§13.108.1μικρὸν δὲ τῆς εἰρήνης ὕστερον ἐτελεύτησε Δαρεῖος ὁ τῆς Ἀσίας βασιλεύς, ἄρξας ἔτη ἐννεακαίδεκα, τὴν δʼ ἡγεμονίαν διεδέξατο τῶν υἱῶν ὁ πρεσβύτατος Ἀρταξέρξης καὶ ἦρξεν ἔτη τρία πρὸς τοῖς τεσσαράκοντα.
화평이 맺어진 지 얼마 지나지 않아 아시아의 왕 다레이오스가 19년 동안 통치한 끝에 사망하였고, 그의 아들들 중 장남인 아르타크세르크세스가 지배권을 승계하여 43년 동안 통치하였다.
καθʼ ὃν δὴ χρόνον καὶ Ἀντίμαχον τὸν ποιητὴν Ἀπολλόδωρος ὁ Ἀθηναῖός φησιν ἠνθηκέναι.
바로 이 시기에 시인 안티마코스 역시 전성기를 누렸다고 아테네의 아폴로도로스는 전한다.
§13.108.2κατὰ δὲ τὴν Σικελίαν Ἰμίλκων ὁ τῶν Καρχηδονίων ἀφηγούμενος ἀρχομένου τοῦ θέρους τὴν μὲν τῶν Ἀκραγαντίνων πόλιν κατέσκαψε, τῶν δʼ ἱερῶν, ὅσα μηδʼ ἱκανῶς ὑπὸ τοῦ πυρὸς ἐδόκει διεφθάρθαι, τὰς γλυφὰς καὶ τὰ περιττοτέρως εἰργασμένα περιέκοψεν·
시켈리아에서는 카르타고인의 지도자 히밀콘이 여름이 시작될 무렵 아크라가스인들의 도시를 파괴하였고, 신전들 중 화재로 충분히 손상되지 않은 것으로 보이는 것들의 조각과 정교하게 제작된 부분들을 깎아내렸다.
αὐτόθε δʼ ἀναλαβὼν ἅπασαν τὴν δύναμιν ἐνέβαλεν εἰς τὴν τῶν Γελῴων χώραν.
그리고 그곳으로부터 전 군세를 이끌고 게라인들의 영토로 침입하였다.
§13.108.3ἐπελθὼν δὲ ταύτην πᾶσαν καὶ τὴν Καμαριναίαν, πλῆρες ἐποίησε τὸ στράτευμα παντοίας ὠφελείας.
그는 이 영토 전체와 카마리나 영토를 습격하여 군대를 온갖 전리품으로 가득 채웠다.
μετὰ δὲ ταῦτα ἐπὶ Γέλαν πορευθεὶς παρὰ τὸν ὁμώνυμον ποταμὸν τῇ πόλει κατεστρατοπέδευσεν.
그 후 게라를 향해 진군하여 도시와 동명의 강변에 진을 쳤다.
§13.108.4ἐχόντων δὲ τῶν Γελῴων ἐκτὸς τῆς πόλεως Ἀπόλλωνος ἀνδριάντα χαλκοῦν σφόδρα μέγαν, συλήσαντες αὐτὸν ἀπέστειλαν εἰς τὴν Τύρον.
게라인들은 도시 밖에 매우 거대한 아폴론 청동상을 가지고 있었는데, 그들(카르타고인)은 이를 약탈하여 티로스로 보냈다.
τοῦτον μὲν οἱ Γελῷοι κατὰ τὸν τοῦ θεοῦ χρησμὸν ἀνέθηκαν, οἱ δὲ Τύριοι καθʼ ὃν καιρὸν ὕστερον ὑπʼ Ἀλεξάνδρου τοῦ Μακεδόνος ἐπολιορκοῦντο, καθύβριζον ὡς συναγωνιζόμενον τοῖς πολεμίοις·
이 동상은 게라인들이 신의 신탁에 따라 봉헌한 것이었는데, 티로스인들은 나중에 마케도니아의 알렉산드로스에게 포위당했을 때, 동상이 적들의 편에서 싸우고 있다고 비난하며 모욕하였다.
Ἀλεξάνδρου δʼ ἑλόντος τὴν πόλιν,ὡς Τίμαιός φησι, κατὰ τὴν ὁμώνυμον ἡμέραν καὶ τὴν αὐτὴν ὥραν ἐν ᾗ Καρχηδόνιοι τὸν Ἀπόλλωνα περὶ Γέλαν ἐσύλησαν, συνέβη τιμηθῆναι θυσίαις καὶ προσόδοις ταῖς μεγίσταις ὑπὸ τῶν Ἑλλήνων, ὡς αἴτιον γεγενημένον τῆς ἁλώσεως.
그러나 티마이오스가 전하듯이 알렉산드로스가 도시를 함락시켰을 때, 카르타고인들이 게라 부근에서 아폴론상을 약탈한 바로 그 동명의 날이자 동일한 시간에, 이 동상은 그리스인들에 의해 함락의 원인이 되었다 하여 가장 성대한 희생제와 행렬로 숭배받게 되었다.
