§19.20.1τὸ δὲ στρατόπεδον διὰ τὴν συνέχειαν τῶν κακῶν καὶ τὴν ὑπερβολὴν τῆς κακοπαθίας ἐν αἰτίαις εἶχε τὸν Ἀντίγονον, ὥστε φωνὰς προΐεσθαι δυσχερεῖς·
그러나 군대는 끊임없는 재난과 극심한 고초 때문에 안티고노스를 원망하며 불평의 소리를 낼 정도였다.
ἐν ἡμέραις γὰρ τεσσαράκοντα τρισὶ μεγάλοις ἀτυχήμασι περιεπεπτώκεισαν.
왜냐하면 사십 일 동안에 그들은 세 가지 큰 재난을 겪었기 때문이다.
οὐ μὴν ἀλλὰ φιλανθρώπως ὁμιλήσας τοῖς στρατιώταις ὁ Ἀντίγονος καὶ κατασκευασάμενος δαψιλῆ χορηγίαν πάντων τῶν ἐπιτηδείων ἀνέλαβε τὴν δύναμιν ἐκ τῆς κακοπαθίας.
그럼에도 불구하고 안티고노스는 군사들에게 따뜻하게 말을 건네고, 모든 필수품을 풍부하게 공급해 줌으로써 고초로부터 군대를 회복시켰다.
§19.20.2Πίθωνα δʼ ἐξαπέστειλε κελεύσας περιελθεῖν πᾶσαν τὴν Μηδίαν καὶ συνάγειν ὡς πλείστους ἱππεῖς τε καὶ πολεμιστὰς ἵππους, ἔτι δὲ ὑποζυγίων πλῆθος.
그리고 그는 피톤을 파견하며 메디아 전역을 돌며 가능한 한 많은 기병과 군마, 그리고 다수의 짐바리짐승을 모으라고 명령했다.
§19.20.3τῆς δὲ χώρας ταύτης ἀεὶ τετραπόδων γεμούσης ῥᾳδίως τὸ παραγγελθὲν συντελέσας ὁ Πίθων ἧκεν ἄγων ἱππεῖς μὲν δισχιλίους, ἵππους δὲ σὺν ταῖς κατασκευαῖς πλείους χιλίων, τῶν δʼ ὑποζυγίων τοσοῦτον ἀριθμὸν ὥστε δύνασθαι καθοπλίσαι πᾶν τὸ στρατόπεδον, καὶ προσέτι τάλαντα πεντακόσια τῶν βασιλικῶν χρημάτων.
이 지역은 늘 네발짐승이 넘쳐났으므로 피톤은 명령받은 바를 쉽게 완수하고 돌아왔는데, 기병 이천 명과 장비를 갖춘 천 마리 이상의 말, 그리고 온 군대를 무장시킬 수 있을 만큼 많은 수의 짐바리짐승, 거기에 더해 왕실 자금에서 오백 타란토스를 이끌고 왔다.
§19.20.4ὁ δʼ Ἀντίγονος τοὺς μὲν ἱππεῖς εἰς τάξεις κατέστησε, τοὺς δʼ ἵππους τοῖς ἀπολωλεκόσι διαδοὺς καὶ τὸ πλῆθος τῶν ὑποζυγίων διαχαρισάμενος ἀνεκτήσατο τὴν παρὰ τῶν στρατιωτῶν εὔνοιαν.
안티고노스는 기병들을 부대에 배치하고, 말을 잃은 자들에게 말을 나누어 주었으며, 또한 다수의 짐바리짐승을 나누어 줌으로써 군사들의 호의를 되찾았다.