§17ὅτι μὲν οὖν ἡδίων ἐστὶ καὶ πραοτέρα καὶ δικαιοτέρα, διὰ πλειόνων μὲν ἄν τις ἀποδείξειεν, οὐ μὴν ἀλλὰ καὶ διὰ τούτων συνιδεῖν ῥᾴδιόν ἐστι·
그러므로 그것이 더 즐겁고 더 온화하며 더 정의롭다는 것은 더 많은 논거를 통해 증명할 수도 있겠지만, 그럼에도 불구하고 이것들을 통해서도 쉽게 이해할 수 있다.
περὶ δὲ τῶν λοιπῶν, ὅσον αἱ μοναρχίαι πρὸς τὸ βουλεύεσθαι καὶ πρᾶξαί τι τῶν δεόντων διαφέρουσιν, οὕτως ἂν κάλλιστα θεωρήσαιμεν, εἰ τὰς μεγίστας τῶν πράξεων παρʼ ἀλλήλας τιθέντες ἐξετάζειν ἐπιχειρήσαιμεν αὐτάς.
한편 나머지 점, 즉 군주제가 숙의하고 필요한 일을 실행하는 데 있어 얼마나 뛰어난가에 대해서는, 우리가 가장 중대한 행위들을 서로 나란히 놓고 검토하기를 시도한다면, 다음과 같이 가장 훌륭하게 고찰할 수 있을 것이다.
οἱ μὲν τοίνυν κατʼ ἐνιαυτὸν εἰς τὰς ἀρχὰς εἰσιόντες πρότερον ἰδιῶται γίγνονται, πρὶν αἰσθέσθαι τι τῶν τῆς πόλεως καὶ λαβεῖν ἐμπειρίαν αὐτῶν·
자, 한편으로 매년 관직에 들어가는 이들은 국가의 일들을 무언가 알아차리고 그것들의 경험을 얻기도 전에 다시 평민이 되어 버린다.
§18οἱ δʼ ἀεὶ τοῖς αὐτοῖς ἐπιστατοῦντες, ἢν καὶ τὴν φύσιν καταδεεστέραν ἔχωσιν, ἀλλʼ οὖν ταῖς γʼ ἐμπειρίαις πολὺ τῶν ἄλλων προέχουσιν.
다른 한편으로 항상 같은 일을 감독하는 이들은 비록 타고난 능력이 다소 부족하더라도, 적어도 경험에 있어서는 다른 이들을 훨씬 능가한다.
ἔπειθʼ οἱ μὲν πολλῶν καταμελοῦσιν εἰς ἀλλήλους ἀποβλέποντες, οἱ δʼ οὐδενὸς ὀλιγωροῦσιν, εἰδότες ὅτι πάντα δεῖ διʼ αὑτῶν γίγνεσθαι.
나아가 전자는 서로 눈치를 보며 많은 일을 소홀히 하지만, 후자는 모든 일이 자신을 통해 이루어져야 함을 알고 있기에 아무것도 소홀히 하지 않는다.
πρὸς δὲ τούτοις οἱ μὲν ἐν ταῖς ὀλιγαρχίαις καὶ ταῖς δημοκρατίαις διὰ τὰς πρὸς σφᾶς αὐτοὺς φιλοτιμίας λυμαίνονται τοῖς κοινοῖς· οἱ δʼ ἐν ταῖς μοναρχίαις ὄντες, οὐκ ἔχοντες ὅτῳ φθονήσουσι, πάντων, ὡς οἷόν τʼ ἐστί, βέλτιστα πράττουσιν.
이에 더하여 과두제와 민주제에 있는 이들은 서로 간의 경쟁심 때문에 공공의 이익을 해치지만, 군주제에 있는 이들은 시기할 상대를 두지 않기에 가능한 한 가장 최선의 방식으로 모든 일을 해낸다.
§19ἔπειθʼ οἱ μὲν ὑστερίζουσι τῶν πραγμάτων·
나아가 전자는 일에 있어서 때를 놓친다.
