§19.109.1ὁ δʼ Ἀμίλκας ὁρῶν κατισχυομένους τοὺς ἑαυτοῦ καὶ τῶν Ἑλλήνων ἀεὶ πλείους παρεισπίπτοντας εἰς τὴν παρεμβολὴν ἐπέστησε τοὺς σφενδονήτας τοὺς ἐκ τῶν Βαλιαρίδων νήσων, ὄντας οὐκ ἐλάττους τῶν χιλίων.
하밀카르는 아군이 밀리고 그리스인들이 점점 더 많이 진영 안으로 난입하는 것을 보고, 발레아레스 제도 출신의 투석병들을 배치했는데, 그 수는 일천 명을 밑도지 않았다.
§19.109.2οὗτοι δὲ συνεχεῖς καὶ μεγάλους λίθους ἀφιέντες πολλοὺς μὲν ἐτραυμάτιζον, οὐκ ὀλίγους δὲ καὶ τῶν βιαζομένων ἀπέκτεινον, τῶν δὲ πλείστων τὰ σκεπάζοντα τῶν ὅπλων συνέτριβον·
이들은 크고 무거운 돌을 끊임없이 날려 많은 이들에게 부상을 입히고, 난입하려는 자들 중 적지 않은 수를 죽였으며, 대부분의 병사들의 방어용 무구를 박살 냈다.
οἱ γὰρ ἄνδρες οὗτοι μναιαίους λίθους βάλλειν εἰωθότες μεγάλα συμβάλλονται πρὸς νίκην ἐν τοῖς κινδύνοις, ὡς ἂν ἐκ παίδων παρʼ αὐτοῖς τῆς ἐν ταῖς σφενδόναις γυμνασίας διαπονουμένης.
이 사내들은 1므나 무게의 돌을 던지는 데 익숙하여 위험한 상황에서 승리에 크게 기여하곤 했는데, 그들 사이에서는 어릴 때부터 투석기 훈련이 부단히 행해지기 때문이다.
§19.109.3τούτῳ δὲ τῷ τρόπῳ τοὺς Ἕλληνας ἐκ τῆς παρεμβολῆς ἐκβαλόντες ἐκράτησαν.
이런 방식으로 그들은 그리스인들을 진영 밖으로 밀어내며 우세를 점했다.
πάλιν δὲ οἱ περὶ τὸν Ἀγαθοκλέα κατʼ ἄλλους τόπους προσβολὰς ἐποιοῦντο καὶ δὴ τῆς παρεμβολῆς ἤδη κατὰ κράτος ἁλισκομένης κατέπλευσε τοῖς Καρχηδονίοις δύναμις ἐκ Λιβύης ἀνέλπιστος.
그러나 아가토클레스 진영의 병사들은 다시 다른 지점들에서 공격을 감행했고, 진영이 마침내 힘으로 함락되기 직전에 리비아로부터 예기치 못한 원군이 카르타고인들을 위해 배를 타고 도착했다.
§19.109.4διὸ καὶ ταῖς ψυχαῖς πάλιν θαρρήσαντες οἱ μὲν ἐκ τῆς παρεμβολῆς κατὰ στόμα ἐκινδύνευον, οἱ δὲ παρόντες ἐπὶ τὴν βοήθειαν κύκλῳ περιίσταντο τοὺς Ἕλληνας.
그리하여 다시 용기를 얻은 진영 내의 병사들은 정면에서 맞서 싸웠고, 구원을 위해 도착한 원군들은 그리스인들을 포위했다.
ὧν τιτρωσκομένων παραδόξως ἡ μὲν μάχη ταχὺ παλίντροπος ἐγένετο, ἔφευγον δʼ οἱ μὲν εἰς τὸν Ἱμέραν ποταμόν, οἱ δʼ εἰς τὴν παρεμβολήν.
그리스인들이 불시에 부상을 입는 가운데 전투의 형세는 빠르게 역전되었고, 일부는 히메라 강으로, 다른 이들은 (자신들의) 진영으로 도망쳤다.
τεσσαράκοντα σταδίους δʼ ἐχούσης τῆς ἀποχωρήσεως καὶ ταῦτα σχεδὸν πάσης πεδινῆς οὔσης ἐπεδίωκον οἱ τῶν βαρβάρων ἱππεῖς, οὐκ ἔλασσον ὄντες πεντακισχιλίων.
퇴각로가 40스타디온에 달하는 데다 그 길의 거의 전체가 평지였기 때문에, 5천 명을 밑돌지 않는 야만인 기병들이 그들을 추격했다.
διὸ καὶ συνέβη τὸν μεταξὺ τόπον νεκρῶν πληρωθῆναι, πολλὰ συμβαλλομένου καὶ τοῦ ποταμοῦ πρὸς τὴν τῶν Ἑλλήνων ἀπώλειαν·
이 때문에 중간의 지역은 시체로 가득 차게 되었고, 강 또한 그리스인들의 파멸에 크게 일조했다.
§19.109.5ὑπὸ κύνα γὰρ οὔσης τῆς ὥρας καὶ τοῦ διωγμοῦ περὶ μέσον ἡμέρας γινομένου οἱ πολλοὶ τῶν φευγόντων διά τε τὸ καῦμα καὶ τὴν ἐκ τῆς φυγῆς κακοπάθειαν ἔκδιψοι γιγνόμενοι λάβρως ἔπινον, καὶ ταῦθʼ ἁλυκοῦ τοῦ ῥεύματος ὄντος.
왜냐하면 도그스타가 떠오르는 한여름의 계절이었고 추격이 한낮에 이루어졌기 때문에, 도망치던 자들의 대부분은 더위와 도주로 인한 피로로 극심한 갈증을 느껴 강물이 짠 것임에도 불구하고 벌컥벌컥 들이켰기 때문이다.
διόπερ οὐκ ἐλάττους τῶν ἐν τῷ διωγμῷ σφαγέντων εὑρέθησαν παρὰ τὸν ποταμὸν τετελευτηκότες ἄτρωτοι.
그리하여 추격 중에 살해당한 자들 못지않게 많은 이들이 강가에서 상처 하나 없이 숨진 채 발견되었다.
ἔπεσον δʼ ἐν τῇ μάχῃ ταύτῃ τῶν μὲν βαρβάρων περὶ πεντακοσίους, τῶν δʼ Ἑλλήνων οὐκ ἐλάττους ἑπτακισχιλίων.
이 전투에서 야만인은 약 5백 명이 전사했고, 그리스인은 7천 명을 밑돌지 않는 수가 전사했다.