§281ΣΩ. Ἱππίας ὁ καλός τε καὶ σοφός·
소크라테스: 아름답고 지혜로운 히피아스여!
ὡς διὰ χρόνου ἡμῖν κατῆρας εἰς τὰς Ἀθήνας.
우리에게, 이 아테네로 참으로 오랜만에 배를 대셨구려.
ΙΠ. οὐ γὰρ σχολή, ὦ Σώκρατες.
히피아스: 틈이 없기 때문이라네, 소크라테스.
ἡ γὰρ Ἦλις ὅταν τι δέηται διαπράξασθαι πρός τινα τῶν πόλεων, ἀεὶ ἐπὶ πρῶτον ἐμὲ ἔρχεται τῶν πολιτῶν αἱρουμένη πρεσβευτήν, ἡγουμένη δικαστὴν καὶ ἄγγελον ἱκανώτατον εἶναι τῶν λόγων οἳ ἂν παρὰ τῶν πόλεων ἑκάστων λέγωνται.
엘리스는 다른 도시들과 무언가 협상할 필요가 있을 때마다, 늘 시민들 중에서 가장 먼저 나를 찾아와 사절로 선출한다네. 각 도시에서 흘러나오는 말들을 판정하고 전달하는 데 내가 가장 유능하다고 생각하기 때문이지.
πολλάκις μὲν οὖν καὶ εἰς ἄλλας πόλεις ἐπρέσβευσα, πλεῖστα δὲ καὶ περὶ πλείστων καὶ μεγίστων εἰς τὴν Λακεδαίμονα·
그리하여 나로서는 다른 여러 도시들에도 사절로 갔었지만, 가장 많이, 그리고 가장 많고 중대한 사안들로 갔던 곳은 라케다이몬이었네.
διὸ δή, ὃ σὺ ἐρωτᾷς, οὐ θαμίζω εἰς τούσδε τοὺς τόπους.
바로 그 때문에, 자네가 묻는 바이지만, 내가 이쪽 지방에는 자주 들르지 못하는 것이라네.
ΣΩ. τοιοῦτον μέντοι, ὦ Ἱππία, ἔστι τὸ τῇ ἀληθείᾳ σοφόν τε καὶ τέλειον ἄνδρα εἶναι.
소크라테스: 참으로 그렇구려, 히피아스. 그것이야말로 진정으로 지혜롭고 완벽한 남자가 되는 것이지요.
σὺ γὰρ καὶ ἰδίᾳ ἱκανὸς εἶ παρὰ τῶν νέων πολλὰ χρήματα λαμβάνων ἔτι πλείω ὠφελεῖν ὧν λαμβάνεις, καὶ αὖ δημοσίᾳ τὴν σαυτοῦ πόλιν ἱκανὸς εὐεργετεῖν, ὥσπερ χρὴ τὸν μέλλοντα μὴ καταφρονήσεσθαι ἀλλʼ εὐδοκιμήσειν ἐν τοῖς πολλοῖς.
자네는 개인적으로는 젊은이들로부터 많은 돈을 받으면서 그 받는 것보다 훨씬 더 큰 유익을 그들에게 줄 능력이 있고, 또 한편으로 공적으로는, 대중 사이에서 경멸당하지 않고 명성을 얻고자 하는 자가 마땅히 그래야 하듯이, 자신의 도시를 충분히 이롭게 할 능력이 있으니 말이오.
ἀτάρ, ὦ Ἱππία, τί ποτε τὸ αἴτιον ὅτι οἱ παλαιοὶ ἐκεῖνοι, ὧν ὀνόματα μεγάλα λέγεται ἐπὶ σοφίᾳ, Πιττακοῦ τε καὶ Βίαντος καὶ τῶν ἀμφὶ τὸν Μιλήσιον Θαλῆν καὶ ἔτι τῶν ὕστερον μέχρι Ἀναξαγόρου, ὡς ἢ πάντες ἢ οἱ πολλοὶ αὐτῶν φαίνονται ἀπεχόμενοι τῶν πολιτικῶν πράξεων;
그런데 히피아스, 지혜로 명성이 드높은 저 옛분들, 피타코스나 비아스, 그리고 밀레토스 사람 탈레스의 무리와 아낙사고라스에 이르기까지 그 이후의 인물들이, 어째서 모두 혹은 대다수가 정치 활동에서 멀어져 있었던 것처럼 보이는지, 그 이유가 대체 무엇이겠소?
ΙΠ. τί δʼ οἴει, ὦ Σώκρατες, ἄλλο γε ἢ ἀδύνατοι ἦσαν καὶ οὐχ ἱκανοὶ ἐξικνεῖσθαι φρονήσει ἐπʼ ἀμφότερα, τά τε κοινὰ καὶ τὰ ἴδια;
히피아스: 소크라테스, 그들이 무능하여 공적인 것과 사적인 것 양쪽 모두에 그들의 지혜를 미치게 할 역량이 없었기 때문이 아니고 달리 무엇이라 생각하겠는가?
