§19.11.1κατὰ γὰρ τὴν Μακεδονίαν Εὐρυδίκη τῆς βασιλείας προεστηκυῖα καὶ πυνθανομένη τὴν Ὀλυμπιάδα παρασκευάζεσθαι πρὸς τὴν κάθοδον πρὸς μὲν Κάσανδρον εἰς Πελοπόννησον ἀπέστειλε βιβλιαφόρον, ἀξιοῦσα βοηθεῖν τὴν ταχίστην, τῶν δὲ Μακεδόνων τοὺς πρακτικωτάτους ἀνακαλουμένη δωρεαῖς καὶ μεγάλαις ἐπαγγελίαις ἰδίους ταῖς εὐνοίαις κατεσκεύαζε.
마케도니아에서는 왕국의 실권을 쥐고 있던 에우리디케가 올림피아스가 귀환을 준비하고 있다는 소식을 듣고, 펠로폰네소스에 있는 카산드로스에게 전령을 보내 가능한 한 신속히 구원에 나서줄 것을 요청했다. 또한 마케도니아인들 중 가장 활동적인 이들을 소집하여 선물과 큰 약속으로써 그들을 자신에게 충성하도록 포섭했다.
§19.11.2Πολυπέρχων δὲ δύναμιν ἤθροισε προσλαβόμενος Αἰακίδην τὸν Ἠπειρώτην καὶ κατήγαγεν Ὀλυμπιάδα μετὰ τοῦ Ἀλεξάνδρου παιδὸς ἐπὶ τὴν βασιλείαν.
한편 폴리페르콘은 에페이로스인 아이아키데스를 아군으로 끌어들여 군세를 모았고, 알렉산드로스의 아들과 함께 올림피아스를 왕위에 복위시키고자 귀환시켰다.
ἀκούων οὖν Εὐρυδίκην ἐν Εὐίοις τῆς Μακεδονίας οὖσαν μετὰ τῆς δυνάμεως ὥρμησεν ἐπʼ αὐτήν, σπεύδων μιᾷ μάχῃ κρῖναι τὰ πράγματα.
에우리디케가 군세를 이끌고 마케도니아의 에우이아에 있다는 말을 듣고, 그는 단 한 번의 전투로 사태를 결정짓고자 그녀를 향해 진군했다.
ἀντιταχθέντων δὲ ἀλλήλοις τῶν στρατοπέδων οἱ Μακεδόνες ἐντραπέντες τὸ τῆς Ὀλυμπιάδος ἀξίωμα καὶ τῶν εὐεργεσιῶν ἀναμιμνησκόμενοι τῶν Ἀλεξάνδρου μετεβάλοντο.
두 군대가 서로 대치했을 때, 마케도니아인들은 올림피아스의 위엄에 경외감을 느끼고 알렉산드로스의 은혜를 떠올리며 진영을 이탈해 투항했다.
§19.11.3Φίλιππος μὲν οὖν ὁ βασιλεὺς εὐθὺς ἥλω μετὰ τῆς θεραπείας, ἡ δʼ Εὐρυδίκη μετὰ Πολυκλέους, ἑνὸς τῶν συμβούλων, εἰς Ἀμφίπολιν ἀποχωροῦσα συνελήφθη.
그리하여 국왕 필리포스는 즉시 그의 시종들과 함께 사로잡혔고, 에우리디케는 참모 중 한 명인 폴리클레스와 함께 암피폴리스로 퇴각하던 중 체포되었다.
§19.11.4τοῦτον δὲ τὸν τρόπον Ὀλυμπιὰς τῶν βασιλικῶν σωμάτων κυριεύσασα καὶ χωρὶς κινδύνων τὴν βασιλείαν παραλαβοῦσα τὴν εὐτυχίαν οὐκ ἤνεγκεν ἀνθρωπίνως, ἀλλὰ τήν τʼ Εὐρυδίκην καὶ τὸν ἄνδρα Φίλιππον τὸ μὲν πρῶτον εἰς φυλακὴν καταθεμένη κακουχεῖν ἐπεχείρησε·
이러한 방식으로 올림피아스는 왕족들의 신변을 확보하고 위험 없이 왕국을 넘겨받았으나, 그 행운을 인간답게 감당하지 못하고, 에우리디케 와 그녀의 남편 필리포스를 먼저 감옥에 가둔 채 학대하려 했다.
περιοικοδομήσασα γὰρ αὐτῶν ἐν βραχεῖ τόπῳ τὰ σώματα διὰ μιᾶς στενῆς ὑποδοχῆς ἐχορήγει τὰ ἀναγκαῖα·
즉, 그녀는 그들의 신체를 좁은 공간에 가두어 두고 오직 하나의 좁은 구멍을 통해서만 필요한 생필품을 공급했다.
§19.11.5ἐπὶ πολλὰς δʼ ἡμέρας παρανομήσασα τοὺς ἠτυχηκότας, ἐπειδὴ παρὰ τοῖς Μακεδόσιν ἠδόξει διὰ τὸν πρὸς τοὺς πάσχοντας ἔλεον, τὸν μὲν Φίλιππον προσέταξε Θρᾳξί τισιν ἐκκεντῆσαι, βασιλέα γεγενημένον ἓξ ἔτη καὶ μῆνας τέσσαρας, τὴν δʼ Εὐρυδίκην παρρησιαζομένην καὶ βοῶσαν αὐτῇ μᾶλλον προσήκειν ἤπερ Ὀλυμπιάδι τὴν βασιλείαν ἔκρινε μείζονος ἀξιῶσαι τιμωρίας.
