§2.123.1τοῖσι μέν νυν ὑπʼ Αἰγυπτίων λεγομένοισι χράσθω ὅτεῳ τὰ τοιαῦτα πιθανά ἐστι·
이제 에집트인들에 의해 전해지는 이야기들은 그러한 일들이 믿을 만하다고 생각하는 사람이라면 누구든 믿도록 하라.
ἐμοὶ δὲ παρὰ πάντα τὸν λόγον ὑπόκειται ὅτι τὰ λεγόμενα ὑπʼ ἑκάστων ἀκοῇ γράφω.
그러나 나에게는 역사 전체를 관통하는 원칙이 있으니, 곧 각 민족이 말하는 바를 내가 들은 대로 기록한다는 것이다.
ἀρχηγετέειν δὲ τῶν κάτω Αἰγύπτιοι λέγουσι Δήμητρα καὶ Διόνυσον.
또한 에집트인들은 데메테르와 디오니소스가 지하 세계를 주재한다고 말한다.
§2.123.2πρῶτοι δὲ καὶ τόνδε τὸν λόγον Αἰγύπτιοι εἰσὶ οἱ εἰπόντες, ὡς ἀνθρώπου ψυχὴ ἀθάνατος ἐστί, τοῦ σώματος δὲ καταφθίνοντος ἐς ἄλλο ζῷον αἰεὶ γινόμενον ἐσδύεται, ἐπεὰν δὲ πάντα περιέλθῃ τὰ χερσαῖα καὶ τὰ θαλάσσια καὶ τὰ πετεινά, αὖτις ἐς ἀνθρώπου σῶμα γινόμενον ἐσδύνει·
또한 이러한 학설을 가장 먼저 주장한 이들도 에집트인들이니, 곧 인간의 영혼은 불멸하며, 육체가 소멸하면 그때마다 태어나는 다른 생물 속으로 들어가고, 육지나 바다나 공중의 모든 생물을 두루 거친 뒤에는 다시 태어나는 인간의 육체 속으로 들어간다는 것이다.
τὴν περιήλυσιν δὲ αὐτῇ γίνεσθαι ἐν τρισχιλίοισι ἔτεσι.
그리하여 영혼에게 이 순환은 3,000년의 세월에 걸쳐 일어난다고 한다.
§2.123.3τούτῳ τῷ λόγῳ εἰσὶ οἳ Ἑλλήνων ἐχρήσαντο, οἳ μὲν πρότερον οἳ δὲ ὕστερον, ὡς ἰδίῳ ἑωυτῶν ἐόντι·
그리스인들 중에는 이 학설을 마치 자신들만의 고유한 학설인 양 채택한 이들이 있으니, 어떤 이들은 더 이전에, 어떤 이들은 더 이후에 그러했다.
τῶν ἐγὼ εἰδὼς τὰ οὐνόματα οὐ γράφω.
내가 그들의 이름을 알고 있으나 기록하지는 않는다.