§5.101.1τὸ δὲ μὴ λεηλατῆσαι ἑλόντας σφέας τὴν πόλιν ἔσχε τόδε.
그들이 도시를 점령했음에도 약탈하지 않은 데는 다음과 같은 이유가 있었다.
ἦσαν ἐν τῇσι Σάρδισι οἰκίαι αἱ μὲν πλεῦνες καλάμιναι, ὅσαι δʼ αὐτέων καὶ πλίνθιναι ἦσαν, καλάμου εἶχον τὰς ὀροφάς·
사르디스에 있던 집들은 대부분 갈대로 만들어졌으며, 그중 벽돌로 된 것조차도 지붕은 갈대로 이어져 있었다.
τουτέων δὴ μίαν τῶν τις στρατιωτέων ὡς ἐνέπρησε, αὐτίκα ἀπʼ οἰκίης ἐπʼ οἰκίην ἰὸν τὸ πῦρ ἐπενέμετο τὸ ἄστυ πᾶν.
병사들 중 한 명이 이 집들 중 하나에 불을 지르자, 불은 즉시 집에서 집으로 번져가며 온 도시를 휩쓸었다.
§5.101.2καιομένου δὲ τοῦ ἄστεος οἱ Λυδοί τε καὶ ὅσοι Περσέων ἐνῆσαν ἐν τῇ πόλι, ἀπολαμφθέντες πάντοθεν ὥστε τὰ περιέσχατα νεμομένου τοῦ πυρός, καὶ οὐκ ἔχοντες ἐξήλυσιν ἐκ τοῦ ἄστεος, συνέρρεον ἔς τε τὴν ἀγορὴν καὶ ἐπὶ τὸν Πακτωλὸν ποταμόν, ὅς σφι ψῆγμα χρυσοῦ καταφορέων ἐκ τοῦ Τμώλου διὰ μέσης τῆς ἀγορῆς ῥέει καὶ ἔπειτα ἐς τὸν Ἕρμον ποταμὸν ἐκδιδοῖ, ὁ δὲ ἐς θάλασσαν·
도시가 불타는 동안, 뤼디아인들과 성안에 있던 페르시아인 전원은 불이 외곽 지역까지 번져 사방으로 차단되고 도시 밖으로 빠져나갈 길도 없었기에, 광장과 팍톨로스 강으로 모여들었다. 이 강은 그들을 위해 트몰로스 산에서 사금을 나르며 광장 한가운데를 흐르고 있었고, 그다음에는 헤르모스 강으로 흘러들며, 헤르모스 강은 바다로 흘러들어 간다.
ἐπὶ τοῦτον δὴ τὸν Πακτωλὸν καὶ ἐς τὴν ἀγορὴν ἀθροιζόμενοι οἵ τε Λυδοὶ καὶ οἱ Πέρσαι ἠναγκάζοντο ἀμύνεσθαι.
바로 이 팍톨로스 강과 광장에 모인 뤼디아인들과 페르시아인들은 자위책을 강구하지 않을 수 없었다.
§5.101.3οἱ δὲ Ἴωνες ὁρέοντες τοὺς μὲν ἀμυνομένους τῶν πολεμίων τοὺς δὲ σὺν πλήθεϊ πολλῷ προσφερομένους, ἐξανεχώρησαν δείσαντες πρὸς τὸ ὄρος τὸν Τμῶλον καλεόμενον, ἐνθεῦτεν δὲ ὑπὸ νύκτα ἀπαλλάσσοντο ἐπὶ τὰς νέας.
이오니아인들은 적들의 일부는 방어하고 있고 다른 일부는 대군을 이끌고 압박해 오는 것을 보고, 겁을 먹고 트몰로스라 불리는 산으로 후퇴했으며, 그곳에서 밤을 틈타 배로 철수했다.