§19.108.1κατεῖχον δὲ Καρχηδόνιοι μὲν τὸν Ἔκνομον λόφον, ὅν φασι φρούριον γεγενῆσθαι Φαλάριδος.
카르타고인들은 과거 팔라리스의 요새였다고 전해지는 에크노모스 언덕을 차지하고 있었다.
ἐν τούτῳ δὲ λέγεται κατεσκευακέναι τὸν τύραννον ταῦρον χαλκοῦν τὸν διαβεβοημένον πρὸς τὰς τῶν βεβασανισμένων τιμωρίας, ὑποκαιομένου τοῦ κατασκευάσματος·
이 언덕에 그 참주가 고문받는 이들을 처벌하기 위해 널리 알려진 청동 황소를 제작했다고 전해지며, 그 기구 아래에는 불이 지펴졌다고 한다.
διὸ καὶ τὸν τόπον Ἔκνομον ἀπὸ τῆς εἰς τοὺς ἀτυχοῦντας ἀσεβείας προσηγορεῦσθαι.
그리하여 그 장소는 불행한 이들에 대한 그의 불경함에서 유래하여 '에크노모스'(무법의 장소)라고 불렸다고 한다.
§19.108.2ἐκ δὲ θατέρου μέρους Ἀγαθοκλῆς ἕτερον τῶν Φαλάριδος γεγενημένων φρουρίων κατεῖχε, τὸ προσαγορευθὲν ἀπʼ ἐκείνου Φαλάριον.
반대편에서는 아가토클레스가 과거 팔라리스의 소유였던 또 다른 요새, 즉 그의 이름을 따서 팔라리온이라 불린 곳을 차지하고 있었다.
καὶ διὰ μέσων μὲν τῶν παρεμβολῶν ἦν ποταμός, ὃν ἀμφότεροι πρόβλημα τῶν πολεμίων ἐπεποίηντο, φῆμαι δὲ κατεῖχον ἐπὶ τῶν προτέρων χρόνων ὅτι δεῖ περὶ τὸν τόπον τοῦτον πλῆθος ἀνθρώπων ἐν μάχῃ διαφθαρῆναι.
두 진영 사이에는 강이 흐르고 있어 양측 모두 적에 대한 방벽으로 삼고 있었는데, 이전 시대부터 이 장소 부근에서 전투로 인해 수많은 사람들이 목숨을 잃을 수밖에 없다는 예언이 퍼져 있었다.
οὐκ ὄντος δὲ φανεροῦ παρʼ ὁποτέροις γενήσεται τὸ ἀτύχημα, συνέβαινε δεισιδαιμονεῖν τὰ στρατόπεδα καὶ πρὸς μάχην ὀκνηρῶς ἔχειν.
이 재앙이 어느 쪽에서 일어날지 확실하지 않았기 때문에, 양 진영은 미신적인 두려움에 사로잡혀 전투를 주저하게 되었다.
§19.108.3διόπερ ἐπὶ πολὺν χρόνον οὐδέτεροι τὸν ποταμὸν ἐτόλμων διαβαίνειν ἀθρόοις στρατιώταις, ἕως ὅτου παράλογός τις αἰτία προεκαλέσατο αὐτοὺς εἰς τὸν ὁλοσχερῆ κίνδυνον.
그리하여 오랫동안 양측 모두 대군을 이끌고 강을 건널 엄두를 내지 못했으나, 결국 예기치 못한 어떤 원인이 그들을 전면적인 위험으로 몰아넣었다.
τῶν γὰρ Λιβύων κατατρεχόντων τὴν πολεμίαν Ἀγαθοκλῆς παρωξύνθη τὸ παραπλήσιον ποιῆσαι.
리비아인들이 적의 영토를 약탈하고 다녔기 때문에, 아가토클레스도 이와 마찬가지의 행동을 하도록 자극받았던 것이다.
ἀγόντων δὲ λείαν τῶν Ἑλλήνων καί τινα τῶν ἀπὸ τῆς παρεμβολῆς ὑποζυγίων ἀπαγαγόντων ἐπεξῆλθον ἐκ τοῦ Καρχηδονίων χάρακος οἱ τούτους διώξοντες.
