§17τὸ γὰρ ἐξ ἀρχῆς, ὦ ἄνδρες δικασταί, ἐκδιδόασιν τὴν ἀδελφὴν τὴν ἑαυτῶν ὁ Μειδυλίδης καὶ ὁ Ἀρχιάδης Λεωστράτῳ Ἐλευσινίῳ·
배심원 여러분, 처음에는 메이딜리데스와 아르키아데스가 자신들의 자매를 엘레우시스 구의 레오스트라토스에게 시집보냈습니다.
μετὰ δὲ ταῦτα ἐκ θυγατρὸς τῆς ἐκδοθείσης ἀδελφῆς ταύτης αὐτῶν γίγνεται Λεωκράτης ὁ πατὴρ Λεωστράτου τουτουί, σκέψασθε ὡς πολλοστὸς εἰς τὴν τοῦ Ἀρχιάδου συγγένειαν προσήκων, ὑπὲρ οὗ τὴν διαμαρτυρίαν πεποίηται.
그 후, 시집을 간 그들의 자매의 딸로부터 여기 있는 레오스트라토스의 아버지인 레오크라테스가 태어납니다. 그가, 그에 관해 이의 신청을 제기한 저 아르키아데스의 친족 관계에서 얼마나 먼 친척에 불과한지 생각해 보십시오.
τούτων δʼ οὕτως ἐχόντων ὁ μὲν Ἀρχιάδης οὐκ ἐγάμει, ὁ δὲ Μειδυλίδης ὁ ἀδελφὸς αὐτοῦ, πάππος δὲ τουτουὶ ἔγημε.
이러한 상황에서 아르키아데스는 결혼하지 않았으나, 그의 형제이자 여기 있는 저의 조부인 메이딜리데스는 결혼했습니다.
§18καὶ οὐδέπω τὴν οὐσίαν ἐνέμοντο, ἀλλʼ ἑκάτερος ἔχων τὰ ἱκανὰ ὁ μὲν Μειδυλίδης ἐν τῷ ἄστει διέμενεν, ὁ δὲ Ἀρχιάδης ἐν Σαλαμῖνι ᾤκει.
그리고 그들은 아직 재산을 분할하지 않았으나, 각자 충분한 재산을 가진 채 메이딜리데스는 시내에 머물렀고 아르키아데스는 살라미스에 살았습니다.
οὐ πολλῷ δὲ χρόνῳ ὕστερον ἀποδημίας τινὸς εἰς τὴν ὑπερορίαν συμβάσης τῷ Μειδυλίδῃ τῷ πάππῳ τῷ τοῦ πατρός, ἠρρώστησεν ὁ Ἀρχιάδης, καὶ τελευτᾷ τὸν βίον ἀπόντος τοῦ Μειδυλίδου ἄγαμος ὤν.
그 후 얼마 지나지 않아, 제 아버지의 조부인 메이딜리데스가 국외로 여행을 떠나게 되었을 때, 아르키아데스는 병이 들었고 메이딜리데스가 부재한 중에 미혼으로 사망했습니다.
τί τούτου σημεῖον;
이에 대한 증거는 무엇입니까?
λουτροφόρος ἐφέστηκεν ἐπὶ τῷ τοῦ Ἀρχιάδου τάφῳ.
아르키아데스의 무덤 위에는 물동이를 든 처녀상(루트로포로스)이 세워져 있습니다.
§19ἐν δὲ τούτῳ τῷ καιρῷ ἔχων τὴν τῆς συγγενείας τῆς πρὸς γυναικῶν πρόφασιν Λεωκράτης ὁ τουτουὶ πατὴρ Λεωστράτου εἰσποιεῖ αὑτὸν υἱὸν τῷ Ἀρχιάδῃ, καὶ ἐνεβάτευσεν οὕτως εἰς τὴν οὐσίαν ὡς ὑπʼ ἐκείνου ζῶντος ἔτι εἰσποιηθείς.
바로 이 시기에, 여기 있는 레오스트라토스의 아버지 레오크라테스는 여계를 통한 친족 관계라는 구실을 이용하여 자신을 아르키아데스의 양자로 입적시켰고, 아르키아데스가 살아있을 때 이미 입양된 것처럼 그 재산을 점유했습니다.
ἀφικόμενος δὲ ὁ Μειδυλίδης ἠγανάκτει τε τῷ γεγενημένῳ καὶ οἷος ἦν ἐπεξιέναι τῷ Λεωκράτει·
하지만 돌아온 메이딜리데스는 이 사건에 격분하여 레오크라테스를 고소하려 했습니다.
