§6.1ἀλλʼ εἴ γε μὴν τῶν εἰρημένων ἀδύνατον μὲν μηδέν ἐστι μηδὲ χαλεπόν, πραττομένων δὲ αὐτῶν προσφιλέστεροι μὲν τοῖς Ἕλλησι γενησόμεθα, ἀσφαλέστερον δὲ οἰκήσομεν, εὐκλεέστεροι δὲ ἐσόμεθα, καὶ ὁ μὲν δῆμος τροφῆς εὐπορήσει, οἱ δὲ πλούσιοι τῆς εἰς τὸν πόλεμον δαπάνης ἀπαλλαγήσονται, περιουσίας δὲ πολλῆς γενομένης μεγαλοπρεπέστερον μὲν ἔτι ἢ νῦν ἑορτὰς ἄξομεν, ἱερὰ δʼ ἐπισκευάσομεν, τείχη δὲ καὶ νεώρια ἀνορθώσομεν, ἱερεῦσι δὲ καὶ βουλῇ καὶ ἀρχαῖς καὶ ἱππεῦσι τὰ πάτρια ἀποδώσομεν, πῶς οὐκ ἄξιον ὡς τάχιστα τούτοις ἐγχειρεῖν, ἵνα ἔτι ἐφʼ ἡμῶν ἐπίδωμεν τὴν πόλιν μετʼ ἀσφαλείας εὐδαιμονοῦσαν;
하지만 만약 언급된 것들 중에 불가능한 것도 어려운 것도 하나도 없으며, 그것들이 실행될 때 우리가 그리스인들에게 더 사랑받는 존재가 되고, 더 안전하게 거주하며, 더 명성을 얻게 될 것이고, 민중은 생계 수단을 넉넉히 얻고 부유한 이들은 전쟁을 위한 지출에서 벗어나게 될 것이라면, 그리고 많은 여유 자금이 생겨남으로써 우리가 지금보다 훨씬 더 장엄하게 축제를 치르고, 신전을 보수하며, 성벽과 조선소를 재건하고, 사제들과 평의회, 여러 관직과 기병들에게 조상 전래의 것들을 돌려주게 될 것이라면, 어찌 하루빨리 이 일들에 착수하여 우리 세대에 국가가 안전 속에서 번영하는 모습을 더 지켜보는 것이 마땅하지 않겠는가?
§6.2εἴ γε μὴν ταῦτα δόξειεν ὑμῖν πράττειν, συμβουλεύσαιμʼ ἂν ἔγωγε πέμψαντας καὶ εἰς Δωδώνην καὶ εἰς Δελφοὺς ἐπερέσθαι τοὺς θεοὺς εἰ λῷον καὶ ἄμεινον εἴη ἂν τῇ πόλει οὕτω κατασκευαζομένῃ καὶ αὐτίκα καὶ εἰς τὸν ἔπειτα χρόνον.
만약 여러분이 이 일들을 실행하기로 결의하신다면, 저로서는 도도나와 델포이 양쪽 모두에 사절을 보내어, 이처럼 국가를 정비하는 것이 현재와 다가올 미래에 국가에 더 이롭고 더 좋을지 신들께 여쭈어볼 것을 권하고 싶습니다.
§6.3εἰ δὲ ταῦτα συναινοῖεν, τότʼ ἂν αὖ φαίην χρῆναι ἐπερωτᾶν τίνας θεῶν προσποιούμενοι ταῦτα κάλλιστα καὶ ἄριστα πράττοιμεν ἄν·
그리고 신들께서 이에 동의하신다면, 그때는 다시 어떤 신들을 조력자로 삼아야 우리가 이 일들을 가장 훌륭하고 최선으로 수행할 수 있을지 여쭈어야 한다고 저는 말하고자 합니다.
οὓς δʼ ἀνέλοιεν θεούς, τούτοις εἰκὸς καλλιερήσαντας ἄρχεσθαι τοῦ ἔργου.
그리하여 신들께서 가리키시는 신들께 길한 희생 제물을 바치고 나서 사업을 시작하는 것이 마땅합니다.
σὺν γὰρ θεῷ πραττομένων εἰκὸς καὶ τὰς πράξεις προϊέναι ἐπὶ τὸ λῷον καὶ ἄμεινον ἀεὶ τῇ πόλει.
왜냐하면 신과 함께 실행된다면, 온갖 활동도 국가에 늘 더 이롭고 더 좋은 방향으로 나아가는 것이 마땅하기 때문입니다.