§1.191.1εἴτε δὴ ὦν ἄλλος οἱ ἀπορέοντι ὑπεθήκατο, εἴτε καὶ αὐτὸς ἔμαθε τὸ ποιητέον οἱ ἦν, ἐποίεε δὴ τοιόνδε.
곤경에 처한 그에게 다른 누군가가 제안한 것인지, 아니면 그 스스로가 해야 할 일을 깨달은 것인지는 알 수 없으나, 키루스는 다음과 같이 행했다.
§1.191.2τάξας τὴν στρατιὴν ἅπασαν ἐξ ἐμβολῆς τοῦ ποταμοῦ, τῇ ἐς τὴν πόλιν ἐσβάλλει, καὶ ὄπισθε αὖτις τῆς πόλιος τάξας ἑτέρους, τῇ ἐξιεῖ ἐκ τῆς πόλιος ὁ ποταμός, προεῖπε τῷ στρατῷ, ὅταν διαβατὸν τὸ ῥέεθρον ἴδωνται γενόμενον, ἐσιέναι ταύτῃ ἐς τὴν πόλιν.
그는 전 군대를 강이 도성으로 흘러 들어가는 유입구에 배치하고, 다시 도성 뒤편으로 강이 도성에서 흘러 나가는 유출구에 다른 군대를 배치한 다음, 군대에게 강물이 걸어서 건널 수 있을 정도로 얕아진 것을 보면 그 길로 도성에 진입하라고 미리 명령했다.
οὕτω τε δὴ τάξας καὶ κατὰ ταῦτα παραινέσας ἀπήλαυνε αὐτὸς σὺν τῷ ἀχρηίῳ τοῦ στρατοῦ.
이와 같이 군대를 배치하고 이러한 지시를 내린 뒤, 그 자신은 군대 중 비전투원들을 이끌고 그 자리를 떠났다.
§1.191.3ἀπικόμενος δὲ ἐπὶ τὴν λίμνην, τά περ ἡ τῶν Βαβυλωνίων βασίλεια ἐποίησε κατά τε τὸν ποταμὸν καὶ κατὰ τὴν λίμνην, ἐποίεε καὶ ὁ Κῦρος ἕτερα τοιαῦτα·
그는 호수에 이르러, 이전에 바빌론의 여왕이 강과 호수에 대해 행했던 것과 마찬가지의 일을 행했다.
τὸν γὰρ ποταμὸν διώρυχι ἐσαγαγὼν ἐς τὴν λίμνην ἐοῦσαν ἕλος, τὸ ἀρχαῖον ῥέεθρον διαβατὸν εἶναι ἐποίησε, ὑπονοστήσαντος τοῦ ποταμοῦ.
즉, 강물을 운하를 통해 늪이었던 호수로 끌어들임으로써 강물이 감수함에 따라 원래의 강바닥을 걸어서 건널 수 있게 만든 것이다.
§1.191.4γενομένου δὲ τούτου τοιούτου, οἱ Πέρσαι οἵ περ ἐτετάχατο ἐπʼ αὐτῷ τούτῳ κατὰ τὸ ῥέεθρον τοῦ Εὐφρήτεω ποταμοῦ ὑπονενοστηκότος ἀνδρὶ ὡς ἐς μέσον μηρὸν μάλιστά κῃ, κατὰ τοῦτο ἐσήισαν ἐς τὴν Βαβυλῶνα.
이 일이 이와 같이 성사되자, 바로 이 목적을 위해 배치되어 있던 페르시아 병사들은 대략 사람의 넓적다리 중간 깊이까지 감수된 유프라테스강의 강바닥을 따라 바빌론으로 진입했다.
§1.191.5εἰ μέν νυν προεπύθοντο ἢ ἔμαθον οἱ Βαβυλώνιοι τὸ ἐκ τοῦ Κύρου ποιεύμενον, οἳ δʼ ἂν περιιδόντες τοὺς Πέρσας ἐσελθεῖν ἐς τὴν πόλιν διέφθειραν ἂν κάκιστα·
만일 당시에 바빌론 사람들이 키루스가 꾸미고 있는 일을 미리 알아챘거나 알게 되었다면, 그들은 페르시아인들이 도성에 들어오는 것을 그냥 내버려 두지 않고 아주 처참하게 몰살했을 것이다.
κατακληίσαντες γὰρ ἂν πάσας τὰς ἐς τὸν ποταμὸν πυλίδας ἐχούσας καὶ αὐτοὶ ἐπὶ τὰς αἱμασιὰς ἀναβάντες τὰς παρὰ τὰ χείλεα τοῦ ποταμοῦ ἐληλαμένας, ἔλαβον ἂν σφέας ὡς ἐν κύρτῃ.
강으로 통하는 모든 작은 문들을 닫아걸고, 자신들은 강둑을 따라 쌓인 방벽 위로 올라가 그들을 마치 어항 속의 물고기처럼 생포했을 것이기 때문이다.
§1.191.6νῦν δὲ ἐξ ἀπροσδοκήτου σφι παρέστησαν οἱ Πέρσαι.
그러나 실제로는 페르시아 병사들이 불시에 그들 앞에 나타났다.
ὑπὸ δὲ μεγάθεος τῆς πόλιος, ὡς λέγεται ὑπὸ τῶν ταύτῃ οἰκημένων, τῶν περὶ τὰ ἔσχατα τῆς πόλιος ἑαλωκότων τοὺς τὸ μέσον οἰκέοντας τῶν Βαβυλωνίων οὐ μανθάνειν ἑαλωκότας, ἀλλὰ τυχεῖν γάρ σφι ἐοῦσαν ὁρτήν, χορεύειν τε τοῦτον τὸν χρόνον καὶ ἐν εὐπαθείῃσι εἶναι, ἐς ὃ δὴ καὶ τὸ κάρτα ἐπύθοντο.
그리고 도성이 거대했던 탓에 그곳 주민들이 말하기를, 도성의 가장자리 지역이 함락되었을 때도 바빌론 중앙에 살던 사람들은 함락된 사실을 알지 못했고, (마침 그들에게 축제가 있었기에) 이 동안에도 춤을 추며 즐거워하고 있었으며, 마침내 사태를 뼈저리게 깨닫게 될 때까지 그러했다는 것이다.