§6.6.1τοσαῦτα ἔθνη Ἑλλήνων καὶ βαρβάρων Σικελίαν ᾤκει,καὶ ἐπὶ τοσήνδε οὖσαν αὐτὴν οἱ Ἀθηναῖοι στρατεύειν ὥρμηντο, ἐφιέμενοι μὲν τῇ ἀληθεστάτῃ προφάσει τῆς πάσης ἄρξαι, βοηθεῖν δὲ ἅμα εὐπρεπῶς βουλόμενοι τοῖς ἑαυτῶν ξυγγενέσι καὶ τοῖς προσγεγενημένοις ξυμμάχοις.
이처럼 많은 그리스인과 이민족의 부족들이 시켈리아에 거주하고 있었으며, 이처럼 큰 나라인 시켈리아를 상대로 아테네인들은 원정을 계획하고 있었는데, 실제 의도로는 시켈리아 전역을 지배하기를 갈망하면서도, 동시에 자신들의 동족들과 새로 합류한 동맹국들을 원조하겠다는 그럴듯한 명분을 내세우고 있었다.
§6.6.2μάλιστα δ’ αὐτοὺς ἐξώρμησαν Ἐγεσταίων [τε] πρέσβεις παρόντες καὶ προθυμότερον ἐπικαλούμενοι.
그들을 가장 강하게 부추긴 것은 현장에 와서 더욱 열성적으로 도움을 요청한 에게스타인의 사절들이었다.
ὅμοροι γὰρ ὄντες τοῖς Σελινουντίοις ἐς πόλεμον καθέστασαν περί τε γαμικῶν τινῶν καὶ περὶ γῆς ἀμφισβητήτου, καὶ οἱ Σελινούντιοι Συρακοσίους ἐπαγόμενοι ξυμμάχους κατεῖργον αὐτοὺς τῷ πολέμῳ καὶ κατὰ γῆν καὶ κατὰ θάλασσαν·
왜냐하면 그들은 셀리누스인들과 이웃해 있었기에 어떤 혼인 문제와 분쟁 중인 토지를 둘러싸고 전쟁 상태에 빠져 있었고, 셀리누스인들은 쉬라쿠사이인들을 동맹국으로 끌어들여 육지와 바다 양면에서 전쟁으로 그들을 압박하고 있었기 때문이다.
ὥστε τὴν γενομένην ἐπὶ Λάχητος καὶ τοῦ προτέρου πολέμου Λεοντίνων οἱ Ἐγεσταῖοι ξυμμαχίαν ἀναμιμνῄσκοντες τοὺς Ἀθηναίους ἐδέοντο σφίσι ναῦς πέμψαντας ἐπαμῦναι, λέγοντες ἄλλα τε πολλὰ καὶ κεφάλαιον, εἰ Συρακόσιοι Λεοντίνους τε ἀναστήσαντες ἀτιμώρητοι γενήσονται καὶ τοὺς λοιποὺς ἔτι ξυμμάχους αὐτῶν διαφθείροντες αὐτοὶ τὴν ἅπασαν δύναμιν τῆς Σικελίας σχήσουσι, κίνδυνον εἶναι μή ποτε μεγάλῃ παρασκευῇ Δωριῆς τε Δωριεῦσι κατὰ τὸ ξυγγενὲς καὶ ἅμα ἄποικοι τοῖς ἐκπέμψασι Πελοποννησίοις βοηθήσαντες καὶ τὴν ἐκείνων δύναμιν ξυγκαθέλωσιν·
그리하여 에게스타인들은 라케스 시절과 이전의 레온티노이인 전쟁 당시에 맺어진 동맹을 아테네인들에게 상기시키며 배를 보내 구원해 줄 것을 간청했다. 그들은 다른 여러 가지 말과 함께 핵심적인 논점으로 다음과 같이 말하였다. 만약 쉬라쿠사이인들이 레온티노이인들을 내쫓고도 아무런 처벌을 받지 않고, 남아 있는 다른 동맹국들까지 마저 멸망시켜 자신들이 시켈리아의 전 권력을 장악하게 된다면, 언젠가 강력한 군비로 도리스인이 동족 관계에 따라 도리스인을 돕고, 동시에 식민 도시로서 자신들을 파견한 펠로폰네소스인들을 도와 아테네인의 권력까지 함께 무너뜨릴 위험이 있다는 것이었다.
σῶφρον δ’ εἶναι μετὰ τῶν ὑπολοίπων ἔτι ξυμμάχων ἀντέχειν τοῖς Συρακοσίοις, ἄλλως τε καὶ χρήματα σφῶν παρεξόντων ἐς τὸν πόλεμον ἱκανά.
따라서 아직 남아 있는 동맹국들과 함께 쉬라쿠사이인들에게 대항하는 것이 현명한 처사이며, 더욱이 자신들이 전쟁을 위해 충분한 자금을 제공할 것이라고 덧붙였다.
§6.6.3ὧν ἀκούοντες οἱ Ἀθηναῖοι ἐν ταῖς ἐκκλησίαις τῶν τε Ἐγεσταίων πολλάκις λεγόντων καὶ τῶν ξυναγορευόντων αὐτοῖς ἐψηφίσαντο πρέσβεις πέμψαι πρῶτον ἐς τὴν Ἔγεσταν περί τε τῶν χρημάτων σκεψομένους εἰ ὑπάρχει, ὥσπερ φασίν, ἐν τῷ κοινῷ καὶ ἐν τοῖς ἱεροῖς, καὶ τὰ τοῦ πολέμου ἅμα πρὸς τοὺς Σελινουντίους ἐν ὅτῳ ἐστὶν εἰσομένους.
민회에서 에게스타인들이 거듭 주장하고 그들을 대변하는 자들이 동조하여 말하는 것을 들은 아테네인들은, 우선 에게스타에 사절을 보내어 그들이 말하는 것처럼 자금이 공금과 신전들에 실제로 존재하는지 조사하고, 아울러 셀리누스인들을 상대로 한 전쟁이 어떤 상태에 있는지 파악하기로 의결했다.