§19.59.1ὄντος δʼ αὐτοῦ περὶ ταῦτα παρῆν Ἀγησίλαος ὁ πεμφθεὶς εἰς Κύπρον πρεσβευτής, ἀπαγγέλλων ὅτι Νικοκρέων μὲν καὶ τῶν ἄλλων οἱ κράτιστοι βασιλεῖς πρὸς Πτολεμαῖον πεποίηνται συμμαχίαν, ὁ δὲ Κιτιεὺς καὶ Λαπίθιος, ἔτι δὲ Μαριεὺς καὶ Κερυνίτης τὴν πρὸς αὐτὸν φιλίαν συντέθεινται.
안티고노스가 이 일들에 몰두하고 있을 때, 키프로스에 사절로 파견되었던 아게실라오스가 도착하여, 니코크레온과 다른 가장 강력한 왕들은 프톨레마이오스와 동맹을 맺었으나, 키티온과 라피토스, 그리고 마리움과 케리네이아의 지배자들은 그와 우호 관계를 맺었다고 보고했다.
§19.59.2ἀκούσας δὲ ταῦτα τρισχιλίους μὲν στρατιώτας καὶ στρατηγὸν Ἀνδρόνικον κατέλιπεν ἐπὶ τῆς πολιορκίας, αὐτὸς δὲ μετὰ τῆς δυνάμεως ἀναζεύξας τήν τʼ Ἰόππην καὶ Γάζαν ἀπειθούσας κατὰ κράτος εἷλε καὶ τοὺς μὲν καταληφθέντας Πτολεμαίου στρατιώτας ἐπιδιεῖλεν εἰς τὰς ἰδίας τάξεις, εἰς δὲ τὰς πόλεις παρεισήγαγε φρουρὰν τὴν ἀναγκάσουσαν πειθαρχεῖν τοὺς ἐνοικοῦντας.
이 소식을 들은 그는 포위 공격을 위해 삼천 명의 병사와 장군 안드로니코스를 남겨두고, 자신은 군대를 이끌고 진군하여 복종을 거부하던 요파와 가자를 무력으로 함락시켰으며, 그곳에서 사로잡힌 프톨레마이오스의 병사들을 자신의 부대에 편입시키고, 이 도시들에는 주민들이 복종하도록 강제할 경비대를 배치했다.
§19.59.3αὐτὸς δʼ ἐπανελθὼν εἰς τὴν πρὸς Παλαιτύρῳ στρατοπεδείαν παρεσκευάζετο τὰ πρὸς τὴν πολιορκίαν.
그 자신은 팔라이티로스 근처의 진영으로 돌아와 포위 공격을 준비했다.
Ἐπὶ δὲ τῶν καιρῶν τούτων Ἀρίστων ὁ πιστευθεὶς ὑπʼ Εὐμενοῦς τῶν ὀστῶν τῶν Κρατεροῦ παρέδωκεν εἰς ταφὴν αὐτὰ Φίλᾳ τῇ πρότερον μὲν Κρατερῷ συνοικούσῃ, τότε δὲ Δημητρίῳ τῷ Ἀντιγόνου.
이 시기에, 에우메네스로부터 크라테로스의 유골을 위탁받았던 아리스톤이, 이전에는 크라테로스와 혼인하여 살았고 당시에는 안티고노스의 아들 데메트리오스와 혼인해 있던 필라에게 매장을 위해 유골을 넘겨주었다.
§19.59.4αὕτη δʼ ἡ γυνὴ συνέσει δοκεῖ διενηνοχέναι·
이 여성은 지혜에 있어서 뛰어났던 것으로 보인다.
τούς τε γὰρ ταραχώδεις τῶν ἐν τῷ στρατοπέδῳ κατέπαυεν ἁρμοζόντως πολιτευομένη πρὸς ἕκαστον, τάς τε ἀδελφὰς καὶ θυγατέρας τῶν ἀπόρων ἐξεδίδου τοῖς ἰδίοις δαπανήμασι, πολλοὺς δὲ καὶ τῶν διαβολαῖς περιπιπτόντων μὴ δικαίαις ἀπήλλασσε τῶν κινδύνων.
왜냐하면 그녀는 진영 내의 소란스러운 자들을 각자에게 적절히 대처함으로써 진정시켰고, 가난한 이들의 자매와 딸들을 자신의 비용으로 출가시켰으며, 부당한 비방에 처한 많은 이들을 위험에서 건져내 주었기 때문이다.
§19.59.5λέγεται δὲ καὶ Ἀντίπατρον τὸν πατέρα αὐτῆς, ὃς δοκεῖ γεγονέναι φρονιμώτατος τῶν ἐν δυναστείαις γεγονότων κατὰ τὴν αὐτὴν ἡλικίαν, κόρης οὔσης ἔτι τῆς Φίλας συμβουλεύεσθαι πρὸς ταύτην περὶ τῶν μεγίστων.
또한 동시대의 지배자들 중 가장 현명했던 것으로 여겨지는 그녀의 아버지 안티파트로스도, 필라가 아직 소녀였을 때 가장 중대한 사안들에 대해 그녀에게 조언을 구했다고 전해진다.
§19.59.6μηνύσει δʼ ἀκριβέστερον τὸ τῆς γυναικὸς ἦθος προϊὼν ὁ λόγος καὶ τὰ πράγματα λαμβάνοντα μεταβολὴν καὶ κρίσιν ἐσχάτην τῆς περὶ Δημήτριον βασιλείας.
이 여성의 품성은 이야기가 전개되고 사태가 변화를 겪으며 데메트리오스의 왕권이 최후의 위기를 맞이함에 따라 더욱 정확하게 드러날 것이다.
καὶ τὰ μὲν περὶ Ἀντίγονον καὶ Φίλαν τὴν Δημητρίου γυναῖκα τοιαῦτʼ ἦν.
안티고노스와 데메트리오스의 아내 필라에 관한 일들은 이러했다.