§11τοὺς δὲ πολίτας ὑβρίζειν.
그리고 시민들을 폭압하는 것을 원하기 때문입니다.
ὧν οὗτος εἷς ὢν τυγχάνει.
피고는 이들 중 하나에 속합니다.
καὶ γὰρ εἰ τῶν τότε κατασταθέντων νεώτερός ἐστιν, ἀλλὰ τόν γε τρόπον ἔχει τὸν ἐξ ἐκείνης τῆς πολιτείας.
실제로 그가 당시 정권을 세웠던 자들보다 젊을지라도, 적어도 그는 저 체제에서 기인한 성품을 지니고 있습니다.
αὗται γὰρ αἱ φύσεις εἰσὶν αἱ παραδοῦσαι μὲν τὴν δύναμιν τὴν ἡμετέραν τοῖς πολεμίοις, κατασκάψασαι δὲ τὰ τείχη τῆς πατρίδος, πεντακοσίους δὲ καὶ χιλίους ἀκρίτους ἀποκτείνασαι τῶν πολιτῶν.
우리의 전력을 적들에게 넘겨주고, 조국의 장벽을 허물었으며, 시민들 중 천오백 명을 재판도 없이 죽인 자들이 바로 이러한 본성을 지닌 자들이기 때문입니다.
§12ὧν εἰκὸς ὑμᾶς μεμνημένους τιμωρεῖσθαι μὴ μόνον τοὺς τότε λυμηναμένους ἀλλὰ καὶ τοὺς νῦν βουλομένους οὕτω διαθεῖναι τὴν πόλιν, καὶ τοσούτῳ μᾶλλον τοὺς ἐπιδόξους γενήσεσθαι πονηροὺς τῶν πρότερον ἡμαρτηκότων, ὅσῳ περ κρεῖττόν ἐστι τῶν μελλόντων κακῶν ἀποτροπὴν εὑρεῖν ἢ τῶν ἤδη γεγενημένων δίκην λαβεῖν.
여러분은 이 일을 기억하여 당시 도시를 훼손했던 자들뿐만 아니라 지금 도시를 그렇게 대하고자 하는 자들도 처벌하는 것이 마땅하며, 과거에 잘못을 범한 자들보다 앞으로 사악해질 징조가 있는 자들을 그만큼 더 강하게 처벌해야 합니다. 이미 일어난 일에 대해 벌을 주는 것보다 앞으로 다가올 재앙을 막을 방도를 찾는 것이 훨씬 더 낫기 때문입니다.
§13καὶ μὴ περιμείνηθʼ ἕως ἂν ἀθροισθέντες καὶ καιρὸν λαβόντες εἰς ὅλην τὴν πόλιν ἐξαμάρτωσιν, ἀλλʼ ἐφʼ ἧς ἂν ὑμῖν προφάσεως παραδοθῶσιν, ἐπὶ ταύτης αὐτοὺς τιμωρεῖσθε, νομίζοντες εὕρημʼ ἔχειν, ὅταν τινὰ λάβητʼ ἐν μικροῖς πράγμασιν ἐπιδεδειγμένον ἅπασαν τὴν αὑτοῦ πονηρίαν.
그리고 그들이 무리를 짓고 기회를 잡아 도시 전체에 잘못을 범할 때까지 기다리지 말고, 어떤 빌미로든 그들이 여러분에게 인도되었을 때 바로 그때 그들을 처벌하십시오. 작은 일에서 자신의 사악함 전체를 드러낸 자를 붙잡았을 때는 뜻밖의 횡재를 했다고 여기십시오.
§14κράτιστον μὲν γὰρ ἦν, εἴ τι προσῆν ἄλλο σημεῖον τοῖς πονηροῖς τῶν ἀνθρώπων, πρὶν ἀδικηθῆναί τινα τῶν πολιτῶν, πρότερον κολάζειν αὐτούς·
만일 사악한 자들에게 다른 어떤 표식이 있어 시민이 해를 입기 전에 그들을 먼저 처벌할 수 있었다면 가장 좋았을 것입니다.
ἐπειδὴ δʼ οὐχ οἷόν τʼ ἐστὶν αἰσθέσθαι πρὶν κακῶς τινὰς παθεῖν ὑπʼ αὐτῶν, ἀλλʼ οὖν γʼ ἐπειδὰν γνωρισθῶσι, προσήκει πᾶσι μισεῖν τοὺς τοιούτους καὶ κοινοὺς ἐχθροὺς νομίζειν.
하지만 그들에게서 해를 입기 전에는 알아차릴 수 없는 이상, 적어도 그들의 실체가 드러났을 때에는 모든 사람이 그러한 자들을 미워하고 공동의 적으로 여겨야 마땅합니다.
