§1ὦ ἄνδρες Ἀθηναῖοι, οὐκ ἔστιν ὅπως αἱ αἰτίαι, ἃς Φίλιππος αἰτιᾶται τοὺς ὑπὲρ τῶν δικαίων πρὸς ὑμᾶς λέγοντας, κωλύσουσι συμβούλους ἡμᾶς γίγνεσθαι ὑπὲρ τῶν ὑμῖν συμφερόντων·
아테네 시민 여러분, 필리포스가 여러분에게 정의를 위해 말하는 이들을 비난하는 그 비난이, 여러분의 이익을 위해 우리가 조언자가 되는 것을 막을 방법은 없습니다.
δεινὸν γὰρ ἂν εἴη, εἰ τὴν ἐπὶ τοῦ βήματος παρρησίαν αἱ παρʼ ἐκείνου πεμπόμεναι ἐπιστολαὶ ἀνέλοιεν.
왜냐하면 연단에서의 발언의 자유를 그가 보낸 편지들이 앗아가 버린다면 그것은 끔찍한 일일 것이기 때문입니다.
ἐγὼ δʼ ὑμῖν, ὦ ἄνδρες Ἀθηναῖοι, βούλομαι πρῶτον μὲν περὶ ὧν Φίλιππος ἐπέσταλκε, περὶ τούτων διεξελθεῖν· ὕστερον δέ, περὶ ὧν οἱ πρέσβεις λέγουσι, καὶ ἡμεῖς λέξομεν.
아테네 시민 여러분, 나는 먼저 필리포스가 편지로 보내온 일들에 대해 자세히 설명하고, 그 후에 사절들이 말하는 바에 대해 우리도 말하고자 합니다.
§2Φίλιππος γὰρ ἄρχεται μὲν περὶ Ἁλοννήσου λέγων ὡς ὑμῖν δίδωσιν ἑαυτοῦ οὖσαν, ὑμᾶς δὲ οὔ φησι δικαίως αὐτὸν ἀπαιτεῖν·
필리포스는 할론네소스 섬에 대해 말하는 것으로 시작하는데, 그것이 자기 소유이므로 여러분에게 '준다'고 말하며, 여러분이 그에게 그것의 반환을 요구하는 것은 부당하다고 주장하기 때문입니다.
οὐ γὰρ ὑμετέραν οὖσαν οὔτε λαβεῖν οὔτε νῦν ἔχειν.
즉, 그것은 여러분의 것이 아니었기에 자기가 빼앗은 것도 아니고 지금 가지고 있는 것도 아니라는 것입니다.
ἔλεγε δὲ καὶ πρὸς ἡμᾶς τοιούτους λόγους, ὅτε πρὸς αὐτὸν ἐπρεσβεύσαμεν, ὡς λῃστὰς ἀφελόμενος ταύτην τὴν νῆσον κτήσαιτο, καὶ προσήκειν αὐτὴν ἑαυτοῦ εἶναι.
그리고 우리가 그에게 사절로 갔을 때에도 그는 우리에게 이와 같은 말을 했는데, 해적들을 소탕하고 이 섬을 차지했으니 그것이 자기 소유가 되는 것이 마땅하다는 주장이었습니다.
§3τοῦτον δὲ τὸν λόγον, ὡς οὐκ ἔστι δίκαιος, οὐ χαλεπόν ἐστιν αὐτοῦ ἀφελέσθαι.
하지만 이 주장이 의롭지 못하다는 것을 보여주며 그에게서 이 논거를 박탈하는 것은 어렵지 않습니다.
ἅπαντες γὰρ οἱ λῃσταὶ τοὺς ἀλλοτρίους τόπους καταλαμβάνοντες καὶ τούτους ἐχυροὺς ποιούμενοι, ἐντεῦθεν τοὺς ἄλλους κακῶς ποιοῦσιν.
모든 해적은 타인의 땅을 점령하고 이를 요새로 삼아, 그곳으로부터 타인들에게 해를 끼치기 때문입니다.
ὁ δὴ τοὺς λῃστὰς τιμωρησάμενος καὶ κρατήσας οὐκ ἂν δήπου εἰκότα λέγοι, εἰ φαίη, ἃ ἐκεῖνοι ἀδίκως καὶ ἀλλότρια εἶχον, ταῦθʼ ἑαυτοῦ γίγνεσθαι.
그렇다면 해적들을 처벌하고 굴복시킨 자가, 그들이 부당하게 차지하고 있던 타인의 재산을 이제 자기의 것이 된다고 말한다면, 결코 합당한 말을 하는 것이 아닐 것입니다.
