§20.4.1τὴν γὰρ ἐπίνοιαν ταύτην οὐδενὶ τῶν φίλων δηλώσας τῆς μὲν πόλεως ἐπιμελητὴν Ἄντανδρον τὸν ἀδελφὸν κατέστησε μετὰ τῆς ἱκανῆς φυλακῆς, αὐτὸς δὲ τῶν στρατιωτῶν ἐπιλέγων τοὺς εὐθέτους κατέγραφε, τοῖς μὲν πεζοῖς παραγγέλλων ἑτοίμους εἶναι μετὰ τῶν ὅπλων, τοῖς δʼ ἱππεῦσι διακελευόμενος ἔχειν μεθʼ ἑαυτῶν χωρὶς τῆς πανοπλίας ὑπηρέσιον καὶ χαλινόν, ὅπως, ὅταν ἵππων κυριεύσῃ, τοὺς ἀναβησομένους ἑτοίμους ἔχειν, τὰ πρὸς τὴν χρείαν ἐξηρτυμένους·
그는 이 계획을 친구들 중 그 누구에게도 밝히지 않은 채, 자신의 형제인 안탄드로스를 충분한 수비대와 함께 도시의 관리자로 임명하였고, 자신은 군사들 중에서 적임자들을 선발하여 등록시키며, 보병들에게는 무기를 갖추고 대기하라고 명령하고, 기병들에게는 완전군장 외에도 안장 깔개와 고삐를 지참하도록 지시했다. 이는 말을 확보했을 때 승마할 자들이 용도에 맞게 장비를 갖추고 즉시 대기할 수 있도록 하기 위함이었다。
§20.4.2κατὰ γὰρ τὴν προγεγενημένην ἧτταν τῶν μὲν πεζῶν ἀπωλώλεισαν οἱ πλείους, οἱ δʼ ἱππεῖς ὑπῆρχον διασεσωσμένοι σχεδὸν ἅπαντες, ὧν τοὺς ἵππους οὐκ ἠδύνατο διακομίζειν εἰς τὴν Λιβύην.
이전의 패배에서 보병의 대부분은 목숨을 잃었으나 기병은 거의 전원이 살아남아 있었는데, 그는 이들의 말을 리비아로 실어 나를 수 없었기 때문이었다。
§20.4.3ἵνα δὲ χωρισθέντος αὐτοῦ μὴ νεωτερίζωσιν οἱ Συρακόσιοι, διεζεύγνυε τὰς συγγενείας ἀπʼ ἀλλήλων καὶ μάλιστα ἀδελφοὺς ἀπʼ ἀδελφῶν καὶ πατέρας ἀπὸ παίδων, τοὺς μὲν ἐπὶ τῆς πόλεως ἀπολείπων, τοὺς δὲ μεθʼ ἑαυτοῦ διακομίζων·
또한 자신이 떠난 뒤에 시라쿠사 인들이 반란을 일으키지 않도록, 그는 친족들을 서로 갈라놓았으며, 특히 형제는 형제로부터, 아버지는 자식으로부터 갈라놓아, 일부는 도시에 남겨두고 일부는 자신과 함께 데려갔다。
§20.4.4πρόδηλον γὰρ ἦν ὡς οἱ μένοντες ἐν ταῖς Συρακούσσαις, κἂν ἀλλοτριώτατα τυγχάνωσι πρὸς τὸν δυνάστην διακείμενοι, διὰ τὴν πρὸς τοὺς ἀπογόνους εὔνοιαν οὐδὲν ἂν πράξειαν ἄτοπον κατὰ Ἀγαθοκλέους.
