§5.65.1καὶ οὐδέν τι πάντως ἂν ἐξεῖλον Πεισιστρατίδας οἱ Λακεδαιμόνιοι·
그리고 라케다이몬인들은 페이시스트라토스의 아들들을 결코 제압하지 못했을 것이다.
οὔτε γὰρ ἐπέδρην ἐπενόεον ποιήσασθαι, οἵ τε Πεισιστρατίδαι σίτοισι καὶ ποτοῖσι εὖ παρεσκευάδατο, πολιορκήσαντές τε ἂν ἡμέρας ὀλίγας ἀπαλλάσσοντο ἐς τὴν Σπάρτην.
왜냐하면 그들은 장기 포위를 할 생각도 없었고, 페이시스트라토스의 아들들은 양식과 음료를 충분히 대비해 두고 있었으므로, 며칠 동안 포위한 후에 스파르타로 퇴각했을 것이기 때문이다.
νῦν δὲ συντυχίη τοῖσι μὲν κακὴ ἐπεγένετο, τοῖσι δὲ ἡ αὐτὴ αὕτη σύμμαχος·
그러나 실제로는 한쪽에는 불운이, 다른 쪽에는 바로 그 불운이 아군으로서 찾아왔다.
ὑπεκτιθέμενοι γὰρ ἔξω τῆς χώρης οἱ παῖδες τῶν Πεισιστρατιδέων ἥλωσαν.
나라 밖으로 안전하게 대피시키려던 페이시스트라토스 가문의 아이들이 붙잡혔던 것이다.
§5.65.2τοῦτο δὲ ὡς ἐγένετο, πάντα αὐτῶν τὰ πρήγματα συνετετάρακτο, παρέστησαν δὲ ἐπὶ μισθῷ τοῖσι τέκνοισι, ἐπʼ οἷσι ἐβούλοντο οἱ Ἀθηναῖοι, ὥστε ἐν πέντε ἡμέρῃσι ἐκχωρῆσαι ἐκ τῆς Ἀττικῆς.
이 일이 일어나자 그들의 모든 상황은 완전히 혼란에 빠졌고, 그들은 아이들을 돌려받는 대가로 아테네인들이 원하는 조건에 따라 닷새 안에 아티카에서 물러나기로 하고 항복했다.
§5.65.3μετὰ δὲ ἐξεχώρησαν ἐς Σίγειον τὸ ἐπὶ τῷ Σκαμάνδρῳ, ἄρξαντες μὲν Ἀθηναίων ἐπʼ ἔτεα ἕξ τε καὶ τριήκοντα, ἐόντες δὲ καὶ οὗτοι ἀνέκαθεν Πύλιοί τε καὶ Νηλεῖδαι, ἐκ τῶν αὐτῶν γεγονότες καὶ οἱ ἀμφὶ Κόδρον τε καὶ Μέλανθον, οἳ πρότερον ἐπήλυδες ἐόντες ἐγένοντο Ἀθηναίων βασιλέες.
그 후 그들은 아테네인들을 36년 동안 통치한 끝에, 스카만드로스 강가에 있는 시게이온으로 물러났다. 그들 자신도 원래 피로스인이자 네레우스의 후손이었으며, 예전에는 외지인이었으나 아테네인의 왕이 된 코드로스와 멜란토스 일가와 같은 선조에게서 태어난 이들이었다.
§5.65.4ἐπὶ τούτου δὲ καὶ τὠυτὸ οὔνομα ἀπεμνημόνευσε Ἱπποκράτης τῷ παιδὶ θέσθαι τὸν Πεισίστρατον, ἐπὶ τοῦ Νέστορος Πεισιστράτου ποιεύμενος τὴν ἐπωνυμίην.
이 연고 때문에 히포크라테스는 네스토르의 아들 페이시스트라토스에서 이름을 따와, 자기 자식에게 페이시스트라토스라는 똑같은 이름을 지어 주기로 마음먹었던 것이다.
§5.65.5οὕτω μὲν Ἀθηναῖοι τυράννων ἀπαλλάχθησαν·
이리하여 아테네인들은 참주에게서 벗어났다.
ὅσα δὲ ἐλευθερωθέντες ἔρξαν ἢ ἔπαθον ἀξιόχρεα ἀπηγήσιος, πρὶν ἢ Ἰωνίην τε ἀποστῆναι ἀπὸ Δαρείου καὶ Ἀρισταγόρεα τὸν Μιλήσιον ἀπικόμενον ἐς Ἀθήνας χρηίσαι σφέων βοηθέειν, ταῦτα πρῶτα φράσω.
그러나 그들이 자유를 얻은 후, 이오니아가 다레이오스로부터 반란을 일으키고 밀레토스의 아리스타고라스가 아테네에 도착하여 도움을 청하기 전에, 그들이 행하거나 겪은 일들 중 서술할 만한 가치가 있는 것들을 내가 먼저 이야기하겠다.