πειθόντων δὲ τῶν οἰκείων καὶ δεομένων ἐᾶν ἐν τῷ οἴκῳ εἶναι τὸν Λεωκράτην υἱὸν εἰσποιητὸν τῷ Ἀρχιάδῃ, συνεχώρησεν ὁ Μειδυλίδης, οὐχ ἡττηθεὶς ἐν δικαστηρίῳ, ἀλλὰ τὸ μὲν ὅλον ὑπὸ τούτων ἀπατηθείς, ἔπειτα μέντοι καὶ τοῖς οἰκείοις πειθόμενος.
그러나 친척들이 그를 설득하고 레오크라테스가 아르키아데스의 양자로서 그 가문에 머물 수 있도록 허락해 달라고 간청하자, 메이딜리데스는 법정에서 패소해서가 아니라, 전적으로 이들에게 기만당하고 게다가 친척들의 설득에 따랐기 때문에 이를 양해해 주었습니다.
§20καὶ ὁ μὲν Μειδυλίδης ταῦτα πράξας τελευτᾷ τὸν βίον, ὁ δὲ Λεωκράτης εἶχεν τὴν τοῦ Ἀρχιάδου οὐσίαν καὶ ἐκληρονόμει πολλὰ ἔτη ὡς ἂν ἐκείνου υἱὸς ποιητός·
그리고 메이딜리데스는 이렇게 조치한 후에 세상을 떠났고, 레오크라테스는 아르키아데스의 재산을 보유하며 그의 양자로서 오랫동안 상속받았습니다.
ἡμεῖς δὲ παρὰ τὸ τὸν Μειδυλίδην ταῦτα συγχωρῆσαι ἡσυχίαν εἴχομεν.
저희는 메이딜리데스가 이를 양해했기 때문에 잠자코 있었습니다.
χρόνῳ δʼ ὕστερον οὐ πολλῷ—τοῖς γὰρ μετὰ ταῦτα λόγοις ἤδη σφόδρα τὸν νοῦν προσέχετε, ὦ ἄνδρες δικασταί· §21ὁ γὰρ Λεωκράτης ὁ εἰσποιητὸς γενόμενος τῷ Ἀρχιάδῃ, ἐγκαταλιπὼν τουτονὶ Λεώστρατον ἐν τῷ οἴκῳ υἱὸν γνήσιον, ἐπανῆλθεν αὐτὸς εἰς τοὺς Ἐλευσινίους, ὅθεν ἦν τὸ ἐξ ἀρχῆς.
그로부터 얼마 지나지 않아――배심원 여러분, 이 이후의 논변에는 이제 각별히 주의를 기울여 주십시오―― 아르키아데스의 양자가 된 저 레오크라테스는, 여기 있는 레오스트라토스를 친자로 가문에 남겨두고, 자신은 원래 출신지인 엘레우시스 구민들에게로 돌아갔기 때문입니다.
καὶ οὐδʼ ἐνταῦθα οὐδέπω ἡμεῖς οὐδὲν τῶν πραγμάτων τῶν περὶ τὸν κλῆρον ἐκινοῦμεν, ἀλλʼ ἐμένομεν ἐπὶ τῶν αὐτῶν.
그리고 이때에도 저희는 유산에 관한 사안을 전혀 건드리지 않고, 기존의 상태를 유지하고 있었습니다.
§22πάλιν τοίνυν Λεώστρατος αὐτὸς οὑτοσί, εἰσποιητὸς ὢν υἱὸς καὶ ἐγκαταλειφθεὶς ἐν τῷ τοῦ Ἀρχιάδου οἴκῳ, ἐπανέρχεται, ὥσπερ ὁ πατὴρ αὐτοῦ, ἐπὶ τοὺς Ἐλευσινίους, ἐγκαταλιπὼν υἱὸν γνήσιον καὶ διὰ τριῶν σωμάτων κυρίαν τὴν ἐξ ἀρχῆς ποίησιν παρὰ τοὺς νόμους καταστήσας.
게다가 여기 있는 레오스트라토스 자신도 양자로서 아르키아데스의 가문에 남겨져 있었는데, 자신의 아버지처럼 친자를 남겨둔 채 다시 엘레우시스 구민들에게로 돌아갔고, 이로써 법률에 반하여 최초의 입양을 삼 대에 걸쳐 유효한 것으로 확립시켰습니다.
