§1## ΓΑΛΗΝΟΥ ΤΩΙ ΕΠΙΛΗΠΤΩΙ ΠΑΙΔΙ ΥΠΟΘΗΚΗ.
Ἐγὼ μὲν ὤμην, ὦ Καικιλιανὲ, μηδὲν δεήσεσθαί σε τῶν ἡμετέρων ὑποθηκῶν εἰς τὴν τοῦ παιδὸς νόσον.
간질이 있는 아이에 대한 갈레노스의 조언. 카이킬리아누스여, 나는 네가 아이의 질병에 대해 우리의 조언을 전혀 필요로 하지 않을 것이라고 생각했다.
ὁ γὰρ τεθεαμένος αὐτὸν ἤδη καὶ μέλλων ἅμα σοι πλευσεῖσθαι πάλιν ἐς Ἀθήνας, Διονύσιος, ἱκανός ἐστι καὶ πρᾶξαι παρὼν τὰ δέοντα καὶ χωριζόμενος, αὖθις ὑποθήκας διδόναι τῇ τοῦ νοσήματος ἕξει προσηκούσας.
왜냐하면 이미 그 아이를 보았고 동시에 너와 함께 다시 아테네로 배를 타고 돌아갈 예정인 디오니시오스가, 그 자리에 있으면서 필요한 처치를 할 수도 있고, 떨어져 있으면서도 질병의 상태에 적합한 조언을 다시 줄 수도 있는 충분한 능력이 있기 때문이다.
ἐγὼ δὲ μηδέπω ποτὲ τεθεαμένος τὸν παῖδα τάχ’ ἂν πολὺ καὶ σφαλείην, οὔθ’ ὅπως ἐξ ἀρχῆς ἡ φύσις αὐτῷ πρὸ τοῦ νοσήματος οὔθ’ ὅπως νῦν ὑπὸ τοῦ νοσήματος γινώσκων, ἀλλ’ ἢ μόνον αὐτὸ παρ’ ὑμῶν ἀκούων, ἐπιληπτικοὺς αὐτῷ γίνεσθαι παροξυσμούς.
그러나 나는 아직 한 번도 그 아이를 본 적이 없어서, 처음부터 병에 걸리기 전에 그 아이의 타고난 체질이 어떠했는지도, 지금 병으로 인해 어떻게 되었는지도 알지 못한 채, 다만 너희로부터 그에게 간질 발작이 일어난다는 것만을 들었을 뿐이기에, 아마도 크게 그르칠 수도 있을 것이다.
ἐπεὶ δὲ ὀλιγωροῦντά με μᾶλλον ἢ ἀληθεύοντα νομίζεις ἀποδιδράσκειν τὴν γραφὴν, ὃ μηδέποτε πρότερον ἔπραξα, τοῦτο νῦν ὑπομένω πρᾶξαι σοὶ χαριζόμενος, ὑποθήκας τινὰς γράψαι θεραπείας ἐπιλήπτου παιδός.
그러나 내가 진실을 말하는 것이 아니라 오히려 게으름 때문에 집필을 피하려 한다고 네가 생각하는 이상, 내가 이전에는 결코 하지 않았던 일이지만, 너를 기쁘게 하기 위해 간질이 있는 아이의 치료를 위한 몇 가지 조언을 쓰는 이 일을 지금 기꺼이 받아들이고자 한다.
ἐν αἷς ἀνάγκη τι καὶ παρακοῦσαι τὸν ἰδιώτην καὶ σφαλῆναι περὶ τὸ μέτρον ἢ τὸν καιρὸν τῆς χρήσεως.
그 안에서는 비전문가가 무언가를 잘못 듣거나, 사용량이나 시기에 대해 그르치는 일이 어쩔 수 없이 일어나기 마련이다.
ἀποδέδεικται γὰρ ἡμῖν ἐν ἑτέροις ὡς οὐκ ἐνδέχεται χωρὶς τοῦ μέθοδόν τινα ἐκμαθεῖν θεραπευτικὴν ἰάσασθαί τι καλῶς οὐδὲ τῶν σμικροτάτων νοσημάτων, μή τί γε τῶν οὕτω μεγάλων ἡλίκον καὶ τὸ τῆς ἐπιληψίας ἐστί.
왜냐하면 치료 방법론을 배워 익히지 않고서는 가장 작은 질병조차도, 하물며 간질처럼 이토록 큰 질병은 더더욱, 어느 하나도 올바르게 치료하는 것이 불가능하다는 것을 우리가 다른 저작들에서 증명했기 때문이다.
καὶ ὅ γε Διονύσιος ἔφθανεν ἤδη κεκοινῶσθαί τε ἐμοὶ καὶ συνδιεσκέφθαι περὶ τῆς ὅλης θεραπείας τοῦ παιδὸς, πρὶν καί σε κελεῦσαι γράψαι τὰς ὑποθήκας τάσδε.
