§19θαυμάζω δʼ εἰ μηδεὶς ὑμῶν ἡγεῖται Χίων ὀλιγαρχουμένων καὶ Μυτιληναίων, καὶ νυνὶ Ῥοδίων καὶ πάντων ἀνθρώπων ὀλίγου δέω λέγειν εἰς ταύτην τὴν δουλείαν ὑπαγομένων, συγκινδυνεύειν τι τὴν παρʼ ἡμῖν πολιτείαν, μηδὲ λογίζεται τοῦθʼ ὅτι οὐκ ἔστιν ὅπως, εἰ διʼ ὀλιγαρχίας ἅπαντα συστήσεται, τὸν παρʼ ὑμῖν δῆμον ἐάσουσιν.
나는 여러분 중에 키오스와 미틸레네가 과두 정에 처해지고, 이제는 로도스, 아니 거의 모든 인류가 이 노예 상태로 끌려 들어가고 있음으로 인해 우리 자신의 국제가 얼마간 위험을 공유하고 있다고 생각하지 않는 자가 있는 것을 기이하게 여깁니다. 또한, 만일 모든 것이 과두 정 하에 조직된다면 그들이 여러분의 민중 정치를 그대로 놓아둘 리가 없다는 점을 고려하지 않는 자가 있는 것을 기이하게 여깁니다.
ἴσασι γὰρ οὐδένας ἄλλους πάλιν εἰς ἐλευθερίαν ἂν τὰ πράγματʼ ἐξάγοντας·
왜냐하면 그들은 사태를 다시 자유로 이끌어 갈 사람이 다른 누구도 없음을 알고 있기 때문입니다.
ὅθεν δὴ κακὸν αὑτοῖς ἄν τι γενέσθαι προσδοκῶσι, τοῦτʼ ἀνελεῖν βουλήσονται. §20τοὺς μὲν οὖν ἄλλους τοὺς ἀδικοῦντάς τινας αὐτῶν τῶν κακῶς πεπονθότων ἐχθροὺς ἡγεῖσθαι χρή· τοὺς δὲ τὰς πολιτείας καταλύοντας καὶ μεθιστάντας εἰς ὀλιγαρχίαν κοινοὺς ἐχθροὺς παραινῶ νομίζειν ἁπάντων τῶν ἐλευθερίας ἐπιθυμούντων. §21ἔπειτα καὶ δίκαιον, ὦ ἄνδρες Ἀθηναῖοι, δημοκρατουμένους αὐτοὺς τοιαῦτα φρονοῦντας φαίνεσθαι περὶ τῶν ἀτυχούντων δήμων, οἷάπερ ἂν τοὺς ἄλλους ἀξιώσαιτε φρονεῖν περὶ ὑμῶν, εἴ ποθʼ, ὃ μὴ γένοιτο, τοιοῦτό τι συμβαίη.
그리하여 자신들에게 어떤 악한 일이 생길 것이라 예상하는 그 원천을 그들은 제거하고 싶어 할 것입니다. 그러므로 다른 이들에게 불의를 행하는 자들은 피해를 입은 당사자들 스스로가 원수로 여겨야 마땅하지만, 국제를 파괴하고 과두 정으로 변혁하는 자들에 대해서는 자유를 바라는 모든 이들의 공공의적으로 여겨야 한다고 나는 권고합니다. 나아가 아테네의 여러분, 스스로 민주 정 하에 있는 자들이, 불운을 겪고 있는 민주 정 국가들에 대해, 만약 언젠가—그런 일이 결코 일어나지 않기를 바랍니다만—그와 같은 일이 여러분에게 닥쳤을 때 다른 이들이 여러분에 대해 품어주기를 여러분이 요구할 법한 그런 마음가짐을 보이고 있는 것은 정의로운 일입니다.
καὶ γὰρ εἰ δίκαιά τις φήσει Ῥοδίους πεπονθέναι, οὐκ ἐπιτήδειος ὁ καιρὸς ἐφησθῆναι·
왜냐하면 설령 로도스인들이 당한 일이 당연하다고 누구나 말할지라도, 그것을 기뻐하며 비웃기에는 시기가 적절하지 않기 때문입니다.
δεῖ γὰρ τοὺς εὐτυχοῦντας περὶ τῶν ἀτυχούντων ἀεὶ φαίνεσθαι τὰ βέλτιστα βουλευομένους, ἐπειδήπερ ἄδηλον τὸ μέλλον ἅπασιν ἀνθρώποις. §22ἀκούω δʼ ἐγὼ πολλάκις ἐνταυθὶ παρʼ ὑμῖν τινῶν λεγόντων ὡς, ὅτʼ ἠτύχησεν ὁ δῆμος ἡμῶν, συνεβουλήθησάν τινες αὐτὸν σωθῆναι·
미래는 모든 인간에게 불확실한 것이니만큼, 번영하고 있는 자들은 불운한 자들에 대해 항상 최선의 방책을 구상하는 모습을 보여야 마땅합니다. 그리고 나는 이곳 여러분 사이에서, 우리 민중이 불운에 처했을 때 그 구원을 원했던 자들이 있었다고 말하는 것을 자주 듣습니다.
