§2.5.1τὰ μὲν οὖν κατὰ τὴν γένεσιν τῆς Σεμιράμιδος μυθολογούμενα σχεδὸν ταῦτʼ ἔστιν.
세미라미스의 탄생에 관해 전해지는 신화는 대략 이러하다.
ἤδη δʼ αὐτῆς ἡλικίαν ἐχούσης γάμου καὶ τῷ κάλλει πολὺ τὰς ἄλλας παρθένους διαφερούσης, ἀπεστάλη παρὰ βασιλέως ὕπαρχος ἐπισκεψόμενος τὰ βασιλικὰ κτήνη·
그녀가 이미 혼기에 이르고 아름다움에 있어서 다른 처녀들을 훨씬 능가했을 때, 왕의 가축들을 검사하기 위해 왕으로부터 한 관리(히파르코스)가 파견되었다.
οὗτος δʼ ἐκαλεῖτο μὲν Ὄννης, πρῶτος δʼ ἦν τῶν ἐκ τοῦ βασιλικοῦ συνεδρίου καὶ τῆς Συρίας ἁπάσης ἀποδεδειγμένος ὕπαρχος.
이 사람은 온네스라 불렸으며, 왕실 평의회에서 첫째가는 자였고 시리아 전역의 총독으로 임명된 자였다.
ὃς καταλύσας παρὰ τῷ Σίμμᾳ καὶ θεωρήσας τὴν Σεμίραμιν ἐθηρεύθη τῷ κάλλει·
그는 시마스의 처소에 묵으면서 세미라미스를 보았고, 그녀의 아름다움에 사로잡혔다.
διὸ καὶ τοῦ Σίμμα καταδεηθεὶς αὑτῷ δοῦναι τὴν παρθένον εἰς γάμον ἔννομον, ἀπήγαγεν αὐτὴν εἰς Νίνον, καὶ γήμας ἐγέννησε δύο παῖδας, §2.5.2Ὑαπάτην καὶ Ὑδάσπην.
그리하여 시마스에게 이 처녀를 자신에게 정식 혼인을 위해 아내로 줄 것을 간청하여 그녀를 니노스로 데려갔고, 그녀와 결혼하여 두 아이를 낳았으니, 히아파테스와 히다스페스였다.
τῆς δὲ Σεμιράμιδος ἐχούσης καὶ τἄλλα ἀκόλουθα τῇ περὶ τὴν ὄψιν εὐπρεπείᾳ, συνέβαινε τὸν ἄνδρα τελέως ὑπʼ αὐτῆς δεδουλῶσθαι, καὶ μηδὲν ἄνευ τῆς ἐκείνης γνώμης πράττοντα κατευστοχεῖν ἐν πᾶσι.
세미라미스는 용모의 아름다움에 걸맞은 다른 모든 자질도 갖추고 있었기에, 남편은 완전히 그녀에게 노예처럼 지배당하게 되었고, 그녀의 의견 없이는 아무것도 하지 않음으로써 모든 일에서 성공을 거두었다.
§2.5.3καθʼ ὃν δὴ χρόνον ὁ βασιλεύς, ἐπειδὴ τὰ περὶ τὴν κτίσιν τῆς ὁμωνύμου πόλεως συνετέλεσε, στρατεύειν ἐπὶ Βακτριανοὺς ἐπεχείρησεν.
바로 그 시기에 왕은 자신의 이름을 딴 도시의 창건에 관한 과업을 완수하자, 박트리아인들을 상대로 원정을 시도했다.
εἰδὼς δὲ τά τε πλήθη καὶ τὴν ἀλκὴν τῶν ἀνδρῶν, ἔτι δὲ τὴν χώραν ἔχουσαν πολλοὺς τόπους ἀπροσίτους διὰ τὴν ὀχυρότητα, κατέλεξεν ἐξ ἁπάντων τῶν ὑπʼ αὐτὸν ἐθνῶν στρατιωτῶν πλῆθος·
그는 그곳 사람들의 수효와 용맹함을 알고 있었고, 게다가 그 나라가 요새화되어 접근하기 어려운 곳을 많이 가지고 있음을 알고 있었기에, 자신의 지배하에 있는 모든 민족들로부터 수많은 군사들을 소집했다.
ἐπεὶ γὰρ τῆς πρότερον στρατείας ἀποτετευχὼς ἦν, ἔσπευδε πολλαπλασίονι παραγενέσθαι δυνάμει πρὸς τὴν Βακτριανήν.
이전 원정에서 실패했었기 때문에, 그는 몇 배나 더 강력한 군세를 이끌고 박트리아네로 향하기를 서둘렀던 것이다.