ΣΩ. ἆρʼ οὖν πρὸς Διός, ὥσπερ αἱ ἄλλαι τέχναι ἐπιδεδώκασι καὶ εἰσὶ παρὰ τοὺς νῦν δημιουργοὺς οἱ παλαιοὶ φαῦλοι, οὕτω καὶ τὴν ὑμετέραν τὴν τῶν σοφιστῶν τέχνην ἐπιδεδωκέναι φῶμεν καὶ εἶναι τῶν ἀρχαίων τοὺς περὶ τὴν σοφίαν φαύλους πρὸς ὑμᾶς;
소크라테스: 그렇다면 제우스의 이름으로 묻건대, 다른 기술들이 진보하여 오늘날의 장인들에 비하면 옛날 장인들이 보잘것없는 것처럼, 여러분 소피스트들의 기술도 진보하여, 옛날의 지혜롭던 자들이 여러분에 비하면 보잘것없다고 말해야 하겠소?
ΙΠ. πάνυ μὲν οὖν ὀρθῶς λέγεις.
히피아스: 전적으로 옳은 말일세.
§282ΣΩ. εἰ ἄρα νῦν ἡμῖν, ὦ Ἱππία, ὁ Βίας ἀναβιοίη, γέλωτʼ ἂν ὄφλοι πρὸς ὑμᾶς, ὥσπερ καὶ τὸν Δαίδαλόν φασιν οἱ ἀνδριαντοποιοί, νῦν εἰ γενόμενος τοιαῦτʼ ἐργάζοιτο οἷα ἦν ἀφʼ ὧν τοὔνομʼ ἔσχεν, καταγέλαστον ἂν εἶναι.
소크라테스: 그렇다면 히피아스, 만약 지금 비아스가 우리를 위해 다시 살아난다면, 그는 여러분과 대비되어 웃음거리가 되겠구려. 마치 조각가들이 다이달로스에 대해, 만약 그가 지금 태어나 그에게 명성을 안겨주었던 것과 같은 작품들을 만든다면 웃음거리가 될 것이라고 말하는 것처럼 말이오.
ΙΠ. ἔστι μὲν ταῦτα, ὦ Σώκρατες, οὕτως ὡς σὺ λέγεις·
히피아스: 소크라테스, 참으로 자네가 말하는 바와 같네.
εἴωθα μέντοι ἔγωγε τοὺς παλαιούς τε καὶ προτέρους ἡμῶν προτέρους τε καὶ μᾶλλον ἐγκωμιάζειν ἢ τοὺς νῦν, εὐλαβούμενος μὲν φθόνον τῶν ζώντων, φοβούμενος δὲ μῆνιν τῶν τετελευτηκότων.
하지만 나로서는 살아 있는 자들의 질시를 피하고 죽은 자들의 노여움을 두려워하여, 지금의 사람들보다는 우리 이전의 옛사람들을 우선하여 더 찬양하는 것이 관례라네.
ΣΩ. καλῶς γε σύ, ὦ Ἱππία, ὀνομάζων τε καὶ διανοούμενος, ὡς ἐμοὶ δοκεῖς.
소크라테스: 히피아스, 자네는 말하는 것도 생각하는 것도 참으로 훌륭하구려, 내가 보기에 말이오.
συμμαρτυρῆσαι δέ σοι ἔχω ὅτι ἀληθῆ λέγεις, καὶ τῷ ὄντι ὑμῶν ἐπιδέδωκεν ἡ τέχνη πρὸς τὸ καὶ τὰ δημόσια πράττειν δύνασθαι μετὰ τῶν ἰδίων.
그리고 자네가 진실을 말하고 있으며, 실제로 여러분의 기술이 사적인 일과 더불어 공적인 일도 처리할 수 있는 능력을 갖추는 데까지 진보했다는 점에 대해 나도 증언할 수 있소.
Γοργίας τε γὰρ οὗτος ὁ Λεοντῖνος σοφιστὴς δεῦρο ἀφίκετο δημοσίᾳ οἴκοθεν πρεσβεύων, ὡς ἱκανώτατος ὢν Λεοντίνων τὰ κοινὰ πράττειν, καὶ ἔν τε τῷ δήμῳ ἔδοξεν ἄριστα εἰπεῖν, καὶ ἰδίᾳ ἐπιδείξεις ποιούμενος καὶ συνὼν τοῖς νέοις χρήματα πολλὰ ἠργάσατο καὶ ἔλαβεν ἐκ τῆσδε τῆς πόλεως·
저 레온티니 출신의 소피스트 고르기아스만 하더라도, 레온티니 사람들 중에서 공적인 일들을 처리하는 데 가장 유능한 자로서 공적인 사절로 고향에서 이곳으로 왔었소. 그는 민회에서 가장 훌륭하게 연설했다는 평가를 받았을 뿐만 아니라, 사적으로도 강연(에피데익시스)을 행하고 젊은이들과 교제하며 이 도시에서 아주 많은 돈을 벌어 가져갔지요.
