§1εἰ μὲν ἐβούλετʼ Ἄφοβος, ὦ ἄνδρες δικασταί, τὰ δίκαια ποιεῖν ἢ περὶ ὧν διεφερόμεθα τοῖς οἰκείοις ἐπιτρέπειν, οὐδὲν ἂν ἔδει δικῶν οὐδὲ πραγμάτων·
배심원 여러분, 만일 아포보스가 올바른 일을 하거나 우리가 다투던 일들에 대해 친척들의 중재에 맡기기를 원했다면, 소송도 번거로운 일도 전혀 필요하지 않았을 것입니다.
ἀπέχρη γὰρ ἂν τοῖς ὑπʼ ἐκείνων γνωσθεῖσιν ἐμμένειν, ὥστε μηδεμίαν ἡμῖν εἶναι πρὸς τοῦτον διαφοράν.
그들에 의해 결정된 바를 따르는 것만으로도 충분했을 것이고, 그리하여 우리와 이 사람 사이에 아무런 분쟁도 없었을 것이기 때문입니다.
ἐπειδὴ δʼ οὗτος τοὺς μὲν σαφῶς εἰδότας τὰ ἡμέτερʼ ἔφυγε μηδὲν διαγνῶναι περὶ αὐτῶν, εἰς δʼ ὑμᾶς τοὺς οὐδὲν τῶν ἡμετέρων ἀκριβῶς ἐπισταμένους ἐλήλυθεν, ἀνάγκη ἐστὶν ἐν ὑμῖν παρʼ αὐτοῦ πειρᾶσθαι τῶν δικαίων τυγχάνειν.
그러나 이 사람은 우리 사정을 잘 아는 이들이 그에 대해 아무런 결정을 내리지 못하도록 피하고, 우리 사정을 전혀 정확히 알지 못하는 여러분에게 왔으므로, 여러분 앞에서 그로부터 정의를 얻도록 노력할 수밖에 없습니다.
§2οἶδα μὲν οὖν, ὦ ἄνδρες δικασταί, ὅτι πρὸς ἄνδρας καὶ λέγειν ἱκανοὺς καὶ παρασκευάσασθαι δυναμένους χαλεπόν ἐστιν εἰς ἀγῶνα καθίστασθαι περὶ τῶν ὄντων ἁπάντων, ἄπειρον ὄντα παντάπασι πραγμάτων διὰ τὴν ἡλικίαν·
배심원 여러분, 말도 잘하고 준비도 잘된 사람들을 상대로, 나이가 어려 세상일에 전혀 경험이 없는 사람이 전 재산이 걸린 소송에 나서는 것이 곤란한 일임을 잘 알고 있습니다.
ὅμως δέ, καίπερ πολὺ τούτων καταδεέστερος ὤν, πολλὰς ἐλπίδας ἔχω καὶ παρʼ ὑμῖν τεύξεσθαι τῶν δικαίων καὶ μέχρι γε τοῦ τὰ γεγενημένα διεξελθεῖν καὶ αὐτὸς ἀρκούντως ἐρεῖν, ὥσθʼ ὑμᾶς μήτʼ ἀπολειφθῆναι τῶν πραγμάτων μηδὲ καθʼ ἓν μήτʼ ἀγνοῆσαι περὶ ὧν δεήσει τὴν ψῆφον ἐνεγκεῖν.
그러나 비록 제가 이들보다 훨씬 뒤떨어지지만, 여러분 앞에서 정의를 얻으리라는 큰 희망을 품고 있으며, 일어난 일들을 상세히 설명하는 데 있어서는 저 스스로도 충분히 말할 수 있어, 여러분이 이 일들에 대해 단 한 가지도 놓치지 않고 여러분이 투표해야 할 사안에 대해 무지하지 않게 할 것입니다.
§3δέομαι δʼ ὑμῶν, ὦ ἄνδρες δικασταί, μετʼ εὐνοίας τέ μου ἀκοῦσαι, κἂν ἠδικῆσθαι δοκῶ, βοηθῆσαί μοι τὰ δίκαια.
배심원 여러분, 제게 호의를 가지고 귀를 기울여 주시고, 만일 제가 부당한 피해를 입었다고 여겨지신다면 정의에 따라 저를 도와주시기를 간청합니다.
