§1.207.1παρεὼν δὲ καὶ μεμφόμενος τὴν γνώμην ταύτην Κροῖσος ὁ Λυδὸς ἀπεδείκνυτο ἐναντίην τῇ προκειμένῃ γνώμῃ, λέγων τάδε.
그 자리에 배석하여 이 의견을 비판하고 있던 뤼디아인 크로이소스는 제시된 의견에 반대되는 의견을 표명하며 다음과 같이 말했다.
ὦ βασιλεῦ, εἶπον μὲν καὶ πρότερόν τοι ὅτι ἐπεί με Ζεὺς ἔδωκέ τοι, τὸ ἂν ὁρῶ σφάλμα ἐὸν οἴκῳ τῷ σῷ κατὰ δύναμιν ἀποτρέψειν·
"왕이시여, 제우스께서 저를 왕께 의탁하신 이래로, 왕의 집안에 파멸을 가져올 잘못을 제가 보게 된다면 힘이 닿는 한 그것을 물리치겠다고 전에도 왕께 말씀드린 바 있습니다.
τὰ δὲ μοι παθήματα ἐόντα ἀχάριτα μαθήματα γέγονε.
저에게는 고통스러웠던 경험들이 비록 가혹한 것이었으나 도리어 배움이 되었습니다.
§1.207.2εἰ μὲν ἀθάνατος δοκέεις εἶναι καὶ στρατιῆς τοιαύτης ἄρχειν, οὐδὲν ἂν εἴη πρῆγμα γνώμας ἐμὲ σοὶ ἀποφαίνεσθαι·
만일 왕께서 스스로 불사이며 그러한 군대를 지배하고 있다고 생각하신다면, 제가 왕께 의견을 표명하는 일은 아무런 소용도 없을 것입니다.
εἰ δʼ ἔγνωκας ὅτι ἄνθρωπος καὶ σὺ εἶς καὶ ἑτέρων τοιῶνδε ἄρχεις, ἐκεῖνο πρῶτον μάθε, ὡς κύκλος τῶν ἀνθρωπηίων ἐστὶ πρηγμάτων, περιφερόμενος δὲ οὐκ ἐᾷ αἰεὶ τοὺς αὐτοὺς εὐτυχέειν.
그러나 왕께서도 역시 인간이며 그와 같은 인간들을 다스리고 계심을 알고 계신다면, 우선 이것을 배우십시오. 인간사에는 수레바퀴와 같은 순환이 있어, 그것이 돌면서 언제나 동일한 자들이 행운을 누리도록 내버려두지 않는다는 사실을 말입니다.
§1.207.3ἤδη ὦν ἔχω γνώμην περὶ τοῦ προκειμένου πρήγματος τὰ ἔμπαλιν ἢ οὗτοι.
그러므로 당면한 문제에 관해 저는 이들과는 정반대의 의견을 가지고 있습니다.
εἰ γὰρ ἐθελήσομεν ἐσδέξασθαι τοὺς πολεμίους ἐς τὴν χώρην, ὅδε τοι ἐν αὐτῷ κίνδυνος ἔνι·
만일 우리가 적들을 우리 영토 안으로 맞아들이고자 한다면, 그 자체에 다음과 같은 위험이 내포되어 있기 때문입니다.
ἑσσωθεὶς μὲν προσαπολλύεις πᾶσαν τὴν ἀρχήν.
즉 패배할 경우 왕께서는 제국 전체를 추가로 잃게 될 것입니다.
δῆλα γὰρ δὴ ὅτι νικῶντες Μασσαγέται οὐ τὸ ὀπίσω φεύξονται ἀλλʼ ἐπʼ ἀρχὰς τὰς σὰς ἐλῶσι.
승리한 마사게타이인들이 뒤로 도망치지 않고 왕의 영토를 향해 진격할 것임은 자명하기 때문입니다.
§1.207.4νικῶν δὲ οὐ νικᾷς τοσοῦτον ὅσον εἰ διαβὰς ἐς τὴν ἐκείνων, νικῶν Μασσαγέτας, ἕποιο φεύγουσι.
