§5.72.1Κλεομένης δὲ ὡς πέμπων ἐξέβαλλε Κλεισθένεα καὶ τοὺς ἐναγέας, Κλεισθένης μὲν αὐτὸς ὑπεξέσχε, μετὰ δὲ οὐδὲν ἧσσον παρῆν ἐς τὰς Ἀθήνας ὁ Κλεομένης οὐ σὺν μεγάλῃ χειρί, ἀπικόμενος δὲ ἀγηλατέει ἑπτακόσια ἐπίστια Ἀθηναίων, τά οἱ ὑπέθετο ὁ Ἰσαγόρης.
클레오메네스가 사절을 보내 클레이스테네스와 '신의 저주를 받은 자들'을 추방하려 하자, 클레이스테네스 자신은 남몰래 피신했다. 그럼에도 불구하고 클레오메네스는 소수의 군사만을 거느리고 아테네에 나타났으며, 도착하자마자 이사고라스가 그에게 지목한 아테네인 700가구를 추방했다.
ταῦτα δὲ ποιήσας δεύτερα τὴν βουλὴν καταλύειν ἐπειρᾶτο, τριηκοσίοισι δὲ τοῖσι Ἰσαγόρεω στασιώτῃσι τὰς ἀρχὰς ἐνεχείριζε. §5.72.2ἀντισταθείσης δὲ τῆς βουλῆς καὶ οὐ βουλομένης πείθεσθαι, ὅ τε Κλεομένης καὶ ὁ Ἰσαγόρης καὶ οἱ στασιῶται αὐτοῦ καταλαμβάνουσι τὴν ἀκρόπολιν.
이 일을 행한 후, 그는 이어서 평의회를 해산하려 시도했고, 이사고라스의 당여 300명에게 국정을 맡기려 했다. 그러나 평의회가 저항하며 복종하기를 거부하자, 클레오메네스와 이사고라스 및 그의 당여들은 아크로폴리스를 점령했다.
Ἀθηναίων δὲ οἱ λοιποὶ τὰ αὐτὰ φρονήσαντες ἐπολιόρκεον αὐτοὺς ἡμέρας δύο·
나머지 아테네인들은 뜻을 하나로 모아 이틀 동안 그들을 포위했다.
τῇ δὲ τρίτῃ ὑπόσπονδοι ἐξέρχονται ἐκ τῆς χώρης ὅσοι ἦσαν αὐτῶν Λακεδαιμόνιοι.
그리고 사흘째 되는 날, 그들 중 라케다이몬인인 자들은 모두 휴전 협정을 맺고 영토 밖으로 퇴거했다.
ἐπετελέετο δὲ τῷ Κλεομένεϊ ἡ φήμη. §5.72.3ὡς γὰρ ἀνέβη ἐς τὴν ἀκρόπολιν μέλλων δὴ αὐτὴν κατασχήσειν, ἤιε ἐς τὸ ἄδυτον τῆς θεοῦ ὡς προσερέων·
이로써 클레오메네스에게 그 예언이 실현되었다. 그가 아크로폴리스를 막 점령하려는 속셈으로 그곳에 올라갔을 때, 여신에게 기도를 올리기 위해 신전의 지성소로 들어가려 했다.
ἡ δὲ ἱρείη ἐξαναστᾶσα ἐκ τοῦ θρόνου, πρὶν ἢ τὰς θύρας αὐτὸν ἀμεῖψαι, εἶπε
ὦ ξεῖνε Λακεδαιμόνιε, πάλιν χώρεε μηδὲ ἔσιθι ἐς τὸ ἱρόν·
그러자 여사제가 자리에서 일어나 그가 문을 지나가기도 전에 말했다. "라케다이몬의 손님이여, 되돌아가시오.
οὐ γὰρ θεμιτὸν Δωριεῦσι παριέναι ἐνθαῦτα. ὁ δὲ εἶπε
ὦ γύναι, ἀλλʼ οὐ Δωριεύς εἰμι ἀλλʼ Ἀχαιός. §5.72.4ὃ μὲν δὴ τῇ κλεηδόνι οὐδὲν χρεώμενος ἐπεχείρησέ τε καὶ τότε πάλιν ἐξέπιπτε μετὰ τῶν Λακεδαιμονίων·
성소에 들어와서는 안 되오. 도리스인이 이곳에 들어오는 것은 신성한 법에 어긋나기 때문이오." 이에 그가 말했다. "부인이여, 나는 도리스인이 아니라 아카이아인이오." 그는 그 예언을 전혀 무시하고 시도했으나, 결국 그때 라케다이몬인들과 함께 다시 쫓겨나게 되었다.
τοὺς δὲ ἄλλους Ἀθηναῖοι κατέδησαν τὴν ἐπὶ θανάτῳ, ἐν δὲ αὐτοῖσι καὶ Τιμησίθεον τὸν Δελφόν, τοῦ ἔργα χειρῶν τε καὶ λήματος ἔχοιμʼ ἂν μέγιστα καταλέξαι.
한편 아테네인들은 다른 자들을 사형에 처하기 위해 감금했는데, 그들 중에는 델포이의 티메시테오스도 있었으며, 그의 무용과 담력에 찬 업적에 대해서라면 나는 매우 위대한 일들을 열거할 수 있을 것이다.