§1οὐχὶ ταὐτὰ παρίσταταί μοι γιγνώσκειν, ὦ ἄνδρες Ἀθηναῖοι, ὅταν τʼ εἰς τὰ πράγματʼ ἀποβλέψω καὶ ὅταν πρὸς τοὺς λόγους οὓς ἀκούω·
아테네의 시민 여러분, 제가 처한 사태를 바라볼 때와 귀에 들리는 연설들을 들을 때에 똑같은 생각이 들지는 않습니다.
τοὺς μὲν γὰρ λόγους περὶ τοῦ τιμωρήσασθαι Φίλιππον ὁρῶ γιγνομένους, τὰ δὲ πράγματʼ εἰς τοῦτο προήκοντα, ὥσθʼ ὅπως μὴ πεισόμεθʼ αὐτοὶ πρότερον κακῶς σκέψασθαι δέον.
연설들은 필리포스를 처벌하는 것에 대해 행해지고 있는 반면, 사태는 우리가 먼저 스스로 해를 입지 않도록 어떻게 대비해야 할지 고려해야만 하는 지경에 이르렀기 때문입니다.
οὐδὲν οὖν ἄλλο μοι δοκοῦσιν οἱ τὰ τοιαῦτα λέγοντες ἢ τὴν ὑπόθεσιν, περὶ ἧς βουλεύεσθε, οὐχὶ τὴν οὖσαν παριστάντες ὑμῖν ἁμαρτάνειν.
따라서 이러한 말을 하는 사람들은 여러분이 심의하고 있는 전제를 실제와는 다르게 제시함으로써 오류를 범하고 있다고밖에 생각되지 않습니다.
§2ἐγὼ δέ, ὅτι μέν ποτʼ ἐξῆν τῇ πόλει καὶ τὰ αὑτῆς ἔχειν ἀσφαλῶς καὶ Φίλιππον τιμωρήσασθαι, καὶ μάλʼ ἀκριβῶς οἶδα·
하지만 저는 한때 우리 국가가 스스로의 영토를 안전하게 지키면서 필리포스를 처벌하는 일도 가능했었다는 사실을 아주 정확하게 알고 있습니다.
ἐπʼ ἐμοῦ γάρ, οὐ πάλαι γέγονεν ταῦτʼ ἀμφότερα·
왜냐하면 제 생애에, 그리 오래되지 않은 과거에 이 두 가지가 모두 실현되었기 때문입니다.
νῦν μέντοι πέπεισμαι τοῦθʼ ἱκανὸν προλαβεῖν ἡμῖν εἶναι τὴν πρώτην, ὅπως τοὺς συμμάχους σώσομεν.
하지만 지금은 우선 동맹국들을 어떻게 구출할 것인가를 확보하는 것만으로도 충분하다고 저는 확신합니다.
ἐὰν γὰρ τοῦτο βεβαίως ὑπάρξῃ, τότε καὶ περὶ τοῦ τίνα τιμωρήσεταί τις καὶ ὃν τρόπον ἐξέσται σκοπεῖν·
이것이 확실하게 확보된다면, 그때에야 비로소 누구를 어떤 방식으로 처벌할 것인지 검토하는 것도 가능해질 것입니다.
πρὶν δὲ τὴν ἀρχὴν ὀρθῶς ὑποθέσθαι, μάταιον ἡγοῦμαι περὶ τῆς τελευτῆς ὁντινοῦν ποιεῖσθαι λόγον.
그러나 시초를 올바르게 설정하기도 전에 결말에 대해 어떠한 이야기를 나누는 것도 무익한 일이라고 저는 생각합니다.
§3ὁ μὲν οὖν παρὼν καιρός, εἴπερ ποτέ, πολλῆς φροντίδος καὶ βουλῆς δεῖται·
그러므로 현재의 위기는 그 어느 때보다도 지대한 고심과 심의를 필요로 합니다.
ἐγὼ δʼ οὐχ ὅ τι χρὴ περὶ τῶν παρόντων συμβουλεῦσαι χαλεπώτατον ἡγοῦμαι, ἀλλʼ ἐκεῖνʼ ἀπορῶ, τίνα χρὴ τρόπον, ὦ ἄνδρες Ἀθηναῖοι, πρὸς ὑμᾶς περὶ αὐτῶν εἰπεῖν.
