§1Δεύτερος μετὰ Σηιανὸν Φλάκκος Ἀουίλλιος διαδέχεται τὴν κατὰ τῶν Ἰουδαίων ἐπιβουλήν, σύμπαν μὲν ἀδικῆσαι τὸ ἔθνος ὥσπερ ἐκεῖνος ἄντικρυς οὐ δυνηθείς — ἐλάττους γὰρ εἶχε τὰς εἰς τοῦτ’ ἀφορμάς —, ἐφ’ ὅσους δ’ ἔφθανεν, ἀθρόους ἀνηκέστοις περιέπειρε κακοῖς.
세야누스에 이어 두 번째로 아빌리우스 플라쿠스가 유대인들을 겨냥한 음모를 이어받았다. 그는 저 세야누스처럼 민족 전체에 전면적으로 해를 끼칠 수는 없었으나—그에게는 이를 위한 수단이 더 적었기 때문이다—자신의 손길이 닿았던 모든 사람들에 대해서는 한꺼번에 치명적인 재앙으로 그들을 찔러 관통했다.
οὐ μὴν ἀλλὰ καὶ μέρει δόξας ἐπιτίθεσθαι τὴν ἐπιβουλὴν ἐξέτεινεν ἐπιὼν τοὺς πανταχοῦ πάντας διὰ τέχνης τὸ πλέον ἢ δυνάμεως·
뿐만 아니라, 그는 일부만을 공격하는 것처럼 보이면서도, 힘보다는 오히려 교묘한 술책을 통해 도처의 모든 이들을 습격하여 그 음모를 확장했다.
οἷς γὰρ ἰσχὺς οὐ πρόσεστι τῶν τὰς φύσεις τυραννικῶν, πανουργίαις τὰς ἐπιβουλὰς κατορθοῦσιν.
왜냐하면 지배적인 본성을 가진 자들 중에서 힘이 없는 자들은 간계로써 자신의 음모를 성취하기 때문이다.
§2ὁ Φλάκκος οὖν οὗτος ἐν τοῖς ἑταίροις κριθεὶς παρὰ Τιβερίῳ Καίσαρι μετὰ τὴν Ἱβήρου τελευτήν, ὃς ἐπετέτραπτο Αἴγυπτον, καθίσταται τῆς Ἀλεξανδρείας καὶ τῆς χώρας ἐπίτροπος, ἄνθρωπος ἐν ἀρχῇ μυρία καλοκαγαθίας ὅσα τῷ δοκεῖν ἐξενεγκὼν δείγματα·
이 플라쿠스는 이집트를 위임받았던 이베루스의 사후에 티베리우스 카이사르의 동벗들 중 하나로 선발되어 알렉산드리아와 그 지방의 총독으로 임명되었다. 그는 통치 초기에는 겉보기에는 무수히 많은 고결한 품성의 증거를 보여주었다.
πυκνός τε γὰρ ἦν καὶ συνεχὴς καὶ ὀξὺς νοῆσαι καὶ τὰ βουλευθέντα πρᾶξαι καὶ προχειρότατος εἰπεῖν καὶ πρὸ τοῦ λεγομένου τὸ ἡσυχαζόμενον αἰσθέσθαι.
왜냐하면 그는 깊이 생각하고 결정된 바를 실행하는 데 끊임없고 날카로웠으며, 말하는 데 극도로 민첩했고, 말해지기 전에 침묵 속에 있는 것을 감지하는 데 탁월했기 때문이다.
§3παντάπασιν οὖν ὀλίγῳ χρόνῳ τῶν κατὰ τὴν Αἴγυπτον πραγματειῶν ἐθὰς γίνεται·
그리하여 매우 짧은 시간 안에 그는 이집트의 국무에 완전히 익숙해졌다.
πολύτροποι δ’ εἰσὶ καὶ ποικίλαι, μόλις τοῖς ἐκ πρώτης ἡλικίας τὸ ἔργον ἐπιτήδευμα πεποιημένοις γνωριζόμεναι.
국무는 다채롭고 복잡하여, 아주 어린 시절부터 이를 평생의 업으로 삼아온 사람들조차도 겨우 이해할 수 있을 정도의 것이다.
περιττὸς ὄχλος ἦσαν οἱ γραμματεῖς, ἤδη πρὸς πάντα μικρὰ καὶ μεγάλα φθάνοντος αὐτοῦ ταῖς ἐμπειρίαις, ὡς μὴ μόνον ὑπερβαλεῖν ἀλλὰ χάριν ἀκριβείας ἀντὶ γνωρίμου διδάσκαλον γεγενῆσθαι τῶν τέως ὑφηγητῶν.
