§2#2πρὸ πολλοῦ δ’ ἂν ἐποιησάμην ἐπιστεῖλαί σοι ταῦτα πρὸ τῆς στρατείας, ἵν’ εἰ μὲν ἐπείσθης, μὴ τηλικούτῳ κινδύνῳ περιέπεσες, εἰ δ’ ἠπίστησας, μὴ συμβουλεύειν ἐδόκουν ταὐτὰ τοῖς ἤδη διὰ τὸ πάθος ὑπὸ πάντων ἐγνωσμένοις, ἀλλὰ τὸ συμβεβηκὸς ἐμαρτύρει τοὺς λόγους ὀρθῶς ἔχειν τοὺς ὑπ’ ἐμοῦ περὶ αὐτῶν εἰρημένους.
나는 이 원정 전에 당신에게 이 일들을 편지로 써서 보냈기를 간절히 바랐습니다. 그랬다면 만일 당신이 내 말을 따랐다면 그토록 큰 위험에 빠지지 않았을 것이고, 만일 믿지 않았다 하더라도, 내가 재난 때문에 이제는 모든 이들에게 알려진 것과 똑같은 것을 조언하는 것처럼 보이지 않고, 오히려 일어난 일 자체가 그것들에 대해 내가 한 말이 옳았음을 증명해 주었을 것이기 때문입니다.
πολλὰ δ’ ἔχων εἰπεῖν διὰ τὴν τοῦ πράγματος φύσιν παύσομαι λέγων·
이 사안의 성격상 할 말이 많이 있지만, 나는 말을 멈추겠습니다.
οἶμαι γὰρ καὶ σὲ καὶ τῶν ἑταίρων τοὺς σπουδαιοτάτους ῥᾳδίως ὁπόσ’ ἂν βούλησθε προσθήσειν τοῖς εἰρημένοις.
당신이나 당신의 동료들 중 가장 훌륭한 이들이라면 이미 말한 것에 자신들이 원하는 만큼 쉽게 내용을 덧붙일 수 있으리라 생각하기 때문입니다.
πρὸς δὲ τούτοις φοβοῦμαι τὴν ἀκαιρίαν·
게다가 나는 때를 얻지 못하는 것을 두려워합니다.
καὶ γὰρ νῦν κατὰ μικρὸν προϊὼν ἔλαθον ἐμαυτὸν οὐκ εἰς ἐπιστολῆς συμμετρίαν ἀλλ’ εἰς λόγου μῆκος ἐξοκείλας.
지금도 조금씩 써 가다가 나도 모르는 사이에 편지의 적절한 분량을 넘어 연설의 길이로 흘러가 버렸기 때문입니다.
οὐ μὴν ἀλλὰ καίπερ τούτων οὕτως ἐχόντων οὐ παραλειπτέον ἐστὶ τὰ περὶ τῆς πόλεως, ἀλλὰ πειρατέον παρακαλέσαι σε πρὸς τὴν οἰκειότητα καὶ τὴν χρῆσιν αὐτῆς.
그렇지만 이러한 사정이 그러하다 하더라도, 우리 국가에 관한 일을 생략해서는 안 되며, 당신에게 우리 국가와의 친교와 협력을 촉구하도록 노력해야 합니다.
οἶμαι γὰρ πολλοὺς εἶναι τοὺς ἀπαγγέλλοντας καὶ λέγοντας οὐ μόνον τὰ δυσχερέστατα τῶν περὶ σοῦ παρ’ ἡμῖν εἰρημένων, ἀλλὰ καὶ παρ’ αὑτῶν προστιθέντας·
우리 가운데서 당신에 대해 이야기된 가장 불쾌한 일들을 전달하고 말할 뿐만 아니라, 스스로 꾸며낸 이야기까지 덧붙이는 자들이 많을 것이라 생각하기 때문입니다.
οἷς οὐκ εἰκὸς προσέχειν τὸν νοῦν.
그들에게 마음을 쓰는 것은 타당하지 않습니다.