§4εἰ γὰρ ταῦτα συγχωρήσετε, τί κωλύει, καὶ εἴ τινα τῆς Ἀττικῆς λῃσταὶ τόπον καταλάβοιεν ἢ Λήμνου ἢ Ἴμβρου ἢ Σκύρου, καί τινες τούτους τοὺς λῃστὰς ἐκκόψαιεν, εὐθὺς καὶ τὸν τόπον τοῦτον, οὗ ἦσαν οἱ λῃσταί, τὸν ὄντα ἡμέτερον, τῶν τιμωρησαμένων τοὺς λῃστὰς γίγνεσθαι;
만약 여러분이 이것을 용인한다면, 가령 아티카의 어떤 곳이나 렘노스, 임브로스, 스키로스를 해적들이 점령하고, 누군가 이 해적들을 소탕한다면, 해적들이 있던 곳이자 우리 소유인 그 땅이 곧바로 해적들을 처벌한 자들의 소유가 되는 것을 무엇이 막을 수 있겠습니까?
§5Φίλιππος δʼ οὐκ ἀγνοεῖ ταῦτʼ οὐ δίκαια λέγων, ἀλλʼ εἰ καί τις ἄλλος ἐπιστάμενος παρακρουσθῆναι ἂν ὑμᾶς οἴεται ὑπὸ τῶν τἀνταῦθα διοικήσειν, ὡς ἂν αὐτὸς ἐκεῖνος βούληται, καὶ πρὶν ὑπεσχημένων, καὶ νῦν δὲ πραττόντων.
필리포스 자신도 자기가 부당한 말을 하고 있다는 것을 모르는 것이 아닙니다. 오히려 누구보다도 잘 알면서도, 이곳에서 그의 뜻대로 일을 처리하려는 자들, 즉 과거에 약속했고 지금도 그렇게 행하고 있는 자들에 의해 여러분이 기만당할 것이라 생각하는 것입니다.
ἀλλὰ μὴν οὐδʼ ἐκεῖνό γε λανθάνει αὐτόν, ὅτι διʼ ἀμφοτέρων τῶν ὀνομάτων, ὁποτέρῳ ἂν χρῆσθε, ὑμεῖς ἕξετε τὴν νῆσον, ἄν τε λάβητε ἄν τʼ ἀπολάβητε.
하지만 둘 중 어느 단어를 사용하든, 여러분이 그것을 '받든' 아니면 '되돌려받든', 여러분이 그 섬을 차지하게 된다는 사실 또한 결코 그의 눈을 벗어날 수 없습니다.
§6τί οὖν αὐτῷ διαφέρει, μὴ τῷ δικαίῳ ὀνόματι χρησάμενον ἀποδοῦναι ὑμῖν, ἀλλὰ δωρεὰν δεδωκέναι, τῷ ἀδίκῳ;
그렇다면 정당한 단어를 사용하여 여러분에게 '돌려주는' 대신, 부당한 단어를 사용하여 '선물로 주었다'고 하는 것이 그에게 무슨 차이가 있겠습니까?
οὐχ ἵνʼ εὐεργέτημά τι καταλογίσηται πρὸς ὑμᾶς (γελοῖον γὰρ ἂν εἴη τοῦτο τὸ εὐεργέτημα), ἀλλʼ ἵνʼ ἐνδείξηται ἅπασι τοῖς Ἕλλησιν ὅτι Ἀθηναῖοι τὰ ἐν τῇ θαλάττῃ χωρία ἀγαπῶσι παρὰ τοῦ Μακεδόνος λαμβάνοντες.
그것은 여러분에게 은혜를 베푼 것으로 생색을 내기 위함이 아니라(그런 은혜란 참으로 우스꽝스러운 것일 테니까요), 아테네인들이 바다의 영토를 마케도니아인에게서 받아 챙기는 것에 만족하고 있음을 모든 그리스인들에게 보여주기 위함입니다.
τοῦτο δʼ ὑμῖν οὐ ποιητέον ἐστίν, ὦ ἄνδρες Ἀθηναῖοι.
아테네 시민 여러분, 여러분은 이런 일을 행해서는 안 됩니다.
§7ὅταν δὲ λέγῃ περὶ τούτων ὡς ἐθέλει διαδικάσασθαι, οὐδὲν ἀλλʼ ἢ χλευάζει ὑμᾶς, πρῶτον μὲν ἀξιῶν Ἀθηναίους ὄντας πρὸς τὸν ἐκ Πέλλης ὁρμώμενον περὶ τῶν νήσων διαδικάζεσθαι, πότερʼ ὑμέτεραι ἢ ἐκείνου εἰσίν.
