§18.69.1τοῦ δὲ Πολυπέρχοντος περὶ ταῦτα διατρίβοντος ὁ Κάσανδρος ἀναλαβὼν τὸν στόλον Αἰγινήτας μὲν προσηγάγετο, τοὺς δὲ Σαλαμινίους ἀλλότρια φρονοῦντας εἰς πολιορκίαν συνέκλεισε.
폴리페르콘이 이러한 일에 매달려 있는 동안, 카산드로스는 함대를 이끌고 아이기나 시민들을 자기 편으로 끌어들이는 한편, 적대적인 살라미스 시민들을 포위 전 속에 몰아넣었다.
καθʼ ἡμέραν δὲ συνεχεῖς ποιούμενος προσβολὰς καὶ βελῶν καὶ στρατιωτῶν εὐπορῶν εἰς τοὺς ἐσχάτους κινδύνους ἤγαγε τοὺς Σαλαμινίους.
그는 매일 끊임없이 공격을 가하고 투사 무기와 군사도 충분히 보유하고 있었기에 살라미스 시민들을 극심한 위험에 빠뜨렸다.
§18.69.2κινδυνευούσης δὲ τῆς πόλεως ἁλῶναι κατὰ κράτος ὁ Πολυπέρχων ἐξέπεμψε δύναμιν ἀξιόλογον πεζικήν τε καὶ ναυτικὴν τὴν ἐπιθησομένην τοῖς πολιορκοῦσι.
도시가 함락될 위기에 처하자, 폴리페르콘은 포위하고 있는 자들을 공격하기 위해 육군과 해군으로 구성된 상당한 규모의 군대를 파견했다.
διόπερ ὁ Κάσανδρος καταπλαγεὶς καὶ λύσας τὴν πολιορκίαν ἀπέπλευσεν εἰς τὸν Πειραιᾶ.
그리하여 카산드로스는 두려움에 사로잡혀 포위를 풀고 피레에우스로 배를 타고 퇴각했다.
§18.69.3Πολυπέρχων δὲ βουλόμενος τὰ κατὰ τὴν Πελοπόννησον διοικῆσαι συμφερόντως παρῆλθε καὶ συναγαγὼν ἐκ τῶν πόλεων συνέδρους διελέχθη περὶ τῆς πρὸς αὐτὸν συμμαχίας.
폴리페르콘은 펠로폰네소스의 일들을 자신에게 유리하게 처리하기를 원하여 그곳으로 나아갔고, 여러 도시에서 대의원들을 모아 자신과의 동맹에 대해 논의했다.
ἐξέπεμψε δὲ καὶ πρὸς τὰς πόλεις πρεσβευτάς, προστάττων τοὺς μὲν διʼ Ἀντιπάτρου καθεσταμένους ἄρχοντας ἐπὶ τῆς ὀλιγαρχίας θανατῶσαι, τοῖς δὲ δήμοις ἀποδοῦναι τὴν αὐτονομίαν.
또한 그는 여러 도시에 사절을 보내, 과두정하에서 안티파트루스에 의해 임명된 집정관들을 처형하고, 민중에게 자치권을 돌려주도록 명령했다.
§18.69.4πολλῶν δʼ ὑπακουσάντων καὶ κατὰ τὰς πόλεις φόνων γινομένων καί τινων φυγαδευομένων οἱ μὲν Ἀντιπάτρου φίλοι διεφθάρησαν, τὰ δὲ πολιτεύματα τὴν ἐκ τῆς αὐτονομίας παρρησίαν ἀπέλαβον καὶ συνεμάχουν τοῖς περὶ τὸν Πολυπέρχοντα.
많은 이가 이에 따르고 여러 도시에서 학살이 일어나며 일부가 추방되는 가운데, 안티파트루스의 친구들은 살해되었고, 시민 공동체는 자치에서 나오는 언론의 자유를 되찾고 폴리페르콘 일당과 동맹을 맺었다.
μόνων δὲ τῶν Μεγαλοπολιτῶν διατηρούντων τὴν πρὸς Κάσανδρον φιλίαν ἔκρινε πολιορκῆσαι τὴν πόλιν αὐτῶν.
오직 메갈로폴리스 시민들만이 카산드로스와의 우호 관계를 유지하고 있었기에, 그는 그들의 도시를 포위 공격하기로 결정했다.