서기들은 불필요한 무리가 되었다. 이미 그가 자신의 경험을 가지고 모든 크고 작은 일들에 선수를 치고 있었으므로, 기존의 안내인들을 능가할 뿐만 아니라 정확성을 기하기 위해 단순한 안면 있는 자가 아니라 그들의 교사가 되었을 정도였기 때문이다.
§4καὶ ὅσα μὲν περὶ λογισμοὺς καὶ τὴν τῶν προσοδευομένων κατώρθου διοίκησιν, εἰ καὶ μεγάλα καὶ ἀναγκαῖα ἦν, ἀλλ’ οὐδέν γε δεῖγμα ψυχῆς ὑπέφαινεν ἡγεμονικῆς, ἃ δὲ λαμπροτέραν καὶ βασιλικὴν ἐδήλου φύσιν, μετὰ πλείονος παρρησίας ἐπεδείκνυτο·
또한 그가 회계와 세입 관리 관리에 관해 완수한 일들은 비록 크고 꼭 필요한 일들이었으나, 통치자의 ¦p. 518 Μ.¦ 영혼을 보여주는 증거를 조금도 드러내지 않았다. 반면, 더 찬란하고 왕다운 본성을 보여주는 일들은 더 큰 당당함으로 시현했다.
οἷον σεμνότερον ἦγεν αὑτόν — ἄρχοντι δὲ λυσιτελέστατον ὁ τῦφος —, ἐδίκαζε τὰ μεγάλα μετὰ τῶν ἐν τέλει, τοὺς ὑπεραύχους καθῄρει, μιγάδων καὶ συγκλύδων ἀνθρώπων ὄχλον ἐκώλυεν ἐπισυνίστασθαι·
예를 들어, 그는 자신을 더 엄숙하게 처신했고—지배자에게는 위엄이 가장 유익하기 때문이다—중대한 사건들을 고관들과 함께 재판했으며, 오만한 자들을 꺾어 낮추고, 잡다하고 난폭한 군중들이 작당하여 모이는 것을 막았다.
τάς τε ἑταιρείας καὶ συνόδους, αἳ ἀεὶ ἐπὶ προφάσει θυσιῶν εἱστιῶντο τοῖς πράγμασιν ἐμπαροινοῦσαι, διέλυε τοῖς ἀφηνιάζουσιν ἐμβριθῶς καὶ εὐτόνως προσφερόμενος.
또한 제사를 핑계로 항상 잔치를 베풀며 국정에 대해 술주정을 부리던 결사들과 집회들을, 복종하지 않는 자들에게 엄격하고 강력하게 맞섬으로써 해산시켰다.
§5εἶτ’ ἐπειδὴ τὴν πόλιν καὶ τὴν χώραν ἀνέπλησεν εὐνομίας, ἐν μέρει πάλιν ταῖς στρατιωτικαῖς δυνάμεσιν ἐφήδρευεν ἐκτάττων, συγκροτῶν, γυμνάζων πεζούς, ἱππεῖς, τοὺς τῆς κούφης ὁπλίσεως, τοὺς ἡγεμόνας, ἵνα μὴ τὰς μισθοφορὰς τῶν στρατιωτῶν ἀφαιρούμενοι πρὸς λῃστείας καὶ ἁρπαγὰς αὐτοὺς ἀλείφωσι, πάλιν τῶν στρατιωτῶν ἕκαστον, ἵνα μηδὲν ἔξω τῶν κατὰ τὴν στρατείαν περιεργάζηται μεμνημένος, ὅτι τέτακται καὶ τὴν εἰρήνην διαφυλάττειν.
그리하여 그가 도시와 지방을 좋은 질서로 채운 후, 이번에는 다시 군사력에 주의를 기울여 보병, 기병, 경장보병, 그리고 지휘관들을 편성하고 통합하며 훈련했다. 이는 그들이 병사들의 급료를 빼앗아 약탈과 강탈로 몰아넣지 않도록 하기 위함이었고, 또한 병사들 각자로 하여금 평화를 유지하도록 배치되었음을 기억하여 군무 이외의 일에는 전혀 참견하지 않도록 하기 위함이었다.
§6Ἴσως δ’ ἄν τις εἴποι·
아마 누군가 이렇게 말할지도 본다.
„σὺ δ’, ὦ οὗτος, ἐγνωκὼς ἀνθρώπου κατηγορεῖν ἔγκλημα μὲν οὐδὲν διεξῆλθες, μακροὺς δ’ ἐπαίνους συνείρεις·
“여보게, 자네는 이 사람을 고발하려 작정했으면서도, 아무런 죄상도 자세히 설명하지 않고 긴 찬사만을 늘어놓고 있구먼.