καὶ γὰρ ἂν ἄτοπον ποιοίης, εἰ τὸν μὲν δῆμον τὸν ἡμέτερον ψέγοις ὅτι ῥᾳδίως πείθεται τοῖς διαβάλλουσιν, αὐτὸς δὲ φαίνοιο πιστεύων τοῖς τὴν τέχνην ταύτην ἔχουσι, καὶ μὴ γιγνώσκοις ὡς ὅσῳπερ ἂν τὴν πόλιν εὐαγωγοτέραν ὑπὸ τῶν τυχόντων οὖσαν ἀποφαίνωσι, τοσούτῳ μᾶλλόν σοι συμφερόντως ἔχουσαν αὐτὴν ἐπιδεικνύουσιν.
왜냐하면 당신이 우리 민중에 대해 "비방하는 자들에게 쉽게 설득당한다"고 비난하면서, 정작 당신 자신은 그러한 기술을 가진 자들을 믿는 것처럼 보이고, 그들이 우리 국가를 "아무에게나 쉽게 유도된다"고 보여주면 보여줄수록 그만큼 더 우리 국가가 당신에게 유리한 상태에 있음을 보여주는 것임을 깨닫지 못한다면, 그것은 이상한 행동이 될 것이기 때문입니다.
εἰ γὰρ οἱ μηδὲν ἀγαθὸν οἷοί τ’ ὄντες ποιῆσαι διαπράττονται τοῖς λόγοις ὅ τι ἂν βουληθῶσιν, ἦ που σέ γε προσήκει τὸν πλεῖστ’ ἂν ἔργῳ δυνάμενον εὐεργετῆσαι μηδενὸς ἀποτυχεῖν παρ’ ἡμῶν.
아무런 선한 일도 할 수 없는 자들이 말로써 원하는 바를 다 이룬다면, 진정 행동으로 가장 큰 은혜를 베풀 수 있는 당신이야말로 우리에게서 아무것도 얻지 못하는 일이 있어서는 안 마땅하기 때문입니다.
ἡγοῦμαι δὲ δεῖν πρὸς μὲν τοὺς πικρῶς τῆς πόλεως ἡμῶν κατηγοροῦντας ἐκείνους ἀντιτάττεσθαι τοὺς πάντα τἀναντί’ εἶναι λέγοντας καὶ τοὺς μήτε μεῖζον μήτ’ ἔλαττον αὐτὴν ἠδικηκέναι φάσκοντας·
나는 우리 국가를 가혹하게 고발하는 자들에 맞서서는, 완전히 정반대의 말을 하며 우리 국가가 크든 작든 아무런 잘못도 저지르지 않았다고 주장하는 자들을 내세워야 한다고 생각합니다.
ἐγὼ δ’ οὐδὲν ἂν εἴποιμι τοιοῦτον·
하지만 나는 결코 그런 말을 하지 않을 것입니다.
αἰσχυνθείην γὰρ ἄν, εἰ τῶν ἄλλων μηδὲ τοὺς θεοὺς ἀναμαρτήτους εἶναι νομιζόντων αὐτὸς τολμῴην λέγειν, ὡς οὐδὲν πώποθ’ ἡ πόλις ἡμῶν πεπλημμέληκεν.
다른 이들이 신들조차도 무오하다고 생각하지 않는데, 나 자신이 감히 우리 국가가 지금까지 한 번도 잘못을 저지른 적이 없다고 말한다면 부끄러움을 느낄 것이기 때문입니다.
οὐ μὴν ἀλλ’ ἐκεῖν’ ἔχω περὶ αὐτῆς εἰπεῖν, ὅτι χρησιμωτέραν οὐκ ἂν εὕροις ταύτης οὔτε τοῖς Ἕλλησιν οὔτε τοῖς σοῖς πράγμασιν·
그렇지만 나는 우리 국가에 대해 다음과 같이 말할 수 있습니다. 즉, 그리스인들에게나 당신의 일들에나 우리 국가보다 더 유용한 국가를 당신은 찾을 수 없을 것이라는 점입니다.
ᾧ μάλιστα προσεκτέον τὸν νοῦν ἐστίν.
이것이야말로 가장 주의를 기울여야 할 점입니다.
οὐ γὰρ μόνον συναγωνιζομένη γίγνοιτ’ ἂν αἰτία σοι πολλῶν ἀγαθῶν, ἀλλὰ καὶ φιλικῶς ἔχειν δοκοῦσα μόνον·
우리 국가는 함께 싸워줌으로써 당신에게 많은 선한 것들의 원인이 될 뿐만 아니라, 단지 우호적으로 보이기만 해도 유익하기 때문입니다.