ὧν ἐγὼ μόνων Ἀργείων ἐν τῷ παρόντι μνησθήσομαι βραχύ τι.
그들 중에서 나는 현재로서는 아르고스인들만을 짧게 언급하겠습니다.
οὐ γὰρ ἂν ὑμᾶς βουλοίμην, δόξαν ἔχοντας τοῦ σῴζειν τοὺς ἀτυχοῦντας ἀεί, χείρους Ἀργείων ἐν ταύτῃ τῇ πράξει φανῆναι, οἳ χώραν ὅμορον τῇ Λακεδαιμονίων οἰκοῦντες, ὁρῶντες ἐκείνους γῆς καὶ θαλάττης ἄρχοντας, οὐκ ἀπώκνησαν οὐδʼ ἐφοβήθησαν εὐνοϊκῶς ὑμῖν ἔχοντες φανῆναι, ἀλλὰ καὶ πρέσβεις ἐλθόντας ἐκ Λακεδαίμονος, ὥς φασιν, ἐξαιτήσοντάς τινας τῶν φυγάδων τῶν ὑμετέρων ἐψηφίσαντο, ἐὰν μὴ πρὸ ἡλίου δύντος ἀπαλλάττωνται, πολεμίους κρίνειν. §23εἶτʼ οὐκ αἰσχρόν, ὦ ἄνδρες Ἀθηναῖοι, εἰ τὸ μὲν Ἀργείων πλῆθος οὐκ ἐφοβήθη τὴν Λακεδαιμονίων ἀρχὴν ἐν ἐκείνοις τοῖς καιροῖς οὐδὲ τὴν ῥώμην, ὑμεῖς δʼ ὄντες Ἀθηναῖοι βάρβαρον ἄνθρωπον, καὶ ταῦτα γυναῖκα, φοβήσεσθε;
왜냐하면 불운한 자들을 항상 구원한다는 명성을 가진 여러분이 이번 행동에서 아르고스인들보다 못하게 보이는 것을 내가 원치 않기 때문입니다. 그들은 라케다이몬인들의 영토와 인접한 곳에 살면서 그들이 육지와 바다를 지배하는 것을 보고도, 여러분에게 호의를 품고 있음을 보이는 것을 주저하지도 두려워하지도 않았습니다. 오히려 라케다이몬에서 사절들이 와서 (사람들의 말에 따르면) 여러분의 망명객들의 일부를 인도하라고 요구했을 때, 만약 그들이 일몰 전에 떠나지 않는다면 적으로 규정하기로 의결하였습니다. 그렇다면 아테네의 여러분, 아르고스의 민중이 그 시절 라케다이몬인들의 지배도 힘도 두려워하지 않았는데, 여러분은 아테네인이면서 야만인인 한 인간을, 그것도 여자를 두려워한다는 것이 부끄러운 일이 아니겠습니까?
καὶ μὴν οἱ μὲν ἔχοιεν ἂν εἰπεῖν ὅτι πολλάκις ἥττηνται Λακεδαιμονίων, ὑμεῖς δὲ νενικήκατε μὲν πολλάκις βασιλέα, ἥττησθε δʼ οὐδʼ ἅπαξ οὔτε τῶν δούλων τῶν βασιλέως οὔτʼ αὐτοῦ ʼκείνου·
더욱이 아르고스인들이라면 자신들이 라케다이몬인들에게 자주 패했다고 말할 수 있을지 모르나, 여러분은 자주 왕을 이겼으며, 왕의 종들에게도 그 왕 자신에게도 단 한 번도 패한 적이 없습니다.
εἰ γάρ τί που κεκράτηκε τῆς πόλεως βασιλεύς, ἢ τοὺς πονηροτάτους τῶν Ἑλλήνων καὶ προδότας αὐτῶν χρήμασι πείσας ἢ οὐδαμῶς ἄλλως κεκράτηκεν. §24καὶ οὐδὲ τοῦτʼ αὐτῷ συνενήνοχεν, ἀλλʼ ἅμʼ εὑρήσετʼ αὐτὸν τήν τε πόλιν διὰ Λακεδαιμονίων ἀσθενῆ ποιήσαντα καὶ περὶ τῆς αὑτοῦ βασιλείας κινδυνεύσαντα πρὸς Κλέαρχον καὶ Κῦρον.
왜냐하면 만일 왕이 우리 국가를 어디선가 이긴 적이 있다면, 그것은 그리스인들 중에서 가장 사악한 자들과 배신자들을 돈으로 매수했기 때문이지, 결코 다른 방식으로는 이기지 못했기 때문입니다. 그리고 이것조차 그에게 이익이 되지 않았으니, 오히려 그가 라케다이몬인들을 통해 우리 국가를 약화시킴과 동시에, 자신의 왕권을 두고 클레아르코스와 키루스를 상대로 위험에 처했음을 여러분은 알게 될 것입니다.