그러나 저는 현재의 상황에 대해 무엇을 권고해야 하는지가 가장 어렵다고는 생각하지 않으며, 오히려 다음의 점에 고심하고 있습니다. 아테네의 시민 여러분, 어떤 방식으로 이 일들에 대해 여러분에게 이야기해야 할지 말입니다.
πέπεισμαι γὰρ ἐξ ὧν παρὼν καὶ ἀκούων σύνοιδα, τὰ πλείω τῶν πραγμάτων ἡμᾶς ἐκπεφευγέναι τῷ μὴ βούλεσθαι τὰ δέοντα ποιεῖν ἢ τῷ μὴ συνιέναι.
왜냐하면 제가 그 자리에 있으면서 듣고 알게 된 사실들로 미루어 볼 때, 우리가 사태의 대부분을 놓쳐버린 것은 나설 의지가 없었기 때문이지 이해하지 못해서가 아니라고 확신하기 때문입니다.
ἀξιῶ δʼ ὑμᾶς, ἂν μετὰ παρρησίας ποιῶμαι τοὺς λόγους, ὑπομένειν, τοῦτο θεωροῦντας, εἰ τἀληθῆ λέγω, καὶ διὰ τοῦτο, ἵνα τὰ λοιπὰ βελτίω γένηται·
그리고 저는 제가 솔직하게 말하더라도, 제가 진실을 말하는지 여부를 고려하시고, 남은 일들이 더 나아지도록 한다는 목적을 위해 이를 견뎌주실 것을 요구합니다.
ὁρᾶτε γὰρ ὡς ἐκ τοῦ πρὸς χάριν δημηγορεῖν ἐνίους εἰς πᾶν προελήλυθε μοχθηρίας τὰ παρόντα.
일부 사람들이 귀에 즐거운 연설을 한 결과, 현재의 사태가 얼마나 극심한 곤경에 처하게 되었는지 여러분도 보고 계시기 때문입니다.
§4ἀναγκαῖον δʼ ὑπολαμβάνω μικρὰ τῶν γεγενημένων πρῶτον ὑμᾶς ὑπομνῆσαι.
그리고 저는 먼저 과거의 일들 중 소소한 것들을 여러분에게 상기시키는 것이 필요하다고 생각합니다.
μέμνησθʼ, ὦ ἄνδρες Ἀθηναῖοι, ὅτʼ ἀπηγγέλθη Φίλιππος ὑμῖν ἐν Θρᾴκῃ τρίτον ἢ τέταρτον ἔτος τουτὶ Ἡραῖον τεῖχος πολιορκῶν.
아테네의 시민 여러분, 지금으로부터 3, 4년 전 필리포스가 트라키아에서 헤라이온 성벽을 포위하고 있다는 보고가 여러분에게 전해졌을 때를 기억해 보십시오.
τότε τοίνυν μὴν μὲν ἦν μαιμακτηριών·
그때는 마이막테리온월이었습니다.
πολλῶν δὲ λόγων καὶ θορύβου γιγνομένου παρʼ ὑμῖν ἐψηφίσασθε τετταράκοντα τριήρεις καθέλκειν καὶ τοὺς μέχρι πέντε καὶ τετταράκοντʼ ἐτῶν αὐτοὺς ἐμβαίνειν καὶ τάλανθʼ ἑξήκοντʼ εἰσφέρειν.
여러분 사이에 많은 토론과 소동이 일어난 끝에, 여러분은 40척의 삼단노선을 진수하고 45세 이하의 사람들이 직접 승선하며 60달란트를 징수하기로 의결했습니다.
§5καὶ μετὰ ταῦτα διελθόντος τοῦ ἐνιαυτοῦ τούτου ἑκατομβαιών, μεταγειτνιών, βοηδρομιών·
그리고 그 후 그 해가 지나고 헤카톰바이온월, 메타게이트니온월, 보드로미온월이 되었습니다.
τούτου τοῦ μηνὸς μόγις μετὰ τὰ μυστήρια δέκα ναῦς ἀπεστείλατʼ ἔχοντα κενὰς Χαρίδημον καὶ πέντε τάλαντʼ ἀργυρίου.
이 달에, 신비 의식이 끝난 직후에야 간신히 여러분은 하리데모스가 이끄는 10척의 빈 배와 은 5달란트를 파견했습니다.