§2.5.4συναχθείσης δὲ τῆς στρατιᾶς πανταχόθεν ἠριθμήθησαν, ὡς Κτησίας ἐν ταῖς ἱστορίαις ἀναγέγραφε, πεζῶν μὲν ἑκατὸν ἑβδομήκοντα μυριάδες, ἱππέων δὲ μιᾷ πλείους τῶν εἴκοσι μυριάδων, ἅρματα δὲ δρεπανηφόρα μικρὸν ἀπολείποντα τῶν μυρίων ἑξακοσίων.
사방에서 군대가 모였을 때, 크테시아스가 그의 역사서에 기록한 바에 따르면, 보병은 백칠십만 명, 기병은 이십일만 명이었으며, 낫 달린 전차는 만 육백 대에 약간 미치지 못하는 수효로 헤아려졌다.
§2.5.5ἔστι μὲν οὖν ἄπιστον τοῖς αὐτόθεν ἀκούσασι τὸ πλῆθος τῆς στρατιᾶς, οὐ μὴν ἀδύνατόν γε φανήσεται τοῖς ἀναθεωροῦσι τὸ τῆς Ἀσίας μέγεθος καὶ τὰ πλήθη τῶν κατοικούντων αὐτὴν ἐθνῶν.
그러므로 그 군대의 수효는 그 자체만 듣는 이들에게는 믿기 힘든 일이지만, 아시아의 크기와 그곳에 거주하는 민족들의 수효를 재고하는 이들에게는 결코 불가능해 보이지 않을 것이다.
εἰ γάρ τις ἀφεὶς τὴν ἐπὶ Σκύθας Δαρείου στρατείαν μετὰ ὀγδοήκοντα μυριάδων καὶ τὴν Ξέρξου διάβασιν ἐπὶ τὴν Ἑλλάδα τοῖς ἀναριθμήτοις πλήθεσι, τὰς ἐχθὲς καὶ πρῴην συντελεσθείσας πράξεις ἐπὶ τῆς Εὐρώπης σκέψαιτο, τάχιον ἂν πιστὸν ἡγήσαιτο τὸ ῥηθέν.
만약 어떤 이가 팔십만 명을 이끌고 간 다레이오스의 스키타이 원정과 무수한 군세를 이끌고 그리스로 건너간 크세르크세스의 원정을 제외하더라도, 최근 유럽에서 성취된 일들을 살펴본다면 앞서 말한 바를 더 빨리 신뢰하게 될 것이기 때문이다.
§2.5.6κατὰ μὲν οὖν τὴν Σικελίαν ὁ Διονύσιος ἐκ μιᾶς τῆς τῶν Συρακοσίων πόλεως ἐξήγαγεν ἐπὶ τὰς στρατείας πεζῶν μὲν δώδεκα μυριάδας, ἱππεῖς δὲ μυρίους καὶ δισχιλίους, ναῦς δὲ μακρὰς ἐξ ἑνὸς λιμένος τετρακοσίας, ὧν ἦσαν ἔνιαι τετρήρεις καὶ πεντήρεις·
예컨대 시켈리아에서 디오니시오스는 시라쿠사라는 단 하나의 도시에서만 보병 십이만 명과 기병 만 이천 명을 원정에 출동시켰고, 단 하나의 항구에서 장선 사백 척을 출동시켰는데, 그중에는 사단노선과 오단노선도 포함되어 있었다.
§2.5.7Ῥωμαῖοι δὲ μικρὸν πρὸ τῶν Ἀννιβαϊκῶν καιρῶν, προορώμενοι τὸ μέγεθος τοῦ πολέμου, κατέγραψαν τοὺς κατὰ τὴν Ἰταλίαν ἐπιτηδείους εἰς στρατείαν πολίτας τε καὶ συμμάχους, ὧν ὁ σύμπας ἀριθμὸς μικρὸν ἀπέλιπε τῶν ἑκατὸν μυριάδων·
또한 로마인들은 한니발 전쟁기 직전에 전쟁의 규모를 예견하고 이탈리아 전역에서 군 복무에 적합한 시민들과 동맹시민들을 징집했는데, 그 총합은 백만 명에 약간 못 미쳤다.
καίτοι γʼ ἕνεκα πλήθους ἀνθρώπων τὴν Ἰταλίαν ὅλην οὐκ ἄν τις συγκρίνειε πρὸς ἓν ἔθνος τῶν κατὰ τὴν Ἀσίαν.
하지만 인구의 수효라는 점에서 이탈리아 전체를 아시아의 단 하나의 민족과도 비교할 수 없을 것이다.
ταῦτα μὲν οὖν ἡμῖν εἰρήσθω πρὸς τοὺς ἐκ τῆς νῦν περὶ τὰς πόλεις οὔσης ἐρημίας τεκμαιρομένους τὴν παλαιὰν τῶν ἐθνῶν πολυανθρωπίαν.
오늘날 도시 주변의 황폐함을 근거로 고대 민족들의 다인구성을 추정하려는 이들에 대하여, 우리의 관점은 이 정도로 말해 두기로 하자.