§6.23.1Σάμιοι γὰρ κομιζόμενοι ἐς Σικελίην ἐγίνοντο ἐν Λοκροῖσι τοῖσι Ἐπιζεφυρίοισι, καὶ Ζαγκλαῖοι αὐτοί τε καὶ ὁ βασιλεὺς αὐτῶν, τῷ οὔνομα ἦν Σκύθης, περικατέατο πόλιν τῶν Σικελῶν ἐξελεῖν βουλόμενοι.
사모스인들은 시켈리아로 향해 가는 도중에 에피제피리오이 로크로이에 도착했는데, 그때 잔클레인들 자신과 스퀴테스라는 이름을 가진 그들의 왕은 시켈로이인의 도시를 함락시키고자 포위하고 있었다.
§6.23.2μαθὼν δὲ ταῦτα ὁ Ῥηγίου τύραννος Ἀναξίλεως, τότε ἐὼν διάφορος τοῖσι Ζαγκλαίοισι, συμμίξας τοῖσι Σαμίοισι ἀναπείθει ὡς χρεὸν εἴη Καλὴν μὲν ἀκτήν, ἐπʼ ἣν ἔπλεον, ἐᾶν χαίρειν, τὴν δὲ Ζάγκλην σχεῖν ἐοῦσαν ἔρημον ἀνδρῶν.
당시 잔클레인들과 적대 관계에 있던 레기온의 참주 아낙실라오스는 이 소식을 듣고 사모스인들과 접촉하여, 그들이 항해하여 가고 있던 칼레 악테는 내버려 두고, 남자들이 없어 비어 있는 잔클레를 차지하는 것이 마땅하다고 설득했다.
§6.23.3πειθομένων δὲ τῶν Σαμίων καὶ σχόντων τὴν Ζάγκλην, ἐνθαῦτα οἱ Ζαγκλαῖοι, ὡς ἐπύθοντο ἐχομένην τὴν πόλιν ἑωυτῶν, ἐβοήθεον αὐτῇ καὶ ἐπεκαλέοντο Ἱπποκράτεα τὸν Γέλης τύραννον·
사모스인들이 설득을 받아들여 잔클레를 차지하자, 잔클레인들은 자신들의 도시가 점령당했다는 소식을 듣고 그곳으로 구원하러 가면서 겔라의 참주 히포크라테스를 불러들였다.
ἦν γὰρ δή σφι οὗτος σύμμαχος.
왜냐하면 바로 그가 그들의 동맹자였기 때문이다.
§6.23.4ἐπείτε δὲ αὐτοῖσι καὶ ὁ Ἱπποκράτης σὺν τῇ στρατιῇ ἧκε βοηθέων, Σκύθην μὲν τὸν μούναρχον τῶν Ζαγκλαίων ὡς ἀποβαλόντα τὴν πόλιν ὁ Ἱπποκράτης πεδήσας καὶ τὸν ἀδελφεὸν αὐτοῦ Πυθογένεα ἐς Ἴνυκα πόλιν ἀπέπεμψε, τοὺς δὲ λοιποὺς Ζαγκλαίους κοινολογησάμενος τοῖσι Σαμίοισι καὶ ὅρκους δοὺς καὶ δεξάμενος προέδωκε.
히포크라테스 역시 군대를 이끌고 구원하러 도착하자, 그는 잔클레의 군주 스퀴테스를 도시를 잃었다는 이유로 결박하고 그의 형제 피토게네스와 함께 이닉스라는 도시로 압송했으며, 나머지 잔클레인들에 대해서는 사모스인들과 협의하고 맹세를 주고받은 뒤 그들을 배신하고 넘겨주었다.
§6.23.5μισθὸς δέ οἱ ἦν εἰρημένος ὅδε ὑπὸ τῶν Σαμίων, πάντων τῶν ἐπίπλων καὶ ἀνδραπόδων τὰ ἡμίσεα μεταλαβεῖν τῶν ἐν τῇ πόλι, τὰ δʼ ἐπὶ τῶν ἀγρῶν πάντα Ἱπποκράτεα λαγχάνειν.
사모스인들이 그에게 약속한 보상은 다음과 같았다. 즉, 성 안에 있는 모든 동산과 노예의 절반을 그가 나누어 가질 것과, 들판에 있는 모든 것은 히포크라테스가 차지할 것이었다.
§6.23.6τοὺς μὲν δὴ πλεῦνας τῶν Ζαγκλαίων αὐτὸς ἐν ἀνδραπόδων λόγῳ εἶχε δήσας, τοὺς δὲ κορυφαίους αὐτῶν τριηκοσίους ἔδωκε τοῖσι Σαμίοισι κατασφάξαι·
그리하여 그는 잔클레인들 대부분을 스스로 결박하여 노예로 취급하였고, 그들의 우두머리 삼백 명은 도살하도록 사모스인들에게 넘겨주었다.
οὐ μέντοι οἵ γε Σάμιοι ἐποίησαν ταῦτα.
그러나 사모스인들은 이를 행하지 않았다.