τούς τε γὰρ ὑπὸ σοὶ νῦν ὄντας ῥᾷον ἂν κατέχοις, εἰ μηδεμίαν ἔχοιεν ἀποστροφήν, τῶν τε βαρβάρων οὓς βουληθείης θᾶττον ἂν καταστρέψαιο.
그렇게 되면 현재 당신의 지배 하에 있는 자들이 피난처를 갖지 못하므로 당신은 그들을 더 쉽게 통제할 수 있을 것이고, 당신이 원하는 야만인들을 더 신속하게 굴복시킬 수 있을 것이기 때문입니다.
καίτοι πῶς οὐ χρὴ προθύμως ὀρέγεσθαι τῆς τοιαύτης εὐνοίας, δι’ ἣν οὐ μόνον τὴν ὑπάρχουσαν ἀρχὴν ἀσφαλῶς καθέξεις, ἀλλὰ καὶ πολλὴν ἑτέραν ἀκινδύνως προσκτήσει;
그렇다면 이미 가지고 있는 지배권을 안전하게 유지할 뿐만 아니라, 다른 많은 영역을 위험 없이 획득하게 해 줄 그러한 호의를 어찌 열렬히 갈구하지 않을 수 있겠습니까?
θαυμάζω δ’ ὅσοι τῶν τὰς δυνάμεις ἐχόντων τὰ μὲν τῶν ξενιτευομένων στρατόπεδα μισθοῦνται καὶ χρήματα πολλὰ δαπανῶσι, συνειδότες ὅτι πλείους ἠδίκηκε τῶν πιστευσάντων αὐτοῖς ἢ σέσωκε, τὴν δὲ πόλιν τὴν τηλικαύτην δύναμιν κεκτημένην μὴ πειρῶνται θεραπεύειν, ἣ καὶ μίαν ἑκάστην τῶν πόλεων καὶ σύμπασαν τὴν Ἑλλάδα πολλάκις ἤδη σέσωκεν.
그러나 권력을 가진 자들 중에서, 용병 군대를 고용하고 많은 돈을 지출하면서도, 그들이 자신들을 신뢰한 자들을 구하기보다 더 많이 해쳤다는 사실을 잘 알면서도, 이토록 큰 힘을 가졌으며 개개의 도시들과 그리스 전체를 이미 여러 번 구한 우리 국가를 환대하려 노력하지 않는 이들이 있다는 사실에 나는 놀라지 않을 수 없습니다.
ἐνθυμοῦ δ’ ὅτι πολλοῖς καλῶς βεβουλεῦσθαι δοκεῖς ὅτι δικαίως κέχρησαι Θετταλοῖς καὶ συμφερόντως ἐκείνοις, ἀνδράσιν οὐκ εὐμεταχειρίστοις, ἀλλὰ μεγαλοψύχοις καὶ στάσεως μεστοῖς.
당신이 테살리아인들, 즉 다루기 쉽지 않고 자존심이 세며 내분으로 가득 찬 사람들을 공정하고 그들에게 유익하게 대함으로써, 많은 이들에게 현명하게 처신했다는 평가를 받고 있음을 명심하십시오.
χρὴ τοίνυν καὶ περὶ ἡμᾶς πειρᾶσθαι γίγνεσθαί σε τοιοῦτον, ἐπιστάμενον ὅτι τὴν μὲν χώραν Θετταλοί, τὴν δὲ δύναμιν ἡμεῖς ὅμορόν σοι τυγχάνομεν ἔχοντες, ἣν ἐκ παντὸς τρόπου ζήτει προσαγαγέσθαι.
그러므로 테살리아인은 영토에서, 우리는 힘에서 당신의 이웃이 되고 있음을 알고, 우리에 대해서도 이와 같은 태도를 취하도록 노력해야 합니다. 그 힘을 모든 방법을 동원하여 당신 편으로 끌어들이도록 힘쓰십시오.
πολὺ γὰρ κάλλιόν ἐστι τὰς εὐνοίας τὰς τῶν πόλεων αἱρεῖν ἢ τὰ τείχη.
국가들의 호의를 얻는 것이 성벽을 빼앗는 것보다 훨씬 더 아름답기 때문입니다.
