§20.102.1τοῦ δʼ ἐνιαυσίου χρόνου διεληλυθότος Ἀθήνησι μὲν ἦρχε Λεώστρατος, ἐν Ῥώμῃ δʼ ὑπῆρχον ὕπατοι Σερούιος Κορνήλιος καὶ Λεύκιος Γενούκιος.
한 해가 지났을 때, 아테네에서는 레오스트라토스가 아르콘이었고, 로마에서는 세르비우스 코르넬리우스와 루키우스 게누키우스가 집정관이었다.
ἐπὶ δὲ τούτων Δημήτριος εἶχε πρόθεσιν πρὸς μὲν τοὺς περὶ Κάσανδρον διαπολεμεῖν, τοὺς δʼ Ἕλληνας ἐλευθεροῦν καὶ πρῶτον τὰ κατὰ τὴν Ἑλλάδα διοικεῖν, ἅμα μὲν νομίζων δόξαν οἴσειν αὐτῷ μεγάλην τὴν τῶν Ἑλλήνων αὐτονομίαν, ἅμα δὲ καὶ τοὺς περὶ Πρεπέλαον ἡγεμόνας τοῦ Κασάνδρου πρότερον συντρῖψαι καὶ τότε προσάγειν ἐπʼ αὐτὴν τὴν ἡγεμονίαν, ἢ ἐπʼ αὐτὸν πορεύοιτο τὸν Κάσανδρον.
이들의 임기 동안 데메트리오스는 카산드로스 일파와 철저히 전쟁을 치르고, 그리스인들을 해방시키며, 먼저 그리스의 일들을 처리하려는 의도를 품고 있었다. 이는 한편으로는 그리스인들의 자치가 자신에게 큰 명성을 가져다줄 것이라 생각했기 때문이었고, 다른 한편으로는 카산드로스의 장군인 프레펠라오스 일파를 먼저 격파한 후에, 카산드로스 본인에게 진군하기 전에 그 지배권 자체로 나아가고자 했기 때문이었다.
§20.102.2τῆς δὲ τῶν Σικυωνίων πόλεως φρουρουμένης ὑπὸ τῶν Πτολεμαίου τοῦ βασιλέως στρατιωτῶν, ὧν ἦν ἐπιφανέστατος στρατηγὸς Φίλιππος, νυκτὸς ἐπιθέμενος ἀπροσδοκήτως παρεισέπεσεν ἐντὸς τοῦ τείχους.
시큐온인들의 도시가 프톨레마이오스 왕의 군사들에 의해 수비되고 있었고, 그중 가장 저명한 장군은 필리포스였는데, 데메트리오스는 밤에 예기치 않게 습격하여 성벽 안으로 침입했다.
εἶτα οἱ μὲν φρουροὶ συνέφυγον εἰς τὴν ἀκρόπολιν, ὁ δὲ Δημήτριος τῆς πόλεως κυριεύσας τὸν μεταξὺ τόπον τῶν οἰκιῶν καὶ τῆς ἄκρας κατεῖχε.
그 후 수비대원들은 아크로폴리스로 도망쳤고, 데메트리오스는 도시를 장악하여 민가들과 요새 사이의 공간을 점거했다.
μέλλοντος δʼ αὐτοῦ μηχανὰς προσάγειν καταπλαγέντες τὴν μὲν ἀκρόπολιν διʼ ὁμολογίας παρέδοσαν, αὐτοὶ δʼ ἀπέπλευσαν εἰς Αἴγυπτον.
그가 공성 병기를 접근시키려 하자 수비대는 겁을 먹고 협정을 통해 아크로폴리스를 양도했고, 자신들은 이집트로 배를 타고 떠났다.
ὁ δὲ Δημήτριος τοὺς Σικυωνίους εἰς τὴν ἀκρόπολιν μετοικίσας τὸ μὲν τῷ λιμένι συνάπτον μέρος τῆς πόλεως κατέσκαψεν, ἀνοχύρου παντελῶς ὄντος τοῦ τόπου, τῷ δὲ πολιτικῷ πλήθει συνεπιλαβόμενος τῆς οἰκοδομίας καὶ τὴν ἐλευθερίαν ἀποκαταστήσας τιμῶν ἰσοθέων ἔτυχε παρὰ τοῖς εὖ παθοῦσι·
데메트리오스는 시큐온인들을 아크로폴리스로 이주시키고, 항구와 접한 도시의 구역은 그곳이 완전히 무방비 상태였기 때문에 철거했다. 그리고 시민 대중과 함께 재건을 도왔으며 그들의 자유를 회복시켜 주어, 혜택을 입은 이들로부터 신과 같은 영예를 얻었다.
§20.102.3Δημητριάδα μὲν γὰρ τὴν πόλιν ὠνόμασαν, θυσίας δὲ καὶ πανηγύρεις, ἔτι δʼ ἀγῶνας ἐψηφίσαντο συντελεῖν αὐτῷ κατʼ ἐνιαυτὸν καὶ τὰς ἄλλας ἀπονέμειν τιμὰς ὡς κτίστῃ.
실제로 그들은 그 도시를 데메트리아스라 불렀고, 매년 그를 위해 희생제와 축제, 나아가 경기회를 거행하기로 결의했으며, 창설자로서의 다른 영예들을 부여했다.
ἀλλὰ ταῦτα μὲν ὁ χρόνος διαληφθεὶς πραγμάτων μεταβολαῖς ἠκύρωσεν, οἱ δὲ Σικυώνιοι πολλῷ κρείττονα μεταλαβόντες τόπον διετέλεσαν ἐν αὐτῷ μέχρι τῶν καθʼ ἡμᾶς χρόνων ἐνοικοῦντες.
그러나 이러한 것들은 시간의 경과에 따른 정세의 변화로 무효가 되었지만, 시큐온인들은 훨씬 더 좋은 장소를 얻어 우리 시대에 이르기까지 그곳에 계속 거주했다.
§20.102.4ὁ γὰρ τῆς ἀκροπόλεως περίβολος ἐπίπεδος ὢν καὶ μέγας κρημνοῖς δυσπροσίτοις περιέχεται πανταχόθεν, ὥστε μηδαμῇ δύνασθαι μηχανὰς προσάγειν·
왜냐하면 아크로폴리스의 영역은 평탄하고 넓으며 사방이 접근하기 어려운 절벽으로 둘러싸여 있어, 어느 곳에서도 공성 병기를 접근시킬 수 없기 때문이다.
ἔχει δὲ καὶ πλῆθος ὑδάτων, ἐξ οὗ κηπείας δαψιλεῖς κατεσκεύασαν, ὥστε τὴν ἐπίνοιαν τοῦ βασιλέως καὶ πρὸς ἀπόλαυσιν εἰρηνικὴν καὶ πρὸς ἀσφάλειαν πολέμου δόξαι καλῶς προεωρᾶσθαι.
또한 물도 풍부하여 그로부터 그들은 풍성한 채원(菜園)을 가꾸었으니, 왕의 이 구상은 평화 시의 향유를 위해서나 전쟁 시의 안전을 위해서나 훌륭하게 선견지명이 있었던 것으로 여겨진다.