§1## ΓΑΛΗΝΟΥ ΠΕΡΙ ΤΗΣ ΕΞ ΕΝΥΠΝΙΩΝ ΔΙΑΓΝΩΣΕΩΣ.
Τὸ ἐνύπνιον δὲ ἡμῖν ἐνδείκνυται διάθεσιν τοῦ σώματος.
갈레노스의 꿈을 통한 진단에 관하여. 꿈은 우리에게 몸의 상태를 나타내 보여준다.
πυρκαϊὰν μέν τις ὁρῶν ὄναρ ὑπὸ τῆς ξανθῆς ἐνοχλεῖται χολῆς·
이를테면 어떤 사람이 꿈에 불을 본다면 황담즙 때문에 괴로움을 겪고 있는 것이다.
εἰ δὲ καπνὸν, ἢ ἀχλὺν, ἢ βαθὺ σκότος, ὑπὸ τῆς μελαίνης χολῆς·
만약 연기나 안개, 혹은 깊은 어둠을 본다면 흑담즙 때문이다.
ὄμβρος δὲ ψυχρὰν ὑγρότητα πλεονάζειν ἐνδείκνυται· χιὼν δὲ καὶ κρύσταλλος καὶ χάλαζα φλέγμα ψυχρόν.
비는 차가운 습기가 과잉함을 보여주며, 눈과 얼음과 우박은 차가운 점액을 나타낸다.
δεῖ δὲ καὶ τῷ καιρῷ καὶ τῇ ληφθείσῃ τροφῇ προσέχειν.
그러나 시기와 섭취한 음식에도 주의를 기울여야 한다.
ὁ γὰρ χιονίζεσθαι δοκῶν εἰ κατ’ εἰσβολὴν παροξυσμοῦ μετὰ ῥίγους ἢ φρίκης ἢ καταψύξεως γενομένου τοῦτ’ ἐμφαντασθῇ, τῷ καιρῷ τὸ πλέον, οὐ τῇ διαθέσει τοῦ σώματος διδόναι χρή·
왜냐하면 눈이 내리는 꿈을 꾸는 사람이 오한이나 전율 혹은 오한을 동반하는 발작의 시작 시기에 이 환상을 보게 된다면, 그것은 몸의 상태보다 그 시기에 더 많은 원인을 돌려야 하기 때문이다.
κατὰ μέντοι τὴν παρακμὴν τοιοῦτον ὄναρ θεασάμενος, βεβαιοτέραν ἡμῖν ἔνδειξιν ἐργάσεται τῆς τῶν ἐπικρατούντων χυμῶν ψυχρότητος, ἔτι δὲ μᾶλλον, ἐὰν μὴ ἐδηδοκὼς ᾖ τι τῶν φλεγματικῶν ἐδεσμάτων, ὧν ἐν τῇ γαστρὶ περιεχομένων, ἐνδέχεται τοιαύτην τινὰ γενέσθαι φαντασίαν, καίτοι τῆς ἐν ὅλῳ τῷ σώματι διαθέσεως οὐκ οὔσης ὁμοίας.
그러나 발작의 감퇴기에 그러한 꿈을 꾼다면, 이는 지배적인 체액의 차가움에 대하여 우리에게 더 확실한 지표를 줄 것이며, 그가 만약 점액성 음식을 전혀 먹지 않았다면 더욱 그러하다. 위 속에 그런 음물이 담겨 있으면, 비록 몸 전체의 상태가 그와 같지 않더라도 그와 같은 환상이 일어날 수 있기 때문이다.
ἐπεὶ δὲ ἐν τοῖς ὕπνοις οὐκ ἐπὶ ταῖς τοῦ σώματος ἡ ψυχὴ διαθέσεσι φαντάζεται μόνον, ἀλλὰ κᾀκ τῶν συνήθως ἡμῖν πραττομένων ὁσημέραι, ἔνια δὲ ἐξ ὧν πεφροντίκαμεν, καὶ δή τινα μαντικῶς ὑπ’ αὐτῆς προδηλοῦνται, (καὶ γὰρ τοῦτο τῇ πείρᾳ μαρτυρεῖται,) δύσκολος ἡ διάγνωσις τοῦ σώματος γίγνεται ἐκ τῶν ἀπὸ τοῦ σώματος ὁρμωμένων ἐνυπνίων.
