§3.1πολὺ δʼ ὁ Λούκουλλος προῆλθε τῷ πολέμῳ τόν τε Ταῦρον ὑπερβαλὼν στρατοπέδῳ Ῥωμαίων πρῶτος, καὶ τόν Τίγριν διαβάς καὶ τὰ βασίλεια τῆς Ἀσίας ἐν ὄψει τῶν βασιλέων, Τιγρανόκερτα καὶ Κάβειρα καὶ Σινώπην καὶ Νίσιβιν, ἑλὼν καὶ καταφλέξας,
그러나 루쿨루스는 전쟁에서 훨씬 더 멀리 나아갔으니, 로마 군대를 거느리고 최초로 타우루스 산맥을 넘어섰고, 티그리스 강을 건넜으며, 아시아의 왕궁들, 즉 티그라노케르타, 카베이라, 시노페, 니시비스를 왕들의 눈앞에서 함락하고 불태웠다.
§3.2καὶ τὰ μὲν βόρεια μέχρι Φάσιδος, τὰ δʼ ἑῷα μέχρι Μηδίας, τὰ δὲ πρὸς νότον καὶ τήν ἐρυθρὰν θάλασσαν οἰκειωσάμενος διὰ τῶν Ἀραβικῶν βασιλέων, συντρίψας δὲ τὰς δυνάμεις τῶν βασιλέων, ἀπολειφθεὶς δὲ μόνου τοῦ τὰ σώματα λαβεῖν, ὥσπερ θηρίων εἰς ἐρημίας καὶ ὕλας ἀστιβεῖς καὶ ἀβάτους ἀποδιδρασκόντων.
그리하여 북쪽으로는 파시스 강까지, 동쪽으로는 메디아까지, 남쪽으로는 아라비아의 왕들을 통해 홍해에 이르는 지역을 복속시켰고, 왕들의 군세를 분쇄하였으며, 다만 그들의 신병을 확보하는 것만을 남겨두었을 뿐이니, 이는 그들이 마치 사람이 밟지 않은 길 없는 숲과 황야로 달아나 숨어버리는 야수들과 같았기 때문이다.
§3.3τεκμήριον δὲ μέγα· Πέρσαι μὲν γὰρ ὡς οὐδὲν μέγα πεπονθότες ὑπὸ Κίμωνος εὐθὺς ἀντετάττοντο τοῖς Ἕλλησι, καὶ τήν γε πολλὴν δύναμιν αὐτῶν ἐν Αἰγύπτῳ κρατήσαντες διέφθειραν, Τιγράνου δὲ καὶ Μιθριδάτου μετὰ Λούκουλλον οὐδὲν ἄλλο ἔργον ἐγένετο, ἀλλʼ ὁ μὲν ἀσθενὴς ἤδη καὶ συγκεκομμένος ὑπὸ τῶν πρώτων ἀγώνων οὐδʼ ἅπαξ ἐτόλμησε δεῖξαι Πομπηΐῳ τήν δύναμιν ἔξω τοῦ χάρακος, ἀλλὰ φυγὼν εἰς Βόσπορον κατέβη κἀκεῖ κατέστρεψε,
이에 대한 큰 증거가 있으니, 페르시아인들은 키몬에게 아무런 큰 타격도 입지 않은 듯이 곧바로 그리스인들에게 대항하여 늘어섰고, 이집트에서 그들의 막강한 군세를 압도하여 전멸시켰으나, 루쿨루스 이후에 티그라네스와 미트리다테스는 아무런 일도 하지 못했기 때문이다. 도리어 후자는 이미 최초의 전투들로 인해 약화되고 부서져서, 폼페이우스에게 진영 밖으로 군세를 단 한 번도 감히 보여주지 못하고 보스포루스로 달아나 그곳에서 삶을 마감했다.
§3.4Τιγράνης δʼ αὐτὸς ἑαυτὸν γυμνὸν καὶ ἄνοπλον φέρων ὑπέρριψε Πομπηΐῳ, καὶ τὸ διάδημα τῆς κεφαλῆς ἀφελόμενος ἔθηκε πρὸ τῶν ποδῶν, οὐ τοῖς ἑαυτοῦ κολακεύων Πομπήϊον, ἀλλὰ τοῖς ὑπὸ Λουκούλλου τεθριαμβευμένοις.