왜냐하면 시라쿠사에 남은 이들은 비록 이 지배자에게 극도로 적대적인 감정을 품고 있을지라도, 데려가진 자손들에 대한 애정 때문에 아가토클레스를 상대로 어떠한 불온한 행동도 감히 저지르지 못할 것임이 명백했기 때문이다。
§20.4.5ἀπορούμενος δὲ χρημάτων τά τε τῶν ὀρφανῶν παρὰ τῶν ἐπιτροπευόντων εἰσεπράξατο, φάσκων πολὺ βέλτιον ἐκείνων ἐπιτροπεύσειν καὶ τοῖς παισὶν εἰς ἡλικίαν ἐλθοῦσι πιστότερον ἀποδώσειν, ἐδανείσατο δὲ καὶ παρὰ τῶν ἐμπόρων καί τινα τῶν ἐν τοῖς ἱεροῖς ἀναθημάτων ἔλαβεν καὶ τῶν γυναικῶν τὸν κόσμον περιείλετο.
자금이 부족해진 그는 후견인들로부터 고아들의 재산을 징수하였는데, 자신이 그들보다 훨씬 더 잘 관리해 줄 것이며 아이들이 성년이 되었을 때 더 확실하게 돌려줄 것이라고 핑계를 대었다. 또한 상인들로부터 돈을 빌리고, 신전의 봉헌물 중 일부를 가져갔으며, 여성들의 장신구를 빼앗았다。
§20.4.6ἔπειθʼ ὁρῶν τῶν εὐπορωτάτων τοὺς πλείστους δυσχεραίνοντας τοῖς πραττομένοις καὶ πρὸς αὐτὸν ἀλλοτριώτατα διακειμένους συνήγαγεν ἐκκλησίαν, ἐν ᾗ περί τε τῆς προγεγενημένης συμφορᾶς καὶ τῶν προσδοκωμένων δεινῶν κατοδυρόμενος αὐτὸς μὲν ῥᾳδίως ὑπομένειν ἔφησε τὴν πολιορκίαν, συνήθης ὢν πάσῃ κακοπαθείᾳ, ἐλεεῖν δὲ τοὺς πολίτας, εἰ συγκλεισθέντες ἀναγκασθήσονται πολιορκίαν ὑπομένειν.
그 후 가장 부유한 자들의 대다수가 이러한 처사에 불만을 품고 자신에게 극도로 적대적인 태도를 취하는 것을 보고 그는 민회를 소집했다. 그 자리에서 그는 지난날의 재난과 앞으로 닥칠 수 있는 두려운 상황에 대해 탄식하며, 자신은 온갖 고초에 익숙해져 있어서 포위 공격을 쉽게 견뎌낼 수 있지만, 시민들이 갇혀서 포위 공격을 견뎌내야만 하는 상황에 처하게 된다면 참으로 안타까운 일이라고 말했다。
§20.4.7διεκελεύετο οὖν σώζειν ἑαυτοὺς μετὰ τῶν ἰδίων κτήσεων τοὺς μὴ βουλομένους ὑπομένειν ὅ,τι ποτʼ ἂν δοκῇ τῇ τύχῃ πάσχειν.
그리하여 그는 운명이 겪게 할 수 있는 그 어떤 고통도 감내하고 싶지 않은 이들은 자신의 재산을 가지고 몸을 피하라고 권했다.
ἐξορμησάντων δʼ ἐκ τῆς πόλεως τῶν μάλιστʼ εὐπόρων καὶ μισούντων τὸν δυνάστην τούτους μὲν ἐπαποστείλας τινὰς τῶν μισθοφόρων ἀνεῖλε καὶ τὰς οὐσίας εἰς αὑτὸν ἀνέλαβε,
이 지배자를 증오하던 가장 부유한 자들이 도시를 빠져나가자, 그는 일부 용병들을 뒤쫓아 보내 그들을 학살하고 그들의 재산을 자신에게 귀속시켰다。
§20.4.8διὰ δὲ μιᾶς ἀνοσίου πράξεως χρημάτων εὐπορήσας καὶ τῶν ἀλλοτρίως διακειμένων πρὸς καθαρὰν ποιήσας τὴν πόλιν ἠλευθέρωσε τῶν οἰκετῶν τοὺς εὐθέτους εἰς στρατείαν.
이 단 한 번의 사악한 행위를 통해 자금을 넉넉히 확보하고 적대 세력을 소탕하여 도시를 정화한 그는, 노예들 중에서 군역에 적합한 자들을 해방시켜 군대에 입대시켰다。