§15ἐνθυμεῖσθε δʼ ὅτι τῶν μὲν περὶ τὰς οὐσίας κινδύνων οὐ μέτεστι τοῖς πένησι, τῆς δʼ εἰς τὰ σώματʼ αἰκίας ὁμοίως ἅπαντες κοινωνοῦμεν·
재산에 관한 위험에는 가난한 자들이 관여하지 않지만, 신체에 가해지는 폭행에는 우리 모두가 똑같이 노출되어 있음을 명심하십시오.
ὥσθʼ ὅταν μὲν τοὺς ἀποστεροῦντας τιμωρῆσθε, τοὺς πλουσίους μόνον ὠφελεῖτε, ὅταν δὲ τοὺς ὑβρίζοντας κολάζητε,
따라서 여러분이 재산을 빼앗는 자들을 처벌할 때는 부유한 자들만을 도울 뿐이지만, 폭행을 가하는 자들을 처벌할 때는 여러분 자신을 돕는 것입니다.
§16ὑμῖν αὐτοῖς βοηθεῖτε. ὧν ἕνεκα δεῖ περὶ πλείστου ποιεῖσθαι ταύτας τῶν δικῶν, καὶ περὶ μὲν τῶν ἄλλων συμβολαίων τοσούτου τιμᾶν, ὅσον προσήκει τῷ διώκοντι κομίσασθαι, περὶ δὲ τῆς ὕβρεως, ὅσον ἀποτείσας ὁ φεύγων παύσεσθαι μέλλει τῆς παρούσης ἀσελγείας.
이러한 이유로 이 소송들을 가장 중요하게 여겨야 하며, 다른 계약상의 다툼에 대해서는 원고가 받아내야 마땅한 만큼 배상액을 정하되, 폭행에 관해서는 피고가 그것을 지불함으로써 현재의 방종함을 그치게 될 만큼의 액수로 정해야 합니다.
§17ἂν οὖν περιαιρῆτε τὰς οὐσίας τῶν νεανιευομένων εἰς τοὺς πολίτας καὶ μηδεμίαν νομίζηθʼ ἱκανὴν εἶναι ζημίαν, οἵτινες ἂν εἰς τὰ σώματʼ ἐξαμαρτάνοντες τοῖς χρήμασι τὰς δίκας ὑπέχωσιν, ἅπανθʼ ὅσα δεῖ τοὺς καλῶς δικάζοντας διαπράξεσθε·
그러므로 만일 여러분이 시민들에게 횡포를 부리는 자들의 재산을 몰수하고, 신체에 잘못을 범하고서 돈으로 형벌을 치르려 하는 자들에게 그 어떤 벌금도 충분하지 않다고 여긴다면, 훌륭하게 재판하는 자들이 완수해야 할 모든 일을 해내는 셈이 될 것입니다.
§18καὶ γὰρ περὶ τοῦ παρόντος πράγματος ὀρθῶς γνώσεσθε καὶ τοὺς ἄλλους πολίτας κοσμιωτέρους ποιήσετε καὶ τὸν βίον τὸν ὑμέτερον αὐτῶν ἀσφαλέστερον καταστήσετε.
왜냐하면 현재 사건에 대해서도 올바르게 판결할 것이고, 다른 시민들을 더 규율 있게 만들 것이며, 여러분 자신의 삶을 더 안전하게 확립할 것이기 때문입니다.
ἔστι δὲ δικαστῶν νοῦν ἐχόντων περὶ τῶν ἀλλοτρίων τὰ δίκαια ψηφιζομένους ἅμα καὶ τὰ σφέτερʼ αὐτῶν εὖ τίθεσθαι.
타인의 일에 대해 정의로운 판결을 내리면서 동시에 자기 자신의 일을 잘 조율하는 것이 바로 사려 깊은 재판관의 태도입니다.
§19καὶ μηδεὶς ὑμῶν εἰς τοῦτʼ ἀποβλέψας, ὅτι πένης εἰμὶ καὶ τοῦ πλήθους εἷς, ἀξιούτω τοῦ τιμήματος ἀφαιρεῖν.
그리고 여러분 중 누구도 내가 가난하고 대중의 일원이라는 점에만 주목하여 배상액을 깎아야 한다고 생각해서는 안 됩니다.
οὐ γὰρ δίκαιον ἐλάττους ποιεῖσθαι τὰς τιμωρίας ὑπὲρ τῶν ἀδόξων ἢ τῶν διωνομασμένων, οὐδὲ χείρους ἡγεῖσθαι τοὺς πενομένους ἢ τοὺς πολλὰ κεκτημένους.
