§306ΣΩ. καὶ γὰρ ἔχει ὄντως, ὦ Κρίτων, εὐπρέπειαν μᾶλλον ἢ ἀλήθειαν.
소크라테스: "실로 그렇다네, 크리톤이여. 그들의 주장은 진실이라기보다는 겉보기의 그럴듯함을 지니고 있지.
οὐ γὰρ ῥᾴδιον αὐτοὺς πεῖσαι ὅτι καὶ ἄνθρωποι καὶ τἆλλα πάντα ὅσα μεταξύ τινοιν δυοῖν ἐστιν καὶ ἀμφοτέροιν τυγχάνει μετέχοντα, ὅσα μὲν ἐκ κακοῦ καὶ ἀγαθοῦ, τοῦ μὲν βελτίω, τοῦ δὲ χείρω γίγνεται· ὅσα δὲ ἐκ δυοῖν ἀγαθοῖν μὴ πρὸς ταὐτόν, ἀμφοῖν χείρω πρὸς ὃ ἂν ἑκάτερον ᾖ χρηστὸν ἐκείνων ἐξ ὧν συνετέθη· ὅσα δʼ ἐκ δυοῖν κακοῖν συντεθέντα μὴ πρὸς τὸ αὐτὸ ὄντοιν ἐν τῷ μέσῳ ἐστίν, ταῦτα μόνα βελτίω ἑκατέρου ἐκείνων ἐστίν, ὧν ἀμφοτέρων μέρος μετέχουσιν.
왜냐하면 인간이든 다른 무엇이든, 두 가지 사이에 있어서 그 양쪽 모두에 참여하고 있는 모든 것은, 악과 선으로 이루어진 것에 대해서는 한쪽(악)보다는 나아지고 다른 쪽(선)보다는 나빠진다는 것, 또한 같은 목적을 위한 것이 아닌 두 가지 선으로 이루어진 것에 대해서는, 그것들이 합성된 원래의 것들이 각기 유용한 목적에서 보면 양쪽 모두보다 못하게 된다는 것, 나아가 같은 목적을 위한 것이 아닌 두 가지 악으로부터 합성되어 그 중간에 있는 것에 대해서는, 그것들 양쪽의 일부를 나누어 가지고 있지만 그것들 각각보다 나은 유일한 것이라는 것, 이것들을 그들에게 납득시키기란 쉬운 일이 아니기 때문일세.
εἰ μὲν οὖν ἡ φιλοσοφία ἀγαθόν ἐστιν καὶ ἡ πολιτικὴ πρᾶξις, πρὸς ἄλλο δὲ ἑκατέρα, οὗτοι δʼ ἀμφοτέρων μετέχοντες τούτων ἐν μέσῳ εἰσίν, οὐδὲν λέγουσιν—ἀμφοτέρων γάρ εἰσι φαυλότεροι—εἰ δὲ ἀγαθὸν καὶ κακόν, τῶν μὲν βελτίους, τῶν δὲ χείρους·
그러니 만일 철학이 좋은 것이고 정치적 활동 또한 그러하며, 게다가 각기 다른 목적을 위한 것이고, 그들이 그 양쪽 모두에 참여하여 그 중간에 위치해 있다면, 그들의 주장은 아무 의미도 없네. 왜냐하면 그들은 양쪽 모두보다 못하기 때문이지. 하지만 한쪽은 좋고 다른 쪽은 나쁜 것이라면, 그들은 한쪽보다는 낫고 다른 쪽보다는 못하게 되네.
εἰ δὲ κακὰ ἀμφότερα, οὕτως ἄν τι λέγοιεν ἀληθές, ἄλλως δʼ οὐδαμῶς.
만일 양쪽 모두 나쁜 것이라면, 그래야만 그들의 주장이 다소 참될 터이나 다른 방식으로는 결코 그렇지 않네.
οὐκ ἂν οὖν οἶμαι αὐτοὺς ὁμολογῆσαι οὔτε κακὼ αὐτὼ ἀμφοτέρω εἶναι οὔτε τὸ μὲν κακόν, τὸ δὲ ἀγαθόν·
그러니 나는 그들이 그 양쪽 모두 나쁜 것이라고도, 한쪽은 나쁘고 다른 쪽은 좋은 것이라고도 동의하지 않으리라 생각하네.
