§1ἔδει μέν, ὦ ἄνδρες Ἀθηναῖοι, τοὺς λέγοντας ἅπαντας μήτε πρὸς ἔχθραν ποιεῖσθαι λόγον μηδένα μήτε πρὸς χάριν, ἀλλʼ ὃ βέλτιστον ἕκαστος ἡγεῖτο, τοῦτʼ ἀποφαίνεσθαι, ἄλλως τε καὶ περὶ κοινῶν πραγμάτων καὶ μεγάλων ὑμῶν βουλευομένων·
아네테의 여러분, 연설하는 모든 이들은 적대감이나 호의에 이끌려 어떤 발언도 하지 말아야 했으며, 각자가 최선이라고 생각하는 바를 밝혔어야 했습니다. 특히 여러분이 공동의 중대사에 대해 심의하고 있을 때는 더욱 그러합니다.
ἐπεὶ δʼ ἔνιοι τὰ μὲν φιλονικίᾳ, τὰ δʼ ᾑτινιδήποτʼ αἰτίᾳ προάγονται λέγειν, ὑμᾶς, ὦ ἄνδρες Ἀθηναῖοι, τοὺς πολλοὺς δεῖ πάντα τἄλλʼ ἀφελόντας, ἃ τῇ πόλει νομίζετε συμφέρειν, ταῦτα καὶ ψηφίζεσθαι καὶ πράττειν.
그러나 어떤 이들은 경쟁심이나 혹은 다른 어떤 이유로든 추동되어 발언하고 있으므로, 아테네의 여러분, 다수인 여러분은 다른 모든 것을 제쳐두고 국가에 유익하다고 생각하는 바를 결의하고 실행해야 합니다.
§2ἡ μὲν οὖν σπουδὴ περὶ τῶν ἐν Χερρονήσῳ πραγμάτων ἐστὶ καὶ τῆς στρατείας, ἣν ἑνδέκατον μῆνα τουτονὶ Φίλιππος ἐν Θρᾴκῃ ποιεῖται·
따라서 현재의 관심사는 헤르소네소스의 사정과 필리포스가 트라키아에서 이십일 개월째 벌이고 있는 원정에 관한 것입니다.
τῶν δὲ λόγων οἱ πλεῖστοι περὶ ὧν Διοπείθης πράττει καὶ μέλλει ποιεῖν εἴρηνται.
그러나 연설의 대부분은 디오피테스가 행하고 있거나 행하려는 일에 대해 행해졌습니다.
ἐγὼ δʼ ὅσα μέν τις αἰτιᾶταί τινα τούτων, οὓς κατὰ τοὺς νόμους ἐφʼ ὑμῖν ἐστιν, ὅταν βούλησθε, κολάζειν, κἂν ἤδη δοκῇ κἂν ἐπισχοῦσιν περὶ αὐτῶν σκοπεῖν ἐγχωρεῖν ἡγοῦμαι, καὶ οὐ πάνυ δεῖ περὶ τούτων οὔτʼ ἔμʼ οὔτʼ ἄλλον οὐδένʼ ἰσχυρίζεσθαι·
법에 따라 여러분이 원할 때 처벌할 권한이 있는 이들에 대해 제기된 혐의에 관해서는, 즉시든 미루어 둔 후에든 그것들을 검토하는 것이 허용된다고 생각하며, 이것에 대해 나나 다른 어떤 이가 강력히 주장할 필요는 전혀 없습니다.
§3ὅσα δʼ ἐχθρὸς ὑπάρχων τῇ πόλει καὶ δυνάμει πολλῇ περὶ Ἑλλήσποντον ὢν πειρᾶται προλαβεῖν, κἂν ἅπαξ ὑστερήσωμεν, οὐκέθʼ ἕξομεν σῶσαι, περὶ τούτων δʼ οἴομαι τὴν ταχίστην συμφέρειν καὶ βεβουλεῦσθαι καὶ παρεσκευάσθαι, καὶ μὴ τοῖς περὶ τῶν ἄλλων θορύβοις καὶ ταῖς κατηγορίαις ἀπὸ τούτων ἀποδρᾶναι.
그러나 국가에 적대적이며 헤레스폰토스 주변에 대군을 거느리고 선점하려 시도하는 일들에 관해서는, 우리가 한번이라도 늦으면 더 이상 구출할 수 없을 것입니다. 이들에 관해서는 가장 신속히 심의하고 준비를 갖추는 것이 유익하며, 다른 사안에 대한 소란과 비난으로 인해 이것들로부터 도망쳐서는 안 된다고 생각합니다.