§23πῶς γὰρ οὐ παρὰ τοὺς νόμους, ὁπότʼ εἰσποιητὸς αὐτὸς ὢν εἰσποιητοὺς υἱοὺς ἐγκαταλείπων ἐπανῄει;
자신이 양자이면서, 자신을 대신해 양자가 될 자식을 남겨두고 돌아갔으니, 이것이 어찌 법률에 반하는 일이 아니겠습니까?
καὶ τοῦτο διατετέλεκε ποιῶν μέχρι ταύτης τῆς ἡμέρας, καὶ διὰ τούτου τοῦ τρόπου τὴν κληρονομίαν ἡμῶν ἀποστερήσειν οἴονται, ἐνεργαζόμενοι μὲν καὶ ἐμπαιδοτροφούμενοι τῇ τοῦ Ἀρχιάδου οὐσίᾳ, ἐπανιόντες δὲ ἐπὶ τὴν πατρῴαν οὐσίαν ἐκεῖθεν ἀεί, κἀκείνην μὲν ἀκέραιον φυλάττοντες, ταύτην δʼ ἀναλίσκοντες.
그들은 오늘날까지 줄곧 이런 짓을 해왔으며, 이러한 방식으로 저희의 상속권을 박탈하려 하고 있습니다. 그들은 아르키아데스의 재산을 경작하고 거기서 아이들을 키우면서, 한편으로는 늘 그곳으로부터 본래의 부친 재산으로 돌아가 그쪽 재산은 손대지 않고 보존하면서 이쪽 재산만을 탕진하고 있는 것입니다.
§24ἀλλʼ ὅμως τούτων τοιούτων ὄντων, ὅπερ εἶπον, ἡμεῖς ὑπεμένομεν ἅπαντα.
그러나 상황이 이러했음에도 불구하고, 앞서 말씀드린 대로 저희는 이 모든 것을 견뎌냈습니다.
μέχρι τίνος;
언제까지였겠습니까?
ἕως ὁ Λεωκράτης ὁ ὑπὸ Λεωστράτου ἐν τῷ οἴκῳ τῷ Ἀρχιάδου ἐγκαταλειφθεὶς υἱὸς τετελεύτηκεν ἄπαις.
레오스트라토스에 의해 아르키아데스의 가문에 남겨졌던 아들 레오크라테스가 자녀 없이 사망할 때까지였습니다.
τούτου δὲ ἄπαιδος τετελευτηκότος, ἀξιοῦμεν ἡμεῖς οἱ γένει ἐγγυτάτω ὄντες Ἀρχιάδῃ κληρονομεῖν τῆς οὐσίας, καὶ μὴ τῷ τετελευτηκότι τῷ αὐτῷ εἰσποιητῷ ὄντι υἱὸν εἰσποιεῖν ἐπʼ ἀποστερήσει τῶν ἡμετέρων.
그가 자녀 없이 사망한 지금, 아르키아데스에게 혈통상 가장 가까운 저희가 그 재산을 상속받아야 마땅하며, 마찬가지로 양자였던 그 사망자에게 저희의 상속권을 박탈하기 위해 또 다른 양자를 입적시켜서는 안 된다고 요구하는 바입니다.
§25εἰ μὲν γὰρ αὐτὸς ζῶν ἐποιήσατο, καίπερ ὄντος παρὰ τὸν νόμον τοῦ ἔργου, οὐκ ἀντιλέγομεν·
만약 그가 살아생전에 스스로 양자를 들였다면, 비록 그 행위가 법률에 반하는 것일지라도 저희는 이의를 제기하지 않았을 것입니다.
ἐπειδὴ δὲ οὔτε γόνῳ ἦν αὐτῷ υἱὸς οὐδεὶς οὔτʼ ἐποιήσατο ζῶν, ὁ δὲ νόμος τοῖς ἐγγύτατα γένους τὰς κληρονομίας ἀποδίδωσι, πῶς οὐ δίκαιοί ἐσμεν ἡμεῖς τούτων μὴ ἀποστερηθῆναι κατʼ ἀμφότερα;
하지만 그에게는 친자도 없었고 살아생전에 양자를 들인 일도 없으며, 법률은 가장 가까운 친족에게 유산을 부여하고 있으니, 저희가 이 두 가지 측면 모두에서 유산을 빼앗기지 않는 것이 어찌 정의롭지 않겠습니까?