ἀλλὰ τῷ ὄντι οὗτοι ἀμφοτέρων μετέχοντες ἀμφοτέρων ἥττους εἰσὶν πρὸς ἑκάτερον πρὸς ὃ ἥ τε πολιτικὴ καὶ ἡ φιλοσοφία ἀξίω λόγου ἐστόν, καὶ τρίτοι ὄντες τῇ ἀληθείᾳ ζητοῦσι πρῶτοι δοκεῖν εἶναι.
하지만 실제로는 이들이 양쪽 모두에 참여하면서도, 정치와 철학 각각이 가치 있는 것인 그 목적에서 보면 양쪽 모두에 대해 열등하며, 진실로는 세 번째이면서 첫 번째인 것처럼 보이고자 하는 것이라네.
συγγιγνώσκειν μὲν οὖν αὐτοῖς χρὴ τῆς ἐπιθυμίας καὶ μὴ χαλεπαίνειν, ἡγεῖσθαι μέντοι τοιούτους εἶναι οἷοί εἰσιν·
그러므로 그들의 그러한 욕망에 대해서는 너그럽게 보아주고 화를 내지 말아야 하지만, 그들이 진정 그러한 자들이라고 여겨야 하네.
πάντα γὰρ ἄνδρα χρὴ ἀγαπᾶν ὅστις καὶ ὁτιοῦν λέγει ἐχόμενον φρονήσεως πρᾶγμα καὶ ἀνδρείως ἐπεξιὼν διαπονεῖται. ΚΡ. καὶ μήν, ὦ Σώκρατες, καὶ αὐτὸς περὶ τῶν ὑέων, ὥσπερ ἀεὶ πρός σε λέγω, ἐν ἀπορίᾳ εἰμὶ τί δεῖ αὐτοῖς χρήσασθαι.
왜냐하면 지혜에 관련된 일에 대해 조금이라도 말하고 용기 있게 이를 추구하며 애쓰는 사람이라면 누구든 소중히 여겨야 하기 때문일세." 크리톤: "하지만 정말이지, 소크라테스여, 저 자신도 자식들의 일로, 늘 당신께 말씀드리듯 그들을 어떻게 다루어야 할지 처해 있는 곤경 속에 있습니다.
ὁ μὲν οὖν νεώτερος ἔτι καὶ σμικρός ἐστιν, Κριτόβουλος δʼ ἤδη ἡλικίαν ἔχει καὶ δεῖταί τινος ὅστις αὐτὸν ὀνήσει.
아우는 아직 어리고 작지만, 크리토불로스는 이미 나이를 먹어 자신을 도와줄 누군가를 필요로 하고 있습니다.
ἐγὼ μὲν οὖν ὅταν σοὶ συγγένωμαι, οὕτω διατίθεμαι ὥστʼ ἐμοὶ δοκεῖ μανίαν εἶναι τὸ ἕνεκα τῶν παίδων ἄλλων μὲν πολλῶν σπουδὴν τοιαύτην ἐσχηκέναι, καὶ περὶ τοῦ γάμου ὅπως ἐκ γενναιοτάτης ἔσονται μητρός, καὶ περὶ τῶν χρημάτων ὅπως ὡς πλουσιώτατοι, αὐτῶν δὲ περὶ παιδείας ἀμελῆσαι·
저는 당신과 함께 있을 때면, 자식들을 위해 다른 많은 일에는 그토록 열성을 쏟으면서, 예컨대 가장 고귀한 가문의 어머니에게서 태어나도록 결혼에 신경을 쓰고, 가능한 한 부유해지도록 재산에 신경을 쓰면서도, 그들 자신의 교육에 대해서는 소홀히 하는 것이 미친 짓으로밖에 생각되지 않습니다.
ὅταν δὲ εἴς τινα ἀποβλέψω τῶν φασκόντων ἂν παιδεῦσαι ἀνθρώπους, ἐκπέπληγμαι καί μοι δοκεῖ εἷς ἕκαστος αὐτῶν σκοποῦντι πάνυ ἀλλόκοτος εἶναι, ὥς γε πρὸς σὲ τἀληθῆ εἰρῆσθαι·
하지만 사람들을 교육할 수 있다고 주장하는 이들 중 누군가를 바라볼 때면 저는 깜짝 놀라게 되며, 자세히 살펴보면 그들 한 사람 한 사람이 아주 기괴한 존재로 여집니다. 당신께 진실을 말씀드린다면 말입니다.
