§3.126.1Πολυκράτεος μὲν δὴ αἱ πολλαὶ εὐτυχίαι ἐς τοῦτο ἐτελεύτησαν τῇ οἱ Ἄμασις ὁ Αἰγύπτου βασιλεὺς προεμαντεύσατο.
폴리크라테스의 수많은 행운은 이집트의 왕 아마시스가 그에게 예언했던 바로 그 결말을 맞이했다.
χρόνῳ δὲ οὐ πολλῷ ὕστερον καὶ Ὀροίτεα Πολυκράτεος τίσιες μετῆλθον.
그 후 얼마 지나지 않아 폴리크라테스에 대한 복수가 오로이테스에게도 닥쳤다.
μετὰ γὰρ τὸν Καμβύσεω θάνατον καὶ τῶν Μάγων τὴν βασιληίην μένων ἐν τῇσι Σάρδισι Ὀροίτης ὠφέλεε μὲν οὐδὲν Πέρσας ὑπὸ Μήδων ἀπαραιρημένους τὴν ἀρχήν· §3.126.2ὁ δὲ ἐν ταύτῃ τῇ ταραχῇ κατὰ μὲν ἔκτεινε Μιτροβάτεα τὸν ἐκ Δασκυλείου ὕπαρχον, ὅς οἱ ὠνείδισε τὰ ἐς Πολυκράτεα ἔχοντα, κατὰ δὲ τοῦ Μιτροβάτεω τὸν παῖδα Κρανάσπην, ἄνδρας ἐν Πέρσῃσι δοκίμους, ἄλλα τε ἐξύβρισε παντοῖα καί τινα ἀγγελιηφόρον ἐλθόντα Δαρείου παρʼ αὐτόν, ὡς οὐ πρὸς ἡδονήν οἱ ἦν τὰ ἀγγελλόμενα, κτείνει μιν ὀπίσω κομιζόμενον, ἄνδρας οἱ ὑπείσας κατʼ ὁδόν, ἀποκτείνας δέ μιν ἠφάνισε αὐτῷ ἵππῳ.
캄비세스의 죽음과 마고스 사제들의 통치 기간 동안 사르디스에 머물고 있던 오로이테스는, 메디아인들에게 지배권을 빼앗긴 페르시아인들을 전혀 돕지 않았다. 오히려 그는 이 혼란 속에서, 폴리크라테스에 관한 일로 자신을 비난했던 다스킬레이온의 총독 미트로바테스를 살해했고, 미트로바테스의 아들 크라나스페스도 살해했다. 이들은 페르시아인들 사이에서 명망 높은 인물들이었다. 그는 또한 다른 온갖 폭거를 저질렀는데, 다리우스가 보낸 한 전령이 그에게 왔을 때 전해진 소식이 그의 마음에 들지 않는다는 이유로, 그 전령이 돌아가는 길에 부하들을 길목에 매복시켜 그를 살해했다. 그리고 그를 죽인 뒤, 말과 함께 그 흔적을 없애 버렸다.