그리고 디오니시오스는 네가 나에게 이러한 조언들을 쓰라고 명령하기도 전에, 이미 나에게 연락하여 아이의 치료 전반에 대해 함께 논의를 마친 상태였다.
ἀλλ’ ἐκείνῳ μὲν ῥᾳδίως τὴν ἐμαυτοῦ γνώμην ἐδήλωσα, συνιέναι τε τῶν λεγομένων δυναμένῳ καὶ παρακοῦσαι μηδενὸς, ὡς ἱκανῶς ἠσκημένῳ περὶ τὴν θεραπευτικὴν μέθοδον.
그러나 그에게는 내가 내 의견을 쉽게 밝힐 수 있었는데, 왜냐하면 그는 말하는 바를 이해할 수 있었고 아무것도 잘못 듣지 않을 정도로 치료 방법론에 대해 충분히 훈련되어 있었기 때문이다.
σοὶ δὲ οὐδ’ ὅπως διέλθω τὸν λόγον οἶδα.
하지만 너에게는 어떻게 이야기를 전개해야 할지조차 모르겠다.
τὸ μὲν γὰρ ἀκριβὲς ὲν αὐτῷ διορισμῶν τε δεῖται πολλῶν καὶ ἀσαφέστερον ἢ κατὰ ἰδιώτην ἐστὶ, τὸ δ’ αὖ σύντομόν τε καὶ σαφὲς οὐκ ἀκριβὲς ὑπάρχει.
왜냐하면 그 안에서 엄밀한 것은 많은 규정을 필요로 하고 비전문가에게는 너무나 모호한 반면, 간결하고 명확한 것은 엄밀함이 결여되어 있기 때문이다.
ταῦτά τοι καὶ γράφειν ὤκνουν τὰς ὑποθήκας, καίτοι πάνυ χαρίζεσθαί σοι προῃρημένος, ὅμοιόν τι πείσεσθαι προσδοκῶν, οἷον ἂν ἔπαθε καὶ Φειδίας, εἰ μετὰ τὸ τῆς Ἀθηνᾶς ἄγαλμα πλάττειν ἠναγκάζετο δάκτυλον μὲν ἰδίᾳ, ἰδίᾳ δὲ αὖ βραχίονα καὶ πόδα καὶ ῥῖνα καὶ οὖς, ἕκαστόν τε τῶν ἄλλων μορίων.
참으로 이 때문에 나는 이 조언들을 쓰는 것을 망설였던 것인데, 비록 너를 크게 기쁘게 해 주기로 마음먹었지만, 만약 페이디아스가 아테나 조각상을 만든 후에 손가락을 따로, 팔과 발, 코와 귀, 그리고 다른 각각의 부분들을 개별적으로 조각하라는 강요를 받았다면 겪었을 법한 일과 비슷한 일을 나도 겪게 될 것이라 예상했기 때문이다.
ἐμοὶ γὰρ οἷον ἄγαλμά τι γεγράφθαι νομίζω τὴν θεραπευτικὴν μέθοδον, ἐν ὑπομνήμασι πλείοσιν οὐχ ὅπως ἰδιώτας ὠφελεῖν δυναμένην, ἀλλ’ οὐδὲ τοὺς ἐπιτυχόντας τῶν ἰατρῶν.
왜냐하면 나에게 치료 방법론은 일종의 조각상처럼 여러 비망록에 쓰여 있는 것이어서, 비전문가를 도울 수 없을 뿐만 아니라 평범한 의사들조차도 도울 수 없는 것이라고 생각하기 때문이다.
ἐπεὶ δὲ σὺ βιάζεις με περὶ μορίου ἑνὸς τῆς τέχνης ποιήσασθαι τὸν λόγον, ἄνευ τῆς ἄλλης ἁρμονίας, εἴκω τῇ βίᾳ καὶ πείθομαι, καὶ γράφω σοὶ μὲν αὐτάρκεις ὑποθήκας, ἱκανὸν γὰρ ἰδιώτῃ μὴ μέγα τι καὶ ἀνήκεστον ἐξαμαρτεῖν ἐν ταῖς τῶν ἰατρῶν καὶ μάλιστα τῷ νομίμως μεμαθηκότι τοιούτοις ὁμιλεῖν ὑπομνήμασιν.
그러나 네가 나에게 기술의 다른 조화로움 없이 오직 한 부분에 대해서만 이야기를 하라고 강요하므로, 나는 그 강요에 굴복하여 따르기로 하고, 너에게 충분한 조언을 쓰기로 한다. 비전문가에게는 의사들의, 특히 이러한 비망록을 정식으로 배워 익힌 사람들을 위해 쓰인 저작들 속에서 무언가 크고 돌이킬 수 없는 잘못을 범하지 않는 것만으로도 충분하기 때문이다.