ποιήσομαι δʼ ὡς ἂν δύνωμαι διὰ βραχυτάτων τοὺς λόγους.
저는 할 수 있는 한 가장 간결하게 연설을 하겠습니다.
ὅθεν οὖν ῥᾷστα μαθήσεσθε περὶ αὐτῶν, ἐντεῦθεν ὑμᾶς καὶ ἐγὼ πρῶτον πειράσομαι διδάσκειν.
여러분이 이 사안을 가장 쉽게 이해하실 수 있는 지점부터 저 또한 먼저 여러분에게 설명하도록 노력하겠습니다.
§4Δημοσθένης γὰρ οὑμὸς πατήρ, ὦ ἄνδρες δικασταί, κατέλιπεν οὐσίαν μὲν σχεδὸν τεττάρων καὶ δέκα ταλάντων, ἐμὲ δʼ ἕπτʼ ἐτῶν ὄντα καὶ τὴν ἀδελφὴν πέντε, ἔτι δὲ τὴν ἡμετέραν μητέρα πεντήκοντα μνᾶς εἰς τὸν οἶκον εἰσενηνεγμένην.
배심원 여러분, 제 아버지 데모스테네스는 거의 14탈란톤에 이르는 재산을 남겼고, 일곱 살인 저와 다섯 살인 제 여동생을 남겼으며, 나아가 우리 어머니는 50미나의 지참금을 가지고 집안으로 들어오신 분이었습니다.
βουλευσάμενος δὲ περὶ ἡμῶν, ὅτʼ ἔμελλε τελευτᾶν, ἅπαντα ταῦτʼ ἐνεχείρισεν Ἀφόβῳ τε τουτῳὶ καὶ Δημοφῶντι τῷ Δήμωνος υἱεῖ, τούτοιν μὲν ἀδελφιδοῖν ὄντοιν, τῷ μὲν ἐξ ἀδελφοῦ, τῷ δʼ ἐξ ἀδελφῆς γεγονότοιν, ἔτι δὲ Θηριππίδῃ τῷ Παιανιεῖ, γένει μὲν οὐδὲν προσήκοντι, φίλῳ δʼ ἐκ παιδὸς ὑπάρχοντι.
아버지는 돌아가시기 직전 우리에 대해 계획을 세우시며, 이 모든 것을 여기 이 아포보스와 데몬의 아들 데모폰에게 맡기셨는데, 이 둘은 아버지의 조카들로 하나는 형제의 자식이고 다른 하나는 자매의 자식이었습니다. 그리고 혈통으로는 아무런 관계가 없으나 어릴 적부터 친구였던 파이아니아 사람 테리피데스에게도 맡기셨습니다.
§5κἀκείνῳ μὲν ἔδωκεν ἐκ τῶν ἐμῶν ἑβδομήκοντα μνᾶς καρπώσασθαι τοσοῦτον χρόνον, ἕως ἐγὼ ἀνὴρ εἶναι δοκιμασθείην, ὅπως μὴ διʼ ἐπιθυμίαν χρημάτων χεῖρόν τι τῶν ἐμῶν διοικήσειεν·
그리고 그 사람에게는 제가 성인으로 인정받을 때까지 제 재산 중 70미나에서 나오는 수익을 누릴 권리를 주셨는데, 이는 그가 돈에 대한 욕심 때문에 제 재산을 부실하게 관리하지 않도록 하기 위함이었습니다.
Δημοφῶντι δὲ τὴν ἐμὴν ἀδελφὴν καὶ δύο τάλαντʼ εὐθὺς ἔδωκεν ἔχειν, αὐτῷ δὲ τούτῳ τὴν μητέρα τὴν ἐμὴν καὶ προῖκʼ ὀγδοήκοντα μνᾶς, καὶ τὴν οἰκίαν οἰκεῖν καὶ σκεύεσι χρῆσθαι τοῖς ἐμοῖς, ἡγούμενος, καὶ τούτους ἔτʼ οἰκειοτέρους εἴ μοι ποιήσειεν, οὐκ ἂν χεῖρόν μʼ ἐπιτροπευθῆναι ταύτης τῆς οἰκειότητος προσγενομένης.