μὴ ἄρα παραπαίεις καὶ μέμηνας; “— οὐ μέμηνα, ὦ οὗτος, οὐδ’ ἠλίθιός τίς εἰμι, ὡς μὴ δύνασθαι πράγματος ἀκολουθίαν ἰδεῖν.
혹시 자네 정신이 나가 미쳐버린 것 아닌가?” 나는 미치지 않았네, 여보게, 사물의 인과관계를 알아보지 못할 정도로 어리석은 사람도 아니라네.
§7ἐπαινῶ τὸν Φλάκκον, οὐκ ἐπειδὴ προσῆκεν ἐχθρὸν ἐγκωμιάζειν, ἀλλ’ ἵν’ αὐτοῦ τὴν μοχθηρίαν ἀριδηλοτέραν παραστήσω·
내가 플라쿠스를 찬양하는 것은 원수를 칭송하는 것이 마땅해서가 아니라, 그의 사악함을 더 명백히 드러내기 위함이다.
τῷ μὲν γὰρ ἀγνοίᾳ τοῦ κρείττονος διαμαρτάνοντι συγγνώμη δίδοται, ὁ δ’ ἐξ ἐπιστήμης ἀδικῶν ἀπολογίαν οὐκ ἔχει προεαλωκὼς ἐν τῷ τοῦ συνειδότος δικαστηρίῳ.
왜냐하면 더 나은 것을 알지 못해 잘못을 범하는 자에게는 용서가 베풀어지지만, 알고서도 불의를 행하는 자는 이미 자신의 양심의 법정에서 유죄 판결을 받았기에 변명의 여지가 없기 때문이다.
§8ἑξαετίαν γὰρ τὴν ἐπικράτειαν λαβὼν πέντε μὲν ἔτη τὰ πρῶτα, ζῶντος Τιβερίου Καίσαρος, τήν τε εἰρήνην διεφύλαξε καὶ οὕτως εὐτόνως καὶ ἐρρωμένως ἀφηγήσατο, ὡς τοὺς πρὸ αὐτοῦ πάντας ὑπερβαλεῖν.
실로 그는 6년 동안 통치권을 넘겨받아, 티베리우스 카이사르가 살아 있던 첫 5년 동안은 평화를 유지하고 매우 강력하고 활기차게 통치하여 이전의 모든 이들을 능가했다.
§9τῷ δ’ ὑστάτῳ, Τιβερίου μὲν τελευτήσαντος, Γαΐου δ’ ἀποδειχθέντος αὐτοκράτορος, ὑφιέναι καὶ χαλᾶν ἤρξατο τὰ πάντα εἴτε διὰ τὸ ἐπὶ Τιβερίῳ βαρύτατον πένθος — δῆλος γὰρ ἦν ὡς ἐπ’ οἰκειοτάτῳ περιπαθῶν ἔκ τε τῆς συνεχοῦς κατηφείας καὶ τῆς τῶν δακρύων φορᾶς, ἃ καθάπερ ἀπὸ πηγῆς ἀπαύστως ἐξεχεῖτο — εἴτε καὶ κακόνους ὢν τῷ διαδόχῳ διὰ τὸ τὴν τῶν γνησίων πρὸ τῆς τῶν θετῶν τεθεραπευκέναι μερίδα εἴτε καὶ τῶν συνεπιθεμένων τῇ Γαΐου μητρί, καθ’ ὃν χρόνον εἶχε τὰς αἰτίας ἐφ’ αἷς ἀνῃρέθη, γεγονὼς καὶ διὰ φόβον ἁλώσεως ἐπιλελησμένος.
그러나 마지막 해에, 티베리우스가 서거하고 가이우스가 황제로 선포되자, 그는 모든 면에서 고삐를 늦추고 해이해지기 시작했다. 이는 티베리우스에 대한 매우 깊은 애도 때문이었을 수도 있고— 그가 가장 가까운 친척을 잃은 것처럼 깊이 슬퍼하고 있음은 지속되는 우울함과 마치 샘에서 끊임없이 쏟아져 나오듯 흘러내린 눈물의 양을 통해 명백히 드러났기 때문이다—혹은 그가 양자들의 편보다는 적자들의 편을 지지했었기 때문에 후계자에게 악의를 품었기 때문일 수도 있으며, 아니면 가이우스의 어머니가 처형되는 원인이 된 혐의를 받고 있던 시절에 그녀를 고발했던 자들 중 하나였기에 붙잡힐지 모른다는 두려움으로 제정신이 아니었기 때문일 수도 있다.