§3.45.1οἳ μὲν δὴ λέγουσι τοὺς ἀποπεμφθέντας Σαμίων ὑπὸ Πολυκράτεος οὐκ ἀπικέσθαι ἐς Αἴγυπτον, ἀλλʼ ἐπείτε ἐγένοντο ἐν Καρπάθῳ πλέοντες, δοῦναι σφίσι λόγον, καί σφι ἁδεῖν τὸ προσωτέρω μηκέτι πλέειν·
어떤 이들은 폴리크라테스에 의해 파견된 사모스인들이 이집트에 도착하지 못하고, 항해 중 카르파토스섬에 이르렀을 때 서로 의논하여 더 이상 나아가지 않기로 결의했다고 말한다.
οἳ δὲ λέγουσι ἀπικομένους τε ἐς Αἴγυπτον καὶ φυλασσομένους ἐνθεῦτεν αὐτοὺς ἀποδρῆναι.
반면 다른 이들은 그들이 이집트에 도착했으나 감시를 받게 되자 그곳에서 탈출했다고 말한다.
§3.45.2καταπλέουσι δὲ ἐς τὴν Σάμον Πολυκράτης νηυσὶ ἀντιάσας ἐς μάχην κατέστη·
그들이 사모스로 배를 타고 돌아오자 폴리크라테스가 전함을 이끌고 맞서 싸웠다.
νικήσαντες δὲ οἱ κατιόντες ἀπέβησαν ἐς τὴν νῆσον, πεζομαχήσαντες δὲ ἐν αὐτῇ ἑσσώθησαν, καὶ οὕτω δὴ ἔπλεον ἐς Λακεδαίμονα.
돌아온 자들은 해전에서 승리하여 섬에 상륙했으나, 섬에서의 보병전에서 패배하여 결국 라케다이몬으로 배를 몰았다.
§3.45.3εἰσὶ δὲ οἳ λέγουσι τοὺς ἀπʼ Αἰγύπτου νικῆσαι Πολυκράτεα, λέγοντες ἐμοὶ δοκέειν οὐκ ὀρθῶς·
이집트에서 온 자들이 폴리크라테스를 이겼다고 말하는 이들도 있으나, 내 생각에 그들의 주장은 옳지 않다.
οὐδὲν γὰρ ἔδει σφέας Λακεδαιμονίους ἐπικαλέεσθαι, εἴ περ αὐτοὶ ἦσαν ἱκανοὶ Πολυκράτεα παραστήσασθαι.
만약 그들 스스로가 폴리크라테스를 굴복시킬 능력이 있었다면, 굳이 라케다이몬인들에게 원조를 요청할 필요가 없었을 것이기 때문이다.
πρὸς δὲ τούτοισι οὐδὲ λόγος αἱρέει, τῷ ἐπίκουροί τε μισθωτοὶ καὶ τοξόται οἰκήιοι ἦσαν πλήθεϊ πολλοί, τοῦτον ὑπὸ τῶν κατιόντων Σαμίων ἐόντων ὀλίγων ἑσσωθῆναι.
게다가 많은 수의 고용된 용병들과 정예 궁수들을 거느리고 있던 자가, 소수에 불과한 돌아온 사모스인들에게 패배했다는 것은 이치에도 맞지 않는다.
§3.45.4τῶν δʼ ὑπʼ ἑωυτῷ ἐόντων πολιητέων τὰ τέκνα καὶ τὰς γυναῖκας ὁ Πολυκράτης ἐς τοὺς νεωσοίκους συνειλήσας εἶχε ἑτοίμους, ἢν ἄρα προδιδῶσι οὗτοι πρὸς τοὺς κατιόντας, ὑποπρῆσαι αὐτοῖσι τοῖσι νεωσοίκοισι.
폴리크라테스는 자신의 지배하에 있는 시민들의 자식들과 아내들을 선창에 가두고, 만약 이 시민들이 돌아온 자들에게 내응하여 자신을 배신한다면 선창과 함께 그들을 태워 죽일 준비를 갖추어 두고 있었다.