그러나 잠자는 동안 영혼이 몸의 상태에 따라서만 환상을 형성하는 것이 아니라, 우리가 매일 습관적으로 하는 일들로부터도 형성하고, 또 우리가 걱정해 오던 일들 중 일부로부터도 형성하며, 심지어 어떤 일들은 영혼 자체에 의해 예언적으로 미리 예시되기도 하므로(이 또한 경험에 의해 증명된다), 몸에서 비롯되는 꿈들로부터 몸의 상태를 진단하기는 어렵게 된다.
εἰ μὲν γὰρ ἀπὸ τῶν ἐφ’ ἡμέρας πραττομένων ἢ φροντιζομένων ἔδει διακρίνειν αὐτὸ μόνον, οὐδὲν ἂν ἦν χαλεπὸν, ὅσα μηδὲ πέπρακται, μηδὲ φροντίζεται, ταῦτα ἐκ τοῦ σώματος ὁρμᾶσθαι δοκεῖν·
만약 낮 동안 행하거나 걱정했던 일들로부터만 그것을 구별하면 된다면, 행해지지도 않았고 걱정되지도 않은 모든 것들이 몸에서 비롯된 것이라고 생각하는 것은 전혀 어렵지 않을 것이다.
ἐπεὶ δὲ καὶ μαντικά τινα συγχωροῦμεν εἶναι, πῶς ταῦτ’ ἂν διακριθείη τῶν ἀπὸ τοῦ σώματος ὁρμωμένων, οὐ ῥᾴδιον εἰπεῖν.
그러나 우리는 예언적인 꿈들도 존재함을 인정하기 때문에, 이것들을 몸에서 비롯된 꿈들과 어떻게 구별할 수 있을지 말하기는 쉽지 않다.
ἐθεάσατο γοῦν τις τὸ ἕτερον τῶν σκελῶν λίθινον γεγονέναι, καὶ τοῦτο ἔκριναν πολλοὶ τῶν περὶ τὰ τοιαῦτα δεινῶν ὡς πρὸς τοὺς δούλους τείνειν τὸ ὄναρ, ἀλλὰ παρελύθη τὸ σκέλος ἐκεῖνο ὁ ἄνθρωπος, οὐδενὸς ἡμῶν προσδοκήσαντος τοῦτο.
실제로 어떤 사람이 자신의 한쪽 다리가 돌이 된 꿈을 꾸었는데, 이런 일에 능한 많은 전문가들은 이 꿈이 노예들과 관련이 있다고 판정했다. 하지만 그 사람은 그 다리가 마비되었으니, 우리 중 누구도 이를 예상하지 못했었다.
τὸν μὲν γὰρ παλαιστὴν ἐν αἵματος δεξαμενῇ δόξαντα ἑστάναι καὶ μόγις αὐτῆς ὑπερέχοντα πλῆθος αἵματος ἔχειν ἐτεκμηράμεθα, καὶ δεῖσθαι κενώσεως.
한편, 어떤 레슬링 선수가 피 연못 속에 서서 겨우 머리만 내밀고 있는 듯이 보였을 때, 우리는 그가 과도한 혈액을 가지고 있어 배출(사혈)이 필요하다고 추론했다.
τινὲς δὲ ἱδροῦν κριτικῶς μέλλοντες λούεσθαι καὶ κολυμβᾷν ἔδοξαν ἐν θερμῶν ὑδάτων δεξαμεναῖς.
또한 위기적으로 땀을 흘리려던 어떤 이들은 온수 목욕탕에서 목욕하며 수영하고 있는 꿈을 꾸었다.
οὕτω δὲ καὶ ἡ τοῦ πίνειν φαντασία χωρὶς τοῦ πίμπλασθαι διψῶσι πάνυ συμβαίνει, καθάπερ καὶ τοῦ ἐσθίειν ἀπλήστως τοῖς πεινῶσι, τοῦ δὲ ἀφροδισιάζειν τοῖς σπέρματος πλήρεσιν.
이와 같이, 매우 목말라하는 이들에게는 채워지지 않는 마심의 환상이 일어나며, 굶주린 이들에게는 탐욕스럽게 먹는 환상이, 정액이 가득 찬 이들에게는 성교하는 환상이 일어난다.