εἰ δὲ βούλει, ὁ ἡμέτερος ἑταῖρος Πρόδικος οὗτος πολλάκις μὲν καὶ ἄλλοτε δημοσίᾳ ἀφίκετο, ἀτὰρ τὰ τελευταῖα ἔναγχος ἀφικόμενος δημοσίᾳ ἐκ Κέω λέγων τʼ ἐν τῇ βουλῇ πάνυ ηὐδοκίμησεν καὶ ἰδίᾳ ἐπιδείξεις ποιούμενος καὶ τοῖς νέοις συνὼν χρήματα ἔλαβεν θαυμαστὰ ὅσα.
원한다면, 우리 동료인 저 프로디코스도 전에도 여러 차례 공적으로 왔었지만, 최근 마지막으로 케오스에서 공적으로 왔을 때는 평의회에서 연설하여 대단히 명성을 얻었고, 사적으로도 강연을 하고 젊은이들과 교제하여 놀라울 정도로 많은 돈을 챙겼소.
τῶν δὲ παλαιῶν ἐκείνων οὐδεὶς πώποτε ἠξίωσεν ἀργύριον μισθὸν πράξασθαι οὐδʼ ἐπιδείξεις ποιήσασθαι ἐν παντοδαποῖς ἀνθρώποις τῆς ἑαυτοῦ σοφίας·
그런데 저 옛사람들 중에서는 누구도 보수로 돈을 요구하려 하지 않았고, 온갖 사람들 앞에서 자기 지혜를 과시하는 강연을 하려 하지도 않았소.
οὕτως ἦσαν εὐήθεις καὶ ἐλελήθει αὐτοὺς ἀργύριον ὡς πολλοῦ ἄξιον εἴη.
그들은 그렇게나 순진해서 돈이 큰 가치가 있다는 것을 깨닫지 못하고 있었던 것이지요.
τούτων δʼ ἑκάτερος πλέον ἀργύριον ἀπὸ σοφίας εἴργασται ἢ ἄλλος δημιουργὸς ἀφʼ ἧστινος τέχνης·
하지만 이들 각각은 다른 어떤 장인이 어떤 기술로 벌어들인 것보다 더 많은 돈을 지혜로 벌어들였소.
καὶ ἔτι πρότερος τούτων Πρωταγόρας.
그리고 이들보다 더 앞섰던 프로타고라스도 마찬가지였소.
ΙΠ. οὐδὲν γάρ, ὦ Σώκρατες, οἶσθα τῶν καλῶν περὶ τοῦτο.
히피아스: 소크라테스, 자네는 이 일에 관한 아름다운 일들을 전혀 모르는군.
εἰ γὰρ εἰδείης ὅσον ἀργύριον εἴργασμαι ἐγώ, θαυμάσαις ἄν·
만약 내가 얼마나 많은 돈을 벌었는지 알게 된다면 자네는 깜짝 놀랄 걸세.
καὶ τὰ μὲν ἄλλα ἐῶ, ἀφικόμενος δέ ποτε εἰς Σικελίαν, Πρωταγόρου αὐτόθι ἐπιδημοῦντος καὶ εὐδοκιμοῦντος καὶ πρεσβυτέρου ὄντος πολὺ νεώτερος ὢν ἐν ὀλίγῳ χρόνῳ πάνυ πλέον ἢ πεντήκοντα καὶ ἑκατὸν μνᾶς ἠργασάμην, καὶ ἐξ ἑνός γε χωρίου πάνυ σμικροῦ, Ἰνυκοῦ, πλέον ἢ εἴκοσι μνᾶς·
다른 일들은 제쳐두더라도, 언젠가 내가 시켈리아에 갔을 때, 프로타고라스가 마침 그곳에 머물며 명성을 떨치고 있었고 나보다 훨씬 연상이었음에도, 훨씬 젊었던 내가 아주 짧은 시간 안에 무려 150미나 이상을 벌어들였다네. 그것도 이뉘코스라는 아주 작은 고을 한 곳에서만 20미나 이상을 벌었지.
καὶ τοῦτο ἐλθὼν οἴκαδε φέρων τῷ πατρὶ ἔδωκα, ὥστε ἐκεῖνον καὶ τοὺς ἄλλους πολίτας θαυμάζειν τε καὶ ἐκπεπλῆχθαι.
그리고 나는 이것을 가지고 집으로 돌아가 아버지께 드렸는데, 아버지와 다른 시민들은 감탄하며 어안이 벙벙해졌다네.
καὶ σχεδόν τι οἶμαι ἐμὲ πλείω χρήματα εἰργάσθαι ἢ ἄλλους σύνδυο οὕστινας βούλει τῶν σοφιστῶν.
나는 내가 자네가 원하는 다른 소피스트들 둘을 합친 것보다 거의 더 많은 돈을 벌었다고 생각하네.