§1## ΓΑΛΗΝΟΥ ΠΕΡΙ ΠΤΙΣΑΝΗΣ ΒΙΒΛΙΟΝ.
Ἐπειδὴ πρὸ μικροῦ τινὰς εὗρον τῶν ἰατρῶν περί τινα τῶν νοσούντων τῷ χυλῷ τῆς πτισάνης χρωμένους, μήτε, ἐφ’ ὧν ἐνδέχεται ἢ οὐκ ἐνδέχεται παρέχειν ἀῤῥώστων, προσδιοριζομένους, μήτε τὸν τρόπον, καὶ τὸ ποσὸν τῆς δόσεως, καὶ τὸν ἁρμόζοντα καιρὸν τῇ προσφορᾷ τοῦ ῥοφήματος προσαφορίζοντας, ἀλλ’, ὡς ἔοικε, τὴν τῆς πτισάνης χρῆσιν εὔθετον εἶναι λογιζομένους, ὁπηνίκ’ ἂν βουληθῶσι, ᾧδ’ ἔδοξέ μοι περὶ τῆς χρήσεως αὐτῆς ὅσα τῷ Ἱπποκράτει σαφέστερον ἐκθεμένῳ διὰ τὴν τῶν πολλῶν παρακολούθησιν ἑρμηνεῦσαι τόν τε τρόπον τῆς ἑψήσεως καὶ τὴν δύναμιν αὐτῆς καὶ ἐνέργειαν, καὶ τὸν καιρὸν καὶ τὸ ποσὸν καὶ τὸν τρόπον τῆς δόσεως, ὁπόσα τε ἀγαθὰ τοῖς σώμασι τῶν καμνόντων δίδωσιν ἁρμοζόντως προσφερομένη, καὶ τοὐναντίον πάλιν φαῦλα ἀκαίρως προσενεχθεῖσα, καὶ πρὸς τούτοις ποίοις σώμασιν αὐτὴν προσήκει προσφέρειν, καὶ ποίοις οὐ προσήκει.
## 갈레노스의 대맥음(보리죽)에 관한 책 얼마 전에 나는 일부 의사들이 어떤 환자들에게 보리죽 즙을 사용하면서, 어떤 앓는 이들에게 그것을 주는 것이 가능한지 혹은 불가능한지를 규정하지도 않고, 그 방법과 투여량, 그리고 그 음료를 제공하기에 적절한 시기도 미리 규정하지 않은 채, 오히려 그들이 원할 때는 언제나 보리죽을 사용하는 것이 적절하다고 생각하는 듯한 모습을 보았기에, 나로서는 그 사용에 대하여 히포크라테스가 대중의 이해를 위해 매우 명확하게 설명해 놓은 바에 따라, 끓이는 방법과 그 효능 및 작용, 그리고 투여의 시기, 양, 방법을 해석하고, 그것이 적절하게 제공되었을 때 병자들의 몸에 얼마나 많은 유익을 주는지, 반대로 부적절하게 제공되었을 때는 얼마나 해로운지, 이에 더하여 어떤 몸에 그것을 제공하는 것이 마땅하고 어떤 몸에는 마땅하지 않은지를 설명하는 것이 좋겠다고 생각했다.
ἀλλ’ ἐπειδὴ σύνθετόν τι πρᾶγμα ὑπάρχει ἡ πτισάνη καὶ ὁ χυλὸς, (ἐκ κριθῆς γὰρ κατασκευάζεται πτισθείσης καλῶς, ὅ ἐστιν ἐκλεπισθείσης, καὶ ὕδατος, καὶ τοιᾶσδε ἑψήσεως,) πρῶτον περὶ τῶν μερῶν αὐτῆς ἔκρινα εἰπεῖν διὰ κεφαλαίων.
그러나 보리죽과 그 즙은 합성된 것이므로 (왜냐하면 그것은 잘 찧은, 즉 껍질을 벗긴 보리와 물, 그리고 일정한 끓임을 통해 만들어지기 때문이다), 먼저 그것의 구성 성분들에 대해 요약하여 말하는 것이 좋겠다고 판단했다.