§4πολλὰ δὲ θαυμάζων τῶν εἰωθότων λέγεσθαι παρʼ ὑμῖν, οὐδενὸς ἧττον, ὦ ἄνδρες Ἀθηναῖοι, τεθαύμακα, ὃ καὶ πρώην τινὸς ἤκουσʼ εἰπόντος ἐν τῇ βουλῇ, ὡς ἄρα δεῖ τὸν συμβουλεύοντα ἢ πολεμεῖν ἁπλῶς ἢ τὴν εἰρήνην ἄγειν συμβουλεύειν.
여러분 사이에서 흔히 들리는 많은 말들에 경탄하면서도, 아테네의 여러분, 며칠 전 평의회에서 어떤 이가 다음과 같이 말하는 것을 들었을 때만큼 놀란 적은 없습니다. 즉, 조언하는 자는 단순히 전쟁을 치르거나 아니면 평화를 유지하도록 권고해야 한다는 주장입니다.
§5ἔστι δέ, εἰ μὲν ἡσυχίαν Φίλιππος ἄγει καὶ μήτε τῶν ἡμετέρων ἔχει παρὰ τὴν εἰρήνην μηδὲν μήτε συσκευάζεται πάντας ἀνθρώπους ἐφʼ ἡμᾶς, οὐκέτι δεῖ λέγειν, ἀλλʼ ἁπλῶς εἰρήνην ἀκτέον, καὶ τά γʼ ἀφʼ ὑμῶν ἕτοιμʼ ὑπάρχονθʼ ὁρῶ·
그러나 만약 필리포스가 침묵을 지키고 평화 조약을 위반하여 우리의 것을 아무것도 차지하지 않으며 우리를 치기 위해 모든 이들을 규합하고 있지 않다면, 더 이상 말할 필요가 없고 단순히 평화를 유지해야 하며, 여러분 쪽의 준비는 이미 되어 있음을 나는 봅니다.
εἰ δʼ ἃ μὲν ὠμόσαμεν καὶ ἐφʼ οἷς τὴν εἰρήνην ἐποιησάμεθα, §6ἔστιν ἰδεῖν καὶ γεγραμμένα κεῖται, φαίνεται δʼ ἀπʼ ἀρχῆς ὁ Φίλιππος, πρὶν Διοπείθην ἐκπλεῦσαι καὶ τοὺς κληρούχους, οὓς νῦν αἰτιῶνται πεποιηκέναι τὸν πόλεμον, πολλὰ μὲν τῶν ἡμετέρων ἀδίκως εἰληφώς, ὑπὲρ ὧν ψηφίσμαθʼ ὑμέτερʼ ἐγκαλοῦντα κύρια ταυτί, πάντα δὲ τὸν χρόνον συνεχῶς τὰ τῶν ἄλλων Ἑλλήνων καὶ βαρβάρων λαμβάνων καὶ ἐφʼ ἡμᾶς συσκευαζόμενος, τί τοῦτο λέγουσιν, ὡς πολεμεῖν ἢ ἄγειν εἰρήνην δεῖ;
그러나 만약 우리가 맹세하고 평화를 맺은 조건들이 쓰여진 대로 존재하고 있음에도 불구하고, 필리포스가 처음부터, 즉 디오피테스와 현재 전쟁을 일으켰다고 비난받는 이주민들이 출항하기도 전에, 우리의 많은 것들을 부당하게 탈취해 왔으며(이들에 대해 여러분의 규탄 결의안들이 유효하게 존재합니다), 시종일관 지속적으로 다른 그리스인들과 야만인들의 영토를 빼앗고 우리에 대항해 규합해 왔다는 것이 명백하다면, 그들이 전쟁을 치르거나 평화를 유지해야 한다고 말하는 것은 도대체 무슨 뜻입니까?
§7οὐ γὰρ αἵρεσίς ἐστιν ἡμῖν τοῦ πράγματος, ἀλλʼ ὑπολείπεται τὸ δικαιότατον καὶ ἀναγκαιότατον τῶν ἔργων, ὃ ὑπερβαίνουσιν ἑκόντες οὗτοι.
왜냐하면 우리에게는 선택의 여지가 없으며, 가장 정당하고 불가피한 행동만이 남아 있기 때문입니다. 이들은 그것을 의도적으로 회피하고 있습니다.
τί οὖν ἐστι τοῦτο;
그렇다면 그것은 무엇입니까?
ἀμύνεσθαι τὸν πρότερον πολεμοῦνθʼ ἡμῖν.
우리에게 먼저 전쟁을 걸어온 자에 맞서 방어하는 것입니다.
πλὴν εἰ τοῦτο λέγουσι νὴ Δίʼ, ὡς, ἂν ἀπέχηται τῆς Ἀττικῆς καὶ τοῦ Πειραιῶς Φίλιππος, οὔτʼ ἀδικεῖ τὴν πόλιν οὔτε ποιεῖ πόλεμον.
