§5.88.1ἔστι δὲ ἀληθέι λόγῳ χρεωμένοισι οὐκ Ἰὰς αὕτη ἡ ἐσθὴς τὸ παλαιὸν ἀλλὰ Κάειρα, ἐπεὶ ἥ γε Ἑλληνικὴ ἐσθὴς πᾶσα ἡ ἀρχαίη τῶν γυναικῶν ἡ αὐτὴ ἦν τὴν νῦν Δωρίδα καλέομεν. §5.88.2τοῖσι δὲ Ἀργείοισι καὶ τοῖσι Αἰγινήτῃσι καὶ πρὸς ταῦτα ἔτι τόδε ποιῆσαι νόμον εἶναι παρὰ σφίσι ἑκατέροισι τὰς περόνας ἡμιολίας ποιέεσθαι τοῦ τότε κατεστεῶτος μέτρου, καὶ ἐς τὸ ἱρὸν τῶν θεῶν τουτέων περόνας μάλιστα ἀνατιθέναι τὰς γυναῖκας, Ἀττικὸν δὲ μήτε τι ἄλλο προσφέρειν πρὸς τὸ ἱρὸν μήτε κέραμον, ἀλλʼ ἐκ χυτρίδων ἐπιχωριέων νόμον τὸ λοιπὸν αὐτόθι εἶναι πίνειν.
그러나 진실에 입각하여 말하자면, 이 의복은 고대에 이오니아식이 아니라 카리아식이었다. 왜냐하면 고대 그리스 여성들의 모든 의복은 우리가 오늘날 도리스식이라고 부르는 것과 같았기 때문이다. 한편, 아르고스인들과 아이기나인들에게는 이 일들에 더하여 양국 모두에서 다음과 같은 일을 행하여 그것을 관습으로 삼았다고 한다. 즉, 핀의 크기를 당시 규정된 치수의 1.5배로 만드는 것과, 여인들이 이 여신들의 신전에 특히 핀을 봉헌하도록 하는 것, 그리고 아티카제 물건은 토기를 비롯해 그 어떤 것도 신전에 반입하지 못하게 하고, 향후 그곳에서는 현지 산 토기 잔으로 마시는 것을 법으로 정하는 것이었다。