그리스인들이 전리품을 챙기고 진영에서 가축 몇 마리를 끌고 가려 하자, 이들을 추격하려는 자들이 카르타고인의 진영에서 밖으로 나왔다.
§19.108.4ὁ δʼ Ἀγαθοκλῆς προϊδόμενος τὸ μέλλον ἔσεσθαι παρὰ τὸν ποταμὸν ἔθηκεν ἐνέδραν ἀνδρῶν ἐπιλέκτων ταῖς ἀρεταῖς.
아가토클레스는 장차 일어날 일을 예견하고 강가에 용맹함으로 선발된 병사들의 매복 조를 배치했다.
οὗτοι δέ, τῶν Καρχηδονίων τοὺς τὴν λείαν ἄγοντας ἐπιδιωκόντων καὶ διαβάντων τὸν ποταμόν, ἐξανέστησαν ἐκ τῆς ἐνέδρας ἄφνω καὶ προσπεσόντες ἀτάκτοις ῥᾳδίως ἐτρέψαντο.
이들은 카르타고인들이 전리품을 끄는 자들을 추격하며 강을 건넜을 때, 매복지에서 갑자기 나타나 대열이 흐트러진 적들을 기습하여 쉽게 패주시켰다.
§19.108.5φονευομένων δὲ τῶν βαρβάρων καὶ πρὸς τὴν ἰδίαν παρεμβολὴν φευγόντων Ἀγαθοκλῆς, νομίσας ἥκειν τὸν καιρὸν τοῦ διαγωνίσασθαι, πᾶσαν ἤγαγε τὴν δύναμιν ἐπὶ τὴν τῶν πολεμίων στρατοπεδείαν.
야만인들이 살육당하며 자신들의 진영으로 도망치는 상황에서, 아가토클레스는 승부를 낼 기회가 왔다고 판단하고 전 군세를 이끌고 적의 진영으로 향했다.
προσπεσὼν δʼ αὐτοῖς ἀπροσδοκήτως καὶ ταχὺ μέρος τῆς τάφρου χώσας ἀνέσπασε τὸν χάρακα καὶ βιαζόμενος εἰς τὴν παρεμβολὴν παρεισέπεσεν.
그는 불시에 적들을 습격하여 참호의 일부를 신속히 메우고 목책을 뽑아낸 뒤, 힘으로 밀어붙여 진영 안으로 난입했다.
§19.108.6οἱ δὲ Καρχηδόνιοι διά τε τὸ παράδοξον καταπεπληγμένοι καὶ πρὸς ἔκταξιν οὐ δυνάμενοι λαβεῖν ἀναστροφήν, ὡς ἔτυχε τοῖς πολεμίοις ἀπήντων καὶ ἠγωνίζοντο.
카르타고인들은 예기치 못한 사태에 경악하고 전열을 정비할 여유조차 없었기에, 마주치는 대로 적에 맞서 싸웠다.
περὶ δὲ τὴν τάφρον ἀμφοτέρων ἐρρωμένως κινδυνευόντων ταχὺ πᾶς ὁ πλησίον τόπος νεκρῶν κατεστρώθη·
참호 주변에서 양측이 격렬하게 목숨을 걸고 싸우는 가운데, 곧 주변 일대가 시체로 뒤덮였다.
οἵ τε γὰρ τῶν Καρχηδονίων ἐπιφανέστατοι τὴν παρεμβολὴν ὁρῶντες ἁλισκομένην ἐβοήθουν, οἵ τε περὶ τὸν Ἀγαθοκλέα τῷ προτερήματι τεθαρρηκότες καὶ νομίζοντες ἑνὶ κινδύνῳ καταλύσειν πάντα τὸν πόλεμον ἐνέκειντο τοῖς βαρβάροις.
카르타고의 가장 명망 있는 자들이 진영이 함락되는 것을 보고 구원에 나섰으며, 아가토클레스 진영의 병사들은 선제의 성공으로 기세등등해져 단 한 번의 전투로 전쟁 전체를 끝낼 수 있다고 생각하여 야만인들을 맹렬히 몰아붙였기 때문이다.