τὸν μὲν γὰρ πλεῖστον χρόνον ἐπὶ τοῖς ἰδίοις διατρίβουσιν, ἐπειδὰν δʼ εἰς τὰ συνέδρια συνέλθωσιν, πλεονάκις ἄν τις αὐτοὺς εὕροι διαφερομένους ἢ κοινῇ βουλευομένους·
그들은 대부분의 시간을 사적인 일로 보내며, 평의회에 모였을 때도 공동으로 숙의하기보다 의견이 갈리는 것을 더 자주 발견할 수 있기 때문이다.
οἱ δʼ οὔτε συνεδρίων οὔτε χρόνων αὐτοῖς ἀποδεδειγμένων, ἀλλὰ καὶ τὰς ἡμέρας καὶ τὰς νύκτας ἐπὶ ταῖς πράξεσιν ὄντες οὐκ ἀπολείπονται τῶν καιρῶν, ἀλλʼ ἕκαστον ἐν τῷ δέοντι πράττουσιν.
반면에 후자는 평의회도 정해진 시간도 그들을 위해 마련되어 있지 않지만, 낮과 밤을 가리지 않고 실무에 임하고 있으므로 기회를 놓치지 않고 각각의 일을 제때에 해낸다.
§20ἔτι δʼ οἱ μὲν δυσμενῶς ἔχουσι, καὶ βούλοιντʼ ἂν καὶ τοὺς πρὸ αὑτῶν ἄρχοντας καὶ τοὺς ἐφʼ αὑτοῖς ὡς κάκιστα διοικῆσαι τὴν πόλιν, ἵνʼ ὡς μεγίστην δόξαν αὐτοὶ λάβωσιν·
더욱이 전자는 적대감을 품고 있으며, 자신들 이전의 지배자들도 자신들 이후의 지배자들도 도시를 가장 나쁘게 다스리기를 바라는데, 이는 자신들이 가장 큰 명성을 얻기 위해서이다.
οἱ δὲ διὰ παντὸς τοῦ βίου κύριοι τῶν πραγμάτων ὄντες εἰς ἅπαντα τὸν χρόνον καὶ τὰς εὐνοίας ἔχουσιν.
반면에 후자는 평생 동안 국정의 주권자이기 때문에 모든 시간에 걸쳐 호의를 지닌다.
§21τὸ δὲ μέγιστον·
그리고 가장 큰 점은, 공공의 일에 대해 전자는 남의 일처럼, 후자는 자기 일처럼 마음을 쓴다는 것이다.
τοῖς γὰρ κοινοῖς οἱ μὲν ὡς ἀλλοτρίοις, οἱ δʼ ὡς ἰδίοις προσέχουσι τὸν νοῦν, καὶ συμβούλοις χρῶνται περὶ αὐτῶν οἱ μὲν τῶν ἀστῶν τοῖς τολμηροτάτοις, οἱ δʼ ἐξ ἁπάντων ἐκλεξάμενοι τοῖς φρονιμωτάτοις, καὶ τιμῶσιν οἱ μὲν τοὺς ἐν τοῖς ὄχλοις εἰπεῖν δυναμένους, οἱ δὲ τοὺς χρῆσθαι τοῖς πράγμασιν ἐπισταμένους.
또한 그것에 관한 조언자로 전자는 시민들 중 가장 대담한 이들을 부리는 반면, 후자는 모든 이들 중에서 골라낸 가장 현명한 이들을 부리며, 전자는 대중 속에서 연설할 수 있는 이들을 존중하는 반면, 후자는 실무를 처리할 줄 아는 이들을 존중한다.
§22οὐ μόνον δʼ ἐν τοῖς ἐγκυκλίοις καὶ τοῖς κατὰ τὴν ἡμέραν ἑκάστην γιγνομένοις αἱ μοναρχίαι διαφέρουσιν, ἀλλὰ καὶ τὰς ἐν τῷ πολέμῳ πλεονεξίας ἁπάσας περιειλήφασιν.
