§19.101.1ἅμα δὲ τούτοις πραττομένοις κατὰ μὲν τὴν Ἰταλίαν Ῥωμαίων διαπολεμούντων τὸν πρὸς Σαμνίτας πόλεμον συνεχεῖς ἐγίνοντο προνομαὶ τῆς χώρας καὶ πολιορκίαι πόλεων καὶ δυνάμεων ἐν ὑπαίθρῳ στρατοπεδεῖαι·
이러한 일들이 행해지고 있는 동시에, 이탈리아에서는 로마인들이 삼니움인들과의 전쟁을 치르고 있는 동안 영토에 대한 끊임없는 약탈과 도시들의 포위, 그리고 야외에서의 군대 진영 구축이 일어나고 있었다.
τὰ γὰρ μαχιμώτατα τῶν κατὰ τὴν Ἰταλίαν ἐθνῶν περὶ ἡγεμονίας φιλοτιμούμενα παντοίους συνίσταντο κινδύνους.
이탈리아의 가장 호전적인 부족들이 패권을 두고 경쟁하며 온갖 위험에 맞서고 있었기 때문이다.
§19.101.2οἱ μὲν οὖν τῶν Ῥωμαίων ὕπατοι μέρος τῆς δυνάμεως ἀναλαβόντες ἀντεστρατοπέδευσαν ταῖς τῶν πολεμίων παρεμβολαῖς καὶ πρὸς μὲν μάχην καιρὸν ἐπετήρουν οἰκεῖον, ταῖς δὲ συμμαχίσι πόλεσι παρείχοντο τὴν ἀσφάλειαν.
그리하여 로마의 집정관들은 군대의 일부를 이끌고 적들의 진영에 맞서 진을 쳤고, 전투를 위한 적절한 기회를 엿보는 한편, 동맹 도시들에게는 안전을 제공하고 있었다.
§19.101.3τὸ δὲ λοιπὸν στρατόπεδον ἀναλαβὼν Κόιντος Φάβιος, ὃς ἦν αὐτοκράτωρ ᾑρημένος, τήν τε Φρεγελλανῶν πόλιν εἷλε καὶ τῶν ἀλλοτρίως διακειμένων πρὸς τὴν Ῥώμην τοὺς ἐπιφανεστάτους ἐζώγρησεν.
한편 남은 군대를 이끌고 간 퀸투스 파비우스는(그는 독재관으로 선출되어 있었다), 프레겔라이인들의 도시를 함락하고 로마에 적대적인 태도를 취하던 자들 중 가장 저명한 이들을 생포했다.
τούτους δὲ τὸν ἀριθμὸν ὄντας πλείους τῶν διακοσίων ἀπήγαγεν εἰς Ῥώμην καὶ προαγαγὼν εἰς τὴν ἀγορὰν ῥαβδίσας ἐπελέκησε κατὰ τὸ πάτριον ἔθος.
그는 그 수가 200명이 넘는 이 사람들을 로마로 압송해 갔고, 광장으로 데리고 나와 조상의 관습에 따라 매질한 뒤 도끼로 목을 베었다.
μετʼ ὀλίγον δὲ ἐμβαλὼν εἰς τὴν τῶν πολεμίων χώραν Καλατίαν καὶ τὴν Νωλάνων ἀκρόπολιν ἐξεπολιόρκησεν καὶ λαφύρων μὲν πλῆθος ἀπέδοτο, τοῖς δὲ στρατιώταις πολλὴν τῆς χώρας κατεκληρούχησεν.
얼마 후 그는 적들의 영토로 쳐들어가 칼라티아와 놀라인들의 아크로폴리스를 포위 공격하여 함락시켰고, 많은 전리품을 매각하는 한편, 병사들에게는 그 영토의 많은 부분을 분배해 주었다.
ὁ δὲ δῆμος, κατὰ νοῦν τῶν πραγμάτων αὐτῷ προχωρούντων, ἀποικίαν ἀπέστειλεν εἰς τὴν νῆσον τὴν Ποντίαν καλουμένην.
민중은 파비우스에게 일이 뜻하는 대로 잘 진행되자, 폰티아라고 불리는 섬으로 식민시 개척자들을 파견했다.