§22Χάρων
Ἓν ἔτι ἐπόθουν, ὦ Ἑρμῆ, εἰδέναι, καί μοι δείξας αὐτὸ ἐντελῆ ἔσῃ τὴν περιήγησιν πεποιημένος, τὰς ἀποθήκας τῶν σωμάτων, ἵνα κατορύττουσι, θεάσασθαι.
카론 헤르메스여, 한 가지만 더 알고 싶었소. 그것을 보여준다면 자네는 안내를 완벽히 마친 셈이 될 것이오. 곧 육체의 보관소, 그들이 묻는 곳을 보는 것이오.
Ἑρμῆς
ἠρία, ὦ Χάρων, καὶ τύμβους καὶ τάφους καλοῦσι τὰ τοιαῦτα.
헤르메스 카론이여, 그런 것들을 그들은 묘와 분묘와 무덤이라 부른다네.
πλὴν τὰ πρὸ τῶν πόλεων ἐκεῖνα τὰ χώματα ὁρᾷς καὶ τὰς στήλας καὶ πυραμίδας;
하지만 도시들 앞에 있는 저 흙무더기들과 비석들과 피라미드들이 보이는가?
ἐκεῖνα πάντα νεκροδοχεῖα καὶ σωματοφυλάκιά ἐστιν.
저것들은 모두 시신 보관소이자 육체의 보호막이라네.
Χάρων
τί οὖν ἐκεῖνοι στεφανοῦσι τοὺς λίθους καὶ χρίουσι μύρῳ;
카론 그렇다면 왜 저들은 돌에 화관을 씌우고 향유를 바르는 것이오?
οἱ δὲ καὶ πυρὰν νήσαντες πρὸ τῶν χωμάτων καὶ βόθρον τινὰ ὀρύξαντες καίουσί τε ταυτὶ τὰ πολυτελῆ δεῖπνα καὶ εἰς τὰ ὀρύγματα οἶνον καὶ μελίκρατον, ὡς γοῦν εἰκάσαι, ἐγχέουσιν;
또 어떤 이들은 흙무더기 앞에 장작더미를 쌓고 구덩이를 파서 이 값비싼 식사들을 불태우고, 그 구덩이 속으로 포도주와 벌꿀 술을 (짐작해 보건대) 부어 넣고 있는 것이오?
Ἑρμῆς
οὐκ οἶδα, ὦ πορθμεῦ, τί ταῦτα πρὸς τοὺς ἐν Ἅιδου·
헤르메스 뱃사공이여, 나도 그것들이 하데스에 있는 자들과 무슨 상관이 있는지 모르겠네.
πεπιστεύκασι δʼ οὖν τὰς ψυχὰς ἀναπεμπομένας κάτωθεν δειπνεῖν μὲν ὡς οἷόν τε περιπετομένας τὴν κνῖσαν καὶ τὸν καπνόν, πίνειν δὲ ἀπὸ τοῦ βόθρου τὸ μελίκρατον.
아무튼 그들은 영혼들이 지하에서 올라와, 그 주위를 날아다며 고기 타는 냄새와 연기를 가능한 한 받아먹고, 구덩이서 벌꿀 술을 마신다고 믿고 있다네.
Χάρων
ἐκείνους ἔτι πίνειν ἢ ἐσθίειν, ὧν τὰ κρανία ξηρότατα;
카론 해골이 바짝 말라 버린 저들이 아직도 마시고 먹는단 말이오?
καίτοι γελοῖός εἰμι σοὶ λέγων ταῦτα ὁσημέραι κατάγοντι αὐτούς.
하지만 날마다 그들을 데리고 내려가는 자네에게 이런 말을 하고 있으니 나도 우습구려.
οἶσθα οὖν εἰ δύναιντʼ ἂν ἔτι ἀνελθεῖν ἅπαξ ὑποχθόνιοι γενόμενοι.