한편 티그라네스는 무장도 하지 않고 맨몸으로 폼페이우스 앞에 자신을 던졌으며, 머리에서 왕관을 벗어 그의 발밑에 놓았으니, 이는 자신의 소유물로 폼페이우스에게 아부한 것이 아니라 이미 루쿨루스에 의해 개선식의 전리품이 된 것으로 아부한 것이었다.
ἠγάπησε γοῦν ἀπολαμβάνων τὰ σύμβολα τῆς βασιλείας ὡς ἀφῃρημένος πρότερον.
어쨌든 그는 이전에 빼앗겼던 왕권의 상징들을 돌려받는 것만으로도 감지덕지했다.
μείζων οὖν στρατηγὸς, ὥσπερ ἀθλητὴς, ὁ τῷ μεθʼ ἑαυτὸν ἀσθενέστερον παραδοὺς τόν ἀντίπαλον.
그러므로 후임자에게 더 약화된 상태로 적수를 넘겨주는 장군이, 마치 운동선수처럼 더 위대한 법이다.
§3.5ἔτι τοίνυν Κίμων μὲν συντετριμμένην τήν βασιλέως δύναμιν καὶ τὸ Περσῶν φρόνημα συνεσταλμένον ἥτταις μεγάλαις καὶ ἀπαύστοις φυγαῖς ὑπὸ Θεμιστοκλέους καὶ Παυσανίου καὶ Λεωτυχίδου καταλαβὼν ἐπενέβη καὶ ὑποπεπτωκότων καὶ προηττημένων ταῖς ψυχαῖς τὰ σώματα ῥᾳδίως ἐνίκησε, Λουκούλλῳ δὲ Τιγράνης ἀήττητος ἐκ πολλῶν ἀγώνων καὶ μέγα φρονῶν συνέπεσε.
게다가 키몬은 데미스토클레스, 파우사니아스, 레오티키데스에 의한 거듭된 대패와 끊임없는 패주로 이미 분쇄된 페르시아 왕의 군세와 꺾여버린 페르시아인들의 자부심을 넘겨받아 대적하였으니, 정신에 있어 이미 굴복하고 먼저 패배한 자들의 신체를 수월하게 이겼던 것이다. 반면에 루쿨루스에게는 수많은 전투를 거쳐 패한 적이 없고 기고만장한 티그라네스가 맞닥뜨렸다.
§3.6πλήθει δʼ οὐδʼ ἄξιον παραβαλεῖν τοῖς ἐπὶ Λούκουλλον συνελθοῦσι τοὺς ὑπὸ Κίμωνος κρατηθέντας.
또한 군세의 규모에 있어서는, 키몬에게 정복당한 자들을 루쿨루스에게 맞서 집결한 자들과 비교하는 것조차 가치가 없다.
ὥστε πάντῃ μεταλαμβάνοντι δυσδιαίτητον εἶναι τήν κρίσιν, ἐπεὶ καὶ τὸ δαιμόνιον ἀμφοτέροις ἔοικεν εὐμενὲς γενέσθαι, τῷ μὲν ἃ χρὴ κατορθοῦν, τῷ δʼ ἃ φυλάττεσθαι χρὴ προμηνῦον, ὥστε καὶ τὴν παρὰ τῶν θεῶν ψῆφον αὐτοῖς ὑπάρχειν ὡς ἀγαθοῖς καὶ θείοις τήν φύσιν ἀμφοτέροις.
그러므로 어느 면으로 보나 이 판결을 내리기는 매우 어려우니, 신적인 존재 역시 두 사람 모두에게 호의적이었던 것으로 보이기 때문이다. 즉, 한 사람에게는 완수해야 할 일을 성공시켰고, 다른 한 사람에게는 경계해야 할 일을 예고해 주었으니, 두 사람 모두 훌륭하고 천성적으로 신성한 인물로서 신들의 지지를 받고 있는 셈이다.