반대로 승리한다 하더라도, 강을 건너 그들의 영토로 들어가서 마사게타이인들을 격파하고 도망치는 그들을 추격할 때 얻을 수 있는 승리만큼 큰 승리를 거두지는 못할 것입니다.
τὠυτὸ γὰρ ἀντιθήσω ἐκείνῳ, ὅτι νικήσας τοὺς ἀντιουμένους ἐλᾷς ἰθὺ τῆς ἀρχῆς τῆς Τομύριος.
저는 저들의 제안에 대해 똑같은 논리를 대치시키겠습니다. 즉, 대적하는 자들을 물리친다면 왕께서는 토미리스의 제국을 향해 곧장 진격하게 될 것이라는 사실입니다.
§1.207.5χωρίς τε τοῦ ἀπηγημένου αἰσχρὸν καὶ οὐκ ἀνασχετὸν Κῦρόν γε τὸν Καμβύσεω γυναικὶ εἴξαντα ὑποχωρῆσαι τῆς χώρης.
게다가 앞서 말씀드린 득실을 떠나서도, 캄비세스의 아들인 키루스께서 여자에게 굴복하여 자신의 영토에서 물러난다는 것은 수치스럽고 용납할 수 없는 일입니다.
νῦν ὦν μοι δοκέει διαβάντας προελθεῖν ὅσον ἂν ἐκεῖνοι ὑπεξίωσι, ἐνθεῦτεν δὲ τάδε ποιεῦντας πειρᾶσθαι ἐκείνων περιγενέσθαι.
그러므로 이제 제 의견으로는, 강을 건너 적들이 후퇴하는 만큼 진격한 뒤, 그곳에서 다음과 같은 방법을 써서 그들을 제압하도록 시도해야 합니다.
§1.207.6ὡς γὰρ ἐγὼ πυνθάνομαι, Μασσαγέται εἰσὶ ἀγαθῶν τε Περσικῶν ἄπειροι καὶ καλῶν μεγάλων ἀπαθέες.
제가 전해 듣기로 마사게타이인들은 페르시아의 좋은 음식들을 맛본 적이 없고, 커다란 사치도 경험해 보지 못했습니다.
τούτοισι ὦν τοῖσι ἀνδράσι τῶν προβάτων ἀφειδέως πολλὰ κατακόψαντας καὶ σκευάσαντας προθεῖναι ἐν τῷ στρατοπέδῳ τῷ ἡμετέρῳ δαῖτα, πρὸς δὲ καὶ κρητῆρας ἀφειδέως οἴνου ἀκρήτου καὶ σιτία παντοῖα·
그러므로 이 자들을 위해 우리의 양들을 아낌없이 많이 잡아 요리하여 우리 진영에 잔칫상을 차려놓고, 아울러 물을 섞지 않은 순수한 포도주를 담은 큰 그릇들과 온갖 음식을 아낌없이 차려두는 것입니다.
§1.207.7ποιήσαντας δὲ ταῦτα, ὑπολιπομένους τῆς στρατιῆς τὸ φλαυρότατον, τοὺς λοιποὺς αὖτις ἐξαναχωρέειν ἐπὶ τὸν ποταμόν.
이 일을 마친 뒤, 군대 중에서 가장 보잘것없는 자들만을 남겨두고, 나머지 사람들은 다시 강가로 퇴각하는 것입니다.
ἢν γὰρ ἐγὼ γνώμης μὴ ἁμάρτω, κεῖνοι ἰδόμενοι ἀγαθὰ πολλὰ τρέψονταί τε πρὸς αὐτὰ καὶ ἡμῖν τὸ ἐνθεῦτεν λείπεται ἀπόδεξις ἔργων μεγάλων.
제 판단이 틀리지 않는다면, 그들은 수많은 좋은 것들을 보고 그것들에 정신이 팔릴 것이며, 우리에게는 그 이후 위대한 과업을 완수하는 일만이 남게 될 것입니다."