그러니 자네는 지하의 존재가 된 자들이 한 번이라도 다시 올라올 수 있는지 알고 있을 것이오.
ἐπεί τοι καὶ παγγέλοια ἄν, ὦ Ἑρμῆ, ἔπασχον, οὐκ ὀλίγα πράγματα ἔχων, εἰ ἔδει μὴ κατάγειν μόνον αὐτούς, ἀλλὰ καὶ αὖθις ἀνάγειν πιομένους.
헤르메스여, 참으로 만약 내가 그들을 데려갈 뿐만 아니라 마시게 하려고 다시 데리고 올라와야 한다면, 수많은 귀찮은 일을 겪으며 지극히 우스꽝스러운 꼴을 당했을 것이오.
ὦ μάταιοι, τῆς ἀνοίας, οὐκ εἰδότες ἡλίκοις ὅροις διακέκριται τὰ νεκρῶν καὶ τὰ ζώντων πράγματα καὶ οἷα τὰ παρʼ ἡμῖν ἐστι καὶ ὅτι
"
κάτθανʼ ὁμῶς ὅ τʼ ἄτυμβος ἀνὴρ ὅς τʼ ἔλλαχε τύμβου,
ἐν δὲ ἰῇ τιμῇ Ἶρος κρείων τʼ Ἀγαμέμνων·
오 어리석은 자들이여, 참으로 어리석도다! 죽은 자들의 일과 산 자들의 일이 얼마나 큰 경계로 나뉘어 있는지, 우리 세계의 일이 어떠한지, 그리고 다음과 같음을 알지 못하다니. "무덤을 얻지 못한 자나 무덤을 차지한 자나 똑같이 죽고, 동일한 가치 속에 이로스도 지배자 아가멤논도 있네.
Θερσίτῃ δʼ ἶσος Θέτιδος παῖς ἠϋκόμοιο
πάντες δʼ εἰσὶν ὁμῶς νεκύων ἀμενηνὰ κάρηνα,
γυμνοί τε ξηροί τε κατʼ ἀσφοδελὸν λειμῶνα. "
머릿결 고운 테티스의 아들도 테르시테스와 동등하며, 모두가 똑같이 죽은 자들의 기운 없는 머리들이요, 아스포델로스 들판을 따라 벌거벗고 바짝 마른 채라네.
§23Ἑρμῆς
Ἡράκλεις, ὡς πολὺν τὸν Ὅμηρον ἐπαντλεῖς.
"헤르메스 헤라클레스여, 자네는 호메로스를 참으로 많이도 퍼붓는구려.
ἀλλʼ ἐπείπερ ἀνέμνησας, ἐθέλω σοι δεῖξαι τὸν τοῦ Ἀχιλλέως τάφον.
하지만 자네가 상기시켜 주었으니, 아킬레우스의 무덤을 보여주고 싶네.
ὁρᾷς τὸν ἐπὶ τῇ θαλάττῃ;
바닷가에 있는 저것이 보이는가?
Σίγειον μὲν ἐκεῖθέν ἐστι τὸ Τρωϊκόν· ἀντικρὺ δὲ ὁ Αἴας τέθαπται ἐν τῷ Ῥοιτείῳ.
저기 보이는 곳이 트로이아의 시게이온이고, 그 맞은편 로이테이온에 아이아스가 묻혀 있다네.
Χάρων
οὐ μεγάλοι, ὦ Ἑρμῆ, οἱ τάφοι.
카론 헤르메스여, 무덤들이 크지 않구려.
τὰς πόλεις δὲ τὰς ἐπισήμους δεῖξόν μοι ἤδη, ἃς κάτω ἀκούομεν, τὴν Νίνον τὴν Σαρδαναπάλλου καὶ Βαβυλῶνα καὶ Μυκήνας καὶ Κλεωνὰς καὶ τὴν Ἴλιον αὐτήν·
그렇다면 이제 우리가 지하에서 전해 듣는 저 유명한 도시들을 내게 보여주게. 사르다나팔로스의 니노스, 바빌론, 미케네, 클레오나이, 그리고 일리온 그 자체 말이오.
