§6.22.1Μίλητος μέν νυν Μιλησίων ἠρήμωτο.
이리하여 밀레토스는 밀레토스인들이 사라져 황폐해졌다.
Σαμίων δὲ τοῖσί τι ἔχουσι τὸ μὲν ἐς τοὺς Μήδους ἐκ τῶν στρατηγῶν τῶν σφετέρων ποιηθὲν οὐδαμῶς ἤρεσκε, ἐδόκεε δὲ μετὰ τὴν ναυμαχίην αὐτίκα βουλευομένοισι, πρὶν ἤ σφι ἐς τὴν χώρην ἀπικέσθαι τὸν τύραννον Αἰάκεα, ἐς ἀποικίην ἐκπλέειν μηδὲ μένοντας Μήδοισί τε καὶ Αἰάκεϊ δουλεύειν.
그러나 사모스인들 중에서 재산이 좀 있는 자들은 자신들의 장군들이 메디아인들에 대해 취한 행동이 전혀 마음에 들지 않았고, 해전 직후에 의논하여 참주 아이아케스가 자신들의 땅에 도달하기 전에 식민지를 찾아 출항하기로 했으며, 그곳에 머물며 메디아인들과 아이아케스의 노예가 되지 않기로 결정했다.
§6.22.2Ζαγκλαῖοι γὰρ οἱ ἀπὸ Σικελίης τὸν αὐτὸν χρόνον τοῦτον πέμποντες ἐς τὴν Ἰωνίην ἀγγέλους ἐπεκαλέοντο τοὺς Ἴωνας ἐς Καλὴν ἀκτήν, βουλόμενοι αὐτόθι πόλιν κτίσαι Ἰώνων.
마침 이 시기에 시켈리아의 잔클레인들이 이오니아로 전령들을 보내 이오니아인들을 칼레 악테로 초청하고 있었는데, 그들은 그곳에 이오니아인의 도시를 세우고자 원했기 때문이다.
ἡ δὲ Καλὴ αὕτη ἀκτὴ καλεομένη ἔστι μὲν Σικελῶν, πρὸς δὲ Τυρσηνίην τετραμμένη τῆς Σικελίης.
칼레 악테라 불리는 이 곳은 시켈로이인의 땅으로, 시켈리아 중에서 티르세니아를 향해 있는 쪽에 위치해 있다.
τούτων ὦν ἐπικαλεομένων οἱ Σάμιοι μοῦνοι Ἰώνων ἐστάλησαν, σὺν δέ σφι Μιλησίων οἱ ἐκπεφευγότες·
그리하여 이들의 초청을 받고 이오니아인 중에서는 오직 사모스인들만이 출발했으며, 탈출한 밀레토스인들도 그들과 함께했다.
ἐν ᾧ τοιόνδε δή τι συνήνεικε γενέσθαι.
그런데 그 과정에서 다음과 같은 일이 일어났다.