ὥστε οὐκ ἔχω ὅπως προτρέπω τὸ μειράκιον ἐπὶ φιλοσοφίαν. §307ΣΩ. ὦ φίλε Κρίτων, οὐκ οἶσθα ὅτι ἐν παντὶ ἐπιτηδεύματι οἱ μὲν φαῦλοι πολλοὶ καὶ οὐδενὸς ἄξιοι, οἱ δὲ σπουδαῖοι ὀλίγοι καὶ παντὸς ἄξιοι;
그래서 저는 그 젊은이를 어떻게 철학으로 이끌어야 할지 갈피를 잡지 못하겠습니다." 소크라테스: "사랑하는 크리톤이여, 어떤 일에서나 못난 사람들은 많고 가치 없지만, 훌륭한 사람들은 적고 아주 가치 있다는 것을 모르는가?
ἐπεὶ γυμναστικὴ οὐ καλὸν δοκεῖ σοι εἶναι, καὶ χρηματιστικὴ καὶ ῥητορικὴ καὶ στρατηγία; ΚΡ. ἔμοιγε πάντως δήπου.
그렇다면 체육은 자네에게 훌륭한 것으로 생각되지 않는가? 또한 돈벌이와 연설술, 장군의 직무도?" 크리톤: "저에게는 물론 전적으로 그렇게 생각됩니다." 소크라테스: "그렇다면 어떤가?
ΣΩ. τί οὖν; ἐν ἑκάστῃ τούτων τοὺς πολλοὺς πρὸς ἕκαστον τὸ ἔργον οὐ καταγελάστους ὁρᾷς; ΚΡ. ναὶ μὰ τὸν Δία, καὶ μάλα ἀληθῆ λέγεις. ΣΩ. ἦ οὖν τούτου ἕνεκα αὐτός τε φεύξῃ πάντα τὰ ἐπιτηδεύματα καὶ τῷ ὑεῖ οὐκ ἐπιτρέψεις; ΚΡ. οὔκουν δίκαιόν γε, ὦ Σώκρατες.
이 각각의 일에서 다수의 사람들이 각각의 활동에 대해 우스꽝스러운 모습을 보이는 것을 자네는 보지 못하는가?" 크리톤: "예, 제우스께 맹세코, 실로 옳은 말씀이십니다." 소크라테스: "그렇다면 그 일 때문에 자네 자신도 모든 행위를 피하고 아들에게도 그것을 허락하지 않을 셈인가?" 크리톤: "그것은 도리에 맞지 않습니다, 소크라테스여." 소크라테스: "그렇다면 크리톤이여, 해서는 안 될 일을 하지 말고, 철학을 행하는 자들이 훌륭하든 악하든 그들은 내버려 두고, 그 일 자체를 훌륭하고도 잘 검증해보게.
ΣΩ. μὴ τοίνυν ὅ γε οὐ χρὴ ποίει, ὦ Κρίτων, ἀλλʼ ἐάσας χαίρειν τοὺς ἐπιτηδεύοντας φιλοσοφίαν, εἴτε χρηστοί εἰσιν εἴτε πονηροί, αὐτὸ τὸ πρᾶγμα βασανίσας καλῶς τε καὶ εὖ, ἐὰν μέν σοι φαίνηται φαῦλον ὄν, πάντʼ ἄνδρα ἀπότρεπε, μὴ μόνον τοὺς ὑεῖς·
만일 그것이 자네에게 보잘것없는 것으로 보인다면 아들들뿐만 아니라 모든 사람을 멀리하게나.
ἐὰν δὲ φαίνηται οἷον οἶμαι αὐτὸ ἐγὼ εἶναι, θαρρῶν δίωκε καὶ ἄσκει, τὸ λεγόμενον δὴ τοῦτο, αὐτός τε καὶ τὰ παιδία.
하지만 그것이 내가 생각하는 그런 것으로 보인다면, 흔히 하는 말대로 자네 자신도 아이들도 함께 용기를 가지고 이를 추구하고 실천하게나."