것이고 타인의 애인에게 요술을 부렸다는 이유로 불의를 저질렀다고 판결받았을 것입니다.
εἰ δέ τις ἐλεύθερος ἐν ἐλευθέρᾳ τῇ πόλει, μὴ ἀπαγορευόντων τῶν νόμων, τὴν παρὰ ταύτης ἀηδίαν μυσαχθεὶς καὶ ἥν φησι κεφάλαιον τῶν πόνων τὴν εὐδαιμονίαν παραγίγνεσθαι λῆρον οἰηθείς, τοὺς μὲν ἀγκύλους ἐκείνους λόγους καὶ λαβυρίνθοις ὁμοίους ἀπέφυγε, πρὸς δὲ τὴν Ἡδονὴν ἄσμενος ἐδραπέτευσεν ὥσπερ δεσμά τινα διακόψας τὰς τῶν λόγων πλεκτάνας, ἀνθρώπινα καὶ οὐ βλακώδη φρονήσας καὶ τὸν μὲν πόνον, ὅπερ ἐστί, πονηρόν, ἡδεῖαν δὲ τὴν ἡδονὴν οἰηθείς, ἀποκλείειν ἐχρῆν αὐτόν, ὥσπερ ἐκ ναυαγίου λιμένι προσνέοντα καὶ γαλήνης ἐπιθυμοῦντα συνωθοῦντας ἐπὶ κεφαλὴν εἰς τὸν πόνον, καὶ ἔκδοτον τὸν ἄθλιον παρέχειν ταῖς ἀπορίαις, καὶ ταῦτα ὥσπερ ἱκέτην ἐπὶ τὸν τοῦ Ἐλέου βωμὸν ἐπὶ τὴν Ἡδονὴν καταφεύγοντα, ἵνα τὴν πολυθρύλητον ἀρετὴν δηλαδὴ ἐπὶ τὸ ὄρθιον ἱδρῶτι πολλῷ ἀνελθὼν ἴδῃ κᾆτα διʼ ὅλου πονήσας τοῦ βίου εὐδαιμονήσῃ μετὰ τὸν βίον;
하지만 만약 어떤 자유인이 자유로운 국가에서, 법이 금지하지 않음에도 그녀가 주는 불쾌함을 혐오하고, 노동의 끝에 행복이 찾아온다는 그녀의 주장을 허튼소리로 여겨, 저 구불구불하고 미로 같은 논증들을 피하고, 마치 말의 그물이라는 속박을 끊어내듯 기쁘게 ‘쾌락’으로 도망쳤다면, 인간답고 어리석지 않은 생각을 품고 노동을 그 본성 그대로 악이라 생각하고 쾌락을 달콤한 것이라 여겼다면, 난파당해 항구로 헤엄쳐 오며 평온을 갈망하는 그를 거꾸로 노동 속으로 밀쳐 넣으며 쫓아내야 마땅했겠습니까? 그리고 그 가련한 자를 궁지에 넘겨주어야 했겠습니까? 그것도 마치 ‘자비의 제단’으로 도망치는 탄원자처럼 ‘쾌락’으로 피신하고 있는 그를 말입니다. 이는 소문으로만 듣던 그 미덕을 보기 위해 많은 땀을 흘리며 가파른 오르막을 올라가, 온 평생을 고생한 끝에 죽은 뒤에야 행복해지기 위함이라는 것입니까?
καίτοι τίς ἂν κριτὴς δικαιότερος δόξειεν αὐτοῦ ἐκείνου, ὃς τὰ παρὰ τῆς Στοᾶς εἰδώς, εἰ καί τις ἄλλος, καὶ μόνον τέως τὸ καλὸν ἀγαθὸν οἰόμενος εἶναι, μεταμαθὼν ὡς κακὸν ὁ πόνος ἦν, τὸ βέλτιον ἐξ ἀμφοῖν δοκιμάσας εἵλετο;
그렇기는 하나, 그 자신보다 더 공정한 재판관이 누구이겠습니까? 그는 스토아의 가르침을 누구 못지않게 잘 알고 있었으며, 전에는 오직 아름다운 것만이 선이라고 생각했다가 고통이 악임을 새로이 깨닫고는, 두 가지 중에서 더 나은 것을 검토하여 선택한 사람입니다.