명성이 없는 이들을 위한 처벌을 이름난 자들을 위한 것보다 가볍게 만드는 것은 정의롭지 않으며, 가난한 자들을 많이 가진 자들보다 열등하다고 여기는 것도 옳지 않기 때문입니다.
ὑμᾶς γὰρ ἂν αὐτοὺς ἀτιμάζοιτʼ εἰ τοιαῦτα γιγνώσκοιτε περὶ τῶν πολλῶν.
만일 여러분이 대중에 대해 이와 같이 생각하신다면 여러분 스스로를 멸시하는 꼴이 될 것입니다.
ἔτι δὲ καὶ πάντων ἂν εἴη δεινότατον, §20εἰ δημοκρατουμένης τῆς πόλεως μὴ τῶν αὐτῶν ἅπαντες τυγχάνοιμεν, ἀλλὰ τῶν μὲν ἀρχῶν μετέχειν ἀξιοῖμεν, τῶν δʼ ἐν τοῖς νόμοις δικαίων ἀποστεροῖμεν ἡμᾶς αὐτούς, καὶ μαχόμενοι μὲν ἐθέλοιμεν ἀποθνῄσκειν ὑπὲρ τῆς πολιτείας, ἐν δὲ τῇ ψήφῳ πλέον νέμοιμεν τοῖς τὰς οὐσίας ἔχουσιν.
게다가 무엇보다 가장 끔찍한 일은, 도시가 민주정 하에 있음에도 우리 모두가 동등한 권리를 누리지 못하고, 관직에 참여하는 권리는 요구하면서 정작 법에 담긴 정의로운 권리는 스스로 박탈하며, 전투에서는 체제를 위해 기꺼이 죽고자하면서 정작 투표할 때는 재산을 소유한 자들에게 더 큰 비중을 두는 일일 것입니다.
§21οὐκ, ἄν γέ μοι πεισθῆθʼ, οὕτω διακείσεσθε πρὸς ὑμᾶς αὐτούς, οὐδὲ διδάξετε τοὺς νεωτέρους καταφρονεῖν τοῦ πλήθους τῶν πολιτῶν, οὐδὲ ἀλλοτρίους ἡγήσεσθʼ εἶναι τοὺς τοιούτους τῶν ἀγώνων, ἀλλʼ ὡς ὑπὲρ αὑτοῦ δικάζων, οὕτως ἕκαστος ὑμῶν οἴσει τὴν ψῆφον.
아닙니다, 만일 저의 말을 따르신다면 여러분은 스스로에 대해 이와 같은 심적 태도를 지니지 않을 것이며, 젊은이들에게 시민 대중을 멸시하도록 가르치지 않을 것이며, 이러한 재판들을 자신과 무관한 일이라 생각하지도 않고, 여러분 각자가 자기 자신을 위해 재판하는 것처럼 투표를 던질 것입니다.
ἅπαντας γὰρ ὁμοίως ἀδικοῦσιν οἱ τολμῶντες τοῦτον τὸν νόμον παραβαίνειν τὸν ὑπὲρ τῶν σωμάτων τῶν ὑμετέρων κείμενον.
여러분의 신체를 위해 마련된 이 법을 감히 위반하는 자들은 모든 사람에게 똑같이 피해를 주기 때문입니다.
§22ὥστʼ ἂν σωφρονῆτε, παρακαλέσαντες ἀλλήλους ἐνσημανεῖσθε Λοχίτῃ τὴν ὀργὴν τὴν ὑμετέραν αὐτῶν, εἰδότες ὅτι πάντες οἱ τοιοῦτοι τῶν μὲν νόμων τῶν κειμένων καταφρονοῦσι, τὰ δʼ ἐνθάδε γιγνωσκόμενα, ταῦτα νόμους εἶναι νομίζουσιν.
그러므로 만일 여러분이 현명하시다면, 서로를 격려하며 로키테스에게 여러분 자신의 분노를 똑똑히 표출하십시오. 이러한 부류의 자들은 모두 제정된 법은 무시하고 이곳에서 판결되는 것만을 법으로 여긴다는 점을 알고 계시기 때문입니다.
ἐγὼ μὲν οὖν ὡς οἷός τʼ ἦν εἴρηκα περὶ τοῦ πράγματος·
저는 이 사건에 대해 제가 할 수 있는 한 다 말했습니다.
εἰ δέ τις τῶν παρόντων ἔχει τί μοι συνειπεῖν, ἀναβὰς εἰς ὑμᾶς λεγέτω.
혹시 방청인 중에 저를 지지하여 발언해 줄 분이 있다면 단상에 올라와 여러분에게 말씀해 주십시오.