§2.178.1φιλέλλην δὲ γενόμενος ὁ Ἄμασις ἄλλα τε ἐς Ἑλλήνων μετεξετέρους ἀπεδέξατο, καὶ δὴ καὶ τοῖσι ἀπικνευμένοισι ἐς Αἴγυπτον ἔδωκε Ναύκρατιν πόλιν ἐνοικῆσαι·
아마시스는 친그리스적인 태도를 취하여 그리스인의 일부 사람들에게 여러 호의를 베풀었는데, 특히 이집트에 도착하는 이들에게는 거주할 수 있도록 나우크라티스 시를 내주었다.
τοῖσι δὲ μὴ βουλομένοισι αὐτῶν οἰκέειν, αὐτοῦ δὲ ναυτιλλομένοισι ἔδωκε χώρους ἐνιδρύσασθαι βωμοὺς καὶ τεμένεα θεοῖσι.
그리고 그들 중 그곳에 정주하기를 원치 않고 단지 무역을 위해 항해해 오는 이들에게는 신들을 위한 제단과 성역을 건립할 수 있는 부지를 제공했다.
§2.178.2τὸ μέν νυν μέγιστον αὐτῶν τέμενος, καὶ ὀνομαστότατον ἐὸν καὶ χρησιμώτατον, καλεύμενον δὲ Ἑλλήνιον, αἵδε αἱ πόλιες εἰσὶ αἱ ἱδρυμέναι κοινῇ, Ἱώνων μὲν Χίος καὶ Τέως καὶ Φώκαια καὶ Κλαζομεναί, Δωριέων δὲ Ῥόδος καὶ Κνίδος καὶ Ἁλικαρνησσὸς καὶ Φάσηλις, Αἰολέων δὲ ἡ Μυτιληναίων μούνη.
그들의 성역 중 가장 크고 가장 유명하며 유용한 것으로 ‘헬레니온’이라 불리는 것은 다음과 같은 도시들이 공동으로 건립한 것이다. 즉, 이오니아인 중에서는 키오스, 테오스, 포카이아, 클라조메나이이며, 도리스인 중에서는 로도스, 크니도스, 할리카르나소스, 파셀리스이고, 아이올리스인 중에서는 뮈틸레네뿐이다.
§2.178.3τουτέων μὲν ἐστὶ τοῦτο τὸ τέμενος, καὶ προστάτας τοῦ ἐμπορίου αὗται αἱ πόλιες εἰσὶ αἱ παρέχουσαι·
이 성역은 이들 도시의 소유이며, 이 무역항의 관리자를 임명해 보내는 것도 이들 도시이다.
ὅσαι δὲ ἄλλαι πόλιες μεταποιεῦνται, οὐδέν σφι μετεὸν μεταποιεῦνται.
그 밖의 다른 어떤 도시들이 자신들에게도 권리가 있다고 주장한다면, 그것은 아무런 지분도 없으면서 주장하는 것이다.
χωρὶς δὲ Αἰγινῆται ἐπὶ ἑωυτῶν ἱδρύσαντο τέμενος Διός, καὶ ἄλλο Σάμιοι Ἥρης καὶ Μιλήσιοι Ἀπόλλωνος.
이와는 별도로 아이기나인들은 독자적으로 제우스의 성역을 건립했고, 사모스인들은 헤라의 성역을, 밀레토스인들은 아폴론의 성역을 각각 건립했다.