πολλοὺς γοῦν μέμνημαι διαπορθμεύσας ἐκεῖθεν, ὡς δέκα ὅλων ἐτῶν μὴ νεωλκῆσαι μηδὲ διαψῦξαι τὸ σκαφίδιον.
적어도 나는 그곳에서 수많은 사람을 실어 나른 기억이 나는데, 무려 10년 동안이나 나의 작은 배를 뭍으로 끌어올려 말리지 못했을 정도였소.
Ἑρμῆς
ἡ Νίνος μέν, ὦ πορθμεῦ, ἀπόλωλεν ἤδη καὶ οὐδὲ ἴχνος ἔτι λοιπὸν αὐτῆς, οὐδʼ ἂν εἴποις ὅπου ποτὲ ἦν·
헤르메스 뱃사공이여, 니노스는 이미 소멸하여 흔적조차 남지 않았고, 예전에 어디에 있었는지조차 말할 수 없을 것이네.
ἡ Βαβυλὼν δέ σοι ἐκείνη ἐστὶν ἡ εὔπυργος, ἡ τὸν μέγαν περίβολον, οὐ μετὰ πολὺ καὶ αὐτὴ ζητηθησομένη ὥσπερ ἡ Νίνος·
그리고 저기 보이는 바빌론은 탑이 많고 거대한 성벽을 두른 도시이지만, 머지않아 그 자신도 니노스처럼 찾아 헤매게 될 것이네.
Μυκήνας δὲ καὶ Κλεωνὰς αἰσχύνομαι δεῖξαί σοι, καὶ μάλιστα τὸ Ἴλιον.
한편 미케네와 클레오나이, 그리고 특히 일리온은 자네에게 보여주기가 부끄럽군.
ἀποπνίξεις γὰρ εὖ οἶδʼ ὅτι τὸν Ὅμηρον κατελθὼν ἐπὶ τῇ μεγαληγορίᾳ τῶν ἐπῶν.
왜냐하면 자네가 지하로 내려가면, 그의 서사시들의 거창한 표현 때문에 호메로스의 숨통을 막아 버릴 것임을 잘 알고 있기 때문이네.
πλὴν ἀλλὰ πάλαι μὲν ἦσαν εὐδαίμονες, νῦν δὲ τεθνᾶσι καὶ αὗται·
하지만 예전에는 번영했으나, 이제는 이것들 역시 죽었다네.
ἀποθνήσκουσι γάρ, ὦ πορθμεῦ, καὶ πόλεις ὥσπερ ἄνθρωποι, καὶ τὸ παραδοξότατον, καὶ ποταμοὶ ὅλοι·
뱃사공이여, 도시들도 인간처럼 죽으며, 가장 기이한 일은 강들 전체도 죽는다는 것이네.
Ἰνάχου γοῦν οὐδὲ τάφος ἔτι ἐν Ἄργει καταλείπεται.
적어도 아르고스에는 이나코스 강의 무덤조차 더 이상 남아 있지 않다네.
Χάρων
παπαὶ τῶν ἐπαίνων, Ὅμηρε, καὶ τῶν ὀνομάτων, Ἴλιος ἱρὴ καὶ εὐρυάγυια καὶ ἐϋκτίμεναι Κλεωναί.
카론 슬프도다, 호메로스여, 그 찬사들과 이름들이여! "성스러운 일리온", "넓은 길을 가진 도시", 그리고 "훌륭하게 세워진 클레오나이"라니!
§24Χάρων
ἀλλὰ μεταξὺ λόγων, τίνες ἐκεῖνοί εἰσιν οἱ πολεμοῦντες ἢ ὑπὲρ τίνος ἀλλήλους φονεύουσιν;
카론 그런데 말하는 도중에 묻겠소만, 저기서 싸우고 있는 자들은 누구며 무엇 때문에 서로를 죽이고 있는 것이오?