§13.108.5ταῦτα μὲν οὖν, καίπερ ἐν ἄλλοις πραχθέντα χρόνοις, οὐκ ἀνεπιτήδειον ἡγησάμεθα παρʼ ἄλληλα θεῖναι διὰ τὸ παράδοξον.
이 일들은 비록 다른 시기에 일어난 일이지만, 그 기이함 때문에 나란히 늘어놓는 것이 부적절하지 않다고 생각했다.
οἱ δʼ οὖν Καρχηδόνιοι δενδροτομοῦντες τὴν χώραν τάφρον περιεβάλοντο τῇ στρατοπεδείᾳ·
어쨌든 카르타고인들은 영토의 나무들을 베어내어 진영 주위에 참호를 둘렀다.
προσεδέχοντο γὰρ τὸν Διονύσιον ἥξειν μετὰ δυνάμεως πολλῆς βοηθήσοντα τοῖς κινδυνεύουσιν.
디오뉘시오스가 대군을 이끌고 위험에 처한 이들을 도우러 올 것을 예상했기 때문이다.
§13.108.6οἱ δὲ Γελῷοι τὸ μὲν πρῶτον ἐψηφίσαντο τέκνα καὶ γυναῖκας εἰς Συρακούσας ὑπεκθέσθαι διὰ τὸ μέγεθος τοῦ προσδοκωμένου κινδύνου·
게라인들은 처음에는 예상되는 위험의 중대함 때문에 아이들과 아내들을 시라쿠사이로 피난시키기로 의결하였다.
τῶν δὲ γυναικῶν ἐπὶ τοὺς κατὰ τὴν ἀγορὰν βωμοὺς καταφυγουσῶν καὶ δεομένων τῆς αὐτῆς τοῖς ἀνδράσι τύχης κοινωνῆσαι, συνεχώρησαν.
그러나 여성들이 광장의 제단들로 대피하여 남편들과 같은 운명을 함께 나누게 해 달라고 애원하자, 그들은 청을 들어주었다.
§13.108.7μετὰ δὲ ταῦτα τάξεις ποιησάμενοι πλείστας, κατὰ μέρος τοὺς στρατιώτας ἀπέστελλον ἐπὶ τὴν χώραν·
그 후 많은 부대를 편성하여 군인들을 교대로 영토 안으로 파견했다.
οὗτοι δʼ ἐμπειρίαν ἔχοντες ἐπετίθεντο τοῖς πλανωμένοις τῶν πολεμίων, καὶ πολλοὺς μὲν αὐτῶν καθʼ ἡμέραν ἀνῆγον ζῶντας, οὐκ ὀλίγους δὲ ἀνῄρουν.
이들은 지리에 밝았기 때문에 대열에서 이탈한 적들을 습격하여, 매일 많은 수를 생포해 왔고 적지 않은 이들을 사살했다.
§13.108.8τῶν δὲ Καρχηδονίων ἀπὸ μέρους προσβαλλόντων τῇ πόλει καὶ τοῖς κριοῖς καταβαλλόντων τὰ τείχη γενναίως ἠμύνοντο·
카르타고인들이 일부 구역에서 도시를 공격하며 공성퇴로 성벽을 무너뜨렸을 때, 그들은 용맹하게 방어하였다.
τά τε γὰρ ἐφʼ ἡμέρας πίπτοντα τῶν τειχῶν νυκτὸς ἀνῳκοδόμουν, συνυπηρετουσῶν τῶν γυναικῶν καὶ παίδων·
낮 동안 무너진 성벽의 부분들을 밤사이에 재건하였고, 여성들과 아이들도 일손을 도왔기 때문이다.
οἱ μὲν γὰρ ἀκμάζοντες ταῖς ἡλικίαις ἐν τοῖς ὅπλοις ὄντες διετέλουν μαχόμενοι, τὸ δʼ ἄλλο πλῆθος τοῖς ἔργοις καὶ ταῖς ἄλλαις παρασκευαῖς προσήδρευε μετὰ πάσης προθυμίας·
혈기 왕성한 젊은이들은 무장을 한 채 계속 싸웠고, 나머지 대중은 온갖 열성을 다해 공사와 여타 준비 작업에 매달렸다.
§13.108.9τὸ δὲ σύνολον οὕτως ἐδέξαντο τὴν ἔφοδον τῶν Καρχηδονίων εὐρώστως, ὥστε καὶ πόλιν ἀνώχυρον ἔχοντες καὶ συμμάχων ὄντες ἔρημοι, πρὸς δὲ τούτοις τὰ τείχη θεωροῦντες πίπτοντα κατὰ πλείονας τόπους, οὐ κατεπλάγησαν τὸν περιεστῶτα κίνδυνον.
요컨대 그들은 카르타고인들의 습격을 매우 강력하게 받아쳐 냈기에, 방비가 안 된 도시를 가졌고 동맹국마저 없는 상태였으며, 게다가 성벽이 여러 곳에서 무너지는 것을 보면서도 자신들을 둘러싼 위험에 전혀 겁먹지 않았다.