데모폰에게는 제 여동생과 2탈란톤을 즉시 가질 수 있도록 주셨고, 바로 이 사람에게는 제 어머니와 80미나의 지참금을 주셨으며, 집에 거주하고 제 가구를 사용할 수 있게 하셨습니다. 아버지는 이들을 저와 더욱 긴밀한 친족 관계로 만든다면, 이러한 친밀함이 더해져 제가 후견을 받는 데 있어 부당하게 취급받지 않을 것이라 생각하셨기 때문입니다.
§6λαβόντες δʼ οὗτοι ταῦτα πρῶτον σφίσιν αὐτοῖς ἐκ τῶν χρημάτων, καὶ τὴν ἄλλην οὐσίαν ἅπασαν διαχειρίσαντες, καὶ δέκʼ ἔτη ἡμᾶς ἐπιτροπεύσαντες, τὰ μὲν ἄλλα πάντʼ ἀπεστερήκασιν, τὴν οἰκίαν δὲ καὶ ἀνδράποδα τέτταρα καὶ δέκα καὶ ἀργυρίου μνᾶς τριάκοντα, μάλιστα σύμπαντα ταῦτʼ εἰς ἑβδομήκοντα μνᾶς παραδεδώκασι.
그러나 이들은 우선 재산에서 자신들을 위해 이 몫들을 챙겼고, 나머지 전 재산을 관리하며 10년 동안 우리를 후견했음에도 불구하고, 다른 모든 것을 빼앗아 갔으며, 집과 노예 열네 명, 그리고 은 30미나만을 넘겨주었는데, 이 모든 것을 합해봐야 고작 70미나 정도에 불가합니다.
§7καὶ τὸ μὲν κεφάλαιον τῶν ἀδικημάτων, ὡς ἂν συντομώτατʼ εἴποι τις, τοῦτʼ ἔστιν, ὦ ἄνδρες δικασταί·
배심원 여러분, 이들의 비행을 가장 짤막하게 요약하자면 바로 이것입니다.
τὸ δὲ πλῆθος τῆς οὐσίας ὅτι τοῦτʼ ἦν τὸ καταλειφθέν, μέγιστοι μὲν αὐτοὶ μάρτυρές μοι γεγόνασιν·
그리고 남겨진 재산의 규모가 이 정도였다는 것에 대해서는 이들 스스로가 저에게 가장 큰 증인이 되어 주었습니다.
εἰς γὰρ τὴν συμμορίαν ὑπὲρ ἐμοῦ συνετάξαντο κατὰ τὰς πέντε καὶ εἴκοσι μνᾶς πεντακοσίας δραχμὰς εἰσφέρειν, ὅσονπερ Τιμόθεος ὁ Κόνωνος καὶ οἱ τὰ μέγιστα κεκτημένοι τιμήματʼ εἰσέφερον·
왜냐하면 이들은 저를 위해, 코논의 아들 티모테오스와 가장 큰 평가액을 가진 이들이 납부했던 만큼의 액수인, 25미나당 500드라크마를 납부하는 납세조합에 저를 편입시켰기 때문입니다.
δεῖ δὲ καὶ καθʼ ἕκαστον ὑμᾶς ἀκοῦσαι τά τʼ ἐνεργὰ αὐτῶν καὶ ὅσʼ ἦν ἀργὰ καὶ ὅσου ἦν ἄξιʼ ἕκαστα.
하지만 여러분은 이 재산들 중 가동 중이던 것과 비가동 중이던 것, 그리고 각각의 가치가 얼마였는지를 개별적으로도 들으셔야 합니다.
ταῦτα γὰρ μαθόντες ἀκριβῶς εἴσεσθε, ὅτι τῶν πώποτʼ ἐπιτροπευσάντων οὐδένες ἀναιδέστερον οὐδὲ περιφανέστερον ἢ οὗτοι τὰ ἡμέτερα διηρπάκασιν.
이것들을 정확히 알게 되신다면, 지금까지 후견인을 지낸 그 어떤 이들보다도 이들이 우리 재산을 가장 뻔뻔스럽고 공공연하게 약탈했다는 것을 알게 되실 것입니다.