§17.65.1τοῦ δὲ βασιλέως ἀναζεύξαντος ἐκ τῆς Βαβυλῶνος καὶ κατὰ τὴν πορείαν ὄντος ἧκον πρὸς αὐτὸν παρὰ μὲν Ἀντιπάτρου πεμφθέντες ἱππεῖς μὲν Μακεδόνες πεντακόσιοι, πεζοὶ δὲ ἑξακισχίλιοι, ἐκ δὲ Θρᾴκης ἱππεῖς μὲν ἑξακόσιοι, Τραλλεῖς δὲ τρισχίλιοι καὶ πεντακόσιοι, ἐκ δὲ Πελοποννήσου πεζοὶ μὲν τετρακισχίλιοι, ἱππεῖς δὲ βραχὺ λείποντες τῶν χιλίων, ἐκ δὲ τῆς Μακεδονίαστῶν φίλων τοῦ βασιλέως υἱοὶ πεντήκοντα πρὸς τὴν σωματοφυλακίαν ὑπὸ τῶν πατέρων ἀπεσταλμένοι.
왕이 바빌론을 떠나 행군하는 도중에, 그에게 다음과 같은 증원군이 당도했다. 안티파트로스가 보낸 마케도니아인 기병 오백 명과 보병 육천 명, 트라키아에서 온 기병 육백 명과 트랄레스인 삼천오백 명, 펠로폰네소스에서 온 보병 사천 명과 천 명에 약간 못 미치는 기병, 그리고 마케도니아에서 왕의 호위를 위해 그들의 아버지들에 의해 파견된 왕의 '동료들'의 아들 오십 명이었다.
§17.65.2ὁ δὲ βασιλεὺς τούτους παραλαβὼν προῆγε καὶ κατήντησεν ἑκταῖος εἰς τὴν Σιττακινὴν ἐπαρχίαν.
왕은 이들을 인도받아 전진하여 여섯째 날에 시타키네 지방에 도착했다.
τῆς δὲ χώρας ταύτης πολλὴν ἀφθονίαν ἐχούσης τῶν ἐπιτηδείων πάντων ἐν ταύτῃ πλείους ἡμέρας ἔμεινεν, ἅμα μὲν σπεύδων ἐκ τῆς κατὰ τὴν ὁδοιπορίαν ταλαιπωρίας ἀναλαβεῖν τὴν δύναμιν, ἅμα δὲ τῆς στρατιωτικῆς τάξεως διανοούμενος ἐπιμεληθῆναι καὶ τὰς ἡγεμονίας ἀναβιβάσαι καὶ τὴν δύναμιν ἰσχυροποιῆσαι τῷ τε πλήθει καὶ ταῖς ἀρεταῖς τῶν ἡγεμόνων.
이 지역은 모든 필수 물자가 매우 풍부했기 때문에 그는 그곳에 여러 날 동안 머물렀는데, 이는 한편으로는 행군에 따른 노고로부터 군대를 회복시키고자 서두르기 위함이었고, 다른 한편으로는 군대의 편제를 정비하고 지휘권을 승격시키며 군대의 수와 지휘관들의 우수성 모두를 통해 군세를 한층 더 강화하려는 의도에서였다.
§17.65.3συντελέσας δὲ τὰ δεδογμένα καὶ μετὰ πολλῆς ἐπιμελείας περὶ τῶν ἀριστίων κρίσιν ποιησάμενος καὶ πολλοὺς ἀπὸ τῆς μεγάλης ἡγεμονίας ἐπὶ μεγάλας ἐξουσίας ἀναβιβάσας πάντας τοὺς ἡγεμόνας εἰς ἀξίωμα μεῖζον καὶ στοργὴν ἰσχυρὰν πρὸς ἑαυτὸν προήγαγεν.
그는 결정한 바를 실행에 옮기고, 세심한 주의를 기울여 전공에 대한 심사를 행했으며, 많은 이를 이전의 큰 지휘권으로부터 더 큰 권한을 가진 직위로 승격시킴으로써 모든 지휘관을 더 높은 품격과 자신에 대한 강력한 애착으로 이끌었다.
§17.65.4ἐπεμελήθη δὲ καὶ τῆς ἰδιωτικῆς τῶν στρατιωτῶν διατάξεως καὶ πολλὰ πρὸς τὴν εὐχρηστίαν ἐπινοησάμενος ἐπὶ τὸ κρεῖττον διωρθώσατο.
또한 그는 병사 개개인의 배치와 규율에도 마음을 써서 효율성을 높이기 위해 많은 방안을 고안해 더 나은 상태로 개혁했다.
κατασκευάσας δὲ πᾶσαν τὴν στρατιὰν εὐνοίᾳ τε πρὸς τὸν ἡγούμενον διαφέρουσαν καὶ πρὸς τὰ παραγγελλόμενα πειθαρχοῦσαν, ἔτι δὲ ταῖς ἀνδραγαθίαις ὑπερβάλλουσαν ἐπὶ τοὺς ὑπολειπομένους ἀγῶνας ὥρμησεν.
그리하여 전군을 지도자에 대한 충성심에서 탁월하고, 명령에 복종하며, 나아가 용맹함에 있어 뛰어난 상태로 조직한 뒤, 왕은 남겨진 전투를 향해 출발했다.
§17.65.5εἰς δὲ τὴν Σουσιανὴν καταντήσας ἀκινδύνως παρέλαβε τὰ περιβόητα ἐν Σούσοις βασίλεια, ἑκουσίως Ἀβουλεύτου τοῦ σατράπου παραδόντος αὐτῷ τὴν πόλιν, ὡς μὲν ἔνιοι γεγράφασι, προστάξαντος Δαρείου τοῖς πεπιστευμένοις ὑπʼ αὐτοῦ.
수시아나 지방에 당도한 그는 위험을 겪지 않고 수사에 있는 유명한 왕궁을 인도받았는데, 이는 사트라프인 아불레이테스가 자발적으로 그에게 도시를 넘겨주었기 때문이었다. 그러나 일부 역사 가들이 기록한 바에 따르면, 이는 다레이오스가 자신이 신임하는 자들에게 명령을 내렸기 때문이었다.
τοῦτο δὲ πρᾶξαι τὸν βασιλέα τῶν Περσῶν, ὅπως ὁ μὲν Ἀλέξανδρος εἰς περισπασμοὺς ἀξιολόγους καὶ παραλήψεις ἐπιφανεστάτων πόλεων καὶ θησαυρῶν μεγάλων ἐμπεσὼν ἐν ἀσχολίαις ὑπάρχῃ, ὁ δὲ Δαρεῖος τῇ φυγῇ λαμβάνῃ χρόνον εἰς τὴν τοῦ πολέμου παρασκευήν.
즉, 페르시아의 왕이 이와 같이 행한 것은, 알렉산드로스가 가장 이름 높은 도시들과 거대한 보물들을 접수하고 주의가 분산되는 일들에 빠져 분주한 상태에 놓이게 만들고, 다레이오스 자신은 도망침으로써 전쟁 준비를 위한 시간을 벌기 위함이었다고 한다.