τὰ μὲν γὰρ τοιαῦτα τῶν ἔργων οὐ μόνον ἔχει φθόνον, ἀλλὰ καὶ τῶν τοιούτων τὴν αἰτίαν τοῖς στρατοπέδοις ἀνατιθέασιν·
성벽을 빼앗는 것과 같은 행위는 시기를 불러일으킬 뿐만 아니라, 그러한 일의 책임을 군대에게 돌리게 만듭니다.
ἢν δὲ τὰς οἰκειότητας καὶ τὰς εὐνοίας κτήσασθαι δυνηθῇς, ἅπαντες τὴν σὴν διάνοιαν ἐπαινέσονται.
그러나 만일 당신이 친교와 호의를 얻을 수 있다면, 모든 이들이 당신의 뜻을 칭찬할 것입니다.
δικαίως δ’ ἄν μοι πιστεύοις οἷς εἴρηκα περὶ τῆς πόλεως·
우리 국가에 대해 내가 한 말을 당신이 신뢰하는 것은 정당합니다.
φανήσομαι γὰρ οὔτε κολακεύειν αὐτὴν ἐν τοῖς λόγοις εἰθισμένος, ἀλλὰ πλεῖστα πάντων ἐπιτετιμηκώς, οὔτ’ εὖ παρὰ τοῖς πολλοῖς καὶ τοῖς εἰκῇ δοκιμάζουσι φερόμενος, ἀλλ’ ἀγνοούμενος ὑπ’ αὐτῶν καὶ φθονούμενος ὥσπερ σύ.
왜냐하면 나는 말로써 국가를 아첨하는 데 익숙하지 않고 오히려 누구보다도 가장 많이 비판해 왔음이 드러날 것이며, 대중이나 경솔하게 판단하는 이들 사이에서 평판이 좋은 것도 아니고, 오히려 당신과 마찬가지로 그들에게 오해를 받고 시기를 사고 있기 때문입니다.
πλὴν τοσοῦτον διαφέρομεν, ὅτι πρὸς σὲ μὲν διὰ τὴν δύναμιν καὶ τὴν εὐδαιμονίαν οὕτως ἔχουσι, πρὸς δ’ ἐμέ, διότι προσποιοῦμαι τὸ βέλτιον αὐτῶν φρονεῖν καὶ πλείους ὁρῶσιν ἐμοὶ διαλέγεσθαι βουλομένους ἢ σφίσιν αὐτοῖς.
다만 우리에게는 이만큼의 차이가 있습니다. 즉, 그들이 당신에게는 힘과 번영 때문에 그러한 태도를 취하는 반면, 나에게는 내가 그들보다 더 나은 생각을 지니고 있다고 처신하고, 또한 자신들보다 나와 대화하기를 바라는 사람들이 더 많은 것을 그들이 보기 때문입니다.
ἠβουλόμην δ’ ἂν ἡμῖν ὁμοίως ῥᾴδιον εἶναι τὴν δόξαν ἣν ἔχομεν παρ’ αὐτοῖς διαφεύγειν.
우리 둘 모두에게 그들 사이에서 우리가 얻고 있는 평판을 피하는 것이 똑같이 쉬웠기를 바랐을 것입니다.
νῦν δὲ σὺ μὲν οὐ χαλεπῶς, ἢν βουληθῇς, αὐτὴν διαλύσεις, ἐμοὶ δ’ ἀνάγκη καὶ διὰ τὸ γῆρας καὶ δι’ ἄλλα πολλὰ στέργειν τοῖς παροῦσιν.
그러나 현실은 당신의 경우 원하기만 하면 그것을 털어버리는 것이 어렵지 않겠지만, 나의 경우에는 노령과 다른 많은 이유들 때문에 현재 상태에 감수할 수밖에 없습니다.
οὐκ οἶδ’ ὅ τι δεῖ πλείω λέγειν πλὴν τοσοῦτον, ὅτι καλόν ἐστι τὴν βασιλείαν καὶ τὴν εὐδαιμονίαν τὴν ὑπάρχουσαν ὑμῖν παρακαταθέσθαι τῇ τῶν Ἑλλήνων εὐνοίᾳ.
내가 무엇을 더 말해야 할지 모르겠습니다만, 다만 이 한 가지만은 말해두겠습니다. 당신들에게 현재 있는 왕권과 번영을 그리스인들의 호의에 맡겨두는 것은 아름다운 일입니다.