εἰ μὴ γὰρ ταῦτά τις πρότερον διορίσηται, μεγάλως βλάψει, κᾂν καὶ τὰ λοιπὰ πάντ’ ἀκριβολογήσηται ἐφεξῆς.
만약 누군가가 이것들을 먼저 규정해 놓지 않는다면, 비록 그 뒤의 다른 모든 사항들을 차례대로 엄밀히 논한다 하더라도 큰 해를 끼치게 될 것이기 때문이다.
§2Ὅτι μὲν οὖν τὸ ἄριστον ὕδωρ ἐκλέγεσθαι χρὴ εἰς τὴν κατασκευὴν τῆς πτισάνης, οὐδεὶς, οἶμαι, ἀμφισβητεῖ.
그러므로 보리죽의 조제에는 가장 좋은 물을 선택해야 한다는 점에 대해서는, 내 생각에 아무도 이의를 제기하지 않을 것이다.
ἄριστον δὲ ὕδωρ συστάσει, καὶ γεύσει, καὶ ὀσμῇ, καὶ χροιᾷ κρίνεται·
그리고 가장 좋은 물은 그 결합 상태(조성), 맛, 냄새, 그리고 색깔에 의해 판단된다.
τῇ μὲν γεύσει καὶ τῇ ὀσμῇ, ἵνα μηδεμίαν ἀλλόκοτον ὑπεμφαίνῃ ποιότητα, τουτέστιν ἵνα μὴ γλυκὺ ὑπάρχῃ, μήθ’ ἁλυκὸν, μήτ’ ὀξῶδες, ἢ δριμὺ, ἢ δυσῶδες, ἢ σηπεδονῶδες, ἢ ὅλως ἄλλην τινὰ ἐπίκτητον ποιότητα κεκτημένον, ἀλλ’ ἄποιον παντελῶς, καὶ χωρὶς πάσης ἐπικτήτου ποιότητος, καὶ χωρὶς πάσης ἐπιμιξίας γευστικῆς τε καὶ ὀσφραντικῆς.
맛과 냄새에 있어서는 어떠한 기이한 성질도 띠지 않아야 하니, 즉 달지도 않고, 짜지도 않고, 시지도 않고, 맵지도 않고, 악취가 나지도 않고, 부패한 냄새가 나지도 않으며, 아예 다른 어떤 획득된 성질도 가지지 않고, 오히려 완전히 무성질이며, 모든 획득된 성질을 면하고, 맛과 냄새의 모든 혼합물을 면해야 한다.
δεῖ μέντοι καὶ διαυγὲς εἶναι καὶ καθαρὸν καὶ μηδὲν ἰλυῶδες ἔχον, ἀλλ’ ὥσπερ ἀκριβῶς διηθημένον, καὶ τῶν ἐν αὐτῷ ἐμφερομένων ψηγμάτων ἀπηλλαγμένον.
그러나 또한 물은 투명하고 깨끗해야 하며, 진흙 같은 것을 전혀 포함하지 않고, 마치 정확하게 여과된 것처럼 그 안에 떠도는 부스러기들로부터 벗어나 있어야 한다.
τὸ γάρ τοι τοιοῦτον ὕδωρ πρὸς τὴν μὲν χρῆσίν ἐστι λυσιτελὲς, πρὸς δὲ τὴν φύσιν οὐδ’ οὕτως ἐστὶ καθαρὸν, ὥσπερ οὐδ’ ἄλλο τι τῶν αἰσθητῶν στοιχείων.
왜냐하면 그러한 물은 사용하기에는 유익하지만, 그 본성에 있어서는 다른 어떠한 감각되는 원소도 그러하듯이 그렇게까지 순수한 것은 아니기 때문이다.