다만 그들이 정말로 "필리포스가 아티카와 페이라이에우스에서 물러나 있는 한, 국가에 대해 불의를 행하지도 않고 전쟁을 걸지도 않는다"고 말하는 것이라면 예외이겠지만 말입니다.
§8εἰ δʼ ἐκ τούτων τὰ δίκαια τίθενται καὶ τὴν εἰρήνην ταύτην ὁρίζονται, ὅτι μὲν δήπουθεν οὔθʼ ὅσιʼ οὔτʼ ἀνεκτὰ λέγουσιν οὔθʼ ὑμῖν ἀσφαλῆ, δῆλόν ἐστιν ἅπασιν, οὐ μὴν ἀλλʼ ἐναντία συμβαίνει ταῖς κατηγορίαις ἃς Διοπείθους κατηγοροῦσι καὶ αὐτὰ ταῦτα λέγειν αὐτούς.
만약 그들이 이러한 기준으로 정의를 세우고 평화를 규정한다면, 그들이 경건하지도 않고 용납될 수도 없으며 여러분에게 안전하지도 않은 말을 하고 있음은 모두에게 명백합니다. 그뿐만 아니라, 그들이 바로 이러한 말을 하는 것 자체가 디오피테스에게 가하는 비난과 모순됩니다.
τί γὰρ δήποτε τῷ μὲν Φιλίππῳ πάντα τἄλλα ποιεῖν ἐξουσίαν δώσομεν, ἂν τῆς Ἀττικῆς ἀπέχηται, τῷ Διοπείθει δʼ οὐδὲ βοηθεῖν τοῖς Θρᾳξὶν ἐξέσται, ἢ πόλεμον ποιεῖν αὐτὸν φήσομεν;
왜냐하면 왜 필리포스에게는 아티카에서 물러나 있는 한 다른 모든 일을 할 권한을 주면서, 디오피테스에게는 트라키아인들을 돕는 것조차 허용하지 않거나 그 자신이 전쟁을 일으키고 있다고 말하겠습니까?
§9ἀλλὰ νὴ Δία, ταῦτα μὲν ἐξελέγχονται, δεινὰ ποιοῦσι δʼ οἱ ξένοι περικόπτοντες τὰ ἐν Ἑλλησπόντῳ, καὶ Διοπείθης ἀδικεῖ κατάγων τὰ πλοῖα, καὶ δεῖ μὴ ἐπιτρέπειν αὐτῷ.
하지만, 정말이지 "이러한 점들은 반박되지만, 용병들이 헤레스폰토스 일대에서 약탈을 일삼는 것은 끔찍한 일이며, 디오피테스가 배들을 나포하여 불의를 행하고 있으므로 그를 용납해서는 안 된다"고 할 것입니다.
ἔστω, γιγνέσθω ταῦτα, οὐδὲν ἀντιλέγω.
좋습니다, 그렇게 하도록 하십시오, 나는 아무것도 반대하지 않습니다.
οἶμαι μέντοι δεῖν, εἴπερ ὡς ἀληθῶς ἐπὶ πᾶσι δικαίοις ταῦτα συμβουλεύουσιν, §10ὥσπερ τὴν ὑπάρχουσαν τῇ πόλει δύναμιν καταλῦσαι ζητοῦσι, τὸν ἐφεστηκότα καὶ πορίζοντα χρήματα ταύτῃ διαβάλλοντες ἐν ὑμῖν, οὕτω τὴν Φιλίππου δύναμιν δεῖξαι διαλυθησομένην, ἂν ὑμεῖς ταῦτα πεισθῆτε.
그러나 만약 그들이 참으로 온전히 정당한 근거 위에서 이러한 조언을 하는 것이라면, 그들이 여러분 앞에서 군대를 지휘하고 자금을 조달하는 자를 비방함으로써 국가에 현존하는 군대를 해체하려 애쓰는 것처럼, 여러분이 이 권고에 설득된다면 필리포스의 군대 또한 해체될 것임을 그들은 보여주어야 마땅하다고 생각합니다.
εἰ δὲ μή, σκοπεῖθʼ ὅτι οὐδὲν ἄλλο ποιοῦσιν ἢ καθιστᾶσι τὴν πόλιν εἰς τὸν αὐτὸν τρόπον διʼ οὗ τὰ πράγμαθʼ ἅπαντʼ ἀπολώλεκεν.
만약 그렇지 않다면, 그들은 국가를 우리의 모든 일이 파멸에 이르게 한 바로 그 상태로 되돌려놓고 있을 뿐임을 잘 생각해 보십시오.