§2.107.1τοῦτον δὴ τὸν Αἰγύπτιον Σέσωστριν ἀναχωρέοντα καὶ ἀνάγοντα πολλοὺς ἀνθρώπους τῶν ἐθνέων τῶν τὰς χώρας κατεστρέψατο, ἔλεγον οἱ ἱρέες, ἐπείτε ἐγίνετο ἀνακομιζόμενος ἐν Δάφνῃσι τῇσι Πηλουσίῃσι, τὸν ἀδελφεὸν ἑωυτοῦ, τῷ ἐπέτρεψε ὁ Σέσωστρις τὴν Αἴγυπτον, τοῦτον ἐπὶ ξείνια αὐτὸν καλέσαντα καὶ πρὸς αὐτῷ τοὺς παῖδας περινῆσαι ἔξωθεν τὴν οἰκίην ὕλῃ, περινήσαντα δὲ ὑποπρῆσαι.
에집트인 세소스트리스가 자신이 정복한 나라들의 많은 백성들을 거느리고 돌아오는 길에 펠루시움의 다프나이에 도착했을 때, 세소스트리스가 에집트의 통치를 위임했던 그의 형제가 그 자신과 그와 함께 있던 자녀들을 연회에 초대하고는, 집 밖에 사방으로 장작을 쌓아 올린 뒤 불을 질렀다고 신관들은 말했다.
§2.107.2τὸν δὲ ὡς μαθεῖν τοῦτο, αὐτίκα συμβουλεύεσθαι τῇ γυναικί· καὶ γὰρ δὴ καὶ τὴν γυναῖκα αὐτὸν ἅμα ἄγεσθαι·
그가 이것을 알아차렸을 때 즉시 아내와 상의했는데, 왜냐하면 그가 아내도 동반하고 있었기 때문이다.
τὴν δέ οἱ συμβουλεῦσαι τῶν παίδων ἐόντων ἓξ τοὺς δύο ἐπὶ τὴν πυρὴν ἐκτείναντα γεφυρῶσαι τὸ καιόμενον, αὐτοὺς δὲ ἐπʼ ἐκείνων ἐπιβαίνοντας ἐκσώζεσθαι.
그러자 아내는 그에게, 여섯 명의 자녀 중 둘을 장작불 위에 눕혀 늘려서 불타는 곳에 다리를 놓아, 자신들은 그것들을 딛고 탈출하라고 권했다.
ταῦτα ποιῆσαι τὸν Σέσωστριν, καὶ δύο μὲν τῶν παίδων κατακαῆναι τρόπῳ τοιούτῳ, τοὺς δὲ λοιποὺς ἀποσωθῆναι ἅμα τῷ πατρί.
세소스트리스는 이대로 행했고, 자녀들 중 둘은 이러한 방식으로 타 죽었지만, 나머지는 아버지와 함께 무사히 구출되었다.