ἐκείνοις μὲν οὖν ἡ τῆς θεραπευτικῆς μεθόδου πραγματεία γέγραπται, σοὶ δὲ καὶ τοῖς ἄλλοις ὅσοι τεχνῶν μὲν τινῶν ἐστὲ λογικῶν ἐπιστήμονες, ἰδιῶται δὲ τῆς ἰατρικῆς, γένοιτ’ ἂν ἴσως, οἶμαι, καὶ παρὰ τοῦδε τοῦ γράμματος ὠφέλεια.
그러므로 의사들에게는 치료 방법론에 관한 체계적인 저작이 쓰여 있지만, 너와 그리고 어떤 기술들에 정통하면서도 의학에서는 비전문가인 다른 이들에게는, 아마도 이 저작을 통해서도 유익함을 얻을 수 있을 것이다.
§2Πειράσομαι δὲ ὡς οἷόν τε σαφέστατα διελθεῖν, ᾧ χρώμενος ὁ παῖς τρόπῳ τῆς διαίτης ὀνίναιτό τε ἂν οὐ σμικρὰ καὶ ἥκιστα βλάπτοιτο πρὸς τῶν ἐφ’ ἡμέρᾳ συμπιπτόντων ἀδοκήτως αὐτῷ.
나는 그 아이가 어떤 방식의 양생법을 사용함으로써 적지 않은 유익을 얻고, 또 매일 예기치 않게 닥치는 일들로부터 가장 적은 해를 입을 수 있을지를 가능한 한 명확하게 설명하도록 노력하겠다.
φυλάττεσθαι μὲν οὖν καὶ ταῦτα προσήκει, καθ’ ὅσον ἐγχωρεῖ.
그러므로 가능한 한 이들을 피하는 것이 마땅하다.
περιπίπτειν γε μὴν ἀναγκαῖον ἐνίοτε καὶ κρύει καὶ θάλπει σφοδρῷ καὶ ἀνέμοις ἰσχυροῖς καὶ λουτροῖς μοχθηροῖς καὶ τροφαῖς ἐκπληκτικαῖς καὶ τροχοῖς περιδινουμένοις καὶ ἀστραπαῖς καὶ βρονταῖς, ἀγρυπνίαις τε καὶ ἀπεψίαις καὶ λύπῃ καὶ θυμῷ καὶ κόπῳ καὶ ἄλλοις τοιούτοις, ὧν τὸ κεφάλαιόν ἐστι, σφοδρῶς κινῆσαι καὶ ταράξαι τὸ σῶμα καὶ τοῦ πάθους ἀναμνῆσαι καὶ παροξυσμὸν γεννῆσαι.
하지만 때로는 극심한 추위와 더위, 강한 바람, 나쁜 목욕, 자극적인 음식, 회전하는 바퀴, 번개와 천둥, 불면과 소화불량, 슬픔, 분노, 피로, 그리고 이와 유사한 다른 것들에 부딪히는 것이 불가피하다. 이들의 핵심은 몸을 격렬하게 움직이고 뒤흔들어 병을 기억나게 하고 발작을 일으키는 것이다.
ταῦτα δὲ οὖν ἐκ πολλοῦ φυλάττεσθαι προσήκει, καὶ εἴποτε γεγεννημένων αὐτῶν παρακολουθήσει παροξυσμὸς, ἀποσχέσθαι μὲν τελέως τηνικαῦτα πάσης κινήσεως, ἐπὶ δὲ τῆς οἰκίας διατρῖψαι καὶ πάνυ λεπτῶς διαιτηθῆναι, μέχρι περ ἂν ἀπόθηται τὸ σῶμα τὸν ἐκ τοῦ παροξυσμοῦ κάματον.
어쨌든 이들을 미리 충분히 피해야 하며, 만약 이들이 일어난 후에 발작이 뒤따른다면, 그때는 모든 움직임을 완전히 삼가고 집에 머물며, 발작으로 인한 피로를 몸이 벗어버릴 때까지 매우 가벼운 식사를 해야 한다.
ἥτις δὲ ἡ λεπτὴ δίαιτα καὶ γνώσκειν μὲν οἶμαί σε καὶ διὰ τῶν ἐφεξῆς ἀναγνοὺς, οὐδὲν ἧττον ἀκούσει τί περὶ αὐτῆς.
가벼운 식사란 어떤 것인가는 이어지는 부분을 읽으면 너도 알 수 있으리라 생각하지만, 그럼에도 불구하고 그것에 대해 듣게 될 것이다.
ἄρξασθαι γὰρ οὖν ἤδη μοι τῶν ὑποθηκῶν καιρός.
왜냐하면 이제 나에게는 조언을 시작할 때가 되었기 때문이다.