§4.23.1μέχρι μὲν δὴ τῆς τούτων τῶν Σκυθέων χώρης ἐστὶ ἡ καταλεχθεῖσα πᾶσα πεδιάς τε γῆ καὶ βαθύγαιος, τὸ δʼ ἀπὸ τούτου λιθώδης τʼ ἐστὶ καὶ τρηχέα.
이들 스키타이인들의 영토에 이르기까지는 앞서 기술된 모든 땅이 평탄하고 비옥하지만, 이 너머부터는 돌이 많고 험준하다.
§4.23.2διεξελθόντι δὲ καὶ τῆς τρηχέης χώρης πολλὸν οἰκέουσι ὑπώρεαν ὀρέων ὑψηλῶν ἄνθρωποι λεγόμενοι εἶναι πάντες φαλακροὶ ἐκ γενετῆς γινόμενοι, καὶ ἔρσενες καὶ θήλεαι ὁμοίως, καὶ σιμοὶ καὶ γένεια ἔχοντες μεγάλα, φωνὴν δὲ ἰδίην ἱέντες, ἐσθῆτι δὲ χρεώμενοι Σκυθικῇ, ζῶντες δὲ ἀπὸ δενδρέων.
이 험준한 땅을 오랫동안 지나온 이들에게는, 높은 산자락 아래에 사람들이 살고 있는데, 이들은 남녀를 불문하고 태어날 때부터 모두 대머리라고 하며, 납작한 코에 큰 턱수염을 가졌고, 독특한 언어를 쓰며, 스키타이식 의복을 입고, 나무에 의지해 살아간다.
§4.23.3ποντικὸν μὲν οὔνομα τῷ δενδρέῳ ἀπʼ οὗ ζῶσι, μέγαθος δὲ κατὰ συκέην μάλιστά κῃ.
이들이 의지해 살아가는 나무의 이름은 폰티콘이며, 크기는 대략 무화과나무 정도이다.
καρπὸν δὲ φορέει κυάμῳ ἴσον, πυρῆνα δὲ ἔχει.
이 나무는 누에콩만 한 열매를 맺는데 그 안에 씨가 들어 있다.
τοῦτο ἐπεὰν γένηται πέπον, σακκέουσι ἱματίοισι, ἀπορρέει δὲ ἀπʼ αὐτοῦ παχὺ καὶ μέλαν·
이것이 익으면 옷감으로 걸러내는데, 거기서 걸쭉하고 검은 즙이 흘러내린다.
οὔνομα δὲ τῷ ἀπορρέοντι ἐστὶ ἄσχυ·
이 흘러내리는 즙의 이름은 아스퀴이다.
τοῦτο καὶ λείχουσι καὶ γάλακτι συμμίσγοντες πίνουσι, καὶ ἀπὸ τῆς παχύτητος αὐτοῦ τῆς τρυγὸς παλάθας συντιθεῖσι καὶ ταύτας σιτέονται.
이들은 이것을 핥아 먹기도 하고 우유에 섞어 마시기도 하며, 그 걸쭉한 찌꺼기로 납작한 경단(케이크)을 만들어 먹는다.
§4.23.4πρόβατα γάρ σφι οὐ πολλά ἐστι. οὐ γάρ τι σπουδαῖαι αἱ νομαὶ αὐτόθι εἰσί.
그들에게는 양들이 많지 않은데, 그곳의 목초지가 전혀 좋지 않기 때문이다.
ὑπὸ δενδρέῳ δὲ ἕκαστος κατοίκηται, τὸν μὲν χειμῶνα ἐπεὰν τὸ δένδρεον περικαλύψῃ πίλῳ στεγνῷ λευκῷ, τὸ δὲ θέρος ἄνευ πίλου.
각 사람은 나무 밑에 거주하는데, 겨울에는 그 나무를 촘촘하고 하얀 펠트로 뒤덮고, 여름에는 펠트 없이 지낸다.
§4.23.5τούτους οὐδεὶς ἀδικέει ἀνθρώπων· ἱροὶ γὰρ λέγονται εἶναι·
이 사람들을 해치는 인간은 아무도 없는데, 그들이 신성하다고 일컬어지기 때문이다.
οὐδέ τι ἀρήιον ὅπλον ἐκτέαται.
또한 그들은 어떠한 전쟁 무기도 소유하지 않았다.
καὶ τοῦτο μὲν τοῖσι περιοικέουσι οὗτοι εἰσὶ οἱ τὰς διαφορὰς διαιρέοντες, τοῦτο δὲ ὃς ἂν φεύγων καταφύγῃ ἐς τούτους, ὑπʼ οὐδενὸς ἀδικέεται·
그리하여 한편으로 이들은 이웃 주민들 사이의 분쟁을 조정하는 자들이며, 다른 한편으로 누구든 도망쳐 이들에게 피신한 자는 아무에게도 해를 입지 않는다.
οὔνομα δέ σφι ἐστὶ Ἀργιππαῖοι.
이들의 이름은 아르기파이오이인이다.