ἑώρα γάρ, οἶμαι, τούτους περὶ τοῦ καρτερεῖν καὶ ἀνέχεσθαι τοὺς πόνους πολλὰ διεξιόντας, ἰδίᾳ δὲ τὴν Ἡδονὴν θεραπεύοντας, καὶ μέχρι τοῦ λόγου νεανιευομένους, οἴκοι δὲ κατὰ τοὺς τῆς Ἡδονῆς νόμους βιοῦντας, αἰσχυνομένους μὲν εἰ φανοῦνται χαλῶντες τοῦ τόνου καὶ προδιδόντες τὸ δόγμα, πεπονθότας δὲ ἀθλίους τὸ τοῦ Ταντάλου, καὶ ἔνθα ἂν λήσειν καὶ ἀσφαλῶς παρανομήσειν ἐλπίσωσιν, χανδὸν ἐμπιμπλαμένους τοῦ ἡδέος.
왜냐하면 제 생각에, 그는 이 사람들이 고통을 인내하고 참아내는 것에 대해 장황하게 떠들어대면서도, 사적으로는 ‘쾌락’을 받들고 말로만 혈기왕성할 뿐 집에서는 ‘쾌락’의 법칙에 따라 살아가고 있는 것을 보았기 때문입니다. 그들은 자신들의 긴장이 풀리고 교리를 배신하는 것처럼 보이면 부끄러워하지만, 비참하게도 탄탈로스의 고통을 겪고 있으며, 남들의 눈을 피해 안전하게 법을 어길 수 있을 것이라 기대되는 곳에서는 입을 벌려 달콤함을 가득 채우고 있습니다.
εἰ γοῦν τις αὐτοῖς τὸν τοῦ Γύγου δακτύλιον ἔδωκεν, ὡς περιθεμένους μὴ ὁρᾶσθαι, ἢ τὴν τοῦ Ἄϊδος κυνῆν, εὖ οἶδʼ ὅτι μακρὰ χαίρειν τοῖς πόνοις φράσαντες ἐπὶ τὴν Ἡδονὴν ὠθοῦντο ἂν καὶ ἐμιμοῦντο ἅπαντες τὸν Διονύσιον, ὃς μέχρι μὲν τῆς νόσου ἤλπιζεν ὠφελήσειν τι αὐτὸν τοὺς περὶ τῆς καρτερίας λόγους·
아무튼 만약 누가 그들에게 끼면 보이지 않게 되는 기게스의 반지나 하데스의 투구를 주었더라면, 저는 그들이 고통에 영원한 작별을 고하고 ‘쾌락’으로 몰려가 모두가 디오뉘시오스를 모방했을 것임을 확신합니다. 그는 병이 들기 전까지는 인내에 관한 논증들이 자신에게 다소 도움이 되기를 바랐습니다.
ἐπεὶ δὲ ἤλγησεν καὶ ἐνόσησεν καὶ ὁ πόνος ἀληθέστερος αὐτοῦ καθίκετο, ἰδὼν τὸ σῶμα τὸ ἑαυτοῦ ἀντιφιλοσοφοῦν τῇ Στοᾷ καὶ τἀναντία δογματίζον, αὐτῷ μᾶλλον ἢ τούτοις ἐπίστευσεν καὶ ἔγνω ἄνθρωπος ὢν καὶ ἀνθρώπου σῶμα ἔχων, καὶ διετέλεσεν οὐχ ὡς ἀνδριάντι αὐτῷ χρώμενος, εἰδὼς ὅτι ὃς ἂν ἄλλως λέγῃ καὶ Ἡδονῆς κατηγορῇ,
"λόγοισι χαίρει, τὸν δὲ νοῦν ἐκεῖς’ ἔχει. "
εἴρηκα·
하지만 통증을 느끼고 병이 들어 고통이 더 진실하게 다가왔을 때, 자신의 육체가 스토아에 반대하여 철학하고 정반대의 도그마를 주장하는 것을 보고는 이들보다는 육체를 더 신뢰하였고, 자신이 인간이며 인간의 육체를 가지고 있음을 깨달아 평생을 자신을 석상처럼 다루지 않고 지냈습니다. 다르게 말하며 ‘쾌락’을 비난하는 자는 누구든 다음과 같다는 것을 그가 알고 있었기 때문입니다. “말로만 즐거워할 뿐, 마음은 저곳에 두고 있노라.” 이상으로 마치겠습니다.
ὑμεῖς δʼ ἐπὶ τούτοις ψηφοφορήσατε.
여러분은 이를 바탕으로 투표해 주십시오.