οὔτʼ οὖν ἐκ φανεροῦ κεκράτηκεν οὔτʼ ἐπιβουλεῦσαι συνενήνοχεν αὐτῷ.
그러므로 그는 공개적으로 이긴 것도 아니요, 음모를 꾸민 것이 그에게 이익이 된 것도 아닙니다.
ὁρῶ δʼ ὑμῶν ἐνίους Φιλίππου μὲν ὡς ἄρʼ οὐδενὸς ἀξίου πολλάκις ὀλιγωροῦντας, βασιλέα δʼ ὡς ἰσχυρὸν ἐχθρὸν οἷς ἂν προέληται φοβουμένους.
그런데 나는 여러분 중 일부가 필리포스에 대해서는 아무 가치도 없는 자라 하여 자주 얕잡아 보면서도, 왕에 대해서는 그가 표적으로 삼는 자들에게 강력한 적으로 여겨 두려워하는 것을 봅니다.
εἰ δὲ τὸν μὲν ὡς φαῦλον οὐκ ἀμυνούμεθα, τῷ δʼ ὡς φοβερῷ πάνθʼ ὑπείξομεν, πρὸς τίνας, ὦ ἄνδρες Ἀθηναῖοι, παραταξόμεθα; §25εἰσὶ δέ τινες, ὦ ἄνδρες Ἀθηναῖοι, παρʼ ὑμῖν δεινότατοι τὰ δίκαια λέγειν ὑπὲρ τῶν ἄλλων πρὸς ὑμᾶς, οἷς παραινέσαιμʼ ἂν ἔγωγε τοσοῦτον μόνον, ὑπὲρ ὑμῶν πρὸς τοὺς ἄλλους ζητεῖν τὰ δίκαια λέγειν, ἵνʼ αὐτοὶ τὰ προσήκοντα πρῶτοι φαίνωνται ποιοῦντες·
만일 우리가 한쪽은 하찮다 하여 방어하지 않고, 다른 쪽은 두렵다 하여 모든 것을 양보한다면, 아테네의 여러분, 우리는 누구를 상대로 전열을 정비해야 하겠습니까? 아테네의 여러분, 여러분 중에는 타인의 권리를 위해 여러분에게 정당함을 주장하는 데 극도로 능한 자들이 있습니다. 그들에게 나는 오직 이 한 가지만을 권고하고 싶습니다. 여러분을 위해 타인에게 정당함을 주장하도록 힘쓰십시오. 그래야 그들 스스로가 마땅한 일을 가장 먼저 행하고 있는 것처럼 보일 것입니다.
ὡς ἔστʼ ἄτοπον περὶ τῶν δικαίων ὑμᾶς διδάσκειν αὐτὸν οὐ δίκαια ποιοῦντα·
스스로는 정의로운 일을 행하지 않으면서 정의에 대해 여러분을 가르치는 것은 실로 어처구니없는 일이기 때문입니다.
οὐ γάρ ἐστι δίκαιον ὄντα πολίτην τοὺς καθʼ ὑμῶν λόγους, ἀλλὰ μὴ τοὺς ὑπὲρ ὑμῶν ἐσκέφθαι. §26φέρε γὰρ πρὸς θεῶν σκοπεῖτε, τί δήποτʼ ἐν Βυζαντίῳ οὐδείς ἐσθʼ ὁ διδάξων ἐκείνους μὴ καταλαμβάνειν Χαλκηδόνα, ἣ βασιλέως μέν ἐστιν, εἴχετε δʼ αὐτὴν ὑμεῖς, ἐκείνοις δʼ οὐδαμόθεν προσῆκεν·
왜냐하면 시민이면서 여러분에게 불리한 주장만을 궁리하고, 여러분을 위한 주장은 생각지 않는 것은 결코 정의롭지 않기 때문입니다. 자, 신들을 두고 생각해 보십시오. 왜 비잔티온에서는 그들에게 칼케돈을 차지하지 말라고 가르쳐 주는 사람이 아무도 없습니까? 칼케돈은 왕의 소유이며, 한때는 여러분이 차지했었고, 그들에게는 어떤 근거로도 무관한 곳인데 말입니다.
μηδὲ Σηλυμβρίαν, πόλιν ὑμετέραν ποτὲ σύμμαχον οὖσαν, ὡς αὑτοὺς συντελῆ ποιεῖν καὶ Βυζαντίων ὁρίζειν τὴν τούτων χώραν παρὰ τοὺς ὅρκους καὶ τὰς συνθήκας, ἐν αἷς αὐτονόμους τὰς πόλεις εἶναι γέγραπται;
또한 한때 여러분의 동맹 도시였던 셀림브리아를 자신들의 조공국으로 삼고, 도시들이 자치적이어야 한다고 기록된 저 맹세와 조약을 위반하여 이들 도시의 영토를 비잔티온의 경계로 정하지 말라고 훈계하는 자가 왜 없습니까?