또한 군주제가 뛰어난 것은 매일 반복되는 일상과 하루하루 일어나는 일들에서뿐만 아니라, 전쟁에서의 모든 이점 역시 포함하고 있다.
καὶ γὰρ παρασκευάσασθαι δυνάμεις καὶ χρήσασθαι ταύταις, ὥστε καὶ λαθεῖν καὶ φθῆναι, καὶ τοὺς μὲν πεῖσαι, τοὺς δὲ βιάσασθαι, παρὰ δὲ τῶν ἐκπρίασθαι, τοὺς δὲ ταῖς ἄλλαις θεραπείαις προσαγαγέσθαι, μᾶλλον αἱ τυραννίδες τῶν ἄλλων πολιτειῶν οἷαί τʼ εἰσίν.
왜냐하면 군대를 준비하고 그것을 사용하여 은밀히 행동하거나 선수를 치는 일, 그리고 누군가를 설득하고 다른 이들을 강제하며, 어떤 이들에게서는 사들이고 다른 이들은 다양한 회유책으로 끌어들이는 일을, 독재가 다른 국제보다 훨씬 더 잘 수행할 수 있기 때문이다.
καὶ ταῦτʼ ἐκ τῶν ἔργων ἄν τις οὐχ ἧττον ἢ τῶν λόγων πιστεύσειεν.
그리고 이 일은 말 못지않게 실제 행동을 통해서도 믿을 수 있을 것이다.
§23τοῦτο μὲν γὰρ τὴν τῶν Περσῶν δύναμιν ἅπαντες ἴσμεν τηλικαύτην τὸ μέγεθος γεγενημένην οὐ διὰ τὴν τῶν ἀνδρῶν φρόνησιν, ἀλλʼ ὅτι μᾶλλον τῶν ἄλλων τὴν βασιλείαν τιμῶσι·
한편으로는 페르시아의 세력이 이토록 거대해진 것이 그 사람들의 지혜 때문이 아니라, 그들이 다른 이들보다 왕정을 더 존중하기 때문임을 우리 모두가 알고 있다.
τοῦτο δὲ Διονύσιον τὸν τύραννον, ὅτι παραλαβὼν τὴν μὲν ἄλλην Σικελίαν ἀνάστατον γεγενημένην, τὴν δʼ αὑτοῦ πατρίδα πολιορκουμένην, οὐ μόνον αὐτὴν τῶν παρόντων κινδύνων ἀπήλλαξεν, ἀλλὰ καὶ μεγίστην τῶν Ἑλληνίδων πόλεων ἐποίησεν·
다른 한편으로는 참주 디오뉘시오스가 다른 시켈리아 지역은 황폐해지고 자신의 조국은 포위된 상태에서 권력을 이어받았음에도, 조국을 현재의 위험에서 구했을 뿐만 아니라 그리스인들의 가장 거대한 도시로 만들었음을 알고 있다.
ἔτι δὲ Καρχηδονίους καὶ Λακεδαιμονίους,
나아가 카르타고인들과 라케다이몬인들의 경우도 그러하다.
§24τοὺς ἄριστα τῶν ἄλλων πολιτευομένους, οἴκοι μὲν ὀλιγαρχουμένους, παρὰ δὲ τὸν πόλεμον βασιλευομένους.
그들은 다른 이들보다 가장 훌륭하게 통치되고 있으며, 국내에서는 과두제를 취하지만 전쟁 중에는 왕정을 취한다.
ἔχοι δʼ ἄν τις ἐπιδεῖξαι καὶ τὴν πόλιν, τὴν μάλιστα τὰς τυραννίδας μισοῦσαν, ὅταν μὲν πολλοὺς ἐκπέμψῃ στρατηγούς, ἀτυχοῦσαν, ὅταν δὲ διʼ ἑνὸς ποιήσηται τοὺς κινδύνους, κατορθοῦσαν.
또한 독재를 가장 미워하는 저 도시조차도, 많은 장군들을 내보낼 때는 실패하고 한 사람을 통해 위험을 감수할 때는 성공을 거둔다는 것을 누구나 보여줄 수 있을 것이다.