Ἑρμῆς
Ἀργείους ὁρᾷς, ὦ Χάρων, καὶ Λακεδαιμονίους καὶ τὸν ἡμιθνῆτα ἐκεῖνον στρατηγὸν Ὀθρυάδαν τὸν ἐπιγράφοντα τὸ τρόπαιον τῷ αὑτοῦ αἵματι.
헤르메스 카론이여, 자네가 보고 있는 자들은 아르고스인들과 라케다이몬인들이며, 자신의 피로 전승 기념비에 글을 새기고 있는 저 반쯤 죽어가는 장군 오트리아데스라네.
Χάρων
ὑπὲρ τίνος δʼ αὐτοῖς, ὦ Ἑρμῆ, ὁ πόλεμος;
카론 헤르메스여, 그들의 전쟁은 무엇을 위한 것이오?
Ἑρμῆς
ὑπὲρ τοῦ πεδίου αὐτοῦ, ἐν ᾧ μάχονται.
헤르메스 그들이 싸우고 있는 바로 그 평야를 위해서라네.
Χάρων
ὢ τῆς ἀνοίας, οἵ γε οὐκ ἴσασιν ὅτι, κἂν ὅλην τὴν Πελοπόννησον ἕκαστος αὐτῶν κτήσωνται, μόγις ἂν ποδιαῖον λάβοιεν τόπον παρὰ τοῦ Αἰακοῦ·
카론 오, 어찌 이리 어리석단 말이오! 그들은 설령 자신들 각자가 펠로폰네소스 전체를 차지한다 한들, 아이아코스로부터 겨우 한 자 남짓한 땅만 얻게 될 것임을 알지 못하고 있구려.
τὸ δὲ πεδίον τοῦτο ἄλλοτε ἄλλοι γεωργήσουσι πολλάκις ἐκ βάθρων τὸ τρόπαιον ἀνασπάσαντες τῷ ἀρότρῳ.
그리고 이 평야는 쟁기로 전승 기념비를 뿌리째 뽑아내며 훗날 다른 이들이 몇 번이고 경작하게 될 것이오.
Ἑρμῆς
οὕτω μὲν ταῦτα ἔσται·
헤르메스 그렇게 될 것이네.
ἡμεῖς δὲ καταβάντες ἤδη καὶ κατὰ χώραν εὐθετήσαντες αὖθις τὰ ὄρη ἀπαλλαττώμεθα, ἐγὼ μὲν καθʼ ἃ ἐστάλην, σὺ δὲ ἐπὶ τὸ πορθμεῖον·
자, 우리는 이제 내려가서 산들을 다시 제자리에 정리해 두고 떠내세. 나는 나에게 맡겨진 일을 하러 가고, 자네는 나룻배로 가게나.
ἥξω δέ σοι καὶ αὐτὸς μετʼ ὀλίγον νεκροστολῶν.
나도 얼마 뒤에 죽은 자들의 영혼을 이끌고 자네에게 가겠네.
Χάρων
εὖ γε ἐποίησας, ὦ Ἑρμῆ·
카론 헤르메스여, 잘해 주었네.
εὐεργέτης εἰς ἀεὶ ἀναγεγράψῃ, ὠνάμην γάρ τι διὰ σὲ τῆς ἀποδημίας.
자네는 영원한 은인으로 기억될 것이네. 자네 덕분에 이번 여정에서 얻은 바가 있으니 말이오.
— οἷά ἐστι τὰ τῶν κακοδαιμόνων ἀνθρώπων πράγματα — βασιλεῖς, πλίνθοι χρυσαῖ, ἐπιτύμβια, μάχαι·
ㅡ 가련한 인간들의 일이란 대체 무엇이란 말인가! 왕들, 황금 벽돌들, 무덤들, 전쟁들.
Χάρωνος δὲ οὐδεὶς λόγος.
그러나 카론에 대해서는 아무런 관심도 없구려.