그리고 그가 이 일들에 대해 중재 재판을 받을 용의가 있다고 말할 때, 그는 여러분을 조롱하고 있는 것에 다름없습니다. 첫째로, 아테네인인 여러분이 펠라 출신의 자와 섬들의 영유권을 두고 그것이 여러분의 것인지 그의 것인지를 재판에서 다투라고 요구하기 때문입니다.
ὁπότε γὰρ ἡ μὲν δύναμις ἡ ὑμετέρα, ἡ ἐλευθερώσασα τοὺς Ἕλληνας, μὴ δύναται ὑμῖν τὰ ἐν τῇ θαλάττῃ χωρία σῴζειν, οἱ δὲ δικασταί, οἷς ἂν ἐπιτρέψητε, οἱ κύριοι τῆς ψήφου, οὗτοι ὑμῖν σώσουσιν, ἐὰν μὴ Φίλιππος αὐτοὺς πρίηται,
그리스인들을 해방시켰던 여러분의 군사력이 바다의 영토를 여러분을 위해 지켜내지 못하는데, 여러분이 위임할 재판관들, 즉 투표권을 가진 자들이 (필리포스 가 그들을 매수하지만 않는다면) 그것을 지켜줄 수 있겠습니까?
§8πῶς ὑμεῖς οὐχ ὁμολογουμένως, ὅταν ταῦτα διαπράττησθε, τῶν ἐν τῇ ἠπείρῳ ἁπάντων ἀφεστήκατε, καὶ ἐπιδείκνυτε ἅπασιν ἀνθρώποις ὅτι οὐδὲ περὶ ἑνὸς αὐτῷ διαγωνιεῖσθε, εἴγε περὶ τῶν ἐν τῇ θαλάττῃ, οὗ φατὲ ἰσχύειν, μὴ διαγωνιεῖσθε, ἀλλὰ δικάσεσθε;
이러한 일을 행할 때, 여러분이 대륙의 모든 권리를 명백히 포기했음을 인정하는 꼴이 아니며, 여러분이 강하다고 주장하는 바다에서조차 다투지 않고 재판에 소송을 제기한다면, 그와 단 한 가지 일에 대해서도 경쟁하려 하지 않음을 온 세상 사람들에게 보여주는 꼴이 아니겠습니까?
§9ἔτι περὶ συμβόλων φησὶ πεπομφέναι πρὸς ὑμᾶς τοὺς ποιησομένους, ταῦτα δὲ κύρια ἔσεσθαι, οὐκ ἐπειδὰν ἐν τῷ δικαστηρίῳ τῷ παρʼ ὑμῖν κυρωθῇ, ὥσπερ ὁ νόμος κελεύει, ἀλλʼ ἐπειδὰν ὡς ἑαυτὸν ἐπανενεχθῇ, ἐφέσιμον τὴν παρʼ ὑμῶν γενομένην γνῶσιν ὡς ἑαυτὸν ποιούμενος.
게다가 통상 조약에 관해서도, 그는 조약을 체결할 사절들을 여러분에게 보냈다고 말하며, 이 조약이 효력을 갖는 것은 여러분 측의 법정에서 승인될 때(법률이 규정하는 바와 같이)가 아니라 자기에게 송부될 때라고 주장합니다. 이는 여러분에 의해 내려진 판결을 자기에게 항소할 수 있는 것으로 만들려는 것입니다.
βούλεται γὰρ ὑμῶν τοῦτο προλαβεῖν καὶ ὁμολογούμενον ἐν τοῖς συμβόλοις καταστῆσαι, ὅτι τῶν περὶ Ποτείδαιαν γεγενημένων ἀδικημάτων οὐδὲν ἐγκαλεῖτε αὐτῷ ὡς ἀδικούμενοι, ἀλλὰ βεβαιοῦτε δικαίως αὐτὴν ἐκεῖνον καὶ λαβεῖν καὶ κεκτῆσθαι.
왜냐하면 그는 여러분에게서 이 점을 선점하여 조약 속에 합의로 확립하고자 하기 때문인데, 즉 포티다이아를 둘러싸고 일어난 불법 행위들에 대해 여러분이 피해자로서 그를 전혀 기소하지 않으며, 그가 그곳을 점령하고 소유한 것이 정당함을 확인한다는 합의를 세우려는 것입니다.