이 불행한 자들을 여러 날 동안 법에 어긋나게 고통스럽게 하던 중, 고통받는 이들에 대한 동정심 때문에 마케도니아인들 사이에서 평판을 잃게 되자, 그녀는 6년 4개월 동안 왕위에 있었던 필리포스를 몇몇 트라키아인들을 시켜 찔러 죽이도록 명령했다. 반면, 대담하게 소리를 높여 올림피아스보다 자신에게 왕위가 더 어울린다고 외치는 에우리디케에게는 더 큰 벌을 내리기로 결심했다.
§19.11.6εἰσέπεμψεν οὖν αὐτῇ ξίφος καὶ βρόχον καὶ κώνειον καὶ συνέταξε τούτων ᾧ βούλοιτο καταχρήσασθαι πρὸς τὸν θάνατον, οὔτε τὸ προγεγενημένον ἀξίωμα τῆς παρανομουμένης ἐντραπεῖσα τὸ παράπαν οὔτε τῆς κοινῆς τύχης εἰς οἶκτον ἐλθοῦσα.
그리하여 그녀는 에우리디케에게 칼과 목을 맬 밧줄, 그리고 독미나리를 보내고 죽음을 맞이할 때 이 중 원하는 것을 사용하라고 명령했다. 불법적으로 고통받는 그녀의 이전 위엄을 전혀 경외하지도 않았고, 인간 공통의 운명에 대한 동정심을 품지도 않았던 것이다.
§19.11.7τοιγαροῦν τῆς ὁμοίας μεταβολῆς τυχοῦσα τῆς ὠμότητος ἀξίαν ἔσχε τὴν τοῦ βίου καταστροφήν.
그리하여 올림피아스 자신도 이와 유사한 운명의 역전을 겪으며 그 잔혹함에 걸맞은 비참한 최후를 맞이하게 되었다.
Εὐρυδίκη μὲν γὰρ κατευξαμένη παρόντος τοῦ κομίσαντος τῶν ὁμοίων δωρεῶν Ὀλυμπιάδα τυχεῖν τὸν μὲν ἄνδρα περιέστειλεν, ἐπιμεληθεῖσα τῶν τραυμάτων ὥς ποθʼ ὁ καιρὸς συνεχώρει, ἑαυτὴν δʼ ἀνακρεμάσασα τῇ ζώνῃ κατέστρεψε τὸν βίον, οὔτε δακρύσασα τὴν αὑτῆς τύχην οὔτε τῷ μεγέθει τῶν συμπτωμάτων ταπεινωθεῖσα.
에우리디케는 선물을 가져온 자가 보는 앞에서 올림피아스도 이와 같은 선물을 받게 되기를 기원한 뒤, 남편의 시신을 수습하여 상황이 허락하는 대로 그의 상처를 돌보아 주었다. 그리고 자신의 허리띠로 목을 매어 생을 마감했는데, 자신의 운명에 눈물을 흘리지도 않았고 재앙의 거대함에 굴복하지도 않았다.
§19.11.8Ὀλυμπιὰς δὲ τούτων διαφθαρέντων ἀνεῖλε μὲν τὸν Νικάνορα τὸν ἀδελφὸν τοῦ Κασάνδρου, κατέστρεψε δὲ τὸν Ἰόλλου τάφον, μετερχομένη, καθάπερ ἔφησε, τὸν Ἀλεξάνδρου θάνατον, ἐπέλεξε δὲ καὶ τῶν Κασάνδρου φίλων τοὺς ἐπιφανεστάτους ἑκατὸν Μακεδόνας, οὓς ἅπαντας ἀπέσφαξεν.
올림피아스는 이들이 죽자 카산드로스의 형제 니카노르를 죽였고, 이올라스의 무덤을 파헤쳤는데, 그녀가 말하기를 알렉산드로스의 죽음에 대한 복수라고 했다. 그녀는 또한 카산드로스의 친구들 중 가장 저명한 마케도니아인 100명을 골라내어 그들 모두를 도살했다.
§19.11.9ἐν τοιούτοις δὲ παρανομήμασι πληροῦσα τὸν ἑαυτῆς θυμὸν ταχὺ πολλοὺς τῶν Μακεδόνων ἐποίησε μισῆσαι τὴν ὠμότητα·
이처럼 불법적인 악행들로 자신의 분노를 채워 가며 그녀는 곧 많은 마케도니아인들이 자신의 잔혹함을 미워하게 만들었다.
πάντες γὰρ ἀνεμιμνήσκοντο τῶν Ἀντιπάτρου λόγων, ὃς καθάπερ χρησμῳδῶν ἐπὶ τῆς τελευτῆς παρεκελεύσατο μηδέποτε συγχωρῆσαι γυναικὶ τῆς βασιλείας προστατῆσαι.
모두가 안티파트로스의 유언을 떠올렸기 때문인데, 그는 임종 시 마치 신탁을 전하듯 여성에게 왕국의 통치를 맡기는 것을 결코 허용해서는 안 된다고 권고했던 것이다.
τὰ μὲν οὖν κατὰ Μακεδονίαν τοῦτον τὸν τρόπον διοικηθέντα πρόδηλον εἶχε τὴν ἐσομένην μεταβολήν.
이와 같이 마케도니아의 사태는 처리되었으며, 이는 앞으로 닥칠 운명의 역전을 명백히 예고하고 있었다.