ἔοικε γὰρ ἐν τοῖς ὕπνοις εἰς τὸ βάθος τοῦ σώματος ἡ ψυχὴ εἰσδῦσα καὶ τῶν ἐκτὸς ἀποχωρήσασα αἰσθητῶν τῆς κατὰ τὸ σῶμα διαθέσεως αἰσθάνεσθαι, καὶ πάντων, ὧν ὀρέγεται, τούτων ὡς ἤδη παρόντων λαμβάνειν φαντασίαν.
잠자는 동안 영혼은 몸의 깊은 곳으로 들어가 외부의 감각 대상들로부터 물러남으로써 몸의 상태를 감지하고, 자신이 갈망하는 모든 것들을 이미 눈앞에 있는 것처럼 그 환상을 받아들이는 것으로 보이기 때문이다.
καὶ εἴπερ ἔχει ταῦθ’ οὕτως, οὐδὲν ἂν εἴη θαυμαστὸν, ὁπότε μὲν ὑπὸ πλήθους χυμῶν ἡ ψυχικὴ δύναμις ἐνοχλεῖται βαρυνομένη, μόγις μὲν κινουμένους ἑαυτοὺς κατ’ ὄναρ φαντάζεσθαι καὶ βαστάζοντας ἄχθη τινά·
그리고 만약 이것이 사실이라면, 체액의 과잉으로 인해 영혼의 능력이 짓눌리고 괴로움을 겪을 때, 꿈에서 자신이 겨우 움직이며 어떤 무거운 짐을 지고 있다고 생각하는 것은 전혀 이상한 일이 아닐 것이다.
τοὐναντίον δὲ, ὅταν ᾖ κούφη τε καὶ ἀπέριττος ἡ τοῦ σώματος διάθεσις, ἤτοι πετομένους, ἦ θέοντας ὠκύτατα τοὺς οὕτω διακειμένους ὁρᾷν ὄναρ, ὁμοιουμένων ἀεὶ τῶν φαντασμάτων τῆς ψυχῆς ταῖς τοῦ σώματος διαθέσεσιν, ἄχρι τοῦ καὶ τῶν δυσωδῶν ἢ εὐωδῶν ἀνέχεσθαι δοκεῖν.
반대로, 몸의 상태가 가볍고 과잉물이 없을 때에는, 그러한 상태에 있는 이들이 꿈속에서 날아다니거나 아주 빠르게 달리고 있는 것을 보는 것 또한 전혀 이상한 일이 아니다. 영혼의 환상은 항상 몸의 상태를 닮아가기 마련이며, 심지어 악취나 향기를 맡고 있는 것처럼 생각하는 데까지 이르기 때문이다.
οἱ μὲν γὰρ ἐν κόπρῳ καὶ βορβόροις διατρίβειν ἑαυτοὺς φαντασθέντες ἤτοι τοὺς χυμοὺς ἐν αὑτοῖς μοχθηροὺς καὶ δυσώδεις καὶ σεσηπότας ἔχουσιν, ἢ πλῆθος κόπρου περιεχομένης ἐν τοῖς ἐντέροις·
실제로 분뇨와 진흙 속에 자신이 머물고 있다고 생각하는 이들은, 자신의 몸 안에 악성이고 악취가 나며 부패한 체액을 가지고 있거나, 혹은 장 속에 많은 양의 대변이 쌓여 있기 때문이다.
τοὺς δὲ ἔμπαλιν τούτων διακειμένους καὶ δοκοῦντας ἐν εὐώδεσι τόποις διατρίβειν ἐναντίαν ἔχειν ἐν τῷ σώματι διάθεσιν ἡγητέον.
이와 반대로, 향기로운 곳에 머물고 있다고 생각하는 이들은 몸속에 이와 반대되는 상태를 가지고 있다고 여겨야 한다.
ἃ τοίνυν ὁρῶσιν οἱ κάμνοντες ἐν τοῖς ἐνυπνίοις καὶ πράττειν δοκοῦσιν, ἐνδείξεται πολλάκις ἡμῖν ἐνδείας τε καὶ πλεονεξίας καὶ ποιότητας χυμῶν.
그러므로 앓는 이들이 꿈속에서 보고 행하는 것처럼 보이는 일들은, 종종 우리에게 체액의 결핍이나 과잉, 그리고 성질을 나타내 보여줄 것이다.