§17.88.1γενομένης δὲ μάχης τὸ μὲν πρῶτον τοῖς ἱππεῦσιν ἅπαντα σχεδὸν τὰ ἅρματα τῶν Ἰνδῶν διεφθάρη·
전투가 시작되자, 처음에는 인도인들의 전차 중 거의 전부가 기병들에 의해 파괴되었다.
μετὰ δὲ ταῦτα τῶν ἐλεφάντων ταῖς τε τῶν σωμάτων ὑπεροχαῖς καὶ ταῖς ἀλκαῖς δεόντως χρωμένων οἱ μὲν ὑπὸ τῶν θηρίων συμπατούμενοι μετὰ τῶν ὅπλων θραυομένων τῶν ὀστῶν ἀπώλλυντο, οἱ δὲ ταῖς προνομαῖς περιλαμβανόμενοι καὶ πρὸς ὕψος ἐξαρθέντες πάλιν πρὸς τὴν γῆν ἐράττοντο καὶ δεινοῖς θανάτοις περιέπιπτον, πολλοὶ δὲ τοῖς ὀδοῦσι συγκεντούμενοι καὶ διʼ ὅλων τῶν σωμάτων τιτρωσκόμενοι παραχρῆμα τοῦ ζῆν ἐστερίσκοντο.
그 후 코끼리들이 자신들의 거대한 몸집과 힘을 십분 발휘하자, 어떤 이들은 야수들에게 짓밟혀 무구와 함께 뼈가 부러져 죽어갔고, 다른 이들은 코끼리 코에 휘감겨 공중 높이 들렸다가 다시 땅바닥으로 내동댕이쳐져 끔찍한 죽음을 맞이했으며, 많은 이들이 상아에 찔려 온몸에 부상을 입고 그 자리에서 목숨을 잃었다.
§17.88.2τῶν δὲ Μακεδόνων εὐρώστως ὑπομενόντων τὸ δεινὸν καὶ τοὺς ἀνὰ μέσον τῶν θηρίων ταῖς σαρίσαις ἀναιρούντων ἰσόρροπος ἦν ἡ μάχη.
그러나 마케도니아인들이 그 두려운 상황에 꿋꿋이 버텨내며 야수들 사이에 있는 적들을 사리사로 처단했기에 전투는 팽팽한 균형을 이루었다.
§17.88.3μετὰ δὲ ταῦτα τῶν θηρίων συνακοντιζομένων καὶ διὰ τὸ πλῆθος τῶν τραυμάτων περιοδύνων γινομένων οἱ μὲν περιβεβηκότες αὐτοῖς Ἰνδοὶ κρατεῖν τῆς ὁρμῆς τῶν ζῴων οὐκ ἴσχυον·
그 후 야수들이 사방에서 투창을 맞고 수많은 상처로 인한 극심한 고통에 시달리게 되자, 코끼리에 타고 있던 인도인들은 야수들의 날뛰는 기세를 제어할 수 없었다.
ἐκνεύοντα γὰρ εἰς τοὺς ἰδίους ταῖς ὁρμαῖς ἀκατασχέτως ἐφέρετο καὶ τοὺς φίλους συνεπάτει·
야수들이 아군 쪽으로 방향을 틀어 제어할 수 없는 기세로 돌진하며 동료들을 짓밟았기 때문이다.
§17.88.4ταραχῆς δὲ πολλῆς γινομένης ὁ Πῶρος συνιδὼν τὸ γινόμενον καὶ τεταγμένος ἐπὶ τοῦ κρατίστου τῶν ἐλεφάντων ἤθροισε περὶ αὑτὸν τεσσαράκοντα τῶν θηρίων τὰ μήπω τεταραγμένα καὶ τῶν βάρει τῶν ἐλεφάντων ἐπιβαλὼν τοῖς πολεμίοις πολὺν ἐποίει φόνον, ἅτε καὶ τῇ ῥώμῃ τοῦ σώματος πολὺ προέχων τῶν συστρατευομένων·
큰 혼란이 일어나는 와중에 포로스는 전황을 파악하고 가장 강력한 코끼리 위에 올라타 정렬해 있었는데, 아직 혼란에 빠지지 않은 마흔 마리의 야수들을 자기 주변으로 모은 뒤 코끼리들의 무게로 적들을 덮쳐 많은 살육을 감행했다. 그 자신 역시 신체적인 힘에서 동료 군사들을 훨씬 능가했기 때문이다.
τὸ γὰρ μῆκος ἦν πηχῶν πέντε, τὸ δʼ εὖρος ὑπῆρχεν ὁ θώραξ αὐτοῦ διπλάσιος τῶν ἄλλων τῶν εὐρωστίᾳ διαφερόντων.
그의 키는 5큐빗이었으며, 그의 흉갑은 건강함이 뛰어난 다른 이들의 흉갑에 비해 그 너비가 두 배에 달했다.
§17.88.5διόπερ τὰ βαλλόμενα σαυνία τοιαύτην εἶχε δύναμιν ὥστε μὴ πολὺ λείπεσθαι τῶν καταπελτικῶν βελῶν.
그리하여 그가 내던지는 투창은 카타필트의 화살에 결코 뒤지지 않는 위력을 지니고 있었다.
τῶν δʼ ἀντιτεταγμένων Μακεδόνων καταπεπληγμένων τὴν ἀνδραγαθίαν τοῦ Πώρου ὁ Ἀλέξανδρος μεταπεμψάμενος τοὺς τοξότας καὶ τὰ ψιλικὰ τῶν ταγμάτων προσέταξεν ἅπαντας βάλλειν ἐπὶ τὸν Πῶρον.
대치하고 있던 마케도니아인들이 포로스의 용맹함에 압도당하자, 알렉산드로스는 궁수들과 경장보병 부대들을 소집하여 모두에게 포로를 향해 투사무기를 쏘라고 명령했다.
§17.88.6ταχὺ δὲ τῶν στρατιωτῶν πραξάντων τὸ παραγγελθὲν καὶ βελῶν ἅμα πολλῶν ἐνεχθέντων ἐπὶ τὸν Ἰνδὸν καὶ πάντων ἐπιτυγχανόντων διὰ τὸ μέγεθος τοῦ σκοποῦ ὁ μὲν Πῶρος ἡρωικῶς ἀγωνισάμενος καὶ διὰ τὸ πλῆθος τῶν τραυμάτων γενόμενος ἔξαιμος ἐλιποψύχησεν καὶ περικλασθεὶς περὶ τὸ θηρίον πρὸς τὴν γῆν κατηνέχθη.
병사들이 명령을 신속히 이행하여 수많은 투사무기가 그 인도인에게 일시에 쏟아졌고, 표적이 워낙 컸던 덕분에 모두 명중했다. 포로스는 영웅적으로 싸웠으나 수많은 상처로 인해 피를 흘려 의식을 잃었고, 야수 위에서 축 늘어진 채 땅바닥으로 떨어졌다.
§17.88.7διαδοθείσης δὲ φήμης ὅτι τετελεύτηκεν ὁ βασιλεύς, τὸ λοιπὸν πλῆθος τῶν Ἰνδῶν πρὸς φυγὴν ὥρμησεν.
왕이 사망했다는 소문이 퍼지자, 나머지 인도인 무리는 일제히 도망치기 시작했다.