εἰ δὲ τοιοῦτόν ἐστιν, οἷον εἶπον, τὸ ὕδωρ, εὐθύς ἐστι λεπτομερέστερον αὐτὸ, ῥᾳδίως τε πεττόμενον καὶ ἀναδιδόμενον, καὶ τὰ ὑποχόνδρια ταχέως διεξερχόμενον, καὶ οὐ μόνον τῇ φυσικῇ θερμότητι πλησιάζον εὐαλλοίωτόν ἐστιν, ἀλλὰ καὶ τῷ ἔξωθεν πυρὶ προσομιλῆσαν θερμαίνεται συντόμως.
만약 물이 내가 말한 바와 같다면, 그것은 즉시 더 미세한 부분으로 이루어진 것(희박한 것)이 되어, 쉽게 소화되고 흡수되며, 명치 부위를 빠르게 통과하고, 자연적인 열에 가까워지면 쉽게 변할 뿐만 아니라 외부의 불과 접촉할 때도 신속하게 따뜻해진다.
καὶ μάρτυς Ἱπποκράτης τοῦ λόγου ὕδωρ γὰρ τὸ ταχέως θερμαινόμενον καὶ αὖθις ταχέως ψυχόμενον κουφότατον εἶναι βούλεται, οὐ τὸ ἐλαφρὸν καὶ σταθμῷ διακρινόμενον, ἀλλὰ τὸ λεπτομερὲς καὶ ῥᾳδίως εἰς ἑαυτὸ τὰς ἐναντίας ποιότητας δεχόμενον.
그리고 히포크라테스가 이 주장의 증인이다. 왜냐하면 그는 신속하게 따뜻해지고 다시 신속하게 식는 물을 "가장 가벼운" 것으로 보기 때문인데, 이는 무게로 구분되는 가벼운 물이 아니라, 미세한 부분으로 이루어져 있고 쉽게 서로 반대되는 성질들을 자신 안에 받아들이는 물을 뜻한다.
τὸ δὲ τοιοῦτον ὕδωρ καὶ ψυχρόν ἐστι καὶ ὑγρὸν, καὶ ὕδωρ κυρίως.
그리고 그러한 물이야말로 차갑고 축축하며, 문자 그대로의 물이다.
τὰ δ’ ὑπό τινος οὐσίας ἢ ποιότητος νοθευθέντα, ὁποῖά εἰσι τὰ ἀσφαλτώδη, καὶ θειώδη, καὶ στυπτηριώδη, τοσοῦτον τῆς τοῦ ὕδατος φύσεως ἀφεστήκασιν, ὅσον καὶ ἐνοθεύθησαν.
반면에 어떤 실체나 성질에 의해 불순해진 것들, 예컨대 역청질, 유황질, 명반질의 물은 불순해진 만큼 물의 본성으로부터 멀어져 있다.
εἰ δὲ καὶ ἀπόδειξιν ζητεῖς τοῦ ψύχειν τε καὶ ὑγραίνειν τὸ ὕδωρ, οὐ τοῦ νῦν ἐστι λόγου, περὶ πτισάνης προθεμένου διεξελθεῖν·
만약 당신이 물이 차갑게 하고 축축하게 한다는 점에 대한 증명마저 요구한다면, 그것은 보리죽에 대해 상론하기로 계획된 현재 논의의 영역이 아니다.
πλὴν ὅτι ψυχρόν ἐστι καὶ ὑγρὸν, ἅπαντες οἱ παλαιοὶ ἀπέδειξαν, καὶ ἡ πεῖρα μαρτυρεῖ, καὶ πάντων δὲ λόγῳ ὁμολογούμενον τοῦτο λαβὼν εἰς τὸν περὶ κριθῆς λόγον ἔρχομαι.
다만 그것이 차갑고 축축하다는 것은 고대의 모든 이들이 증명했고 경험이 증언하며, 모든 이들의 이성적 논의로 합의된 이 사실을 받아들여 나는 보리에 관한 논의로 넘어간다.