ὡς γὰρ ἠγγέλθη Φίλιππος ἀσθενῶν ἢ τεθνεώς (ἦλθε γὰρ ἀμφότερα), οὐκέτι καιρὸν οὐδένα τοῦ βοηθεῖν νομίσαντες ἀφεῖτʼ, ὦ ἄνδρες Ἀθηναῖοι, τὸν ἀπόστολον.
왜냐하면 필리포스가 병들었거나 죽었다는 보고가 전해졌기에 (두 가지 소문이 모두 돌았기 때문입니다), 구원할 기회가 더 이상 없다고 생각하여 아테네의 시민 여러분, 여러분은 파병을 철회했기 때문입니다.
ἦν δʼ οὗτος ὁ καιρὸς αὐτός·
하지만 바로 이때가 진짜 기회였습니다.
εἰ γὰρ τότʼ ἐκεῖσʼ ἐβοηθήσαμεν, ὥσπερ ἐψηφισάμεθα, προθύμως, οὐκ ἂν ἠνώχλει νῦν ἡμῖν ὁ Φίλιππος σωθείς.
만약 우리가 그때 그곳에 의결한 대로 열성적으로 구원하러 갔더라면, 살아남은 필리포스가 지금 우리를 괴롭히는 일은 없었을 것입니다.
§6τὰ μὲν δὴ τότε πραχθέντʼ οὐκ ἂν ἄλλως ἔχοι·
그때 행해진 일들은 이제 어쩔 수 없습니다.
νῦν δʼ ἑτέρου πολέμου καιρὸς ἥκει τις, διʼ ὃν καὶ περὶ τούτων ἐμνήσθην, ἵνα μὴ ταὐτὰ πάθητε.
하지만 지금 또 다른 전쟁의 기회가 왔으며, 제가 이 일들을 상기시킨 것도 바로 여러분이 똑같은 일을 겪지 않도록 하기 위함입니다.
τί δὴ χρησόμεθʼ, ὦ ἄνδρες Ἀθηναῖοι, τούτῳ;
아테네의 시민 여러분, 우리는 이를 어떻게 이용해야 하겠습니까?
εἰ γὰρ μὴ βοηθήσετε παντὶ σθένει κατὰ τὸ δυνατόν, θεάσασθʼ ὃν τρόπον ὑμεῖς ἐστρατηγηκότες πάντʼ ἔσεσθʼ ὑπὲρ Φιλίππου.
만약 여러분이 가능한 한 온 힘을 다해 도우려 하지 않는다면, 여러분이 장군으로서 해온 모든 일들이 어떻게 필리포스를 이롭게 하는 결과가 될지 똑똑히 보십시오.
§7ὑπῆρχον Ὀλύνθιοι δύναμίν τινα κεκτημένοι, καὶ διέκειθʼ οὕτω τὰ πράγματα·
올린토스인들이 일정한 세력을 유지하며 존재하고 있었고, 정세는 이러했습니다.
οὔτε Φίλιππος ἐθάρρει τούτους οὔθʼ οὗτοι Φίλιππον.
필리포스도 그들을 만만하게 보지 못했고, 그들 역시 필리포스를 믿지 않았습니다.
ἐπράξαμεν ἡμεῖς κἀκεῖνοι πρὸς ἡμᾶς εἰρήνην·
우리와 그들 사이에 평화 조약이 맺어졌습니다.
ἦν τοῦθʼ ὥσπερ ἐμπόδισμά τι τῷ Φιλίππῳ καὶ δυσχερές, πόλιν μεγάλην ἐφορμεῖν τοῖς ἑαυτοῦ καιροῖς διηλλαγμένην πρὸς ἡμᾶς.
이것은 필리포스에게 일종의 장애물이자 골칫거리였는데, 우리와 화해한 대도시가 그의 기회를 노리며 감시하고 있었기 때문입니다.
ἐκπολεμῶσαι δεῖν ᾠόμεθα τοὺς ἀνθρώπους ἐκ παντὸς τρόπου, καὶ ὃ πάντες ἐθρύλουν, πέπρακται νυνὶ τοῦθʼ ὁπωσδήποτε.
우리는 무슨 수를 써서라도 이들을 전쟁에 끌어들여야 한다고 생각했는데, 모두가 입을 모아 말하던 그 일이 이제 어떤 방식으로든 실현되었습니다.