§20.50.1ὁ δὲ Δημήτριος κατανοήσας τὸν ἐπίπλουν Ἀντισθένην μὲν τὸν ναύαρχον ἔχοντα ναῦς δέκα τῶν πεντηρικῶν ἀπέλιπε κωλύσοντα τὰς ἐκ τῆς πόλεως ναῦς ἐπεξιέναι πρὸς τὴν ναυμαχίαν, ἔχοντος τοῦ λιμένος στενὸν τὸν ἔκπλουν, τοῖς δʼ ἱππεῦσι προσέταξε παράγειν παρὰ τὸν αἰγιαλόν, ἵνʼ ἐάν τι γένηται πταῖσμα, διασώσαιεν τοὺς πρὸς τὴν γῆν διανηξομένους.
한편 데메트리오는 적의 내습을 알아차리고, 항구의 출구가 좁은 것을 감안하여 제독 안티스테네스에게 오단노선 열 척을 주어 남겨둠으로써 도시에서 나오는 배들이 해전에 참가하기 위해 출격하는 것을 막도록 했고, 기병들에게는 만약 불측의 사태가 발생할 경우 육지로 헤엄쳐 나오는 자들을 구출할 수 있도록 해안을 따라 이동하라고 명령했다.
§20.50.2αὐτὸς δʼ ἐκτάξας τὰς ναῦς ἀπήντα τοῖς πολεμίοις, ἔχων τὰς ἁπάσας ὀκτὼ πλείους τῶν ἑκατὸν σὺν ταῖς πληρωθείσαις ἐκ τῶν χωρίων τῶν ληφθέντων· τούτων δʼ ἦσαν αἱ μέγισται μὲν ἑπτήρεις, αἱ πλεῖσται δὲ πεντήρεις.
그 자신은 배들을 정렬하여 적을 맞이하러 나아갔는데, 점령지에서 승조원을 채운 배들을 포함하여 총 백여덟 척을 거느렸고, 이 배들 중 가장 큰 것은 칠단노선이었으며 대부분은 오단노선이었다.
§20.50.3καὶ τὸ μὲν εὐώνυμον κέρας ἐπεῖχον ἑπτήρεις ἑπτὰ Φοινίκων, τετρήρεις δὲ τριάκοντα τῶν Ἀθηναίων, Μηδίου τοῦ ναυάρχου τὴν ἡγεμονίαν ἔχοντος·
그리고 좌익은 페니키아인의 칠단노선 일곱 척과 아테네인의 사단노선 서른 척이 차지했으며, 제독 메디우스가 그 지휘권을 쥐고 있었다.
ἐπίπλους δὲ τούτοις ἔταξεν ἑξήρεις δέκα καὶ πεντήρεις ἄλλας τοσαύτας, διεγνωκὼς ἰσχυρὸν κατασκευάσαι τοῦτο τὸ κέρας ἐφʼ οὗ καὶ αὐτὸς ἤμελλε διαγωνίζεσθαι.
그는 이들을 지원하기 위해 육단노선 열 척과 그와 같은 수의 다른 오단노선들을 후방에 배치했는데, 이는 자신도 직접 그곳에서 전투를 치를 예정이었던 이 날개를 강력하게 편성하기로 결심했기 때문이었다.
§20.50.4κατὰ μέσην δὲ τὴν τάξιν τὰ ἐλάχιστα τῶν σκαφῶν ἔστησεν, ὧν ἡγοῦντο Θεμίσων τε ὁ Σάμιος καὶ Μαρσύας ὁ τὰς Μακεδονικὰς πράξεις συνταξάμενος.
대열의 중앙에는 가장 작은 선박들을 배치했는데, 이들은 사모스 사람 테미손과 《마케도니아 역사》를 저술한 마르시아스가 이끌었다.
τὸ δὲ δεξιὸν εἶχε κέρας Ἡγήσιππός τε ὁ Ἁλικαρνασσεὺς καὶ Πλειστίας ὁ Κῷος, ἀρχικυβερνήτης ὢν τοῦ σύμπαντος στόλου.
한편 우익은 할리카르나소스 사람 헤게시포스와 온 함대의 총타수인 코스 사람 플레이스티아스가 차지하고 있었다.
§20.50.5Πτολεμαῖος δὲ τὸ μὲν πρῶτον ἔτι νυκτὸς ἐπέπλει κατὰ σπουδὴν ἐπὶ τὴν Σαλαμῖνα, νομίζων φθάσαι τοὺς πολεμίους τὸν εἴσπλουν ποιησάμενος·
프톨레마이오스는 처음에 아직 밤일 때에 적들보다 먼저 입항함으로써 선수를 칠 생각으로 서둘러 살라미스를 향해 항해했다.
ὡς δʼ ἡμέρας ἐπιγενομένης οὐ μακρὰν ὁ τῶν ἐναντίων στόλος ἐκτεταγμένος ἑωρᾶτο, καὶ αὐτὸς τὰ πρὸς τὴν ναυμαχίαν παρεσκευάζετο.
그러나 날이 밝자 멀지 않은 곳에 적의 함대가 대열을 정비하고 있는 것이 보였으므로, 그 역시 해전 준비에 착수했다.
§20.50.6τὰ μὲν οὖν πόρια πόρρωθεν ἐπακολουθεῖν παρήγγειλεν, τῶν δὲ ἄλλων νεῶν τὴν ἁρμόζουσαν τάξιν ποιησάμενος αὐτὸς τὸ λαιὸν κέρας διακατεῖχε, συναγωνιζομένων αὐτῷ τῶν μεγίστων σκαφῶν.
그리하여 그는 수송선들에게는 멀리서 뒤따르라고 명령하고, 나머지 배들을 적절히 배치한 뒤 자신은 좌익을 고수하며 가장 큰 선박들이 자신과 함께 싸우도록 했다.
τοιαύτης δὲ τῆς διατάξεως γενομένης εὐχὰς ἑκάτεροι τοῖς θεοῖς ἐποιοῦντο, καθάπερ ἦν ἔθος, διὰ τῶν κελευστῶν, συνεπιλαβομένου καὶ τοῦ πλήθους τῇ φωνῇ.
이와 같이 배치가 끝나자 양측은 관습에 따라 호령수들을 통해 신들에게 기도를 올렸으며, 군중들 또한 목소리를 합해 이에 동참했다.