§16.19.1Νύψιος δʼ ὁ τῶν μισθοφόρων στρατηγὸς ἀναλαβεῖν καὶ ἀναμαχέσασθαι βουλόμενος τὴν ἧτταν νυκτὸς ἐκτεταγμένῃ τῇ δυνάμει παραδόξως προσέπεσε τῷ κατεσκευασμένῳ τείχει.
그러나 용병들의 장군 닢시우스는 패배를 만회하고 다시 싸우기를 바라며, 밤중에 정렬한 군대를 이끌고 뜻밖에 (시라쿠사인들이) 구축해 놓은 성벽에 기습을 가했다.
εὑρὼν δὲ τοὺς φύλακας διὰ τὴν καταφρόνησιν καὶ μέθην εἰς ὕπνον τετραμμένους προσέθηκε τὰς παρεσκευασμένας κλίμακας πρὸς τὴν χρείαν.
그리고 파수꾼들이 방심과 취기 때문에 잠에 빠져 있는 것을 발견하고, 그 용도를 위해 마련되어 있던 사다리들을 성벽에 걸쳤다.
§16.19.2διὰ δὲ τούτων οἱ κράτιστοι τῶν μισθοφόρων ἀνέβησαν ἐπὶ τὸ τεῖχος καὶ τοὺς φύλακας φονεύσαντες ἀνέῳξαν τὰς πύλας.
이 사다리들을 통해 용병들 중 가장 정예한 자들이 성벽 위로 올라갔고, 파수꾼들을 살해한 뒤 성문들을 열었다.
εἰσπεσόντων δὲ τῶν στρατιωτῶν εἰς τὴν πόλιν οἱ μὲν στρατηγοὶ τῶν Συρακοσίων ἐκ τῆς μέθης ἀνανήφοντες ἐπειρῶντο βοηθεῖν, ἐμποδιζόμενοι δὲ τὰς ὁρμὰς διὰ τὸν οἶνον οἱ μὲν ἀνῃρέθησαν, οἱ δʼ ἔφυγον.
군사들이 시내로 난입하자 시라쿠사의 장군들은 취기에서 깨어나며 지원하려 애썼으나, 술 때문에 움직임에 지장을 받아 어떤 이들은 살해당했고 어떤 이들은 도망쳤다.
κατειλημμένης δὲ τῆς πόλεως καὶ τῶν ἐκ τῆς ἀκροπόλεως στρατιωτῶν σχεδὸν ἁπάντων εἰσπεσόντων ἐντὸς τοῦ περιτειχίσματος, τῶν δὲ Συρακοσίων διὰ τὸ παράδοξον καὶ τὴν ἀταξίαν ἐκπεπληγμένων πολὺς ἐγίνετο φόνος.
도시가 점령당하고 아크로폴리스의 군사들이 거의 다 포위벽 안으로 난입한 데다, 시라쿠사인들은 예기치 못한 사태와 무질서로 인해 공황에 빠졌으므로 극심한 학살이 일어났다.
§16.19.3τῶν δὲ τοῦ τυράννου στρατιωτῶν πλειόνων ἢ μυρίων ὄντων καὶ συντεταγμένων καλῶς οὐδεὶς τὸ βάρος αὐτῶν ὑπομεῖναι δυνατὸς ἦν, ἅτε τοῦ θορύβου καὶ τῆς ταραχῆς, ἔτι δὲ ἀναρχίας τοὺς ἐλαττουμένους ἐμποδιζούσης.
참주의 군사들이 만 명 이상이었고 전열 또한 잘 정돈되어 있었기에, 그들의 맹공을 버텨낼 수 있는 사람은 아무도 없었다. 소란과 혼란, 게다가 지휘관의 부재가 열세에 처한 자들의 발목을 잡고 있었기 때문이다.
§16.19.4κρατηθείσης δὲ τῆς ἀγορᾶς ὑπὸ τῶν πολεμίων, εὐθὺς ἐπὶ τὰς οἰκίας οἱ νενικηκότες ὥρμησαν·
광장이 적들에게 장악되자, 승리한 자들은 즉시 민가로 돌진했다.
καὶ πολλὰ μὲν χρήματα διεφορεῖτο, οὐκ ὀλίγα δὲ σώματα γυναικῶν καὶ παίδων, ἔτι δʼ οἰκετῶν ἐξηνδραποδίζετο.
그리하여 수많은 재물이 약탈당했고, 적지 않은 수의 부녀자와 아이들, 나아가 가신들이 노예로 끌려갔다.
κατὰ δὲ τοὺς στενωποὺς καὶ τὰς ἄλλας ὁδοὺς ἀντιταττομένων Συρακοσίων ἐγίνοντο συνεχεῖς συμπλοκαὶ καὶ πολλοὶ μὲν ἀπέθνησκον, οὐκ ὀλίγοι δὲ τραύμασι περιέπιπτον.
골목길과 다른 도로들에서는 대항하는 시라쿠사인 사이에 끊임없는 충돌이 일어났고, 많은 이들이 죽어갔으며 적지 않은 이들이 부상을 입었다.
τὴν μὲν οὖν νύκτα διετέλεσαν ἀλλήλους ἀναιροῦντες ὡς ἔτυχε διὰ τὸ σκότος καὶ πᾶς τόπος νεκρῶν ἔγεμεν.
그리하여 그들은 어둠 때문에 무작정 서로를 죽이며 밤을 지새웠고, 모든 곳이 시체로 가득 찼다.